سويت تحليل دم وماكو حمل ومتأخره دورتي مليت يابنات خلاااااص تعب

[طفلة المطر]

مرحبا


بنات انا من فتره قلت ان دورتي تأخرت

يعني آخر دورتين كانت

16-3

16-4


وهالشهر نستني ما جت


والله اني اصلي وادعي ياربي ان كانت دوره نزلها

وان كان حمل ثبته يارب

وصار لي ثلاث ايام احلم في مرة اخوي حامل

وزوجي حلمت فيه يعطيني لاب توب هديه

بنات انا مااحس بالأم بس مغص خفيف كأن الدوره بتنزل علي واروح الحمام

القى افرازات ماي او بيضا او شفافه

طبعًا انا خايفه تكون الحجامه اللي سويتها

انا استخدمت القسط البحري

بس محتاره بطني كبر حيييل

لدرجه ان خالة زوجي تقول فلانه حامل ومخبيه عنكم تقول لخوات زوجي

حللت يوم الخميس بعد اربع ايام من تأخر الدوره وماكو حمل

وحللت قبل امس في مستشفى الهادي هرمون الحمل

ومابين الحمل

والدكتوره قالت لي انطري بعد وحللي واذا مافي حمل نزليها بحبوب

بنات شرايكم الحين دورتي متأخره 10 ايام شنو اسوي

 

[البدايه 23]

واااااااو يالغاليه مثل حالتي انا متاخره علي 7 ايام وسويت تحليل وماكو حمل وما احس باي شي نهائيا ونفسيتي تعبانه حيل انا عندي تكيسات بالمبيض واول مره اتسوي فيني الدوره جذي بالعاده دايما امجدمه تنزل قبل موعدها والحين متاخره بس مافي حمل الله كريم يرزقج ويرزقني ويرزق كل محروم

 

[طفلة المطر]

آميييييييييين

انا فيني تكيس على المبيض اليمين وخفيف وخايفه حدي

ياربي لا تحرمنا من الضنا الصالح

 

[أغصان]

حبيبتي عسى ربي يرزقج يارب وتطلعين حامل
بعد 5 ايام روحي لدكتوره وقوليلها خل تسويلج سونار لأن الدوره متأخره عليج اسبوعين
واذا ماكو حمل راح تعطيج حبوب دفستون اذا دوره راح تنزل واذا حمل راح يثبت ان شاءالله

 

[طفلة المطر]

صرت اتمنى تكون دوره وارتاح وتنزل

مالي خلق عالـ نيقتيف

ياربي والله ان حملي ثقييييييل همومي اكبر

 

[درة أهل الطولات]

يارب

يارب

يطمنج ويسمح بالج

 

[طفلة المطر]

آميييييييييييين


انا وكل من تمنى الضنا الصالح

 

[ايمانو حلوة]

بنااااااااات ترى التكيسات اتأخر الدورة


انا اختي جذي تقعد شهر وشهرين وماتنزل الدورة الا بعدفترة طويييلة يا بروحها يا ابعلاج واللي اعرفه علاج التكيسات اهو الكلوفوكاج وحبوب منع الحمل عشان تنتظم الدورة

 

[خلوودة]

عادي حبيبتي انا بعد توني ياية من المستشفى تاخرت الدورة 5 ايام ورحت الدكتورة وعطتني ابرة لاني سويت تحليل حمل منزلي الصراحة ومافي شي بس العوار حده ذابحني بموت منه بس عطتني ابرة انزلت الدورة علطول الحين اشوية خف العوار والله كريم بس انتي ارتاحي ولا تفكرين وايد ولا تحاتين وانشالله خير يارب

 

[روعة خيال]

اكيد من التكيس

انتي متينة؟؟

 

[الاخلاص]

عسى الله يرزقج بالحمل بس انصحج بالعسسسسسسسسسل عسل العويد مجربته

 

[طفلة المطر]

لا انا مو متينه

بالعكس جسمي رشيق حيييل

وضعيفه وجسمي ماكو شعر الحمدلله

انا مستغربه لأن اللي فيهم تكيس متان وشعرهم نفس شعر الرجال

انا الحمدلله لا مااعاني من هذا كله

الدكتوره قالت تكيسج على المبيض اليمين ونوعه الخفيف

ومايمنع الحمل عادي

بنات لحد الحين ماجتني الدوره مع اني اضغط على بطني علشان تنزل

حتى اقول لزوجي اضغط على بطني برجولك

ابيها تنزل بطني متفوووخ حييييييييييييييل


بنات تعبت والله زوجي فاقد الامل اني احمل

حسبي الله ونعم الوكيل

ياربي والله اني اموت باليوم ألف مره

كل يوم بكي

 

[البدايه 23]

لا تضغطين على بطنج مو زين يمكن حامل الله كريم

 

[»غ ـرورإنـثىآ●●]

اللـّه يزرقج يارب
ويرزقني هالشهر

 

[مغتربة 2006]

انتي نفس موعد دورتي بالضببببببببببببببط
وانا صامده مثلج ليلحين ما نزلت
بس ما سويت تحليل ليلحين ما ادري اقول يمكن متأخره كالعاده

 

[Joody]

اذا سويتي هرمون وما بين يعني مافي حمل روحي سوي سونار علشان تتطمنين
وانشالله يرزقج ويرزقني ويرزق كل بنات القسم بالذرية الصالحة

 

[نكهةالبرتقال]

تأخر الدورة يمكن يرجع إلى خلل في الهرمونات

موشرط حمل

 

[طفلة المطر]

شوروا علي يا بنات

شنو اسوي

مر اسبوعين صار 16 يوم متأخره مو معقوله

شنو فيني

رحت حللت اليوم وطلع ماكو حمل نيقتتيييف

يووووه ياربي والله تعبت

ياربي شنو اسوي

 

[سعودية غير شكل]

والله ياقلبي الحال من بعضه انا مفروض تجيني 17-5 وإلا الأن ماشرفت ولا سويت تحليل ولا بروح للدكتور لأني مليت تنزل ماتنزل كيفها تعبت الله يعيني ويعين كل الي نفس حالتنا

 

[نكهةالبرتقال]

أنا ما ألومك ،، كل شهر أعيش هذا التوتر ، أتوقع إني حامل و يطلع ماكو حمل ، بس أنصحك إن تحاولين تلهين عمرك بأي شي

و تنطرين التحليل بعدين لأن الأخطاء الطبية واردة.

( يا أيها الذين آمنوا استعينوا بالصبر و الصلاة إن الله مع الصابرين)