سنه اولى زواج .. ممكن مساعده ؟

[Bronze ● lady]

سلام بنات شخباركم ؟؟


لو كنتي بسنه اولى زواج وزوجج عصبي وشخصيته قياديه


يعني عادي ساعات يعاملج مثل بنته ..


وبعض الاحيان يدش الشقه عليج وينتقد الشي اللي مو زين بس . ويترك الزين


يحب يامر اكثر مما يحب تتامرين عليه :eh_s(4):


يحبج مو مايحبج بس العصبيه مخربه الموضوع
يعني عادي يرجع من برا متضايق ةيحط الحره فيج


ماشااء الله عليه مفتح في اللبن وكلشي يحط باله عليه


يعني مثلا لو حبيتي تعرفين غلاتج عنده مثلا وقلتي له ي فلان ابي ابيت ببيت ابوي الليله عنك


يصدمك بالكلام ويقولج .. اي عادي بيتي .. يعني يبي يحسسج ان عادي وان يعرف انج تبين تختبرينه


:krkrkr:


:krkrkr:شنو الحل وشلون تتصرفون مع هالريال؟؟

 

[نـعـومـه]

العصبيه طبع

بس حاولي تغيرين طبعه يعني عصب ولازفج بلامعنى طالعيه بنظره جنه موعاجبج عشان يحس

 

[نون وما يعلمون]

الله يهديه لج ويسخره

الصبر زين ...


قعدي معاه حاولي تبينين له ان الوضع مو عاجبج


بس بطريقة حلوة بدون انفعال.

 

[زبــــــــدة]

عادي حبيبتي ...يعني ماشوفها مشكلة

انتي باسلوبج ممكن تغيرينه وتهدين من عصبيته

 

[لذه السكر]

في رياييل ما يحبون المره اللي وايد تتدلع و تسال
انتي ثقلي عليه واذا عالعصبيه حاولي تساحلينه وتلقين اسلوب يهدي اعصابه
اذا كان هادي و رايئ حطيله عصير وقوليله بكلمك بموضوع ..وكلميه عن عصبيته انتي مالج شغل يحط الحره فيج

 

[رنيم الروح]

حبيبتي العصبيه شر لا بد منه وما لومهم لانه الزوج ممكن يتعرض الضغوط براء البيت لكن عن نفسي زوجي نوعا ما عصبي و اذا شفته معصب مارد عليه ولا اطنشه يعني اكون مجرد انسانه مستمعه و كل كلامه ادخله من اذن وطلعه من ثانيه بس مجرد تروح العصبيه ابتسم له واسلوب دلع واطلب الي ابيه سيده يوافق حتى لو كان قبل اشوي وهو معصب رافص
بس الحمدلله من النوع الي يروح الزعل بسرعه واهم شي قلبه حنون

 

[<miss botamba>]

القياديه شي جميل بس ماتكون باسلوب تحكم

وبالعكس هالشي المفروض يكون بالرجل

واذا على سالفه العصبيه قعدي معاه و بكلام حلو وهادي بينيله ان هالشي يضايقج


وشي طبيعي الرجل مايحب مرا تأمره هذا من طبيعته

واذا محتاجه شي بينيله احتياجاتج بشكل لطيف او اذا مثلا شي للبيت عطيه لسته مكتوبه مو بالكلام

 

[صحكة الايام]

عادي ع حسب الشخصيه
وفيه قروب للمتزوجات ع واتس اب
اللي حابه ترسل خاص

 

[M!SS.LOBY]

الله يعينج

 

[توتة UAE]

ف اول سنة زواجي ريلي كان دووووم يحط حرته علي
انا كنت اقوله شفيك انا شو سويت ومرات اقوله انا ما
استاهل هالمعاملة ( بجدية لكن ما اصارخ ) عقب
فهمت انه معصب ع حد ثاني اهله ولا من شغله . .
ف ما قمت ارد عليه واتم ساكتة . . عقب فترة ودر هالعادة
الحمد لله

 

[جوري الصالح]

حبــــــــــوبه
مـــعروف الســــنه الاولـــــى
مــو متفـــقين بــس مـــدة بســـيطة

 

[نونه المنكوشه]

حبيبتي عادي اهما جذي اول سنه يشتط ويسوي روحه انا الحمش واللي ماسك زمام الامور وبعدين يسير خروف هههههه عادي عطيه ع جوه ومرده بيطخ انا اشوف خواني ويا ربعهم اذا واحد توه متزوج هذي نصايحهم ع قولتهم خلك زلم علشان المره مادوس ع راسك بس بعدين يطخ اذا شاف المره سنعه وتستاهل وشايلته شيل

 

[مناير ...!]

لوقالج لامايه نومه ابيت اهلج زعلتي
فهذي مالها شغل بااختبار الغلا

 

[ككوته]

اذا كانت العصبيه طبع فيه انتي لازم تمتصين غضبه بهدوئج واذا كلمج ردي عليه بهدوء بس بجديه
اما القياديه فهالشي انا اشوفه حلو الله يوفقج حبوبه

 

[يستفزني غلاك]

لازم تتحملون بعض وتوج اول سنه العمر قدامج والزواج يوم حلو يوم مر يعني مو كل يوم ونااسه لابد الشد ولابد الرخا وموفقه

 

[مولاي الفرج]

بالعكس اشوف شخصيته زينه لان اهو مسئول عنج وعن عيالج ان شاءالله

واذا نوعه فيه عزة نفس ومايحب يعبر عن شعوره لاتختبرينه ولا شي في الأزمات بتعرفين اهو شكثر يحبج

وسالفه يحط الحره فيج ترى بعلم النفس هالشي يسمونه اسلوب دفاعي ان مايقدر مثلا يتهاوش مع مسئوله يقوم يرد البيت

ويتهاوش ويعصب على اي شي بالبيت

فانتي صبري عليه لين يهدى وبتلاقينه طبيعي

الله يوفقج يارب

 

[Pinky -cat]

حلو انه مبين لج شخصيته وطبعه وهلشي يخليج تعرفين نقاط القوة والضعف فيها ، قعدي جذي بينج وبين نفسج
وكتبي بورقة الاطباع وكل طبع حطي له حل ، وصدقيني بتلقين حل واحد مشترك لكل الامور


طنشيييييييييييييييييييييييييييييييييييييييييييييييييييييييييييييييييييي


ريحي راسج وكبريه وطوفي وسوي اللي تشوفينه صح واللي يريحه بس مو على حساب نفسج واعصابج
عشان لا صار ما صار ما تندمين وتحسين انج عطيتي وايد فهمتي

 

[برنسس أوراق]

العصبية مطلوبة بعض الاحيانوبعدين حلو يكون الريال شخصيته قيادية
ولازم يكون فيه تفاهم من الطرفين