سيارتج الجديده تكون باسمج ولا باسم زوجج

[-Bello-]

شكووو بسمه اكيد بسمي دام بفلوسي ..هالشي بديهي من غير حجي يصير ..حسب حساب حق باجر الله لايقولها ماتدرين شيصير ..

 

[أوكسجين]

دامها بفلوسي ...
يعني باسمي
واذا اهوه اللي شاريها تكون باسمه واذا حب يكتبها بسمي مايقصر ...

:eh_s(15):

 

[@عطر@]

مع اعتذاري اللي تسجل سيارتها باسم زوجها وهي شاريتها بفلوسها للأسف خبلة
لو أنا ما أحطها باسمه لو شنو يصير
صار لي عشر سنين أقول له سجل إسمي معاك بالبيت ما يرد علي أروح أحط السيارة باسمه يخسي

 

[ام الحبيب]

انا سيارتى بسمه ومن فلوسى علشان بهذلة المرور او المخفر اذا الله لايقول صار حادث

 

[Miss_Tiger79]

انا نفس رقي سيارته وسيارتي باسمه
وعاديه السالفه

 

[zahraa]

ليش اذا انا دافعه باسمي واذا حق المرور عند توكيل وبالاخير.......................
ما تفرق عند بالحالتين اسمي ولا اسمه المهم سياره يديده :eh_s(6):

 

[zahraa]

اي والله حبيبتي عطر
انا يوم قلت له سجليني بلبيت قال شكو

 

[lolwah]

ليش نتبهذل بالمرور!!!!!

انا سيارتي باسمي ولا عمري طبيت المرور ولا شفتهم ولا شافوني!!!!

صحح حتى انا

 

[دلوعة حمني]

والله برأي على حسب الريال....
في رياييل تحطينهم على الجرح يبرى... و في رياييل أعوذ بالله منهم!
انا احط السيارة بإسم زوجي.... حتى لو دافعة فلوسها....
بس اي شيء ثاني لا... بإسمي مو عدم ثقة بس هذي انا.... احب اكون مستقلة بكل شيء

 

[لوكريسيا]

اذا السيارة بفلوسي .. تكون بإسمي .. و ما فيهل زعل و لا بهذلة بالمرور و لا شي .. عادي

 

[jaggy-cat]

الدنيا حياة وممات ، يعني الوحده لازم تسوي حساب حق الايام الجاية الواحد ما يدري الايام شنو خاشه لنا ، علشان جذيه الوحده لازم تحافظ على فلوسها وحلالها .

 

[Raveena]

طبعا سيارتي باسمي و بفلوسي شكو اسجلها باسمه ماتدرين شنو بيصير بالمستقبل


سيارتي ابوي شاريها لي كانت باسمه بس بعدين حولها باسمي