سونار للقطوه!!!!

[Galaty]

حبايبي شلونكم...
قطوتي ولدت قبل جم يوم "حمدالله على سلامتها"
ومن ولدت واهي مو طبيعيه!! احسها حييل تعبانه اول مره يصير فيها جذي من ان مو اول مره تولد هذي يمكن الخامسه او السادسه "ماشالله"
احس ان لي الحين في بطنها باجي ياهل اخاف ميت داخل؟؟؟ لان اليوم تكرمون نزل شويا وصخ منها!
واهي حيل حيل تعبانه.. ودي اروح اسويلها سونار
اهي ملفها بمستشفى الري بس ماعندهم سونار.. شرايكم اوديها الدهماء؟ لان عندهم سونار؟
ولا اوديها الري يفحصها وبعدين يصير خير؟؟؟
عفيا الي مسويا سونار من قبل حق قطوتها تقولي شلون؟ تاذت القطوه؟ تعورت؟ شصار فيها؟؟ قلبي يعورني عليها مسكينه

 

[بنت عبدالغني شربت]

شوفي في دكتور بمستشفي الدهماء اسمه جوزيف هذا عجيب من عمر وانا عنده شوفيه ان شاء الله يفيدج واتصلي عليهم اذا عندهم سونار ولا لأ بس انا سويت عمليه حق قطوتي هناك

 

[قلم رصاص]

مثل ما قالت شربوته د.جوزيف الي بالدهماء زين ماشاء الله انا قطوتي لما ولدت بعد حسيت ان بطنها شوي متفوخ ولما شافها قال ما فيه kittens يمكن المشيمة ما نزلت وعطاها ابره تنزل الوصخ الي في بطنها والحمدالله صارت أحسن...
جربي سئليه ان شاء الله يفيدج وماتشوف شر الغاليه قطوتج ..

 

[Me Myself & i]

الدهماء ما اظن عنده سونار . حيل متواضع المستشفى
بس انتي روحي و خليه يكشف عليها و شوفي شنو يقول لج
او اذا تدلين روحي البيطري اللي في مينا عبدالله عندهم سونار اهناك

 

[Galaty]

مشكورين حبايبي على ردودكم الحلوه...
كلكم ماقصرتو
شربوته.. انشالله اوديها باجر.. مادري اذا اليوم فاتحين ولا لأ؟؟ اهي عندها ملف بالري اودي دفترها وياي؟ ولا مايحتاي؟؟
قلم رصاص.. الظاهر فعلا المشيمه مانزلت لان مو ياهل الي ببطنها لو ياهل جان تسممت "حسب علمي"
مي مايسلف.. انا سائله من قبل وقالولي عندهم سونار؟ وبالنسبه حق مينا عبدالله وايد وايد بعيد علي وانا اروح بروحي فا صعبه حيل..
الله كريم انشالله اطمنكم عليها اول مااوديها

 

[soo_soo]

طمنيينا علييها

 

[خاشووقه]

شلون صحتها
قلبي يعورني عليها

 

[GAP^^الكبيرة]

حبيبتي الدهماء عنده سونار انا سالتهم من قبل وقالولي عندهم... روحي وتطمني على قطوتج

 

[صعب غلاها]

اي يمكن المشيمه ما نزلت كلها

جربي فحصي عليها في الدهماء

وطمنيناا

 

[أمونه الأموره 2007]

وييييييييي اشصار عليها اللحين

 

[Galaty]

لووول ابشركم مافيها شي بس تتدلع !!!
عياره خرعتني عليها
وديتها وقال ماكو شي بس اهي يمكن تعبانه من الرضاعه
لان ولدت اهي وبنتها بنفس الوقت ... واهي ترضع الكل!!! عيالها وعيال بنتها مسكينه
والبنت ماتسوي شي بس تلعب عبالها لي الحين ياهل

 

[عاشقة الرشاقة]

ههههههههههه الحمد الله على سلامتها,,,متى الإستقبال؟؟؟خخخخخ

 

[brettey]

نصيحه وديها لاتخلينها

 

[om mariam]

ما تشوفون شر يا قلبي وسلامات

 

[يارضاها]

ياليت تحطين لنا صورتها مع اعيالها واحفادها

 

[:: Diva ::]

مستشفى الوفره ايهبل و قوي

 

[نمله معضله]

الله يعينج