شافني بتحليل ورفضني

[أنهار الورد]

حبيبتي لا تخوفين عمرج وتحاتين طول الوقت واللي خطبوج اكيد شافوج من قبل وعارفين انج قصيرة
وهالشئ مو عيب اهم شئ الاخلاق السنعه وبس وبعدين بنت عمي وصديقتي بنفس طولج بالضبط قصار حيل حيل وعندهم اطفال الحين
الله يوفقج يااارب وطمنينا شيصير معاج

 

[قطوه صفراء]

ماخطبووك الاواهم راضين ومعجبتهم

 

[يمة يادلبي]

ترا انتي نفس حالتي بس انا يمكن اطول منج بسانتييين او 3 بس تأكدي ان لو هالريال من نصيييبج ماكو اي سبب بالدنيا راح يوقف بطريجكككم والله يوفقج ان شالله

 

[قلبي سلومي]

الله يوفقج

الله يخلي الكعب

 

[noo7a]

رد: رد : شافني بتحليل ورفضني

اكيد اهله قايلين له من قبل عن طولج
وبعدين مو يمكن اهو اصلا طالب وحده تكون قصيره
او يمكن اهو اصلا قصير و يبي وحده ناعمه تناسبه


بس هم انا بكلمج من جانب ثاني يمكن يشوفج و يرفض طولج
تتوقعين هالشي مو بصالحج يقول الحين مابيها احسن من بعد ماتصير الملجه و ايي العرس ؟
خلج من كلام البنات لا تلبسين كعب ولا شي عجبه طولج حياه الله و ماعجبه الباب يوسع جمل وفي الف غيره


والله يوفقج حبوبه مع الي يستاهلج

 

[غنآآآتي]

رد : شافني بتحليل ورفضني

تؤكلي على الله يا قلبي ؤان شاء الله خير
ؤالجمال جمال الرؤح مؤ جمال الشكل فديت قلبج

 

[أم@الحلوين]

عبالي فيج شي @@
اكيد لمن خطبوج امه وخواته جافوج عدل وقالوله عن كل شي ويمكن اهو يحب القصيره خلج واثقه من نفسج
ويوم التحليل لبسي كعب والله يوفقج

 

[اميره1980]

اهم شي تثقين بنفسج
اكيد اللي خطبتج شافت طولج و شكلج يعني مو غاشينهم
خوفج لا انتي اللي تنحاشين منه لووووووووووووووول
انتي تفكرين بنظرته حقج و ما فكرتي بنظرتج حقه يمكن انتي اللي ما يعجبج بعد اشدراج
الله يوفقج و كل شي قسمة و نصيب

 

[ماني من الناس]

لا تحاتين رجال هالجيل حدهم قصار والدليل شعورهم مرفعينها سبايكي عشان تعطيهم 10 سنتي زياده وبالتالي من بعيد يسوي تمويه تشوفينه طويل لا اكثر يعني


اذكر يوم كنت بالجامعه اقول يما شسالفه هالجيل الجديد طولي واقصر مني مو صج ,,,,,كنت لما اشوف طويل اقول والله دنيا صار عمله نادره بالمجتمع


انا اقول خلج كعب على طووووووووووووووووول والكعب يحسن المشيه والجسم

وسلامو

كانت هنا ماني من الناس <<< حركات

 

[Ya7aLaTY]

اخووووي كان ميت وياخذ وحده قصييييره

الناس اذواق وفي ريايييل يشوفوون القصير فمه بالانوثه

سووووو لا تحاتين حبيبتي وماتدرين عن نصيبج

 

[حبيبي مالكني]

رد : شافني بتحليل ورفضني

الصراحة ما فكر اخطب حق اخواني وحدة قصيرة وااااااااايد
افكر بعيالهم يمكن تورث عيالها الصبيان القصر
والقصر كلش ما يلوق على الريال على البنات ماشي

 

[خشف العذارى]

رد : شافني بتحليل ورفضني

لاحياتي خليج واثقة من نفسج
والاخلاق اهم من الشكل
الله يوفقج

 

[mysterious sea]

رد : شافني بتحليل ورفضني

يا عمتي بلاهااا , انتي موتقولين حلوه بس قصيرهـ , اذا ماعجبتيه مشكلته , القصر موعيب , من الله يعني مو ذنبج , واذا راح خيرهـ في الف غيرهـ !

 

[~ الــــزيــــن ~]

رد: رد : شافني بتحليل ورفضني

اكييييييد امه قايلتله انج قصيره

وخل يشوفج احسن عشان اذا مومتقبل قصرج من البدايه ولاتصيرين مطلقه
وبعدي عادي القصر مايعيب والله
ياما بنات قصار وغزلان اسم الله عليهم وياما في طوال جلحات ملحات الطول مومهم
الله يعافي الكعب مايقصر والله

اهم شي اخلاق البنت
والله لو القى وحده خلوقه وحلوه وقصيره ماتردد لحظه وحده اني اخطبها له
لان القصر موعيب


وموفقه يا الغاليه ولاتحاتين اهم شي الثقه واللي يبيني يبيني على ما انا عليه

 

[غزاله شارده]

رد : شافني بتحليل ورفضني

خلي ثقتج بنفسج قه
وامه اكيد مخبرته
وبعدي الكعب وين راح

 

[ســتارز]

البسي كعب 8 سم بيصير طولج طبيعي

اذا تلبسين عباية اهي العباية اذا مخصرة تطول

اما اذا ماتلبسينها البسي بدلة خطوطها بالطول تعطيج طول اضافي

موفقة

 

[الــــغاليـــه]

رد : شافني بتحليل ورفضني

ياحلااااااااااااااات الكعب

 

[ترجمة احساس]

رد : شافني بتحليل ورفضني

الله يوفقج
خرعتيني على بالي صج
ادعي الله يجملج بعينه واكثري الاستغفار

 

[زينبو]

رد : شافني بتحليل ورفضني

بصراحه مافيها شي عادي اذا شاريج مايقول شي واذا قال قزمه يقولها على غشمرة اما اذا نوعه يتفلسف من الحين مايشوف شر

بس اهوا ماقال شي ولاشاف ليش توسوسين

 

[om MaRyooM]

القصر مو عيب ولا حرام !!!


توكلي على الله .. واللي ربج كاتبه بيصير