سيفورا الكويت شنو شريتوا منه وعجبكم

[رولكس ذهبيه]

السلام عليكم


ابي اسالكم عن سيفورا الكويت شنو تاخذون منه

مكياجهم وشنو عجبكم وماعجبكم منه

 

[ضماي هو وهناي]

انا جربت الميك اب من سيفورا انتاجهم ما عجبني كلش وكل يوم قاعد احذف منتج والله يمكن على بشرتي ولوني مو ماشيه هالماركه ماادري
بس اخذت منهم الفرش والرموش وماسكات حلوين مو توب بس حلوين
الفرش اليديده الملونه مو شي بالغسيل تخرب والمعقم مالهم مو شي ولا الشامبو
سيفورا عندها ماركات احلا منها وايد ....
وانت اكيد ذوقج غير عني ...
اي قبل لا اطلع من الموضوع لا يغرونج بمسكرتهم بالمره موشي فرشتها تتلزق ببعض ...

 

[caramella <3]

اي و الله عدل كلام اختي ضماي هو وهناي المسكرة مالتهم تتلزق و تصير جنها طييييييييييين ،، اصباغهم ((منيكيراتهم)) حلوين اما فرشهم على حسب اختيارج للقصة فيه الزين و فيه الشين و عدل كلام اختي الملونين كلللللللش مو حلوين اما اللي تصير مشطوفة من فوق هاذي طق مطاقق عليها لانها خطيرة حق توزيع الفاونديشن

 

[عاشقة العطور]

رفع

 

[شندوخه]

اتعس فرع لسيفورا بالعالم الكويت
كل مالقيت شي مخلص
وفترينات العرض مالتهم خايسه وكلشي خالص صرت اختصر طريجي وماروحله

 

[gmar al-kuwait]

عطر MY PLACE OR YOURS GINE

 

[3la-q8']

حمرهم حلوة بس ماكو الوان وايد

 

[رولكس ذهبيه]

اتعس فرع لسيفورا بالعالم الكويت
كل مالقيت شي مخلص
وفترينات العرض مالتهم خايسه وكلشي خالص صرت اختصر طريجي وماروحله

هلا اختي

والله سديتي نفسي اروحله كنت حاطه امل فيه :eh_s(16):

انا ماشفته لما الحين كل مامره اكون مشغووله ومستعجله


شفت سيفورا البحرين مره شحلاته والي في دبي هم حلو

 

[رولكس ذهبيه]

هلا خواتي


انا اقصد شنو فيه ماركات غير ماركة سيفورا القي كارغو تو قيسد سماش بوكس


ومشكووورين علي التحذيرمن الماسكرا لا يصيدوني

 

[little-voice]

ما عندي فكره
اب لعيونج

 

[متواضعة]

سيفورا البحرين بقول لج عنه اتوقع نفس الشي
ديور
شانيل
سيفورا
تو فيس
بنفيت
قبل كان عندهم نارس اللحين وقفووه : ((((((((((((((((((
افسان لوران
غارولاين
سيفورا نفسها
كراجو
هذي اللي اتذكره

من ماركة سيفورا خذت الفراشه اللي قالت عنها ام علي رقم 43
وخذت بيس حق الشدوو من سيفورا مادري اول مره اخذ بيس اشوفه زين

خذت باليت روز نيود من ديور ال 5 كولرز حلووو 534 لمتيد
بس
موفقه قلبي

وسيفوراالكويت عندهم سماش بوكس عندنا مافي

 

[روونــا]

غـريبـه !
عآد فرعهـم الي بالرياض البنآات عليـه زي النممـل
ممره ماشي سوقـه

 

[Ga6waah83]

والله سيفورا اللي بالكويت لو مو مبطلينه اشرف حده يفشل
اصلا لما دشيته ضاق خلقي يلوع الجبد ومافيه شي
ما على سيفورا بااااااااااااااااااااارييـــــــــــــــــــــــــــــــس وبس ​

 

[جوري 2007]

ماشريت منهم الا عطر وقطيته تكرمين بالزباله

 

[Mrs_Orchidia]

اخذي من ماركة كارغو وايد حلوة
و سماش بوكس بعد

من ناحيتي اشتري منه اذا سافرت اللي عندنا ما يبرد قلبي .. لوول
ما شريت الا مرة وحدة من ميك اب فور ايفير

 

[Killer^Girl]

من سيفورا نفسها الفرش
ومن كارغو كونسيلر
ومن سماش بوكس البيس الشفاف

 

[شاي ونعناع]

ويييي حطمتوني انا بفرنسا عيل بخمط كل شي اهني قبل لاارجع الكويت فرع بشلنزلييييه فرع اكبييييير. كل شي فيييييييه امبي اي شي عيل اللي بالكويت

 

[Art_Princess]

عاد صج حساافه ماركه اربن ديكاي و تو فيسد ماااكوو

بس اشوه سماش بوكس اكوو ههه .. نعمه

انا خذيت فاونديشن كانيبو اهو وايد حلو و خفيف و تغطيته وايد زينه

بالنسبه حق خفته ... و تحسفت ليش ما خذيت بودرتهم :/ عليها مدح !

ايييي و شنو بعد مممم

اي اي وايد يمدحون فاونديشن استي لودر بس ليش احسه انه يخطط !؟!؟؟ حطيته ع ايدي و حسيته يخطط :/

عفيه الي عندها خطوط تعبيريه و استعملته تقول تجربتها مع فاونديشنهم و كونسيلرهم بلييييز !

 

[Art_Princess]

ايييييييي و خذيت بيس / برايمر سماش بوكس الشفاف الي ماكو احد ما مدحه !!!

١- وااااايد مبالغ فيه المدح
٢- سعره من قلب ما يسوى (( ١١ دينار )) ع علبه اصغر من كف ايدج :/
٣- يخطط مع الوقت تحت العين و خطوط الابتسامه
الشي الحلو الي فيه انه لمن تحطينه و تجيسين بشرتج تحسينها مخمممممل من قلب هههه
و بسرعه يتوزع الفاوندشن عليه اما سالفه انه يثبت عااادي سواء حطيت الفاونديشن مع البودره
بروحه و لا حطيته مع البيس صراحه ما لاحظت فررررررق بالثبات :/

بس احلى شي عموما انه اي بيس يسوي عازل بين فاونديشنج و البشره فما تضرر خصوصا
بالمناسبات لمن يكون الميك اب ثقيل نوعاا ما ... و سلامتكم

 

[Art_Princess]

Up up