مشاركة: شاركونا إدمانكم .. أختى ما هو إدمانك؟
السلام عليكم يا بنات , اشلونك يا بشوره , موضوعك وايد حلو وجديد ........ والبنات بعد ردودهم تهبل ....... بس ما تلاحظين الاغلبيه ادمانهم على الكاكاو !!
بالنسبه لي ما اقدر امسك نفسي عن شراء كتب الطبخ المميزه + بعض مجلات الديكور
+ اي كتب مميزه في اي مجال ..
احب اشتريهم واحتفظ فيهم بالمكتبه .. وعيالي طلعوا على مدمنين على مجلات الاطفال
بنتي الكبيره تجمع مجله (فتيات ) وولدي ( ميكي وبطوط ) والصغار ( سبيس تون ) وانا اشجعهم على هالشي يعني عندي القراءه اهم من اللبس ...
الجمعيه مدمنه عليها بعد يعني ماجله البيت لازم اروح اشتريها بنفسي او مع ابو العيال لاني احب ادور على كل شي جديد واجربه ..
بصراحه وايد اشياء مدمنه عليها . مثلا احب اشم ريحه حلوه بالمكان اللي قاعده فيه , او يثوب الصلاه , تلقيني امشي وارش من المخلط بكل مكان والبخور ارتاح واااايد اما اشم ريحته ..
من ناحيه الاكل ما استغني عن الشاي بعد الغداء , والصبح الحليب مع الشاي شي اساسي
ممكن استغني عن الريوق بس ما اقدر ما اشرب الحليب مع الشاي حتى لو قعدت متاخره .
طبعا الانترنت اكيد مدمنه عليه بس مو كل وقت لان اصلا ما عندي نت بالبيت !!!( ما عندي خط تلفون )
