بحر الذكريات
New member
- إنضم
- 30 مارس 2007
- المشاركات
- 10,470
- مستوى التفاعل
- 4
- النقاط
- 0
طحين هذا من السعودية وفي محلات بالكويت تبيعه
بس تضفين له ماي وتخلطينه ودخلينه الفرن ويطلع عجيب
بس حاليا قمت اجربه صاير وايد حالي
![]()
تصدقين اول مرة اشوفه
وين يبيعونه ؟؟
أنا ماحط ماي أحط حليب
وساعات أخذ شويه من الكبكة البيضا وأخلط كاكاو
وساعات اسوي البيضا واسوي بر الوالدين واحط الكوكا عقب برالوالدين وبالفرن اتهبل أتصور طبقتين ماتختلط
واحط قيمرصغير
بالسعودية
وبمحلات اللي عند مركز سلطان الكوت
اللي تبيع القهوة والهيل
طريقتي نفس البنات بالنكهات بشر ليمون او برتقال او دارسين او هيل وزعفران
بس في طريقة معتمدتها من 4سنين ومظبوطة وكل من يأكلها يقول جاهزة
اللي هي كيكة الرهش نفس محل الحلو اللي بفرع الروضة
تجيبين علبة كيكة بيضاء وانا ازيد حبة بيضة وتخلطينها عادي
وقبل ماتحطينها بماعون الكيك تفتتين شوية رهش وتخلطينها بالقفشة
وتخلين شوية للزينة وادخلها الفرن
بهالوقت اسوي توفي ولما تخلص اضيف التوفي وارش فوقه الرهش
تطلع لذيييييذة 000بس ديروا بالكم الرهش دسم وتصير الكيكة ثقيلة شوي
وعليكم بالعافيه
***********
لكم تحياتي
انا دايما احط نص قلاص طحين زيادة على الكمية المكتوبة
عشان ما تتفتت وانا اقصها
و بالنص احط خلطة: جوز مفروم خشن+ دارسين+ سكر بني و كاكاو بودر+ ناريل
و همن فوق احط من هالخلطة قبل لا تدش الفرن
و اسوي صوص: نستلة و كيري