رد : سويتى عمليه لانقاص الوزن تحسفتى تندمتى ولا لو يرجع فيج الزمن تسوينها مره !!
أنا سويت شفط من قبل سنة ونص
وصرت بااااااااااااااااربي جسمي منحوته موسيقية
وخصوصا إني ولدت وبعد ولادتي الثانيه عالتوأم إنتفخت وكرشتي تدندلت قطيعه
فالمرحله الأولى هذي كانت الشفط
والحين إن شالله تعالى ناوية على شد كرشونتي الحلوة ( بيت عيالي ) لوووووووووووول
أسميها بيت عيالي .. لأن صار فيها إسترتشيغ موطبيعي
سألت دكتورتي قالتلي ماينفع الرياضه بحالتج لأنها صارت مثل الجلده الطايحه ما تنشد بالرياضه
وفعلا الجلد مثل الخام السير تخيلي تشدينه لمدة 9 شهور وطبعا هذا وأنا حاطه كريمات وبلاااااوي بشكل يومي علشان مايطلعلي ستريتشينغ ماركس وكرشتي ما تتدندل .. بس هم مافاد ذاك الزود
الحمدلله جسمي وايد حلو بشكل عام .. يعني أتلبس مو ما أتلبس .. وأحافظ على أكلي وما أخورها أكلي سلطات أغلبه
وإذا تغديت ما أتعشى وإذا تعشيت ما أكون متغديه
وأبددددددددددددددا مو متحسفه بالعكس .. أنا قبل كنت مو من مؤيدين العمليات .. بس لما شفت النتيجه المبهره قلت والله شلي بالحرمان والرياضه إللي الحين ماعندنا وقت لها .. بنلحق على دواماتنا والا عيالنا والا رياضتنا وأجسامنا والا واجباتنا الإجتماعيه .. الحياة مزحومه
ولو أدري إن النتيجه جذي حلوة جان من زمااااااااااااااااااااااااان سويتها وإستانست برشاقتي وثقتي بنفسي
إن شالله تعالى بس أسوي شد الكرش خلاص بعد أصير مانيكان
إي صج ماقتلكم ..
أنا عندي مشكله إني شايله المرارة .. وطبعا المرارة إهي العضو إللي يكسر الدهون ويحللها بالجسم .. لكن بحاله الناس إللي يشيلون المراره الكبد أهو إللي يستلم هالوظيفه لكن طبعا مو بنفس إتقان المرارة ..
فأقل كمية دهون آكلها تتكدس عندي في منطقة الجبد إلي فوق الكرش وبمنطقة الخواصر
فلازم كل سنتين أو 3 متى ما تعبت هالمنطقتين عندي بالدهون أشفطها وأرجع
أو إني أسوي رياضه باستمراااااااااااار لهالمنطقتين .. وهالشي مستحيل في ظل وجود الزوج الحنان والعيال الأباليس الله يحفظهم وطلبات البيت والدوام إللي ماتخلص
جني قرقت وايد
وبالتوفيق وتمنياتي برشاقه دائمه لكل من سوت العمليه وفرحت برشاقتها
وأقولهم سووووووووووووووها ولا تترددووووووون
