سين، جين، منو يسأل ومنو راح يجاوب

[حناينq8]

يحليلهم لوووووووووووول
بس هم ما عرفتها مرت اميتاب
اشواريا ويا ريلها صج لايقين على بعض






في لج Mug خاص ما تحبين تشربين الا فيه ؟؟

 

[كويتيه مزيونه....]

اي اكييييد


شنو مسلسلج المفضل ؟؟؟؟

 

[فيلسوفة زماني]

هيا هذي اول مشاركه لي في هالموضوع :ggdw:
وانا سعيده بتواجدي معاكم

الجواب :للأسف ما اتابع مسلسلات
اطالع بشكل عشوائي

السؤال :

شرايكم بموضة هذي الايام وبصراحه موضة الشباصة الكبيرة اللي تنحط فوق الرأس " قوطي رب "؟


مع خالص تحياتي :tek:

 

[حناينq8]

رايي باللي تحط شباصه كبيره بانها جنها alien
بأمكانها تتفخ الحجاب بشباصه صغيره وشكلها كيوت مو ب3 شباصات كبار @@





اي شعب تعتبرينه الاقوى بالعالم من ناحية البنيه الجسمانيه ؟؟

 

[MiLaNYa MiN Galb]

الكوريين>>اكلهم كل خضره واعشاب وصحتهم مشالله... وبالبطولات هم لعبهم مشالله



احلى منطقه بالكويت؟

 

[Japanese]

انا مب من الكويت :$

بقولج أحلى منطقه بالدوحه .. قناة كارتييه > مجمع سكني ذو طابع وأجواء فيننا > تقدرين ع الوصف ههههه

وودي أخذ شقه بهالمشروع الللللللهم أمين

سؤالي

همممممم شنو الطبع اللي دوم تحاولين تتطبعين فيه ا!!!!!!!!!!!!!

 

[زقرتيه]

سؤال حلو طبع اتطبع فيه للاسف ما اعرف اتتطبع ويييع طبعي دايم عفوي اقط بالويه واضحه و صريحه



امممممممم شنو تفضلين تكونين ظالمه او مظلومه؟؟

 

[blue ocean]

^^
مظلومه اكيد

شرايج بستايل كويتيات اليديد ؟

 

[زقرتيه]

لوول صراحه اانيقين ولكن اكره هذا الحجاب الي حاطه قوطي كنتاكي فوقها

اوكي انا احط شي معقوول مو بنات جنهم حاطين كوره فوقهم


نفس الجواب ابي اريج عن استايل الكويتيات الحين ؟

 

[حناينq8]

حلو وايد وشرح





احسن العطورات العربيه من وين ؟

 

[كريستال ليدي]

من الجزيرة اللي بالراية و الحين توه فاتح بالافنيوز

تعودتي على الصيام و لا بعد ؟

 

[حناينq8]

مشكوره على الافاده حبيبتي الحجيه

ج/ اي الحمدلله سهاله





اطول سفره طولتي فيها بره الكويت شكثر كانت ؟

 

[NoWay2know]

اربع اشهر



س : سمعتي عن تخصصات نادره ؟ مثل هندسة طبية ؟

 

[حناينq8]

اي مار علي هالتخصص





احسن جريده ؟؟ وفيها مصداقيه وشامله ؟؟

 

[cute-q8cat]

والله الجرايد الحين كلهم مافيهم مصداقيه ويشتغلون عان مصالحهم الشخصيه
بس انا اقرى القبس احس جريده بالنسبه لي


جم حبه قيمات تاكلين على الفطور؟

 

[حناينq8]

عقب الفطور اكل اللقيمات مع القهوه ( بس ما عديت جم وحده )






ماعندج اي فكره عن مسرحيات العيد ؟؟

 

[cute-q8cat]

مسرحيات العيد!
اتوقع طارق العلي عنده مسرحيه بس مادري شسمها..

تتسحرين قبل اذان الفجر على طول ولا الساعه 1 و2؟

 

[حناينq8]

اتسحر عادي اي وقت بس قبل الاذان اشرب ماي فاتر






انا قصدي عن مسرحيات الاطفال ؟!!؟

 

[cute-q8cat]

لا والله ما عندي فكره..
خبري بمسرحيات الأطفال من يوم كان عمري 12 سنه

تحبين تسبحين في البحر؟

 

[blue ocean]

اي والله احب اسبح بالبحر .. بس عاد مو اي بحر

شي ودج يصير اللحين اللحين ؟