شوفى كلة يعتمد على الطرف الثانى اذا متعاون ويقدر ويساعد
يعنى فى بنات من اول ما يتزوجون بدون خدامة يعودون رياييلهم على انهم يساعدونهم وايكونون مرتيبن فى حياتهم
يعنى ابسط شى فى ريال يقوم من النوم يرتب سريرة وفى الله خير لا قام يعفس الفراش ويطلع
فى ريال يدش الحمام ما تحسين ان دش وحلق
وفى الله خير ما فى داعى اقول
فى ريال ما شاء اللة مرتة ما تدرى الله خير عن هدومة مرتب فى لبسة وكبتة مسنع دشاديشة غترة مصبغة اللة خير ملابس البيت غسيل بيت, لا ويفقدهم ولازم لا انغسلوا يسال وايحطهم بنفسة فى الكبت
.شتا صيف ملابسة مرتبة ...مريح
فى اللة خير لا ترتيب لا سنع الفوطة رطبة على السرير السلة يمة الهدوم بالارض كل يصارخ وين دشداشتى ليش ما انكوت
غترتى مو مضروبة.هدوم ما يشترى اصلا ما يعرف اهى اللى تشترى والبعض حتة ما يعرف قياسة لووووووووول ومسكينة لانها متاذية منة تكود لة من هاللبس ليما الكبت بينفجر تخاف من حنة وين وين وين وين يعنى المرة فوق همها يزيدها هموم جنة تزوجها علشان يعذبها طبعا على طريقتة هذى قيسى باقى الاشياء فى البيت
كلة مدوكرها وين مفاتيحى وين التلفون الرموت كنت حاطة هنى وينة طبعا اصراخة جدام الشغالة طيب الحين من وين تبى الشغالة تحترمك ولا تحترم معزبتهاهذا لا طلع من البيت راحة ما بعدها راحة لها
فى ريال يشيل ولدة وايحن علية مو كلة ريحتة .غيرى لة .ما اعرف اشيل ياهل شارى راحتة الاخ يعنى يكون تبكل كويتى.طبعا خلاص اهى تعودت ان ما يسوى شى قامت تشترى راحتها وما تطلب منة شى صارت اتقوم بدورها ودورة
مسكينة حتى القرارات لوكانت خطيرة قامت اهى اللى تاخذها تصوروا اعرف وحدة دخلت بنتها العمليات شالت لها مبيض كان بينفجر واتروح فيها البنت قلت وين ابوها تقول ما درى عنه ا انطرة لين ايي وايقول راية والبنت تروح منى
فى حريم مايستحون يكون يساعدها فى البيت لا شافت امة تنزرة تعال شيل ولدك ودة حطة يعنى اهو ساعدك بينك وبينة
مالة داعى جدام اهلة اتطيحين من قدرة هذى الامور حساسة عند الكبار
اللى بوصلة روح التعاون بين الطرفين الغسيل مقدور علية الكوى مصبغة شغالة بالساعة شغالة البيت العود
او مثل ما قالت الاخت تيبين شغالة واتخلينها فى البيت العود اذا محتاجتها ضرورى عاد تروح واتيي عليك احسن من ام الساعة اوفر
الطباخ فى ناس طباخ البيت العود يطبخ وكل وحدة تاخذ جدرها لا خلص الدوام طبعا الماجلة يتحاططونها
او مطاعم اوملازم طباخ كل يوم او اعداد مسبق فى الثلاجةمن الليلولا ييتى بس اتدخلينة الفرن علاما اتخلصين الشور الا قاظى
واشفيها لا رتب السفرة وياك ترى ما ينقص من قدرة شى
بس ارجع واقول التعاون/مو كل وحدة فالحة اول ما تعرس تقول الزين عندى واتسوى لة كل شى تبى تثبت انها ست بيت تمارس جميع الادوار حتى بعضهم الليت يركبونة خخ خخ خخ اشخليتوا
ما فكرتوا باكر لا يا الياهل وزاد عدد الافراد من وين بتيبون وقت حق كل هذا
بالنسبة حق اللى عندها طفل تاخذ امومة وبعدين على الحضانة
وفى خوات شيسون وحدة تاخذ امومة واتجابل اليهال والدور يصير على الثانية متعاونين وامضبطين امورهم
حشى مو مشاركة صدعتكم
امبييي وضع محبط جداااااا
