سوولي تنظيفات :(

[Om 3ziz]

السلام عليكم

مبين من العنوان اني تعورت بس الحمدلله على كل حال ..

بس بغيت اسأل بعد الاجهاض متى الوقت المناسب حق الحمل ؟؟ و شنو طرق تثبيت الحمل ؟؟ لان

حملي عزيز مو بسرعه اقدر احمل و هذا كان اول حمل لي بس ما الله كتب ان يتم ..

ادعولي اني احمل و ان الله يثبت حملي للمرات اليايه .. و شوروا عليي منو صار فيها نفسي و شسوت

بهالفتره ؟!؟!؟! وايد ضايق خلقي

 

[MsMoonlight]

الله يعوض عليج حبيبتي ...

انا من جم شهر صارلي جذي .. البيبي وقف نموه .. و سوولي تنظيفات .. بس الحمدلله على كل حال ..

الدكتوره قالتلي عادي ما في خطور تحملين .. و انا الحين اخذ ابر عشان الحمال ...

لا يضيق خلقج .. هذي رحمه من الله سبحانه انه نزل ..

اتمنى اني فدتج

 

[كبْرٍيآء]

الله يعوضج بتوأم ان شاءالله انا من سبوعين اجهضت وهذا ثاني اجهاض وقالت الدكتوره اقدر احمل بعد الدوره والدوره تنزل بعد الاجهاض من 4 الى 6 اسابيع واعرف وايد بنات يحملون بعد ما ينظفون من الاجهاض قبل موعد الدوره

 

[كويتيه مذهله 87]

الله يعوضج انشالله

خيره من الله

 

[مظلومه ياناس]

الله يعوضج انشاءالله بالحمل الثابت

 

[TeAcHeR_BeZaRiN]

حياتي ربي يعوضج ان شاء لله بالحمل بالولد الصالحة المعافى يااااااااااارب

وبالنسبة حق اسألتج فاسمحيلي ما اعرف عنها شي

بس انتي بأي شهر طرحتي ؟

 

[أحلى شمريه]

بنات نصيحة حق اللي تعوروا

لا لا لا تحملون بسرعه بعد العوار لأن الرحم للحين ما التأم والظهر للحين متأثر بالعوار
لأن الحمل ورا العوار مباااااااشرة راح تتعبين ويمكن تتعورين لاسمح الله

اخذي فترة ريحي فيها رحمج وظهرج بعدين حملي

3شهور فترة ممتازة

والله يرزقكم ويرزقني ان شالله بالذرية الصالحة

 

[Swan]

الخيره فيما اختاره الله
والحمدلله على كل حال
الله يعوضج ان شاء الله

احسن فتره للحمل بعد الاجهاض تكون بعد 3 شهور
وفي تحاليل يسوونها حق اللي تجهض طلبيها من دكتورتج
عشان تعرفين سبب الاجهاض واذا كان لها علاج تعالجينها

 

[bnt_kwt]

الله يعوضج خير ان شاء الله

والحمدلله على كل حال

 

[*ستايل*]

الله يعوضج حبيبتي ..

 

[أمونة الحلوة]

الله يعوضج خير ان شاء الله خيره يارب والحمد الله على كل حال وان شاء الله الشهر الياي تحملين يارب

 

[جوك احلى جو]

الله يعوضج يارب ويرزقج بالذريه الصالحه بسرع وقت وانشاءالله تحملين ويتثبت يارب

 

[هندااا]

الله يعوضج حبيبتي ..

 

[برميته.]

الله يعوضج خير ان شاء الله والحمد الله على كل حال

 

[نبض زوجها]

حبيبتي انا من 3 شهور اجهضت وسويت تنظيفات لأن الجنين مات في بطني (( الله يعوضني ويعوضج انشاءالله )) بس دكتورتي قالتلي لا تحملين الا بعد دورتين بعد الجهاض يعني شهرين ... عشان التنظيفات لأنها عبارة عن قحت الرحم فلازم يرتاح شوي . والحين انا صارلي 3 شهور وابروح حق دكتورتي عشان ابء في علاج الحمل ... والله كريم انشاءالله يرزقني ويرزقج بالحمل الصحيح بأذن الله ....

 

[Om 3ziz]

مشكورييييين يا خواتي عالردوود .. و الله يسمع منكم ان شاءالله و يرزقنا و يرزقكم يا رب

 

[الملقوفة]

الله يعوضج انشاءالله بالحمل الثابت

 

[كويتية84]

الله يعوض عليج انا مثلج تعورت وانشالله الله يرزقنا اجمعين.....