سويتي خشمج بمستشفى حكومي .. تعالي

[ذوق.!]

مرحبا بنات




سمعت عن ناس واجد سوو خشومهم بمستشفى حكومي و خشومهم يقولون صايره طبيعيه

مادري هل سمعتوا نفس الحجي ولا بس انا :dddds:

و شفت وحده مسويه خشمها بمستشفى حكومي اللي اهو مستشفى الجهرا و شكله حيل طبيعي

بس مااعرف منو الدكتور اللي سوالها

بليز بنات اللي تعرف لا تبخل علينا بشي سواء كانت سامعه او شايفه او مجربه ^.^


و مشكورين

 

[عمة فاتو]

حبيبتي انا اخوي وبنت عمتي سوو العملية بمستشفى زين بالصباح... وخشمهم احلى من اخوي الثاني الى مسويه بايران
مع العلم مو مسوين تجميل... بس من الشطانه خشومهم امكسرة

 

[ذوق.!]

مشكوره حبيبتي

بس ممكن تقولين شسم الدكتور اللي سوالهم

و مشكوره مره ثانيه

 

[عمة فاتو]

دكتور خيرت.. بس حبيبتي ما يسوي تجميل الا اذا في عيب يعني كسر.. اعوجاج في الحاجب... عاد جانج امعزمه قوليله ما اقدر اتنفس عدل .. اذا قلتيله تجميل.. يقط الملف بويهج ويقولج انا معماش تجميل .. سواها برفيجتي.. رايحتله تقوله صغر اهني شويه... واهني شويه.. الاخت عبالها داشه خياط

 

[ذوق.!]

حبيبتي انا اتنفس من فتحه وحده و هالشي معذبني الغضروف مادري الحاجب على قولتج منحرف عندي

و دايم احس نفسي اختنق وانا نايمه و فيني عظمه ناطه من خشمي تسببلي صداع حييييييل لاني احط عليها النقاب

و مضايقتني حتى يصير مكانها احمررر و خط

و ان شاء الله اروح لهالمستشفى لان مرت خالي بعد مسويه عنده و يمدحونه بس مادري منو الدكتور

_____________


بنات اللي تعرف دكاتره بعد تكتب الله يجزاها خير

ومشكورين

 

[قمر 777]

شسمه اللي بمستشفى الجهرااااااا

 

[مــســك]

ما تشوفين شر حبيبتي ..

شووفي ..

اختي مرة كانت عندها مراجعة بالمستشفى الجهراء .. وشافت وحدة ويا امها ..

وامها قاعدة تتحلطم .. عاد اختي أسالتها عسى ماشر .. جان تقول بنتي لعبو فيها بخشمها !!

تقول ثالث مرة اتسوي بخشمها وما عدله الدكتور !! وجنه دكتور هندي الي مسويها !!

وتقول الحين قايل بيسوي لها بيعدله !!

بس حرام اربع مرااات يعني بيسوي بخشمها !!

شوفي حبيبتي انا مابي اخرعج .. بس انا حبيت انبهج من بعض الدكاترة الاغبياء الي يسون نفسهم فاهمين واهم اخرطي يجربون بالناس !!

يعني لا تسوين عند دكتور الا وانتي سامعة عنه زين ومسوي حالات وايد وكانت ناجحة ..

والله يوفقج ..

 

[ذوق.!]

شسمه اللي بمستشفى الجهرااااااا

والله مادري علمي علمج

ان شاء الله البنات يردون على هالسؤال :eh_s(6):

 

[ذوق.!]

ما تشوفين شر حبيبتي ..

شووفي ..

اختي مرة كانت عندها مراجعة بالمستشفى الجهراء .. وشافت وحدة ويا امها ..

وامها قاعدة تتحلطم .. عاد اختي أسالتها عسى ماشر .. جان تقول بنتي لعبو فيها بخشمها !!

تقول ثالث مرة اتسوي بخشمها وما عدله الدكتور !! وجنه دكتور هندي الي مسويها !!

وتقول الحين قايل بيسوي لها بيعدله !!

بس حرام اربع مرااات يعني بيسوي بخشمها !!

شوفي حبيبتي انا مابي اخرعج .. بس انا حبيت انبهج من بعض الدكاترة الاغبياء الي يسون نفسهم فاهمين واهم اخرطي يجربون بالناس !!

يعني لا تسوين عند دكتور الا وانتي سامعة عنه زين ومسوي حالات وايد وكانت ناجحة ..

والله يوفقج ..

الشر ما يجيج

بس شدعوه 3 مرات و ما اتوب من هالدكتور ! :/

اي صاجه في دكاتره ما يعرفون بس أكيد ماني رايحه لأحد الا لمن اسئل عنه عدل عدل مابي اغامر و يلعبون فيني وراي عرس لوول :eh_s(6):

تسلمين حبيبتي ع النصيحه . والله يشافيج و يعافيج

 

[عمة فاتو]

دكتور خيرت بمستشفى زين بالصباح حبيبتي

 

[ذوق.!]

تسلمين عمه فاتو والله يجزاج خير

 

[ذوق.!]

آآآآآآآآآآب

 

[Om-FahooDy]

فيه دكاتره بمستشفى زين اهم نفسهم اللي يسوون تجميل بعياداتهم
و ناجحين فيها و الحمدلله

بس عيب الحكومة الطواله في السالفه و المواعيد البعييييييده للعمليات

عندج عبدالمحسن جعفر
وجمال الحربي
و خالد الصبيح كلهم يسوون عمليات بمستشفى الاتصالات
ما عدا الحربي حاليا بس علاج

 

[nawaraa]

لا يكون بروك إلي بمستشفى الجهراء بس يمدحونها وانا صار لي 8 سنين ابي اسوي العملية عنده بس سبحان الله ما يكتب لي نصيب يمكن خيره

 

[ShoSho_4]

بنات انا ما انصح تسوون بحكومي لانه انا سائله الدكتور اهو يشتغل بمستشفى حكومي وعنده عياده قالي مو كل المعدات توفرلنا ياها الحكومه يعني ضروري يشقون الخشم بالحكومي عشان يعالجونه واذا عند خاص لا في تقنيات اكثر مثل منظار وليزر وغيره بدون لا شق ولا هم يحزنون ..