سويتي عرس ؟؟ شنو المواقف الطريف الي صارت فيه ؟؟

[mama Dl3]

عاد انا كنت بقمة توتري وقمة العصبية وكنت متأخرة على الصالة وبلبس بسرعه
ومعاي بالغرفه وانا بالندروير عشان يخلصوني ويلبسوني
2 كاوفيرة حق شعري
1كانت تضبط مكياجي
3مصورات
3 خواتي
2 بنات خالتي
1 خدامة
وكلنا بغرفه الفندق
وبكل هل الووووية واصرخ على هاذي وازف هاذي
ويبون يلبسوني ولما اختي بتسكر السحاب النفنوف
ولا @@
ينشققققققققققققققق السحاب كلة
وصارت دقيقه صمت الكل ميت خرعه
والي بجت والي تصرخ والي تقووووووول لاااااااااااااااااا
والمصورة اذكروا ربنا ياقماعه والكل يطالعني ينطرون
احذفهم وحده ورا الثانية ولا انا هستر ضحك هااااااااااااهااااااااهاااااااااااهاااااااااا
والكل @@
مادري والله حسيت بلحظة جنون صابتني لاتلوموني عروس ويصير فيني جذي
ووراي عرس وعااالم

 

[tmtmt]

افففففففففففففففففف حده قويه شلووووون

عاااد شنو سويييتي ؟؟ كمليلنا القصه علقيتنا

 

[mama Dl3]

ههههههههه
شنو سويت انا قعت اكمل الهسترة الي حاشتني واضحك وادق على رفيجاتي واقولهم واهم
بالعرس ناطريني منصدميييييين

اختي دقت على المصمم تقولة شنو صار طبعا اهوه ين يقول كيييف حصل هييييك مش معقووول
ودزلي خياطات اهوه يسوق فيهم وطاف اشارتين يقولنا انخرب بيتي انا
واهوه الخياط بحولي وانا بفندق المرينا ياحليلة وصل ب10 دقايق من الخوووف
وقاموا يخطون بدلتي وانا اطالع واضحك واختي وحدة والله كانت بالصالون تحت مو عندي اغمى عليها
والثانية اختفى مكياجها من البجي وانا اضحككككك للحين بوقتها مادري شنو صار فيني والله يمكن ياني جنون
مؤقت صج تأخرت بس تم بحمدالله كل شي والمشكلة لييييي الكوشة وانا اضحك هاهاهاها وامبية مبين بالفيديو
جني مومصدقه تزوجت بس وييييين كنت والناس وين ما صحيت من الغيبوبة الا على زفت ريلي صكتني البوهه
يعني بالفيوديو شكلي فلم اول شي شاقه الضحكة بكبر وييهي وفجأه تحول وييهي علامة استفهام !!!!
موقف مليييييييييييغ

 

[Shima-Style]

يحليلـــكم موااااااااااقفكـــم موووووصـــــــــج
الله يعـينــــا بــــاجر >> عزوووووبــــــــيه :eh_s(6)::eh_s(6):

 

[المستبــده]

هههههههههههههههههه
مواقفكم تهبل

انا موقفي يفشل
نفنوفي كان وايد كبير
ويوم نبي ننزل للفندف رياي شايل مسكتي
وعياااال خالته شايلن طرحتي من وراا لين ما وصلوونه لي باب الغرفه
فشله
يوم اقول حق خواتي ليش ما يتو معاي
يقولون نخلي العرس ونيي معاج ليش

و بالغرفه انا اطلع الماشات وريلي يعدهم وراي لين ما تعب وهدهم وانا ليلحين اطلع

 

[Spoildish]

بقولكم شنو صار معاي ما تصدقون والله يوم عرسي رحت الفندق مروئه على الاخر و طلبت الكوافيرة من صالون و اللي تحطلي مكياج من صالون ثاني ..المهم قاعدين بغرفتي يخزون بعض و اللي تسوي شعري مصريه يايبه بناتها 4 يسرحون بالغرفة و يمرحون و اصغر وحده فيهم عمرها 7 سنين تقول انا قلت خل يستانسون شوفون عرس كوايته ...شكو انا قايله ممنوع بدون بطاقة لا و بعد يهال انا كنت نحيسة سويت عرس بس محفوف مو وايد ناس و الزعلان اكثر من الراضي بعد هالدور عيالها و انا اول مره اشوفها و عقب تهاوشت هي مع اللي تحطلي مكياج و سب و حجي وصخ و تحاذفو باغراضي اكسسواري و جوتي العرس و الثانية تحذف عليها الماشات و الاكستنشن و انا منصدمه طلعت عيوني و تزانطو و انا اقول لأ مو صج اكيد الكاميرا الخفية
لا يبا من صجهم هذول اشوه ان خالتي عندياخت امي جان تقوم ادز اللي الكوافيرة بره غصب بره لأنها خلصت تسريحتي و قفلت الباب و عيالها يبجون و الصغيره تطق وياهم بعد اوووف هاليوم كان يوم مش فايت
عقب لبست اكسسواري و الا قاطعينه حسبي الله عليهم حاذفينه من الهوشه خالتي خيطه ما يبين قالت بس نلبسج الشبكة قطيه ما تبينه عاد شاريته غالي و بدلتي حاشها ماي من الهوشن نشفته بالسشوار اووف و قعدت جسمي يرجف ما سكه روحي ببجي
و هذي مكيجتني اي شي و انا دافعتلها فلوس الحمارة تقول سامحيني نرفزتني ..و انا شنو ذنبي بله اشوه اني شاطرة بالمكياج عدلت اللي عدلته
كان يوم لا ينسى و يوم دخلت الصالة متاخره دخلت 12 و نص تخيلو
و بدشتي حاطين اغنية حق خالتي ام ريلي و عمي ابو ريلي ان الله يهنيكم و مبروك تخيلو شكو انا حسبالي مضيعة قاعده اقول بقلبي مو عرسي هذا و اطالع و انا داشه الناس تضحك منصدمين من الاغنية و عقب ما دشيت قالو شعر هم حقهم يوم التفت على خالتي ام ريلي و الا لابسه بدلة زفاف اللي يصير نوعها ناعم بدون جيبون و بيضه ضاق خلقي الصراحه و اثاري حاجزة الغرفة اللي يمي حقها و حق ريلها
و اضحكم من كلمات الاغنية يا ليلة بوفلان عساها ليله هنية يعني الناس شتفهم بس الحين من اذكر اضحك الصراحه بس وقتها كنت بقمة الغضب مو متحملة ولا شي صوري بالعرس كله مبوزة حسبالهم متهاوشه مع ريلي

واااااااااااااااي انتي لازم تسوين استقبال تعوظين الي صار و هذي خالتج شتبي من اولها لاازقه فيج

 

[contessa]

7SAFAAAAAAAAAAA 5l9o el 8e9a9
ana fat7a saf7ten agra ehni wehni looooooool
( mo mtzwja ) bas 7adii the7kt the7k


kmlooooo
up
up up

 

[بناتي حبيباتي]

2- يوم صار وقت الكيكه كانت من الفندق مو انا مسويتها يابوها ثلاث طبقات وقفنا انا معاه ماسكين السيف شثقلنا عشان نقص رحنا حق اول طبقه نقص نقص ماكو انزين ثاني طبقه نقص وهم نقص وهم ماكو طلع بس الطبقه الثالثه كيكه والاولى والثانيه فليين ( تفشلنننننننننننه )






هههههههههههههههههههههههههههههه بطني

 

[tmtmt]

7safaaaaaaaaaaa 5l9o el 8e9a9
ana fat7a saf7ten agra ehni wehni looooooool
( mo mtzwja ) bas 7adii the7kt the7k


kmlooooo
up
up up

حبيتي مو شرط تكونين متزوجه اذا كنتي رايحه عرس وشفتي شي قوليلنه

او بنات خالتج احد من اهلج ... انتي يمكن قاعده ترقصين وطحتي

مشكوووووووووووره اموره

 

[white**angel]

امبي ماما دلع موقفج ابدااااااااع والله لو صاير فيني جذي عادي ادق على المعازيم واكنسل العرس

 

[contessa]

7bebti ma3ndi 8esas
yala bnaat kamloo

 

[أشواق]

اختي يوم دخل ريلها انحشنا كلنا

وظلت بالكااب بعد ما رااحوا الريااييل

خخخخخخخخخخخخخ

وما احد فتح الكااب لين قالت لنا بنت جيراانا لحقوا على العروس وفتحوا الكااب

 

[Dear Heart]

لووووووووووووووووووووووووووووووول بناااات مواقفكمم حدها تضحك D;
نبي بعد مواقف اب اب اب p;

 

[tmtmt]

هلا حبيباتي

اهلا وسهلا فيكم في موضوعنا الفكاهي مرة اخرى

شكرا لاعادة الموضوع مره ثانيه

 

[@الياسمين@]

انا بملجتي صارلي موقفين
اول شي من كثر مو انا متوتره جان اتعرجب ، دست على طرف نفنوفي امبيي ويهي انقص بس المعازيم مالاحظوا لان كنا حاطين دخان بدخلتي ..اشوه ولا جان اقب ما احظر الملجه :RoadRunner:
بس بتصوير الفيديو .... العرجوبه واااضحه:eh_s(11):
الثاني :: صار جدام ريلي ،، واحنا زافينا لي شقتنا طبعا عقب لوية الحفله وانا مو ماكله شي يعني داايخه حدي:ch12: وتعبانه :0bee2e8d89:
تدرون شنو صار ؟؟؟
رجعت (استفرقت) :ssssso:
ريلي مسكين انصدم ماسك المسكه مالتي وانا راسي بالجيس

 

[tmtmt]

انا بملجتي صارلي موقفين
اول شي من كثر مو انا متوتره جان اتعرجب ، دست على طرف نفنوفي امبيي ويهي انقص بس المعازيم مالاحظوا لان كنا حاطين دخان بدخلتي ..اشوه ولا جان اقب ما احظر الملجه :RoadRunner:
بس بتصوير الفيديو .... العرجوبه واااضحه:eh_s(11):
الثاني :: صار جدام ريلي ،، واحنا زافينا لي شقتنا طبعا عقب لوية الحفله وانا مو ماكله شي يعني داايخه حدي:ch12: وتعبانه :0bee2e8d89:
تدرون شنو صار ؟؟؟
رجعت (استفرقت) :ssssso:
ريلي مسكين انصدم ماسك المسكه مالتي وانا راسي بالجيس

لووووووووووووووووووووووووول الموقف الثاني حده عجيييييييييييييييييييب

حده فشللللللللللللللللللله :krkrkr:

 

[بطة الزلبطة]

انا اللي صج توهقت بعرسي .......... يوم خلصت مكياجي وشعري بالصالون وصار الوقت اللي البس فيه النفنوف طبعا نفنوفي كان قطعتين فلبست التنورة ولما لبست التوب مالي طبعا على حظي اخترب السحاب وتبطل امبيه شصار فيني صج وهقة اشوى رفيجتي خذت القطعة وطارت فيها الخياط يبدل السحاب وبهالوقت على ما تيي رفيجتي قامت المصورة تلبسني وتصورني

 

[الرمش الحزين]

انا بقولكم موقفي في ليلة العرس كانت معاي عروس ثانيه المهم انه اول مادخلت الصاله كان في بنت صغيره من دخلت باب الصاله واهيا جدامي واطالع فيني المهم قعدت على الكوشه والعروس الثانيه بكوشتها المهم انه زوجي العزيز وزوجها مادخلو الصاله المهم طلعت قبلي العروس وانا بعدها شوفو اللي صار ركبت السياره جان تركب مـعاي البنت الصغيره واهو اللي يسوق احنا الثلاثه بالسياره المهم جان يقول شسمج ياحلوه جان اتقول اسمها انا سكت انا على بالي اخته وبيعرفني عليها واهوا على باله اختي الله يسلمكم وصلنا البيت ودخلنا شقتنا والمصوره مـعانا والبنت معانا قاعده تصورنا المصوره جان تقول خلو البنت تطلع برا ولا البنوته ياحليلها قعدت فصخت جوتيها الله يكرمكم تتفرج علينا وراحت غرفتي النوم تفتش بأغراضي قام وقالي قولي حق اختج تطلع برا انا انصدمت جان اقوله مو اختي جان يقول شنو جان يناديها انتي شسمج ومنو بنته طلعت اخت العروس الثانيه وقبال شقتنا المعاريس ويقوم ويدق على اخوه اقول اخذ اخت زوجتك انصدم اخوه من وين طلعت هذي ويقوم زوجي يمسكها ويطلعها برا ويقفل الباب وتقوم واطق الباب عطوني جوتي تتشرط بعد انا مت من الضحك لووول

 

[tmtmt]

انا بقولكم موقفي في ليلة العرس كانت معاي عروس ثانيه المهم انه اول مادخلت الصاله كان في بنت صغيره من دخلت باب الصاله واهيا جدامي واطالع فيني المهم قعدت على الكوشه والعروس الثانيه بكوشتها المهم انه زوجي العزيز وزوجها مادخلو الصاله المهم طلعت قبلي العروس وانا بعدها شوفو اللي صار ركبت السياره جان تركب مـعاي البنت الصغيره واهو اللي يسوق احنا الثلاثه بالسياره المهم جان يقول شسمج ياحلوه جان اتقول اسمها انا سكت انا على بالي اخته وبيعرفني عليها واهوا على باله اختي الله يسلمكم وصلنا البيت ودخلنا شقتنا والمصوره مـعانا والبنت معانا قاعده تصورنا المصوره جان تقول خلو البنت تطلع برا ولا البنوته ياحليلها قعدت فصخت جوتيها الله يكرمكم تتفرج علينا وراحت غرفتي النوم تفتش بأغراضي قام وقالي قولي حق اختج تطلع برا انا انصدمت جان اقوله مو اختي جان يقول شنو جان يناديها انتي شسمج ومنو بنته طلعت اخت العروس الثانيه وقبال شقتنا المعاريس ويقوم ويدق على اخوه اقول اخذ اخت زوجتك انصدم اخوه من وين طلعت هذي ويقوم زوجي يمسكها ويطلعها برا ويقفل الباب وتقوم واطق الباب عطوني جوتي تتشرط بعد انا مت من الضحك لووول

لووووووووووووووووووووووول صج فلم

عجييييبه قصتج :krkrkr:

 

[mama Dl3]

الرمش الحزين
امبية لووووووووووووووووووووووووووووووول
شهالبنت شكووووووووووووووووو شتبي قاعده اتخيل
الموقف كل واحد فيكم بقلبة شنو هاذي دعلة شتبيي وتجاملون بعض