^فـّـزولـهـآآ^
New member
والله فاجعة والله انا بعد مو قادرة انام عدل احس قلبي مقبووض واحس ان يومي قرب ومن جم ساعة زوجي زفني لاني كل شوي اقوله احس اني مابعيش وايد والله هالموضوع كأبني وايد وايد كل شوي اتخيلهم كل شوي اتخيل شلون احترقوا واتخيل بجي اليهال مو قادرة والله تعبت والله لاني اتخيل نفسي لو معاي بنتي ويصير جذي والله اموت قبل ما احترق من عوار قلبي...
بنات انا في شي قعد افكر فيه من شوي لان اصلا 24 ساعة تفكيري باللي صار فقعد اقول شوفوا يا بنات شلون اللي بالعرس ماتوا فجأة خلال ثواني وخلال دقايق بنات كانوا يرقصون وكانوا يتكلمون وصاروا جثث ... بنات خلونا نتعظ شوي ..خلونا ان رحنا لعرس لاي مكان نلتزم بدينا نحرص على كسب الحسنات بكل وقت لان مااظل في وقت.. اهما راحوا واحنا وراهم بس شلون ومتى العلم عند الله.. احنا بالعرس بقصراحة الاغلب يقعدون يحشون ويغتابون ويعيبون هذا انا شايفته جدام عيني وشوفوا بلحظة ناس احترقت وراحت يمكن في وحدة تكون اغتابت صح؟ بس القدر ما امهلها حتى يمكن تستغفر..خلوا الموت جدامكم .
.خلونا نبعد شوي حبنا وتمسكنا بالدنيا ..خل يكون همنا تجميع حسنات واعمال تقربنا من ربنا ..خلونا نتأهب ليوم بننحط فيه بهالحفرة وما بينفعنا بعدها شي ..خل نحب الناس ونبعد البغض والتفرقة والحش والغيبة وكل عمل سئ .. ترى الدنيا زايلة ومافيها خير الا الخير اللي نصنعه بيدنا ويكون برضا ربنا
والله خوووش كلام قلتيه وهذا المفروض كل وحده تتعظ بللي صار
لأن ولا شخص بالكــون كله يعرف متى بيموت ووين راح يموووت
واشياء بسيطه تصير لنا من غير لاندري ان بيصير فينا هالشي فما بالكم الموووت لاخذا الروح من الجسم
والحين مالنا الا الدعاء للميتين والله يرحمهم ويغمد روحهم الجنه وان شاءالله هالحريق والبلاء طهور لهم من كل ذنب
والله يوسع قبورهم وتكون ان شاءالله روض من رياااض الجنه آمييييين
وبنات ترى الكلام الزايد ماله داعي لانه ماراح يرد شي ولا راح يقدم شي واللي صار صار قضاء وقدر
وقدر الله ماشاء فعل
ومابيدنا الا الدعاء لهم اكثروا من الدعاء
وحسبي الله ونعم الوكيل بللي كان السبب
