سويت سونار وانا بالاسبوع ال 11 شرايكم بحجي الدكتور

[mo0on-q8]

حبيبتي الله يرزقج بالولد يارب ..
ويرزقني انا همن بولد اخو لبناتي ..

 

[ساندريلا]

نطري مايبين الحين تو الناس
على الاقل سوي بالاسبوع 13

 

[pinky cat]

شوفىى حبيبتى انا سويت سونالر بالرابع قالولى بنت ,,,,,, وسويت بالخامس قالولى بنت ,,,, وسويت بأخر السادس قالولى ولد ,,,,, يعنى مايبين حبيبتى تو الناس عليج

 

[شووقة]

نطري لشهر الرابع سوي سونار
انا بحملتي الاولى سويت عند اشرف بالرابع وقال بنت وصج يبت بنت

 

[tmtmt]

ما اعرف بالاسابيع
الله يرزقج ما تتمنين

 

[Roty]

رد : سويت سونار وانا بالاسبوع ال 11 شرايكم بحجي الدكتور

غلاي حبيبتي مبرووووك

الله يسهل عليج

مر شهر على موضوعج انشالله بين شنو بالسونار؟؟؟؟

 

[مدمنة ككاو]

لا تستعيلين حبيبتي ماردج بتعرفين جنس الجنين

 

[wafa82]

رد : سويت سونار وانا بالاسبوع ال 11 شرايكم بحجي الدكتور

حبيبتي تو الناس نطري بعد اسبوعين والله يعطيج اللي تبينه

 

[حرم يوسف بيك]

رد : سويت سونار وانا بالاسبوع ال 11 شرايكم بحجي الدكتور

الله يرزقج بالي اتمنين والولد والبنت والله كلهم حلوين والبنات ملح الدنيا فيهم اهم شي الياهل سليم ومعافى

 

[عبير الكويت%%]

ها بشري ام عزوز ؟؟؟

 

[أبله شقحه]

أنا أكثر منج أبى ولد
بس سونارة مضبووووط
قالى نفس وقتج كنت فيج بنت
وفعلا بنت
ربى يرزقنا بالولد الصالح يارب

 

[ليان حياتي]

رد : سويت سونار وانا بالاسبوع ال 11 شرايكم بحجي الدكتور

اللة كريم

 

[om la6ofa]

هااااا بشري شنو صار عليك؟

 

[om al ghaleen]

مايبين الا بالرابع .. هذا الاكيد
ونطري ع الدكتور اشرف واهو نادر مايغلط


\\

 

[دلوعةQ8YAT]

رد : سويت سونار وانا بالاسبوع ال 11 شرايكم بحجي الدكتور

كله رزق من الخالق
اتركها لله وادعى بما تتمنين

 

[الاحساس والطيبة]

رد : سويت سونار وانا بالاسبوع ال 11 شرايكم بحجي الدكتور

انا في بنتي سويت سونار باخر الثاث عندعاليه الفضلي قالت لي بنت ماصدقت وفعلا جبت بنت

 

[غلاي عزوزي]

حبايبي ماقصرتو تسلمون

طبعا نطرت اسبوعين ورحته
وقالي




































ولد
بين شيسمونه فديته













اللهم لك الحمد حمدا كثيرا طيبا مباركا
الف الحمدلله
ربي يحسن خلقه واخلاقه


وان شاء الله يرزق كل محرومه من الولد نفس ماربي اكرمني وعطاني


سبحان الله كنت مابي الحمال وبجيت واستغفر الله دعيته انه البيبي ينزل لاني مابي الحمال الحين
وسبحانه
عسي ان تكرهو شيئا وهو خيرا لكم

 

[@سيدة نفسي@]

ماشاءالله لاقوة الا بالله .. الله يتمم عليج حبيبتي وتشوفينه بحضنج

سليم معافى آآآآآآآآآآآآآآآمين يارب العالمين

 

[غلاي غير]

مشاء الله والف مبروك الولد الله يتمم عليج بكل خير وتشوفينه بحضنج

 

[LiL MaMa]

رد : سويت سونار وانا بالاسبوع ال 11 شرايكم بحجي الدكتور

الله يتمم عليج
و يرزقج الذريه الصالحه