انا مارحن لالمانيا بس طبيت مطارهم فما شفتهم
وايطاليا ماعندي خبره بس يمدحون بحيره جراده
رحت لسويسرا والنمسا وايطاليا
بعطيج خبرتي
:
النمسا يمدحون بحيره زلمسي بس تبين الصراحه ترا مو شي طبيعتها شهبه ونمشي وحنا نكش الذبان مترووسه ذبان
عندج بالنمسا قمة كابرون الثلجيه وااايد حلوه
وعندج هايدي النمساويه وايد احلى من السويسريه
وفي الزحلاقيه الصيفيه حيل حلوه انا مارحت الا ساسبورغ ولزمسي بس الصراحه زلمسي مطيرينها عاديه حييل وطبيعه شهبه مو شييي كلشش !! وفي عندج منجم الملح بساسبورغ وايد حلو بقولج طريقته :
يلبسونج لبس العمال ابيض بابيضاول شي تركبون قطار عادي مافيه شي كل واحد ورا الثاني بكرسي طويل مو كراسي وايد بعدين يمشي فيج القطار انتي والقروب الي معاج ويوقف عند مكان معين وتجي المرشده وتوريكم فيديو وتوريكم كيفيه استخراج الملح وجذي بس الفيديو الصراحه ممل هع بعدين تروح وتوديكم لزحلاقيه طويله تكفي بس اثنين وياهل واحد بس حنا نركب ثنين ثنين لانه ماعندنا ياهل وبعدين تنزلج تحت الزحلاقيه تنزلين فيها بدون آله ولا شي نفس الزحلاقيه العاديه بس ونيسه وطويله وديري بالج يكون شكلج غلط هع لانه في كاميرا لانه انا قاعد اصيح وماانتبهت للكاميرا وصورتني وانا واختي فاتحين حلقنا ونصيح لووول
,, وبايالله تلقين لج مطعم حلال بس بقولج المطاعم الحلوه عندج شاليمار ترا وايد حلو لانه عنده كبسات وعيوش حلوه واكله كله حلال واذا كان فندقج قريب راح يوصل وفي طاولات برا وداخل بس افضل الي برا عشان تشوفين الناس وجذي
ويمدحون بسمتي بس يوم رحت له طلع كلشش مو شي كل اكله بهارات وهيل ومدري شنو < وفي بعد قصر هيلبرون ترا وايد حلو ,, طريقته انه يجون قروب ويقعدون ويطلبون متطوعين عشان يقعدون على الطاوله المكونه من عشر كراسي وتحطين ايدج على الطاوله وماترفعينها لو شنو يصير وبعدين يرش عليج ماي من تحتج ولازم تصمدين هع ترا مو شرط تقعدين على الكرسي تقدرين بس تطالعينهم وتصورين بس انا واخواني عشان نحب نلعب وجاين وناسه فقعدنا والعرب يسار والانجليز يمين وفزنا حنا العرب كااك المهم وتمشين بالقصصر ولازم تنجين من الماي لانه يسوي فيج خدع
هذا القصر كان يحكمه ملك يحب يعذب ضيوفه والي يحوشه ماي يقتله فعشان جذي سوو نفس طريقته
بس ترا وايد حلو لا يفوووتج وعندج القريه التركيبيه يحطون لج معالم البلدان مصغره وحلوه وتصورين معاهم
اما سويسرا كطبيعه وايد حلوه طبيعتها قريبا نفس البوسنه عندج بسويسرا البحيره الزرقاء حلوه بس اكلها غالي وزحلاقيتهم الصيفيه مو شي عاديه مالت النمسا احلى ورحنا القطار المعلق انتر لاكن يوديج للشلالات ورحنا جبال ومغامرات وجذي بس عشان ماقعدنا فيها وايد
اما فرنسا عندج شارع الشانزليزي بس تبين نصيحتي رحت لأسواقها كلش مو شي عاديه وتصلح للي مو محجبات وموجوده كلها بالكويت مااشوف شي مميز مطيرينها الناس !! وعندج الاوت لت تسوق وشغله حلو عنده اسواق وايد حلوه
وبرج ايفيل ودزني لاند باريس حلووو وايد ورحنا متحف الشمع الصراحه فرنسا ماتسوى شي اذا مارحتي له
هو موجود بباريس تدخلين داخل تلقين شخصيات مشهوره وتصوري معاهم واشكالهم جنها صجيه وانا صورت مع شاروخان وملكه لندن واوباما ووايد شخصيات مشهوره بس ترا مال لندن احلى بوايد بس انا اكلمج عن فرنسا
وان شاء الله عطيج معلومات كافيه
