سويت شفط وشد عند الدكتور أشرف عبدالقادر ,, تعالوا شوفوا قصتي :)

[pretty eyes]

رد: سويت شفط وشد,, تعالوا شوفوا قصتي

الحمدلله على سلامتك وان شاء الله تتهنين بجسمك اليديد ويمتعك رب العالمين بالعافية

 

[دنيا الحسايف]

رد: سويت شفط وشد,, تعالوا شوفوا قصتي

الحمدالله على السلامه وان شاءالله توصلين
للوزن المطلوب بصحه وسلامه

 

[just-me]

رد: سويت شفط وشد,, تعالوا شوفوا قصتي

صباح الخير ...

ألف الحمدلله على السلامة ... الفال لي يارب

عفية عليج و Keep on taking care of your self​

 

[Miss_Moon]

رد: سويت شفط وشد,, تعالوا شوفوا قصتي

ماشاءالله عليج والله يهنييج يارب

 

[salsa]

رد: سويت شفط وشد,, تعالوا شوفوا قصتي

الحمدلله على سلامتج,والحمدلله اللي الله عداج الشر,انا لي تجربه تشبه تجربتج الى حد ما سويت عمليه شفط بالضبط من شهر و6 ايام يعني بعدج باسبوع تقربا بس صراحه شفت الموت و احمد ربي اللي نجاني واحمد ربي مره ثانيه اللي خلصني من زياده الوزن مع ان يبيلي انزل وزني لاني لي الحين فوق ال 100 بس الحمدلله بالشكل ما تعطيني هالوزن شكلي بال 80 نات , حبيت اسئلج جم شغله,اول ما طلعتي من العمليات جم نقص وزنج عن قبل العمليه يعني هلى ال 11 كيلو بينوا بالميزان لان انا نزل مني تقريبا 10 كيلو ما بين بالميزان عقب العمليه الا 4 كيلو وانا الحين مع الرجيم والرياضه منزله قولي 4 الى 5 فابي اعرف اللي انشال بالعمليه متى يبين عالميزان؟؟ وبسئلج دكتورج شدلج العضله الداخليه؟ انا صراحه ما سويت شد قلت اسوي رياضه واشد يلدي,اتمنى نتواصل ونفيد بعض بما ان تجاربنا متشابهه اي وبسئلج ما عطاج الدكتور جلسات باي نوع من الاجهزه؟ عشان ينزل الماي من جسمج ويروح التتفخ؟

 

[^^المهره^^]

رد: سويت شفط وشد,, تعالوا شوفوا قصتي

وناسه عليج بالف عافيه حبوبه .. والحمدلله على سلامتج : )

انا صارلي فتره احن على امي بس مو راضيه تقولي اخاف يصير فيج شي :/

وليلحين احن عليها واقولها تجارب البنات .. مره ترضى وبعد دقيقه تغير رايها مادري شسوي معاها وشلون اقنعهاا :eh_s(2):

بكلمها مره ثانيه وياااارب تقتنع ..

وانشالله توصلين حق الوزن اللي تبينه ومووفقه حبوبه : ) ​

تسلمين حبيبتي ماتقصرين
واذا عالوالده لاتحاتين مع الحنه بترضى
ماكو كثر امي اول من اييبلها هالسيره تجعمني و تزفني بس كثر الدق يفج اللحام

موفقه ان شاءالله

 

[^^المهره^^]

رد: سويت شفط وشد,, تعالوا شوفوا قصتي

كم وزنك الحين بعد العمليه

قبل العمليه كنت 100 الحين صرت 88 بس انا شكلي مايعطي وزني يعني الي يشوفني يقول اضعف من جذي و على فكره العمليه هذي تنزل بالسايز مالها شغل بالوزن بس انا قاعده انزل لاني قاعده اسوي رجيم و رياضه

 

[^^المهره^^]

رد: سويت شفط وشد,, تعالوا شوفوا قصتي

الحمد لله علي سلامتج انتي سويتي بطنج ومؤخرتج بس شفط وشد صح انزين الالم خفيف تقدرين تحملينه وله حيل عوار انا سمعت من رفيجتي تقول شي ما تخيلينه عوارر مو طبيعي جنج طايحه من فووق وله الم عادي ويا ليت تقولين شسم دكتورج قبل العمليه جم كان وزنج وبعد العمليه جم صار ومشكوره

الله يسلمج حبيبتي مشكوره
حبيبتي انا سويت شفط حق جسمي كله وشفطت و شديت بطني
والعوار مستحيل يكون مثل ماتقولين لسبب
ان الدكتور بيعطيج مسكنات بالفتره الاولى يعني اسبوع عقب العمليه وهيا اصعب فتره انتي بتكونين تحت تأثير المسكنات
ودكتوري اسمه (أشرف عبدالقادر) عيادته في بوشهري كلنك
ووزني كان 100 و صرت 88 هذا نزلته بشهر واحد بس و انشالله ناويه انزل اكثر

 

[مراسي الشوق]

رد: سويت شفط وشد,, تعالوا شوفوا قصتي

الحمدالله على سلامتج حبيبتي وان شاءالله تتهنين بجسمج اليديد والله يبعد عنج كل حاسد رقي نفسج قبل لا اتروحين اي حفله او عرس

 

[*الفراولة*]

رد: سويت شفط وشد,, تعالوا شوفوا قصتي

الحمدلله على سلامتج

 

[^^المهره^^]

رد: سويت شفط وشد,, تعالوا شوفوا قصتي

الحمدلله على سلامتج,والحمدلله اللي الله عداج الشر,انا لي تجربه تشبه تجربتج الى حد ما سويت عمليه شفط بالضبط من شهر و6 ايام يعني بعدج باسبوع تقربا بس صراحه شفت الموت و احمد ربي اللي نجاني واحمد ربي مره ثانيه اللي خلصني من زياده الوزن مع ان يبيلي انزل وزني لاني لي الحين فوق ال 100 بس الحمدلله بالشكل ما تعطيني هالوزن شكلي بال 80 نات , حبيت اسئلج جم شغله,اول ما طلعتي من العمليات جم نقص وزنج عن قبل العمليه يعني هلى ال 11 كيلو بينوا بالميزان لان انا نزل مني تقريبا 10 كيلو ما بين بالميزان عقب العمليه الا 4 كيلو وانا الحين مع الرجيم والرياضه منزله قولي 4 الى 5 فابي اعرف اللي انشال بالعمليه متى يبين عالميزان؟؟ وبسئلج دكتورج شدلج العضله الداخليه؟ انا صراحه ما سويت شد قلت اسوي رياضه واشد يلدي,اتمنى نتواصل ونفيد بعض بما ان تجاربنا متشابهه اي وبسئلج ما عطاج الدكتور جلسات باي نوع من الاجهزه؟ عشان ينزل الماي من جسمج ويروح التتفخ؟

الله يسلمج حبيبتي و الحمدلله على سلامتج انتي بعد
اول شي احب اوضحلج معلومه وهيا ان الدهون الي تنشال منج بالشفط هذي مالها وزن وماتأثر بالوزن والدكتور يقيسها باللتر
انا شال مني 11 لتر وهذي نهائيا ماتأثر بالوزن دكتوري كان قايل لي مو تقوليلي جم كيلو بنزل؟ انا مالي شغل بوزنج انا علي من شكلج وقياساتج بالمتر بسسسس
انا اول ماسويت العمليه وزنت 3 يوم تقريبا لقيت نفسي نازله 5 كيلو اول شي لاني ماكنت آكل كنت كله احس بلوعه من البنج فاماكنت اشتهي الاكل + ان اللي شاله من بطني من دهون وجلد زايد كان يعادل 3 كيلو فا هذا الي نزلني بعد..
ودكتوري طبعا شد العضله الداخليه مالت بطني خيط العضلات مع بعض و شدهم عشان يصيرون مثل الكورسيه بس من داخل فا صار شكل بطني مسموت ماشالله ومشدود
والدكتور مانصحني بأي جلسات بس انا الحين قاعده اخذ عنده أبر ميزو حق ظهري علشان يشد لان كان فيه كمية شحوم كبيره فا لما انشفطت تحسين الجلد شوي ارتخى بس الحين الحمدلله بديت الاحظ فرق كبير مع ان صارلي جلستين بس وباجر موعد جلستي الثالثه وان شالله خير يا رب
وانا حاضره حق اي استفسار

 

[^^المهره^^]

رد: سويت شفط وشد,, تعالوا شوفوا قصتي

كل من تحمدلي بالسلامه و باركلي

الله يسلمكم يارب و يبارك فيكم
ومشكورين واااااااااااايد

تحياتتي لكم جميها

 

[بتبوتااا]

رد: سويت شفط وشد,, تعالوا شوفوا قصتي

اهياا سوتها بالقاهره وطبعا دكتور عن دكتور يفرق

طمنيني عليج الحين حبي شلون بطنج ؟ وشكثر لج وجم كلفتج العمليه؟

 

[^^المهره^^]

رد: سويت شفط وشد,, تعالوا شوفوا قصتي

اهياا سوتها بالقاهره وطبعا دكتور عن دكتور يفرق

طمنيني عليج الحين حبي شلون بطنج ؟ وشكثر لج وجم كلفتج العمليه؟

منو الي سوتها بالقاهره؟؟
المهم حبيبتي انا الحين طيبه الحمدلله و بطني الحمدلله من اروع مايكون
والعمليه كلفتني 4000 بس هم عقبها والله مازلت ادفع على جلسات الميزوفيرم وغير الكورسيه الي غيرته مره و الحين بعد لازم اغيره كل مره اخذ قياس اصغر والكورسيه ب70دينار
بس والله مو همتني الفلوس دام قاعطه تنقط على نتيجه والله حلال مو مثل اول اقط فلوس الدنيا وماشوف نتيجه

يلا الحمدلله على كل شي ربي لك الحمد
التوافيج من الله

 

[ii DareeN ii]

رد: سويت شفط وشد,, تعالوا شوفوا قصتي

الحمدالله على سلامتج :eh_s(17):

 

[لحظات^العمر]

رد: سويت شفط وشد,, تعالوا شوفوا قصتي

حمد الله على سلامتج بس انا اخاااااااااااف حيل من هالسوالف

 

[lojeeen]

رد: سويت شفط وشد,, تعالوا شوفوا قصتي

يعطيييييييييج العافيه على كتابه الموضوع و ذكر تجربتج الله ينور عليج دنيا و آخره :eh_s(22):

الحمدالله على سلامتج حبيبتي و مبرووووووووووووووووووووووك نجاح العمليه و نزول الوزن :eh_s(17)::eh_s(17)::eh_s(17)::eh_s(17):

و صدقتي الفلوس ما تسوى شي إذا الواحد مو مرتاح من شكله و مو بكامل عافيته :friends:

صج بغيت اسألج لما شد بطنج سكر لج الجرح بخياطه و غرز و لا بالليزر لأن ماشاء الله اتقولين ما ترك لج أثر فأبي اعرف لو مستقبلاا جيت بسويها :eh_s(21):


و مشكووووووووووووره على كتابه تجربتج و مبروك مره ثانيه على النزول الحلو :eh_s(22):

 

[HASSOS]

رد: سويت شفط وشد,, تعالوا شوفوا قصتي

الحمدالله عالسلامة والله عطاج على نياتج وعسى اللة يتمم عليج

 

[الحــــــلا كله]

رد: سويت شفط وشد,, تعالوا شوفوا قصتي

مشكوووره حبيبتي رديتي على أسألتي
انا مفكره احمل واسويها وانطر 3 سنين احسن
بس كان سويتي رجيم واخر شي سويتي العمليه
قوليلي حبيبتي الكورسيه من وين شريتيه ؟!

 

[Miss Moma]

رد: سويت شفط وشد,, تعالوا شوفوا قصتي

ألف الحمدالله عى سلامتج ومبروك النيو لوك ههههه ديري بالج من العين