سين، جين، منو يسأل ومنو راح يجاوب

[العنود2]

الساعه 7ونص
شنو جدولج اليوم في الطلعات؟؟؟

 

[cute-q8cat]

بعد شوي بروح بيت أهي أعايد عليهم بعدين نرجع بيت حمولتي حق الغدا كلهم متيمعين..


نوعكم لازم تاكلون لحم بعيد الأضحى ولا عادي دياي وسمج؟

 

[قطوة@@]

عاادي اي شئ ناكل الموجووووود

تحبين دونت كريسبي كريم و لا دانكن دونت ؟

 

[NoWay2know]

لا هذا ولا هذا ، احب دونت البيت او محل اسمه العالمية



س : تعرفين برامج أو مقابلات حلوه حق العيد ؟

 

[sol.de.moda]

دانكن بس احب مالت ستار بكس اكثر

لان سمعت ان كرسبي كريم يحتوي على دهون الخنزير والخمر فماقمت اشتري منه

متى قمتي اليوم؟؟

 

[q8ya-barby19]

الساعه 9 الصبح معني ما نمت عدل من شعري << مسويه لفافات

احد عطاج عيديه ...؟؟<< اكيد لا

 

[sol.de.moda]

لوووووووووولز لا محد

نفس السؤال

 

[NoWay2know]

حده لالالا



س : اقول تعرفون برامج او مقابلات حلوه حق ايام العيد ؟

 

[sol.de.moda]

مااعرف حاطين الحين عالبحرين مقابله مع الهام وشجون وشيماء قاعدين تطالع


شنو تغديتوا اليوم

 

[NoWay2know]

اي زين مشكورة ، واذا عرفتي برامج او مقابلات قوليلي

ج : ماتغديت



س : فاطمه عبدالرحيم بحرينية ؟

 

[sol.de.moda]

ولوو حياج

اي بحرينيه ..


تحبين الكاكاو ؟؟

 

[NoWay2know]

اي احبه بس مو لدرجة اموت عليه ، بس احب اذوق كاكاو يديد


س : تعرفين محل كاكاو يديد توه فاتح ؟

 

[sol.de.moda]

اممم لا ماعرف يديد

نفس السؤال

 

[قطوة@@]

لا ما اعرف

برا الجو بارد ولا دافي ؟

 

[NoWay2know]

والله اخر شي عرفت محل اسمه كاكاو ، والثاني مارتشيلوو

ج2 : الجو دافي وحلو

س : في مره لعبتي بيبي فوت ؟

 

[noreez]

السلام عليكم
عيدكم مبارك وكل عام وانتوا بخير


اي لعبتها وايد


تحبين تاكلين وانتي تسوقين السياره ؟؟؟

 

[NoWay2know]

وعليكم السلام والرحمة هلا نوريز وايامج سعيده


ج : مرات اي آآآآكل اكون حدي يوعانه ، او اشوفلي مكان اصفط فيه وآكل انا واللي معاي


س: شنو احلى شكل عندج الطاولة المدورة او المربعه او المستطيلة ؟

 

[sol.de.moda]

اممم المستطيله لان اريح

شنو محل حلو اطلب منه فطاير وحلوو ؟؟

 

[noreez]

ماتفرق معاي كلها طاوله

وين بتروحين اليوم ؟؟؟

 

[NoWay2know]

ج : فطاير ،، والله احب فطاير الشويخ والبحصلي وشارع المطاعم واحد اسمه زهرة دمشق

ج : مو طالعه اليوم ولا مكان ..



س : شلون تحبين شكل بنطلون الجينز يكون ؟ من ناحية اللون والشكل ؟