سويتي انابيب ؟ممكن اسئلة؟؟

[أحب كويت2]

بنات بليز ابي اجوبة للاسئلة اللي بالي:
بنات اذا بتسوون انابيب وصادف يوم عمليتج ليلة العيد اي يوم العيد شلون بتتصرفون وخصوصا انج
ما قلتي لاحد؟
2/واذا كنتو مقبلات على العملية بتصومون ايام العشر ويوم عرفة ولا لا؟
3/بنات اخذتوا انتو ابر القلم المنشطه اللي هي جونال اف ؟ وشلون استجابتكم لها؟
4/وكم يوم اخذتو ابر منشطة وبعدين عطوكم ابرة التفجير وحددو لكم العملية؟
بليز بنات ابي اجابات شافيه لاني بحيرة لايعلمها الا ربج سبحانه
الله يرزقكم الذرية السليمة اللي تسعدكم يااااااااااااااااااااااااااااااااااارب

 

[مناوووي]

هلااااااا حببيتي

عاادي تصرفوا

قولو انكم بتساافرون كم يوم لو يووم وااحد بس


او اي شي


الله يررررررررررررررزقكم

 

[lovemyself]

مثل ما قالت منااااااااووى العسل قولى مسافرة
ومسالة الابر والصيام اسالى فيها شيخ اذا يجوز من ناحية الدين عادى احسنلج اكثر بركه انشالله ولا مسالة الابر تختلف من وحدة لى وحدة وحسب استجابة المبايض يا اختى ماله شغل وحتى من عملية لى عملية تختلف حسب ظنى لانه مو كل مرة تستجيب المبايض بنفس السرعه

 

[أحب كويت2]

مناوي و lovemyseif
نورتوو الموضوع

لكن وين الباقي ابي ارلئكم لان مسالة اقولهم مسافرة صعبه
تعرفون الاهل وين وليه

 

[يا عيون سمي]

اذا مثلا محد يدري قعدي بشقتج وقولي طالعه مع ريلج

وعسى الله يرزقج يارب الذريه الصالحه يارب

 

[امــونــه]

بنات اذا بتسوون انابيب وصادف يوم عمليتج ليلة العيد اي يوم العيد شلون بتتصرفون وخصوصا انج
ما قلتي لاحد؟

عادي خلي زوجج يرقعلج سمله عليج فلونزا مسويه عمليه تكيسات اي شي من هالسوالف
وانصحج قولي مسويه منظار عشان تحطلج فراش اذا احد بيزورج مايستغرب

2/واذا كنتو مقبلات على العملية بتصومون ايام العشر ويوم عرفة ولا لا؟

ان شاء الله بس لازم تستفسرين من طبيبج بنسبه لي يوم سويتها لزم اخذ ابرسيوله زايد الفيتامين والكلوفاج
بس انا ماثيت الحمدالله على كل حال
3/بنات اخذتوا انتو ابر القلم المنشطه اللي هي جونال اف ؟ وشلون استجابتكم لها؟

ما أخذتهاا اخذت الابره المنشطه وكانت الاستجابه شوي بطيئه
4/وكم يوم اخذتو ابر منشطة وبعدين عطوكم ابرة التفجير وحددو لكم العملية؟

بنسبه لي 10 ايام وابره التنشيط كانت بعدها اليوم 11 والعمليه بعدها بيوم













الله يسهل عليج يارب ويكتبلج الي فيه الخير ارجو زيارت الربط الي بموقعي

 

[طيري ياحمام]

رد : سويتي انابيب ؟ممكن اسئلة؟؟

بنات اذا بتسوون انابيب وصادف يوم عمليتج ليلة العيد اي يوم العيد شلون بتتصرفون وخصوصا انج
ما قلتي لاحد؟

اذا سحب عادي بسير اسلم عليهم لان الترجيع بعد السحب بيومين بس اذا
كان ترجيع بطلع لي شي من تحت الارض لان اول 3 ايااام راااااحة كلة عالفراش

2/واذا كنتو مقبلات على العملية بتصومون ايام العشر ويوم عرفة ولا لا؟
مااعتقد لان المثبتتات تاخذينها 3 فترات تقريبا كل 8 ساعاتولازم هالفترة كله تشربين سوائل عشان مايستويبج جفاف
3/بنات اخذتوا انتو ابر القلم المنشطه اللي هي جونال اف ؟ وشلون استجابتكم لها؟
انا خذت 35 ابرة اوكي الاستجابة
4/وكم يوم اخذتو ابر منشطة وبعدين عطوكم ابرة التفجير وحددو لكم العملية؟
تقريبا 12 او 13 يوم
بعدين عطوني الابرة التفجيرية وعقبها بيوم سويت العملية والله يوفقج

 

[أحب كويت2]

ماقصرتو يالغاليات اجاباتكم عطتني افكار والله
الله يرزقكم بالذريه اللي تسعدكم
بس بنات مو مبين عليكم أنكم طولتو مع الإبر المنشطه
يعني أنا الدكتورة قالت لي الإبر لمدة اسبوع بس

 

[مناوووي]

الله يررررررررررررررزقج

ويسهل اموووورج



يااااااااارب تبشرينا

 

[لاكوستة]

بنات اذا بتسوون انابيب وصادف يوم عمليتج ليلة العيد اي يوم العيد شلون بتتصرفون وخصوصا انج
ما قلتي لاحد؟
انا صادف عيد الفطر اللي طاف اني قبل العيد بفترة مسوية العملية و كنت تعبانة و مابي اتحرك وايد و ريلي قالي مابيج تلبسين كعب و تقعدين وايد لازم تنسدحين على طول و قلت حق اهل ريلي اني مسافرة مع اختي و ريلها
لان اليمعات العادية تقدرين تكشتين فيها بس العيد صعبة الكل بيسأل عنج


2/واذا كنتو مقبلات على العملية بتصومون ايام العشر ويوم عرفة ولا لا؟
قبل عملية السحب مافيها اي مشكله تقدرين تصومين و بعد الترجيع اذا حالتج تسمح انج تصومين صومي بس اذا حسيتي انج تعبانة لا تصومين انا بفترة السحب و الترجيع كان يصادف رمضان و الحمد الله صمته كله و سألت دكتورتي اذا يضر الصيام قالتلي لا عادي تقدرين تصومين اذا ما حسيتي بتعب


3/بنات اخذتوا انتو ابر القلم المنشطه اللي هي جونال اف ؟ وشلون استجابتكم لها؟
اي انا جربتها ,, اول شي كانت الجرعه اللي قالي عنها الدكتور اهيا 150 و بعد ما شاف تحليل الدم و السونار زادلي الجرعه و صارت 200 و الحمد الله صارت في استجابة للعلاج ,,و على فكرة ترا استخدام القلم وايد سهل


4/وكم يوم اخذتو ابر منشطة وبعدين عطوكم ابرة التفجير وحددو لكم العملية؟
ما اذكر بالضبط شكثر المدة بس تختلف المدة من وحدة لي الثانية على حسب الاستجابة للعلاج اذا تنشطت البويضات و صارت بحجم مناسب للسحب بتحددلج الدكتورة موعد قريب و اذا كان باقي جم يوم و تكبر البويضات اكثر راح تنطرين يومين او ثلاث و سمعت ان في ناس ما تكون في استجابة كلش و ما يسوون لهم العملية بس مو متأكدة من هالشغلة


و لا تحاتين حبيبتي العملية امرها وايد هين مافيها صعوبة كلش
بس حطي في بالج
اهم اهم اهم شغلة بالعلاج كله انج تهتمين بنفسيتج قبل صحتج
كثرة المحاتاة و الخوف و التوتر تأثر عليج
و اذا رحتي راجعتي دكتورتج سأليها كل اللي في بالج لا تستحين منها احسن عشان تكونين ماخذة الكلام المضمون من الدكتورة
و الله يوفقج و ييسر امرج و تكون هالمحاولة ناجحة و تحملين ياااااا رب و الله يتمم عليج يا حلوة

 

[أحب كويت2]

لاكوسته
الله يوفقج حبيبتي
والله كلامج ريحني الله يريحج دنيا واخره
ودعوتج تهبل الله يرزقنا يااااااااااااااااارب

انا اللي متخوفه منه بالعمليه انها تفشل وبعدين ريلي يفشلني
تدرين الخسااااااااير كلها بترووح عالفاضي((يارب ياجرنا))
ومو بس جذي لا المشكله اني حاليا قاعده انقل لبيت ثاني وشوفو الحوسه واللويه
ابي اخلص قبل العيد والعمليات والترجيع
حتى دكتورتي قالت لي لازم تاجلين نزلتج الحين وريلي يقول لا هنخلص قبل عمليتج عشان ترتاحين
لاني حاليا ببيت دور ثاني واللي بروح له الحين دور ارضي
الله ييسر بنات
مابي غير دعواتكم بهالايام الفضيله

 

[لاكوستة]

ان شاء الله تنجح عمليتج و مافيها لا فشلة و لا شي
خلي املج و ثقتج بالله كبيرة و من قبل لا تبلشين العلاج قولي انا حااااااااااااامل يعني حاااامل لاني ربي كريم يعطيني مثل ما يعطي غيري
و اذا لا سمح الله ما حملتي هذي كتبة رب العالمين ليش تتفشلين جدامه قوليله الله مايبيني احمل الحين شسوي يعني
و الفلوووس ان شاء الله تتعوض اهم شي صحتج و سلامتج الواحد لازم يجرب كل شي يقدر عليه ما يصير تحطين ايدج على خدج بدون علاج و تنطرين الياهل لازم تتعنين و تروحين مراجعات و لويه و تدفعين مبااااااالغ خياليه
كله في سبيل الامومة و ان شاء الله كل شي بأجره مافي شي يضيع
تخيلي انا من قبل لا ابلش العلاج رحت رويال حياة و اسألهم عن اجنحة الولادة و عن الاسعار و قعدت احسب شكثر بيمع اذا بسويلي استقبال
الكل كان يتطنز علي بس انا كان عندي ثقة كبيرة ان ربي ما راح يخيبني و الحمد الله حملت بس الله ما كتب انه يكتمل و نزل البيبي في بداية الشهر الثاني
و الحمل الله مو زعلانة و لا متضايقه
على قولة ريلي يقول يمكن كان البيبي اللي طاح ولد عاق او معاق راح يضايقنا طول عمرنا
و بالنسبة لشقتج اليديدة حاولي تستعيلين و تشيلين اغراضج قبل لا تبدين بالعلاج و عموما انتي لازم تديرين بالج على عمرج بعد عملية الترجيع اما قبل السحب مافيها اي مشكله تقدرين تمشين و تحوسين
و بعدين شدعوة انتي اللي بتشيلين الاثاث على ظهرج هههه حتى لو تأخرتي بطلعتج للشقة اليديدة انتي تدلعي على كيفج لا تجيسين شي و خلي امج او خواتج يساعدونج

 

[أحب كويت2]

تسلمون لاكوسته ومناوي وكل من دخل موضوعي الله يوفقكم
حسيت من كلامكم أني صج بحمل وبأذن الله اذا حملت أنتو اول
من راح أبشركم
يااارب مايي العيد الا وانا حااامل ومرتاحه
وانتو بعد الله يرزقكم يااااااارب
وان شاالله من الحين ببلش بحوسة المطبخ وشيل المواعين قبل العمليات

 

[أحب كويت2]

تسلمون لاكوسته ومناوي وكل من دخل موضوعي الله يوفقكم
حسيت من كلامكم أني صج بحمل وبأذن الله اذا حملت أنتو اول
من راح أبشركم
يااارب مايي العيد الا وانا حااامل ومرتاحه
وانتو بعد الله يرزقكم يااااااارب
وان شاالله من الحين ببلش بحوسة المطبخ وشيل المواعين قبل العمليات

 

[كويتيه مذهله 87]

الله يرزقج يارب
,,,

 

[أحب كويت2]

كويتيه مذهله
والله يرزقج انتي الذريه الصالحه
يااارب

 

[** باربي **]

حبيبتي كل حاله تختلف الله يرزقكم يارب

 

[أحب كويت2]

باربي
اسعدني مرورج
لكن ودي اسمع آراء البنات
لأني والله بحيرة ماعندي بعد الله
الا انتوو

 

[smaillips]

رررررررررررفع