سيؤول مع Diana* أكيد غييييير

[Diana *]

Anyo haseo!​

كيفكم ياحلوات ..:eh_s(7):​

بسوي لكم تقرير عن سيؤل ، رحتها الصيف مع أمي و أخوي الصغير​

التقرير طويل فقررت إني أنزله أجزاء ..​

بنات بلييييز ...لاأحد يسألني عن أسعار لأني بجد ما أتذكر ​

بس الشي إلي أتذكر سعره بكتب بدون ماأحد يسأل​

متأكده ان لازم فيه كم وحده بتسأل​

الرحله كانت تقريبا 9 ساعات من مطار قطر​

عملة كوريا هي الوون ( كل ألف وون يساوي واحد دولار)​

السكن : حجزت fraser place شقه فندقيه بغرفتين نوم ​

الشقه كانت كبيره و حلوه ​

أول ماتدخلين ممر طويل كله دواليب ​

​

الصاله ​

​

من الجهة الثانيه ​

​

الغرفة الرئيسية ​

​

حمام داخل الغرفة الرئيسية ​

​

​

أحلى شي ​

​

الغرفة الثانية ​

​

مطبخ ​

​

الحمام الثاني صغير بس فيه مغاسل و مرايات ​

​

 

[Diana *]

الفندق قريب من لوتي مارت تقريبا ربع ساعه مشي على هالشارع ​

​

لوتي مارت من أشهر السوبر ماركتات إلي عندهم بكوريا و الصراحه عندهم حاجات تجنن ​

أخليكم مع الصور ​

​

​

​

الخس يخلونه في ثلاجات خاصه:eh_s(10):​

​

يبيعون سمك زينه و خنافس بعد في السوبر ماركت​

​

الشعب الكوري معروف بالأمانه .. فدايما نشوف مثل هالمنظر، يخلون محافظهم و جوالاتهم على الرفوف و لما يخلصون ياخذونهم ! ​

​

ولما تشترين شي من أي سوبر ماركت في كوريا ما يعطونك أكياس ... تشترينهم تقريبا الكيس بنص دولار :eh_s(4):​

بس إذا ماتبين .. تاخذيك كرتونه و تحطين فيها أغراضك و مع السلامه ​

​

 

[law love]

وااااااو دوله يديده حلو انج بتفيدينا بهالتقرير

شلون قررتو تروحون لها !؟

واجهتو صعوبه بالتعامل ؟

متابعتج ؛)

 

[Diana *]

طالما ان تكلمنا عن لوتي مارت خلوني أبعد أعلمكم عن لوتي ورلد ، أكبر مدينة ألعاب في كوريا​

​

تقريباً دفعنا 170 دولار للثلاثة أشخاص شامل إستخدام جميع الألعاب​

لوتي وورلد تنقسم إلى جزئين خارجي ، فيه ألعاب خطيرة تناسب الكبار و داخلي معظم ألعابه تناسب الصغار​

يربط بين الجزئين قطار معلق تقدرين تتنقلين فيه من داخل لبره ​

​

​

​

أو مشي عن طريق هالممر ​

​

القسم الداخلي يتكون من عدة طوابق​

​

​

​

​

​

 

[Diana *]

في الدور الثاني خلفيات صور ثلاثية الأبعاد​

​

​

​

و مسرح عرايس تتحرك و تغني ، حلوه بس مافهمنا منها ولا شي​

​

​

و داخل في الدور الأول فيه مسرح ، كانوا مستضيفين فرقة سامبا من البرازيل ​

​

​

​

و لما خلص العرض جابوا فرقه كوريه تغني​

​

لوتي هوه السنجاب الولد ، دخل بباص مع أصدقائه رقصوا شوي و بعدين صوروا مع الأطفال​

إلي أنا منهم أكيد ​

​

​

​

اللوكرز نفس الثيم ​

إستإجارهم بدولار الواحد​

​

 

[Diana *]

فيه قسم ( غرفه ) فيها فراشات و ورود و مجسمات مثل هذولي​

​

​

​

و فيه بعد شوية محلات ​

​

وقسم ألعاب الأطفال الي أعمارهم بين 3 إلى 8​

​

​

هالقسم فيه ألعاب كثير بس ماصورت :eh_s(7):​

 

[Diana *]

law love:

تسلمين على مرورك ، من زماااان في بالي أروح بس كل مره أحد يعاندني و يقول يبي مكان ثاني فما صارت فرصه إلا هالسنه ، الصعوبه الوحديه هي اللغه مايتكلمون ولا يفهمون غير لغتهم ، بس حبوبين و يحاولون قد ما يقدرون يساعدونك
خليك متابعه :eh_s(7):

 

[Diana *]

نكمل شوي ​

ألحين بتكلم عن ثلاث شوارع رئيسيه ، رحنا أكثر بس هالثلاثة هم الأحلى و الأنضف و إلي أنصحكم تروحونهم الشوارع الثانيه ماتسوى
( من وجهة نظري طبعاً):bbbiu:​

أول واحد إسمه : ميونغ دونغ ​

Myongdong​

أهم شارع تجاري و سياحي في سيؤول ​

فيه محلات تجاريه و حواليه مجمعات كبيره بس التصوير في داخل المجمعات و المحلات عموماً في كوريا ممنوع ،،،:eh_s(4):​

​

من أطلع كاميرتي لازم يجي أحد يقول لاتصوري لين زهقت:rgewrg:​

بس شوفوا ​

​

​

و أكثر المحلات الموجوده هناك تبيع منتجات العنايه بالبشره و مكياج ​

(نفس نظام البودي شوب بس أحلى )​

Etude house , Holika Holika ,Skin food, the face shop , innisfree…. و غيرهم ​

​

​

​

حتى ديكوراتها من نبره تجنننن​

أحلى شي تشترينه من كوريا من هالمحلات ، ترست شنطي منهم و متحسفه أبي زود​

و الشارع مليان ناس تبيع أكل مثل:​

آخر شي على اليسار إلي لونه بني .. حشرات ​

​

هذا ريحته مثل السكر المحروق بس ماجربته​

​

أخطبوطات:rerrerek:
​

تورنيدو بوتيتو​

​

​

أيس كريم​

​

و في أحد التفرعات تلاقون روتي بوي​

​

 

[ابي قطوة ميوووو]

ااااااااااااااااااااااااااااالله ونااااااااااااااااااااسة كوووووووووووووورياااا :$ غرااامي هالدوولة ودي اسافرلها
الحمد الله على السسسلااااامة :***

 

[ابي قطوة ميوووو]

كملي حبيبتي متابعتج :****

 

[Diana *]

الشارع الثاني : إنسادونغ​

Insadong​

بإختصار إذا تبين أشغال يدويه ، تحف كوريه ، أنتيك... هذا الشارع المناسب ​

بحط لكم بعض الصور​

​

​

هالصوره ماخذتها من النت بس الشارع مليان من هالسوالف:​

​

تي هاوسز مثل هذامنتشره هناك :​

​

في الشارع حصلنا هالمجمع الصغير :​

​

شوفوا شفيه ​

​

فطاير صغيره نفس إلي بالصوره :
​

إلي عليها السهم تبيع حلويات و مكسرات كوريه :rerrerek:
و الكاسات إلي فيهم فراولة .. كذا يسوون العصير
تختاري الكاس و يحطه مع شوية ثلج و سكر في الخلاط و يعطيك​

كيسهم ​

​

 

[Diana *]

الشارع الثالث :​

Hongdae​

أحلى مكاااااان:eh_s(15):​

مش شارع تقريبا منطقه فيها جامعه تحمل نفس الإسم حوالين الجامعه شوارع صغيره يتجمعون فيها الشباب فيها احلى الكافيهات و المطاعم و كل يوم سبت يتجمع طلاب الجامعه في ساحه هناك إلي يعزف و إلي يبيع أشغاله اليدويه و من هالنشاطات ​

شوفوا شوية صور قبل لا أتكلم عن الكافيهات إلي بتشوفونها هناك ​

أهم شي فيه ناس يساعدونك تحصلين المكان هنا :​

​

بناياتها :​

​

​

​

​

​

جدرانها
​

و حصلت لي زفه على هالصوره ::eh_s(2):​

​

تتوقعون محل ايش:eh_s(10):​

​

ملياااانه محلات مناكير و بديكير



بكرة أكمل ......​

 

[ام مهاوش]

واااو وناسه خوش تقرير
شوقتيني اروح هالديره ولو اني ما اعرف ولا شي فيها بس شكلها حلوه

 

[law love]

ماشاء الله كملي متااابعه

انزين
الاكل شلون عندهم ؟

 

[ladylazydazy]

يا سلام على هل التقرير الحلو .. اتمنى ازور كوريا في القريب العاجل ان شاء الله ..

 

[بحر هادي]

وااااو ماشاءالله..
يازين كوريا ويازين شعبها..مرره ذووق وكله مبتسمين,, ناااس رااقيه

كملي ياقلبي متابعين,, الصور رووعه.. واسلوبك يشوق بعد

:eh_s(7):

 

[Diana *]

ابي قطوة ميوووو:

كوريا تجنن شكلي بطلق لندن و بصير أروح كوريا

ام مهاوش:
أنصحك تروحين :rerrerek:

law love:
الأكل بتكلم عنه .. تابعيني

ladylazydazy:
يارب تزورينها ، تستاهل الروحه

بحر هادي:
ثانكس :eh_s(7):، بس صدق شعبها حبوب


خلوني أجهز شوية صور و أكمل ​

 

[Diana *]

الجزء الثاني​

سيؤول فيها أحلى و أغرب الكافيهات إلي زرتها و كلها فيها واي فاي مجاني ،بعض اسماء الكافيهات المشهوره هناك و إلي أنصح تروحونها :
Café Nescafe, Seven Monkeys Coffee, Coffee Bean , Angel In Us ....
و غيرهم كثير بس للأسف ماصورت كل شي ، بتكلم بس عن إلي عندي صورهم:eh_s(7):​

أمس لما تكلمت عن منطقة Hongdae قلت ان فيها كافيهات و مطاعم كثيره ، معظم هالكافيهات ديكوراتها غريبه أو ثيمها شخصيه من أفلام الكرتون لأن المنطقه يتجمع فيها طلاب الجامعة فهالشي يناسب ذوقهم ​

 

[Diana *]

Hello Kitty Café​

المبنى دورين
( معلومه معظم بنايات سيؤول مساحة أرضها صغيره بس تكون طويله فيها أكثر من طابق)​

​

​

​

في الدور الأرضي تختارين الطلب ​

​

و بيعطونك جهاز التنبيه​

​

و فيه جلسه بس ما قعدنا فيها ​

​

و تقدرين تشترين من هالحاجات​

​

و حمام رجال​

​

الدرج لفوق​

​

حمام نساء ​

​

داخل الحمام​

​

​

كل ركن جلسته تختلف عن الثاني بس كلها هيلو كيتي​

​

​

​

​

​

حتى جدراهم يخبل​

​

وصل طلبنا​

​

 

[Diana *]

Charlie Brown Café​

نفس المنطقة إلي فيها هيلو كيتي بس يضيع شوي ​

دور واحد و فيه جلسه صغيره بره ، بس طبعا داخل أحلى ​

شوفوا الصور ​

​

​

بره بعد ​

​

​

​

داخل ​

​

شوفو اللمبات فوق​

​

هنا صور مشاهير زاروا المكان​

​

تطلبين هنا​

​

​

​

هذي شريتها​

​

على هالشاشه يطلع لك المبلغ و لما تدفعين بالفيز توقعين على الشاشه الصغيره ​

(معظم المحلات كذا)​

​

هذا سكر بس سائل ​

​