سوالفي خايسه ولا اعرف اسولف ولاحتى اسلم

[طموح لايتوقف]

حبيبتي أسلوبك واضح ومسترسل وربي أقوله صادقه ماراح أجاملك بس أنتي فكرتك ععن نفسك كذا أنتي الوحيده اللي قادره تساعدين نفسك غيري من طريقة تفكيرك ععن نفسك سولفي أطلقي العنان لنفسك مره مرتين صح راح تنحرجين بعدين يصير ععادي مالك إلا المواجهه أفضل حل المواقف اللي تخافين منها تواجهيها ومرتك أخوك طنشيها ماعليك منها وشوفي سوي سيرش عن كيف أتخلص من الخجل الأجتماعي

 

[ليـن الـِورد]

ههههههههههههههه اهم شي انج خذيتيها بصدر رحب هع 
اححسسن اصصلا انهاا جت منه لان هالسسوالف غلللط غللللط
الموووهم
مبين ع اسسلووبج انج حبووبه وخفيفه دم
بس يبيلج ثقه بالنفس ششوي

و مرره سمعت ان اذا تبين تتعودين ع المحاوره توقفين جدام المرايه وتسولفيين « مممآجرربت بس جربيها يممكن تنفع !!

 

[مودي كويتي]

اشكركم اخواتي كلكم اللي رديتوا علي كل ردودكم قريتها اكثر من مره وااااااااو عطتوني دافع بحااااااول لاصار جمعه برز روحي واسئل كل وحده بدور شلونج شخبارج ياخوفي اجيب العيد ترا ماعرف احس اللساني صعب ينطقها تصدقون مره من المرات والله ماكذب عليكم جونا ضيوف حطيت لهم حلويات وموالج وشاي وقلت وابي اقولهم اقلطوا قلت اط؟؟؟؟هههههههههه غيرت الحروف وشقلبتها وزت حروف لين صارت الكلمه قويه وقعدت اضحك ووجهي صار احمر لان انا ماحب هالسوالف ماتخيل روحي اقول حتى يامرحبا واااي ماقدر بس ان شاءالله بتغيرومره دق التلفون قبل لايكون عندنا كاشف وكان يرن وقت متاخر واخوي طالع خفت صار شي وغصب عني رديت بالموت طلعت بنت خالتي قالت الو سكت وظلت تقول الو رحت انا سحبت الواير للتلفون وارجع اشبكه يعني عشان اتشك التلفون خربان وصكرت السماعه بشويش ههههههههه والله موبيدي على فكره ترا حنا جمعاتنا قليله يمكن ماشوف زوارات واجد الله لمستعان وشكرا لكم

 

[طموحه بزياده]

هههههههه ضحكتيني على اخر جمله لووووووول زين منج ما تحطمتي نفسيا دمج خفيف



على فكرة انا نفسج قبل ما اعرف اسولف ولا اعرف اتكلم واذكر قبل كل انزف من خواتي وامي اللي يرحمها ان كله ساكته ما اتكلم وماعرف اسولف لووووول


بس تعالي الحين شوفيني صرت الحمدلله اعرف اتكلم واسولف ويا اي احد والحياة حلووووه


صراحه منتدى كويتيات استفدت منه وايد وهو اللي ساعدني اني اتعلم اسلوب الحوار واعرف اسولف لان بالمنتدى اتخيلي نفسي بدرس تدريبي عالسوالف بس محد يشوفني لووووول


جربي تخلين انطلاقة تغييرج من المنتدى شوفي ردود البنات واقريها وتعلمي منها واحفظيها وتدربي عليها


موفقه


وعلى فكرة تراج مو صغيره

تلاحقي عمرج وتعلمي تسولفين نفسي طبعا قبل هههههه

 

[Mjnont '3lay]

ههههههههههههههههههههههههههههههههههههههههـ موتيني ضحك على جملتج الاخيره يحليلج
الله يسعدج يااارب ويوفقك مع اللي يحبج ويخاف عليج يحطج على راسه وخري عن سوالف الحب لانه فيها مضيعة لوقتج من دون فايده ويمكن تضرج بعيد الشر عنج
ومبين عليج حبوبه وفرفووووشه بس ازرعي الثقه بدااخلج لمن تسولفين لا تحطين ببالج اوف سوالفي ممله لا بالعكس لمن تسولفين انطلقي بالسوالف بس مو واجد ها عشان ما تجيبين العيد
يعني بالكلاس سولفي مع البنات اللي جنبج شلونكم شخباركم شلون الماده الفلانيه معاكم تصدقون انا حملت الماده الفلانيه الله يعيني ويصبرني انشاءالله وانتو ؟؟ وشوي اساليها عن قصتها مثلا اذا عجبتج كبداية الموضوع وقوليلها ايه تصدقين انا دايم اروح الصالون الفلاني وما ارتاح الا للصالونه الفلانيه وشغلها حلو ومن هالكلام وشوي شوي اهي رح تدش بسالفه وانتي تدشين بسالفه وسالفه تجر سالفه لين ما تتعودين عالوضع شوي شوي طبعا مو شرط تسالينها صج عن شعرها او قصتها انا ضربت لج مثال عشان تفهميني اكثر
والله يوفقج يااارب ويسعدج

 

[أحلى البشر]

اشكركم اخواتي كلكم اللي رديتوا علي كل ردودكم قريتها اكثر من مره وااااااااو عطتوني دافع بحااااااول لاصار جمعه برز روحي واسئل كل وحده بدور شلونج شخبارج ياخوفي اجيب العيد ترا ماعرف احس اللساني صعب ينطقها تصدقون مره من المرات والله ماكذب عليكم جونا ضيوف حطيت لهم حلويات وموالج وشاي وقلت وابي اقولهم اقلطوا قلت اط؟؟؟؟هههههههههه غيرت الحروف وشقلبتها وزت حروف لين صارت الكلمه قويه وقعدت اضحك ووجهي صار احمر لان انا ماحب هالسوالف ماتخيل روحي اقول حتى يامرحبا واااي ماقدر بس ان شاءالله بتغيرومره دق التلفون قبل لايكون عندنا كاشف وكان يرن وقت متاخر واخوي طالع خفت صار شي وغصب عني رديت بالموت طلعت بنت خالتي قالت الو سكت وظلت تقول الو رحت انا سحبت الواير للتلفون وارجع اشبكه يعني عشان اتشك التلفون خربان وصكرت السماعه بشويش ههههههههه والله موبيدي على فكره ترا حنا جمعاتنا قليله يمكن ماشوف زوارات واجد الله لمستعان وشكرا لكم

لوووووووووووووول وربي مت ضحك الله يسعدج اسلوبج عسل :krkrkr:

 

[mf6nt el3lat]

شيء حلو انج تبين تغيرين من نفسج وعارفه نفسج عدل ، اذا انتي حابه تغيرين وعملتي بالنصايح اللي يقولونها البنات راح تغيرين حبه حبه ،

اولاً انتي مشكلتج انج ماعندج ثقه بالنفس بيني وبينج انا نفسسج ماعندي ثقه وحقيقه كل اللي قلتييبه احس ينطبق علي بس الفرق اني عندي رفيييجاااات وااااااجد بالمدرسه متى يجيني الخجل وكل هذا بس لمن نكووون بجمعاااات العااايله وبنات عم ابوووي اللي كبري يكونون موجودين وجذي يعني مني اختبص ...... المهم ، انتي لمن تكلميييين اخذي نفس عميييق واخذي وقتج بالكلام والسوالف لا تستعجليييين ولا شي تقولييين كلمه تجر كلمه اذا انتي ماعندج سوالف مممم سولفي عن اخر حدث صار بالبييت عندكم ولا اخر موقف صاار لج ولاا اسالي عن البنت مثلاً اذا قبل قالت لج شي اسالي عنه هاه شسويتي فلااانه ، جذي يعني ولا اخر الاخبار اللي صايره بالبلد ولا تحسين بالخووف ولا هم يحزنون اذا سولفتي محد بياااكلج خلج ريلاااكس انتي تسوولفييين عشان تستاانسين ،

دايم طالعي نفسج بالمنظرا وامدحي نفسج قولي انا متدينه حلوه متفتحه جامعيه خلوقه خجوله حسي الفكاهي عالي جداً امدحي نفسج ولا تبخلييين عليييها واياااااااااااااج والكففررر > لا سوري الكلمه جايه غلط ههههههه شكو
واياج ثم واياج تحقرييين نفسج هو ليييش وشماله الحقرران لا خلج ذكيييه استااانسي ودلعي عمرررج وهذا راح ينعكس ايجابياً عليج

ممممم طبعاً الاسلوب ما يبيله شي بتاتاً ،،،
اول شي عودي تخفضييييين صوووتج وماتكلميييين بصوت عالي مهما صار ضحكتج وطيييها ولاا حطي ايدج على حلجج ولفي بطريقه حلوه عاد الحين شلون اشرحلج الطريقه الحلوه ههههه
وبس كلامج خلييه منمق اخذي راحتج
وشووفي ردووود البنات بالمنتداا صدقييييني لمن تقرين الردود بتطلعييييبن من وراهم اكبببببر اجتمااعييييه ههههه تعلمي منهم


وبس ادررري جبت العيييد وخبصت بالد بس هذا اللي طلع معاااي *

 

[mf6nt el3lat]

انا اعلمج شلون تقولين شلونج

تخيلي الوضع

اول ماتجي الحرمه مقبله على الباب ابتسمي على الخفيييف وقولي وعليكم السلام ياهلااا ومرحبا ياعمري تجي تسلم قوليلها شلونج شخبارج عساج طيبه شلون امج وخواتج شلون العيال ، عساكم طيبين طبعاً قولييهم حبه حبه ههههههههههه وابدي قهويها وقولي اسفرت وانووورت وبس سولفي عن اي حدث صار قبل لا يجون ههههههههع

 

[~✿šilєηт]

ههههههه حلوه اخر جمله هههههههههههههههه ضحكتني

اسسلوبج حلووو والله واصلا مبين خفيفة دم

بس ااحسس خجوله زياده عن اللزوم وماعندج ثقه بنفسسج

اهمم شي الثقه بالنفسس

 

[دفئ ليالينا]

واااي ترى انا مثلك انا كنت اهون بكثيير بس من فتره طويله كنت اقراء كتب كثير اسلوبي كان جميل برغم اني كلامي قليل بس ناس كثيره كانو يشوفو تفكيري حلو وراكزه واذا اتكلمت كلامي متوازن وفصيحه حتى اللي ماعرفهم ولا اتكلم معهم كنت اشوف نظرة احترام واعجاب في عيونهم كانو يشوفوني هاديه بس مايجرحوني ولا يقللو ادبهم عشان يشوفوني واثقه من نفسي ومرتاحه مع نفسي واوحي بالقوه ولا كنت ارتبك بوجود الناس والله العظيم ماابالغ في كلامي ولما اخذت دوره صرت اتكلم واحكي عن الدوره اللي اخذتها وحياتي كانت احسن مايكون بس انتكست بسبب اني سمحت لواحده نفس زوجة اخوكي تحطمني بكل الطرق لين فتره صارت ثقتي بنفسي زيروو مع اني ابد مااذيتها انسانه مريضه بمعنى الكلمه اكبر غلط انك تسكتي لناس اللي تجرحك وتحطمكي ابسط شي انك تسويه انك تحقريها بقووه يعني هي والطوفه واحد اذا تبقي تتغيري جد اقري كثييير روايات قصص شعر كتب مفيده اخبار اي شي مو شرط علم نفس باتظام مع الوقت لسانك حينطلق دربي كيف ترحبي بضيوفك لو بكلمات بسيطه عشان ماتربكي نفسك بزياده لاتضغطي على نفسك كثير اهم شي اشتغلي على نفسك كيف تكوني ناجحه في دراستك ترى اي نجاح في حياتك يقوي ثقتك بنفسك ويزيد من سعادتك اشتركي بنادي رياضي ولا خذي دوره في اي شي وفي الجامعه اتواصلي مع اللي جنبك ماعندك شي تتكلمي فيه اسئلي وسؤال يجر سؤال طبعا مبدئيا مايخص الجامعه ودراسه بعد كذا اسئليها عن احوالها

 

[am faisal]

سوالفك حلوة بس يمكن خجولة وهذا يزيد البنت جمال ما اعتقد انة عيب

 

[тεķάηαн]

هههههههههه فصلت على جملتج الأخيره =))
حيآتي وآضح عليج فكآهيه و بسرعه تدخلين القلب :$
خليج وآثقه من نفسج و إدخلي مع النآس و كوني علآقآت
إنتي عندج اسلوب بس ذآبحج الحيآ ×_×
موفقه :*​

 

[beren saat]

ههههههههه الجمله الاخيرره ضحكتني وفصلت عليها

حبيبتي باين عليج خفيفه دم واسلوبج حلو ما اشوف فيه شي

بس اكسري الخجل شووي

 

[om MaRyooM]

حبيبتي احتمال اسلوبج يهبل وسوالفج حلوة بس اللي فيج نقص ثقة فقط لا اكثر

كلام توم اند جيري عدل 100%


واخذيلج جم كتاب عن الشخصيات وطريقة الحوار مع الناس ورح تستفيدين واايد

 

[مودي كويتي]

بنات الله يخليكم لي ويوفقكم يااااااااااااارب مع ان الموضوع قديم لكن مدري مازالت المشكله مستمره تخيلوا رحنا نخطب لاخوي من اسبوع واختها الكبيره تسالني اسئله عاديه وين ساكنين والجو اليوم احلى من امس وهالسوالف تعرفونها والله والله يابنات ماكذب عليكم اتعرفون لما الواحد يجيله مغص شلون يصير وجهه او مثلاً لما تضحكين ضحكه صفرررررررررررره انا كنت كذا حتى شفايفي من الجهتين احسها تنمل ودي اطق البنت طق مدري ليه ابيها تسكت كنت احس برهبه مادري وش سببها؟ حتى وهي تصب لنا قهوه طبعا العادات تصب لامي اول وبعدين انا والله ماكذب عليكم وهي تمد الفنجان لامي بغيت امد ايدي اخذه لا ارادياً هههه يمكن ماقندت؟؟؟مدري من كثر ما انا مرتبكه تصدر مني تصرفات غريبه

 

[لمى الهاجري]

انتي نفس مشكلتي بالضبط بس انا اسوا منج ماعندي رفيجاتي

 

[تولة مسك030]

شكلج بووووووية
والله اعلم



هههههههههههههههههههههههههههه

 

[جمانـا]

^
شكووو !!
-
-
-
-
والله لاتشتكين لي أبكي لج أنا بعد نفس الحالة
واحيانًا تطلع مني تصرفات غبيـة من الرهبه وإذا قابلت اي احد ماعرفه انتفض ههههه
اعتقد انه من قل الثقة بالنفس
الله يعيـن وانتعدل ونصير اوادم زي الناااس ..

 

[^ MiSS MoOoka ^]

اآككيد الحيآ يردج تسولفين وتركببن سالفه علئ بعضها مريت فترهه كذآ بس الححين لآ عادي وآثقه من نفسي ووآثقه من السآلفه الي بقطها
وعادي الحمد الله خوياتي كثيـر وككلنا ميانهه وخوات ومآانحرج منهم ابد منذو مبطي اعرفهم
تعودي مغطي لسآنج
ججربي في الاول مع خدآمتكم امسكيها وسولفي واضضحكي ححتى لو ماتفهم عاد انتي تعلمي فيها < فنقر
اححم او المرآيا اقعدي وقطي على روحج سالفه علقي اضحكي اقرقي ككثري قرقـج تتعودين تسولفي لغيرج عادي هع

بس من الي بعمري قرقا انا الي اكبر مني له حترانه واستحي قدامه وضابطه نفسي الحيا ححلو والله هع
بس مو الي كبرج اكسبي خوياتي وصديقات عمر ، الابتسامه ضروري اككيد و والوجه البشوش
وخلي عندج ثقه وقوه وردي ع التلفون بجرئه واذا بتتعودين تتكلمين دقي ع السآعه ولا الاحوال الجوي سولفي شلونج شخبارج < ي شيخه

كاااااااااااااااااكك والله مدي شلون صراحهه تعودين مع انج اكبر مني دقي تعودي ع التلفون والسوالف فيه تتعودين بعدها مع الغير
خلي عندج قوهه وشعبيه وجرائه والثقه فوق الكل والحيا له وقته وسسلامتج هع

وعلى سالفت مرت اخوج طقيها بططوف مردها اطق اطوف وتودلج لا تردين عليها تولي وتضحك من هني لي بككره لا تهم
اخخر همي عواذلي ؛)

 

[مودي كويتي]

بسبس مياااااااو شكو بويه الحمدلله والشكر بس