سويت عملية التكميم

[عيش و ملاس]

بفضل من الله قمت باجراء عملية التكميم في يوم الخميس 11\3\2010 في مستشفى السلام و اللي سواها لي د. أحمد الشرهان بصراحه خوش رعايه واهتمام من الممرضات والدكاتره والدكتور أحمد بنفسه بعد أسبوع راح أبلغكم بالتفاصيل وأرد على استفساراتكم .

 

[Grass]

حمدالله على سلامتج حبوووبه..أجر وعااافيه

 

[هوى بحري]

الحمدالله على السلامه ،، وعقبال الرشاقه الدايمه ان شاء الله

 

[كرامتى تهمنى]

حمدالله على السلامه

 

[أم غمازات]

حمدلله ع السلامه

واشرحيلنا بالتفاصيل جم كلفتج العملية وشنو تعبتي والا لا عقبهاانا مفكره اسويها

ابي كل شي بالتفصيل يعني جم كان وزنج وجم نزلتي بالاسبوع

ومشكورة

 

[عيش و ملاس]

مشكورين حبيباتي ، أم غمازات العمليه اطلعت تكلفتها 2385 دينار

 

[أحلى همبه كويتية]

الحمد لله على السلامة

انت اختراتي هالنوع من العمليات والا الدكتور نصحك ؟؟؟

كم وزنك ؟؟

لأني صارلي سننننننننننننننين ناوية عليها بس خايفة

تعور ؟؟ شنو نوع الأكل

الحين شيفكك من الأسئلة
بس اكيد ما حطيتي الموضوع الا عندك صدر وسيع تجاوبينا

 

[:: Diva ::]

جنه ارخص من الباجي

انممممممم حياتي عندج خبر الباي باس بجم يسويه ؟

 

[ريانـــــــــــه]

شنو حسيتي لم طلعتي من العمليه في عوار

 

[عيش و ملاس]

الحمد لله على السلامة

انت اختراتي هالنوع من العمليات والا الدكتور نصحك ؟؟؟

كم وزنك ؟؟

لأني صارلي سننننننننننننننين ناوية عليها بس خايفة

تعور ؟؟ شنو نوع الأكل

الحين شيفكك من الأسئلة
بس اكيد ما حطيتي الموضوع الا عندك صدر وسيع تجاوبينا

بصراحه الدكتور نصحني بهالعمليه لأني بس بحاجه أنزل25 كيلو أنا طولي 156 وزني 83 كيلو وألحين بس أشرب سوائل لمدة 10 أيام

 

[عيش و ملاس]

جنه ارخص من الباجي

انممممممم حياتي عندج خبر الباي باس بجم يسويه ؟

ما عندي فكره والله بس تراه ايده خفيفه وما أحس بعوار بس دوخة البنج شوي وبالمستشفى كان كتفي يعورني بس كانوا يعطوني مسكنات بس الحمدالله يوم اللي ترخصت راح عوار كتفي :denya:

 

[عيش و ملاس]

شنو حسيتي لم طلعتي من العمليه في عوار

بس عوار بكتفي والحمدالله راح يوم اللي ترخصت واليوم تأقلمت مع السوائل :aha:

 

[ii DareeN ii]

الحمدالله على السلامه وعوار الجتف من البنج كل الي سوها حسو فيه سواء باي بص ولا تكميم

 

[كرسبي كريم]

الحمد الله علي سلامتج
بس وزنج شويه 83
جم كتله الجسم عندج؟؟؟؟؟

 

[عيش و ملاس]

الحمد الله علي سلامتج
بس وزنج شويه 83
جم كتله الجسم عندج؟؟؟؟؟

كتلة الجسم على حسبته 35:eh_s(6):

 

[sweet life]

الحمد لله عالسلامة
عندي سؤال . سواها بمنظار أو فتح بطن
واذا فتح بطول ولا بالعرض
وسلامتج

 

[كرسبي كريم]

كتلة الجسم على حسبته 35:eh_s(6):

يمكن علشان الطول طلعت كتله الجسم35
المهم سويتها وقمتي بالسلامه
واستمري والله يوفقج يارب
ولا تنسين تكتبين اليوميات علشان تشجعين البنات:aha:

 

[عيش و ملاس]

الحمد لله عالسلامة
عندي سؤال . سواها بمنظار أو فتح بطن
واذا فتح بطول ولا بالعرض
وسلامتج

سواها بمنظار 4فتحات كبس حراري ووفتحه كان فيها بربيش يوم اللي طلعت خيوطها بغرزه وحده والدكتور كانت ايده خفيفه ماشاالله وكلهم ألحين عليهم لزقات ضد الماي ويوم السبت أروح حق الدكتور بعيادته يشيل اللزقات والغرزه .:eh_s(6):

 

[Haifona]

حبيبتي شلونج الحين ،، وما تحسين بالجوع مثل قبل ؟؟

 

[ام علاوي الالماسه]

حبيبتى عيش وملاس اسمج بروحه يمتن يونس بسالج انا فينى 25 كيلو ولانى قصيره فصايره مدحدحه تتوقين يوافقون يسولى العمليه