سوال بسيط هل السمنة تعيق الزواج

[manoooram]

يعتمد على أخوي بالأول (الخاطب ) باختياره
هل عنده تقبل للزواج من فتاة سمينة أو رشيقه ؟؟
لأن هذا اختياره وبقناعته بزوجة المستقبل
وبالنهاية اهو اللي بيعيش معاها
ولا ننسى ان الزواج قسمة ونصيب والله موزع الأرزاق

 

[انا لها شمس]

انا خطبت لاخوي وحده كل شي فيها الحمدلله مثل مايبي ..
بس شوي متينه .. واتفقنا معاها ع الرجيم والضعف لان اخوي رياضي وضعيف <== من اهلنا وحسبة اختنا يعني نمون عليها
والمتينه تنحرم من شغلات وايد مع زوجها عكس الضعيفه او حتى المربربه
المهم ماكو كررررش وسوالف ويع

 

[Unusual]

لا حبيبتي عمر السمنة ماكانت عااائق للزواج ..
اااعرف بنات لاقوة الا بالله متروووووسات وهذولا هم فاتحين بيوت ومعيلات << يعني عندهم عيال >> الله يديمها عليهم من نعمة ..

ااهم شي ذوق الرجال .. يعني في رجال يحبوا المرة الدبدووووووبة بصراحة ..
وبعضهم ميال للبنت السمبتيك ..
بالنهاااية كل سوق وله شرايينه زي مايقولوا ..

واذا انتي سميييينة حيل تقدري تروحي نادي او تشتركي في شركة مثل داايت سنتر وغيييره
عشاااان تووصلي للوزن اللي في خاااطرك ..

والله يعطيك اللي تتمنيه وااكثر ..

^_^

 

[مريوومه12]

لا ما اتوقع اولا كل شي قسمه ونصيب والحظ لاتنسين يلعب دور كبيييييييييير والله يوفق الجميع

 

[غلاي 89]

الريايل ماظن بهالزمن يرضون فالمتينة
لكن اكيد مو الكل الي اجوفه الاغلبية يبون الضعاف !!!
واذا شوي شذ عن القاعدة يقول ابي مربربة بس مو متينه

فالنهاية ذي نصيب


وان شاء الله كلنا نضعف ونحصل الجسم الي نبيه

 

[ابدا يالغالي مانساك]

لا شكو مو سبب
هذا نصيب من رب العبااااااااد

 

[Miss Cherry]

اهو نصيب اكيد اذا الله كاتب لج تتزوجين حتى لو انج متينه مافيه شي بيمنعج
بس انا اشوف الاغلب الحين شروطهم يبون وحطه رشيقة

بس انتي عشان صحتج حاولي تخففين حق نفسج مو عشان احد .. لانه من ناحية صحية المتن مامنه الا الامراض



الله يرزقج بالزوج الصالح

 

[تولة العود]

ماتعيقه....

لكن المشكله اغلب الشباب صارو متطلبين ويبغون مثل الي يشوفون بالتلفزيون


ومن وجهة نظري لازم نتعلم نرضي انفسنا قبل اي احد بالعالم


يعني الي تبغى تنحف او تسمن او تبيض او تسمر

تسوي هالشي ارضاااااء لنفسها مو لاحد

خلونا نبدأ نتحررر من عشقنا لتلبية مطالب واهواء الازواج باعمارنا واشكالنا

 

[~ بنت الهدى ~]

اعرف دبدوبااااات تزوجووووا
جارتنا دبدووووووبه توقعتها ام بس طلعت عروس ماشا الله زوجها قال يبي متييينه

كلل شي قسمة و نصيب

 

[انا بطة]

شكل لكل بنت دخلت و ردت على فكرة وايد بنات يتكلمون ينصحوني لالا فاهمين غلط موضوع كنت اناقشة مع صديقاتي و قلت لهم راح انزلة انجوف راي البنات يعني موضووعي مو شخصي و انا اتفق مع معظكم طبعا لانه هذا قسمة و نصيب

 

[جيرازksa]

لا مايعيق يمكن تكون اخلاق وادب احسن من وحده نحيفه عصله

بعدين اعرف وحده قريبتي وزنها فوق الميه وخمسين متزوجه واحد يمكن وزنه في السبعينات لا وكان عمرها 18 وعايشه ومتهنيه ماشاء الله عليها

 

[*مطبخ الذواقة*]

حبيبتي صدقيني

ماله شغل بس الافضل انج تكونين بحدود الوزن المثالي لان اغلب البنات يصير عندهم زيادة وزن بعد الزواج

بس نصيحة حاولي بالحلول الطبيعية

يعني دايت ورياضة

وابتعدي عن اي شي تجاري او حتى عمليات لانها ممكن تاثر على الانجاب مستقبل

والزواج قسمة ونصيب الله يرزقج بولد الحلال اللي يعرف قدرج اللهم امييييييييييييييييييييين​

 

[دلع العتبان]

بالاول كل شي قسمه ونصيب بس مومعقوله اخطب وحده حيييل متينه !!!


الولد ماجا عاشق عشان يرضى فيها هالشي عمر وراح يعيق الزواج لو اتسلم انا مثلا الخطبه شي طبيعي بختارله وحده حلوه ورشيقه بس ارجع واقول انه كل شي قسمه ونصيب يرجع للاختيار والراحه بين الطرفين