سويت تحليلين وكلهم يقولون مافيج شي !! شسوي بالرائحة الكريهة ؟

[عيون عاليه]

اذا اريحه مثل ريحة السمك هذي اللتهابات لازم تاخدين مضاد حيوي من الطبيب وتحاميل وتنمنعين عن الجماع طول فتره العلاج

والله يشفيك

 

[haytotaa]

انا الحين مع الحمال صارت لي هالمشكله

الدكتور عطاني دوا مضاد حيوي وقالي اكثر من شرب الماي

ومن قبل وحده قالت لي

او ما تحس باي مشكله من هالنوع

كانت تشرب بربيكان

وانا شربت هالشي

والله فادة

واحسن من الادويه

باليوم انا اشرب اثنين

ما يطوف 3 ايام الا ما فيج الا العافيه

ان شاء الله

جربي مو خسرانه

 

[بشه المنفشه]

يزاكم الله خير يا بنات والله خوش نصايح ربي يوفقكم

عصير البرتقال والبربيكان .. سهالة إن شاء الله مدام مافيها أدوية

 

[Heart.LesS !!]

اختي بنصحج بلي انا عرفته من خلاال تجربه

روحي الصيدليه واشتري غسووووول اسمه سيتيال وروحي للعطار واشتري مستكه

طحني المستكه ونقعيها مع شوية ماي حار ولفي المطحون بشااااش وحطيها تحت قبل النوم واول ماتقومين غسلي بالغسوووول هذا واهم شي الشطف السنع

ومعروفه المستكه بريحتها الحلوه والغسول هذا نفس المعقم حتى ريحته حلوه والاهم من كل شي ان ملابسج الداخليه قبل لاتلبسينها ضربيها اوتي عشان معروف بالحراره تموت البكتيريا او الجراثيم اذا تواجدت

وسوري عالاطاله

 

[بشه المنفشه]

تسلمين حبيبتي

الدكتورة قالتي سيتيال مو ذاك الزود واكتبتلي على غسول اسمه انتيميت بالبابونج
ريحته حللللللوة

جربيه

 

[شيخة الحلوة]

الله يكتبلج اللي فيه الخير

والبنات ما شا الله
ما قصرووو


البابونج
انا سمعت انه مثل المطهر حق الجسم


استخدميه
شربي كوب يوميا

 

[أمانيQ8]

1-سوي تحليل بول وخل يسون له زراعه2-تنشفى عدل بكلينكسات ناعمه وجافه بعد كل روحة حمام وانتي بكرامه لا اتخلين اثر للماي 3بدلي غياراتج على الاقل مرتين باليوم4استخدمي تحاميل مطهره بعد كل دوره5استخدمي غسول مافيه رغوه وايد عندج فيقزل وايد ممتاز6حطي اولويز للاستعمال اليومي الخفيف وقبل كل شي رشي عليها بودرة فيقزل تمتص الرطوبه والريحه ولبسيها بعدين ...

وصدقيني بتدعيلي بس تأكدي ان مافيج التهابات لا بالمهبل وولا بالبول وشيكي على القرحه والله يشافيج

 

[زوجي توأم روحي]

حبيبتى أخاف انتى ما ادارين نفسج ايام الدورة
فيتجمع الدم الفاسد ويسبب ريحة
وقت الدورة لاتأكلين بامية او سمج وابتعدى عن البارد

اتوقع هذى المشكلة