سويت سونار وانا بالاسبوع ال 11 شرايكم بحجي الدكتور

[غلاي عزوزي]

شلونكم



من لهفتي عالولد


رحت سويت سونارين بوقت واحد

تري مايضر وهالحجي بدع وسوالف حريم ماكو شي علمي

رحت لمحمد السماك الي في بوحمره كلينك بعد مدح الحريم له


عادي سوناره ب15 دك مو ب10 نفس ماقلو

مابين شي قالي امكن ولد وامكن بنت العضو صغير



طلعت منه رحت حق ملك السونار علي قولتهم اشرف نور الدين


قالي احتمال بنت تعالي بعد اسبوعين وسونارج ابلاش لانج يايه الحين مبجر حيل

شرايكم بكلامه


ودي افرح واييب لولدي اخو وافتك خلاص

ادري بتقولون نطري


بس منو الي جربت سونار اللاسبوع 11 عند اشرف قالي بنت عقب ماشاف شي مدور بين ريول البيبي

استغفر الله ضاق خلقي بس الحمدلله علي النعمه

شرايكم

 

[angel_soul_1989]

رد : سويت سونار وانا بالاسبوع ال 11 شرايكم بحجي الدكتور

الله يتمم عليج حبيبتي لاتستعيلين سوي مره ثانيه بعد شهر وراح يبين اكيد وحمدي ربج على النعمه ولاتضايقين الله يجعله طفل سليم معافى

 

[*الجادل*]

11 مايبين واضح

حدج مستعجله

نطري اسبوعين مثل ماقال لج وشوفي

الله يرزقج اللي تتمنين

 

[*Crafty-girl*]

دكتور اشرف وايد ممتاز نطري سبوعين وراح يعطيج الاكيد بأذن الله

ومع دكتور اشرف ماراح تندمين صدقيني لانه معروف اكثر دكتور خبره بجنس الجنين بالكويت

 

[الجفول&]

رد : سويت سونار وانا بالاسبوع ال 11 شرايكم بحجي الدكتور

لاتستعجلين وانت ماشاء الله عندج ولد نطري وسمعي كلام الدكتور

 

[كويتيه مذهله 87]

كل الناس تستعيل تبي تعرف شنو اب بطنها بس مو 11 اسبوووووووع من صجج

 

[iLLuMinaTion]

لا تستعجلين

 

[V!P G!RL]

الله يرزقج باللي تتمنين احسن شي يبان 13 اسبوع

 

[حنوووونهـ]

ماادري ليش هالعيله فيكم تو الناس
الله يرزقج ماتمنين

 

[بنتq8]

فى وحدة كانت حاطة بقسم الاطفال يبين فيج ولد او بنت شوفيها من عشر ايام يبين رفيجتى طلبتة وظبط معاها

 

[مشموشته]

تو الناااااااس

 

[أحساس نفسي]

اي حيل مستعجله توج بالثالث
بنص الرابع يبين
انا بالاسبوع 12 ومابين كلش ولا سألت لانه ادري يبين باخر الرابع
وبعدين ليش تحاتين اصلااا مكتوب شنو نووعه من قبل تحملين وان شاء الله بتعرفين قريب
ومدام عندج ولد ليش ماتبين بنت غريبه ... ياحلو البنات يازينهم والله احلى من الصبيان مليون مره
والله يرزقج ماتتمنين قولي امين ....

 

[om.saloom]

الله يتمم عليج و اهم شي صحة الجنين
وكل شي من الله حياه اله و قولي الحمد الله في ناس مو حاصلها ضفر ياهل
موفقه حبوبة

 

[Q8lady2009]

عندي لج سؤال يعني اذا قالج الدكتور بنت مو ولد بتنزلين البيبي والا بتنهارين انتي حملتي والحمدلله وعلى كلامج عندج ولد من قبل احدمي
ربج وصلي شكر ترى غيرج مولاقي ظفر جاهل وفيه ناس انطروا اسنين ويوم جاهم الجاهل جاهم معوق الحمدلله الذي عافانا نعمت الاطفال محد يقدرها الا اللي فاقدها ترى الناس تطورت ما عاد تفكر بالرجعيه هذي انطري احسن دكاتره مايقدرون يعرفون نوع الجنين بالاسابيع الاولى الله رزقج بهالنعمه والله ادرى باللي فيه خيره لج
اتمنى انج تتعقلين ولاتسوين سونارات واجد الله بيرزقج على قد نيتج

الله يفرحج ويفرحنا بعيالنا بنات او أولاد المهم الصحه والعافيه تراها اكبر نعمه

 

[@سيدة نفسي@]

عن تجربة أضمن شي تنطرين للأسبوع ال20 موووووووو قبل لأن احتمال الخطأ كبير قبل هالأسبوع

وانا ملاحظة ان أخطاء السونار كثراااااااااااااااااانة هاليومين وبالذات د.أشرف كان قايل حق العضوة أم يويو

ولد بالأسبوع 14 وشافت أعضاءه بعد ؟!! وبعد اسبوعين تأكدت انها بنت وفعلا يابت بنوتة الله يخليها لأهلها

واللي كاتبه ربج بيصير فريحي أعصابج وارضي عشان ربي يرضيج ان شاءالله ...

 

[_ظل الياسمين _]

دعى ربك الخلقه التامه واهو ادرى بالاصلح لج.

 

[*ماي الورد*]

رد : سويت سونار وانا بالاسبوع ال 11 شرايكم بحجي الدكتور

وايد مستعيلة

 

[غلاي غير]

صبري عشر ايام وسويه عند دكتور ثاني وان شاء الله يعطيج الي فيه الخير

 

[غلاي عزوزي]

تسلمون خواتي بس الفضول ذابحني

وصج اشرف زايده غلطاته لانه همن غير العضوه او يويو في وحده مأكدلها بنت وسوت سونار رباعي لقته ولد واهو الي قايلها 100 بال100 بنت

محد يعلم الا الي حطاه فالرحم
ننطر والله كريم بس لاتلوموني ولدي يحن يبي اخو عندي نت بس لعبه هعاها ووناسته غير واهو كبير 7 سنين يعني يبي من يخاويه
وسلامتكم

 

[منور بنت الطنايا]

الله يرزقج ماتتمنين يااارب