سويت تكميم معدة علشانه .. ويوم ضعفت قال كنتي احلى لاااااااااااااااااااااااااااااااااا

[am faisal]

اعرف وحدة شعرها خيال طويل ولونه كستنائى يهبل وزوجها يقولها قصية وصبغية احمر وتروح وتقصة وتصبغة احمر يعنى مسويتلة مفاجاة
ولما شافها بطها ضحك ها ها ها ها ها مو ضحك عادى بعد ضحك اللى يحر يمسك بطنة ويقول حكيمة حكيمة اللى بالحيالة عندها حسيت انى سوبر دجة ركضت الحمام وقفلت الباب وبكيت لين مت وتحسفت قد شعر راسى اللى راح وكل ما طالعت المراية وارى كم هولت بنفسى لاجلة رديت ابكى لين صكنى راسى كلة منة يا ويلى على شعرى وبعدها خلاص تبت واللى يقهر يقول وين شعرك قبل يا حكيمة اخى اخى لونة وطولة المرة بدون شعر ولا شى
اقوم ابرك بحلقة وللاسف اكتشفت انى ملعابة وللاسف خلانى حكيمة مع انى بهالسالفة ما كنت حكيمة ابداااااااا

 

[شيخه السمر]

الحمدلله على سلامتج و اهم شي يكون عاجبج ستايلج اليديد وماعليج من بو الشباب يمكن غيران منج لانج صرتي احلى

 

[آهات الليل]

ياحياتي ماعليج يمكن لان تعود على شكلج عرفتي
ماعليج باللبس والكشخه والقمصان ولياليج السنعه بيتغير لان اكيد تغيرتي فجاه عرفتي
لبسي قمصان تبين جمال جسمج وحبببيه بجسمج وبعدين بتكتبين موضوع انه عجبتيه فدييييييييييييتج

 

[اميره1980]

ترا الرشاقة صحة و عافية قبل لا تكون مظهر
صحيح الشكل مهم بس في اولويات للرشاقة اهمها تجنب الامراض
انا سويت التكميم من شهرين بس وزني كبييييييييييييييييييير حيل و الحمدلله الحين مبين علي الضعف و الكل يمدحني و مستانس على التغيير
انتي اهم شي نفسج شلون شايفتها ؟؟ اهم شي الثقة بالنفس

بعد فترة ردي سأليه مره ثانية و شوفي شيقول ؟ ترا وايد رياييل ساعات يخورونها ما

 

[M❤kaaa]

حبيبتي مثل ما قالو البنات

مالج شغل فيه اهم شي صحتج وهذا فوق كل شي وبعدين شكلج تغير وصغر بس هذا كافي

وهم مثل ما قالت اختي رق رق فيه رياييل ما يحبون يمدحون عشان لا تغترين بنفسج

 

[غنج بدويـه]

ماعلييييييييج .. السالفه مسألة وقت وهو بنفسه بعترف انج بالتغييير احلى
وتراهم يحبون التغيررر بس ع قولة البنات مايبيج تغترين خخخخخخخ
وبصراحه دعواتج تجنن هههههه

 

[أميرة القصر]

الحمد لله على سلامتج والله يديم عليج صحتج وعافيتج ... آمين

ماكو أحلى من الرشاقة عسى الله يرزقنا جسم رشيق بصحة وعافيه يا رب .. آمين

والبنات ما قصروا بالحلول

 

[شقاوةحلم]

ماشاء الله عليك
ماعليك منه انا الان نفس وزنك اسوي رجيمات عشان كاره جسمي وكارهه السايز بالملابس مو عارفه البس ولاشي وهو مو راضي ولا عمليه ولا نادي
عشان عارف لو نحفت بطلع احلي
مطنشه ومستمره بالرجيم 
انبسطي بنحفك وخليه اخر همك ثقتك بنفسك بتاثر عليه

 

[زوجة عزيز]

الحمدلله على سلامتج حبيبتي

 

[G!RLooNa]

شلون سويتيها و وزنج 85 ما يصير خطر على صحتج لازم الوزن فوق ال 100 :/

عموما اهتمي بصحتج و ديري بالج ترا وايد شعورهم تطيح عقب هالعمليه

و خلج واثقه بنفسج امشي جدامه و قولي شحلات جسمي فديت جسمي يا حلاتني و اهوا بيعجبه

 

[هالة55]

هنئيا لكي الرشاقه

 

[brettey]

حبيبتي اعطيج دعاء التزمي فيه على طوووول
اللهم اجعلني نورا بين عيني زوجي

مره سمعت سالفه وحده مافيها ذاك الجمال وزوجها يموت عليها وسالوها عن السر قالت لهم السر في هالدعاء

الله يسخره لج ويجملج بنظره

 

[عنووشه]

ماعليج منه

اولا يمكن مو متعود علي شكلج الجديد ويبيله وقت

ثانيا مايبي يمدح يخاف تشوفين نفسج علييه

ثالثا وهو الاهم دام مقتنعه ومرتاحه باللوك الجديد طااااف

 

[قمرية الفيس]

يمكن تعود على شكلج متينه وراح يتعود على شكلج ان شالله رشيقة انتي شعليج منه بما انج مستانسة برشاقتج مالج شغل فيه صدقيني الرجال ياحب زوجته وارتاح معها مايهمة ضعيفة ولامتينه المهم عشرتها حلوه ومريحته
انا زوجي مايحب المتن بس لما متنت بحمالي قلتله بس اولد ان شالله بشد على نفسي واضعف
تخيلي قالي
رجااااااء مابي رجيم ولاعقد ولادوخة راس

 

[cat^q8]

واي فديتكم


والله صج شجعتوووني رفعتوا من معنوياتي بعد قلبي


مشكووووورين مشكووووووورين وصج هذا اللي بسوية مالي شغل

يمكن السالفه سالفة تعود على ماتقولون


وبنطر وبشوووف شنو تاليتها معاه


وبخصوووص اللي قالت شلون سويتيها ووزنج بالثمانينات عااادي حبووبة واايد سووها قبلي


وبخصوووص اللي كتبتلي دعاء اللهم اجعلني نوورا بين عيني زووجي امين يارب ولج المثل وايد عجبني الدعاء راح اكرره بقلبي


مشكووورين خواتي كلكم

 

[cutee__q8]

انتي بنفسج قلتي انه مايمدح
وبعدين ان شاء الله مع الايام بيتعود علي شكلج
وأحلي شي الرشاقه
استمتعي بالصحه شلج بالمتن
واذا تكلم عن ضعفج بيني له انج واثقه من نفسج
وانه شكلج عاجبج عشان يقتنع انج تغيرتي للاحلي وهذا اللي صار طبعا ؛*
والله يوفقج ويجملج بعيونه

 

[سكوتي بذوقي]

خاطرتي بحياتك علشانه ومو عاجبه

قولي له الرشاقه صحه قبل كل شي

الله يخليكم لبعض يارب وتكونين دوم حلوه بعيونه

 

[احلام واقفه]

بالعكسسسسسسسسسسس روووعه راح يصير جسمك
اهم شي انه مو مترهل خليك واثقه من نفسك ووحتى لو موعاجبه بيصير يعجبه اذا عندك الثقه راح تخلينه يثق

يعني البسي مرصرص ولبسي كعب وامشي وقولييه شف شلون صار جسمي حتى البلوزه اللي علي صارت احلى يوم لبستها

ومع الوقت صدقيننني بيحس انك ملكت جمااااااااااااااال (عن تجربه

 

[دلوعة صلوح]

ماعليج حبيبتى يمكن اجبة بس فى ريايييل مايحبون يمدحون حريمهم عشان مايشووفون نفسهم.

 

[مولاي الفرج]

لاماعليج لو مايحب الرشاقه جان ماوافق انج تسوينها

عادي يبا