سنــة و شيعـــة (( للعضوآت عآمة ولإدارة المنتدى خـاصة ))

[حروف الأمل]

　​

[FONT=Arial (Arabic)][FONT=Arial (Arabic)]

بسم الله الرحمن الرحيم


حبايبي رآح ادخل بالموضوع وان شاء الله مو مطولة عليكم وأتمنى تقرؤوا للنهاية وتجاوبوني بكل صرآحة والصراحة عادتكم أكيد فديتكم

اعتذر بدايةً لأني ماعرف أنزل الموضوع في أي قسم بالضبطـ ^^


أول شيء انا لما كنت بسجل في منتدى نسائي جلست كذا يوم أتصفح في النت وأبحث و أبحث وطبعا بتقولون المنتديات كثير وراح تلقي على طول ^


لكن أنا طلبي كان إني أبي منتدى نسائي أولاً ومافيه تفرقة بين سنة وشيعة ثانيًا او كافة طوائف المسلمين دون تفرقة وهالطلبين كلها مهمة بالنسبة لي لأني أشمئز من ألفاظ السب والعياذ بالله ^^


أبي أدخل منتدى أشارك فيه وأنا مرتاحة وسعيدة لما أدعي لبنت أو أساعد الثانية أو اقدر أفيد لو بجزء بسيييط

وكل اللي راح نكتبه بالنهاية محاسبين عليه حرف حرف و كلمة كلمة ومو من حقي ولا من حقك الدعاء على فلانة وفلانة بس لأنها من فئة مسلمة ثانية وكلنا عارفين الظلم ظلماااات يوم القيامة

يمكن تكون هي أفضل منك وحسناتها اكثر من حسناتك ويمكن انتي اللي تقرأي الموضوع افضل مني بمليوون مرة ومو من حقي نهائيا اغلط عليك لمجرد انك من مذهب وانا من مذهب ثاني ..


نرجع لموضوعنا ,, من خلال تصفحي عبر الشبكة وجدت منتدى كويتيات واتصفحت فيه على مدى ايام وارتحت للتسجيل وتوكلت على الله وسجلت



لكني اليوم انصدمــت ’ فيه بنات هنا لقيت فيهم اللي اتمنيت ماألقاه بهالمنتدى

لقيت انهم متشددين في التفرقة والدعاء على فئة معينة ..


انصدمت وحبيت أسألكم وأسأل الإدارة الموقرة / هل في منتدى كويتيات تفرقة بين المذاهب او بين سنيــة و شيعيــة ؟


انا اتمسكت بالمنتدى ومن اول ماافتح النت أفتح كويتيات لكن اذا فيه تفرقة فـ ياليت تجاوبوني لأجل ماأتمسك بالمنتدى يوم بعد يوم ؟


فيه بنات كثيييير جزاهم الله خير ينحطو على الجرح يبرى :yaaaaaarb: , لكن البعض ..! ماذا أقول :bbbiu:..!!!


أنتظر اجابتكم



مع تحياتي .. حروف الأمل << من دآر بو متعب الغآلي​

[/FONT][/FONT]

 

[*ماي الورد*]

تسلمين عل الموضوع
اذا لقيتي اساءة على طول بلغي المشرفات ما يقصرون

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

ماي الورد ^

شكرا على الرد حبيبتي

لكن أبلغ على مين والا ميـن ؟

كثير اللي شفتهم هاليوم وكثيير انصدمت

لو أبي أبلغ كان ثلاث ارباع وقتي يروح بالتبليغ وانا ابي ادخل المنتدى عشان اساعد واخذ معلومات او افيد على قدر استطاعتي

انتظر الجواب منكم او من الإدارة ليطمئن قلبي وأعتبر اللي شفته او راح اشوفه مايمثل رأي الإدارة أو رأي أغلبية العضوات

وشكرا جزيلا

 

[$بنت الأمير$]

رد : سنــة و شيعـــة (( للعضوآت عآمة ولإدارة المنتدى خـاصة ))

أكيد الأساءه موجوده بكل مكان والتفرقه بكل مكان >>أتوقع ماراح تلقين مكان مافيه هالاشياء والله أعلم
بس مو هاذي المشكله اللي لاحظته ان بعض البنات يفهمون النقد البناء اسائه شخصيه لها
مع انى الاغلب مايعرفوون بعض ...كيف اسيئ لج واهينج(على قولت البعض) وأنا ما أعرفج
نحن ننقد الفكر وليس الشخص....
واختلاف الراي لا يفسد للود قضيه....

 

[شعطآنيه]

حروف الأمل .... مآ يصير تبين منتدى يعجبج 100%
أكو ناس متربيه هني ...وفي ناس لا
وفي بنات صغار ما يدرون شيقولون ...وفي كبار
في شباب يدخلون ويسبون ...........

الكل يدخل ...وما نقدر نتحكم بأحد
وإذا شفتي إساءه طرشي للمشرفات ..وما راح يقصرون .........

وصدقيني محد متشدد بالتفرقه ....لكن آلبعض مآ يترقع ..وكلامه متناقض
والحقيقة مؤلمه أحيانا بالنسبه له ......

عشان جذي الموضوع يتحول لفتنه على قولتهم .............

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

بنت الأمير / و شعطانية

ياحبايبي انا مااقصد اني ابي منتدى يعجبني 100%

والله اعرف ان السوء موجود بكل مكان والشيطان حاضر لكن ماأنكر انه الطيبة مازالت موجودة وفيه اللي يقدروا يتحكموا بأعصابهم بشكل ايجابي جدا

لكن انا ابي اشوف رأي الأغلبية بهالموضوع

شاكرة لكم

 

[RASHA KSA]

رد : سنــة و شيعـــة (( للعضوآت عآمة ولإدارة المنتدى خـاصة ))

مافي منتدى كـــــــامل فيه كل المواصفات والناس وتصرفاتهم مانقدر نحكمها بخلق معين الناس اجناس

يعني اهم شي لايهمك تغير الناس خلي همك تغير نفسسك

يعني اقصد انتي فيدي واستفيدي وماعليك من المواضيع اللي فيها سب وهالامور لانها موجوده بكل مكان

 

[Stylista_Q8]

مو وآيد تلقين تفرقة هني = )

بس في نآس من الطرفين حسآسسييين شوي والطآإئفية زآيدة عندهم

وتلآقينهم بقسم المواضيع العامه والاخبار . . فَ مدآمج بعيده عن هذآك القسم

كل شي اوكي

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

اخواتي / رشــا و Stylista_Q8

شاكرة لكم مشاركتكم وابداء رأيكم واجابتي هي نفس الاجابة السابقة

واختي ستايل الله يوفقك بالدراسة

 

[روعة]

وربي كلامج عسل

لا تدخلون لنا في المنتدى طوائف واللي عنده راي مخالف يطرحه باسلوب حضاري في النهاية كلنا مسلمين والسب والشتم مو من صفات المسلمين واي وحدة تسب وتدعي لازم يحذفونها لان المنتدى محترم مثل ما عهدته لامكان بيننا لغير المحترمات

 

[اتتعبنـي غلاك]

(( لا فرق بين عربي أو أعجمي إلا بالتقوى ))
وكنا اخوان جمعنا الاسلام على محبه واخوه ومافي فررق بينا
بس للاسف فيه البعض يحب يفرق بين بعض وهذا بسبب البيئه الي عاش فيها وويدل على التربيه
وكل انسان يحب الهواش والتفرقه بين المسلمين((كل قول له عتيق ورقيب))ونشهد على كلامنا يوم القيامه

حبيبتي انتي دخلتي النت عشان تستفيدين وتفيدين وما عليج من هالمواضيع ...
وبعدين السنه والشيعه اخوان ومافي فرق بينهم ((كلنا عيال ادم وحواء))

 

[KSA ROSE]

رد : سنــة و شيعـــة (( للعضوآت عآمة ولإدارة المنتدى خـاصة ))

هذي حال الدنيا..وكل انسان يمثل نفسه وبيئته....ترفعي عن قراءة والرد عالمواضيع اللي النقاش فيها ينحط لهالمستوى...

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

عزيزتي روعة

انتي اسم على مسمى الله يكملك بعقلك ويحفظك

ومثل ماقلتي , يانااااس كلنا مسلمين ياليت نبقى ايد وحدة واسلوبنا في الإحترام واحد

مشكورة قلبي

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

اتتعبني غلاك

ياحبيبتي ياليت الكل مثلك

وياليت الكل يقرأ ردك ويلتزم فيه

هذا ابسط شي اتمناه يتحقق ..! هل راح يتحقق ..! آمين

مشكورة على كلماتك الـ روعة

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

حبيبتي ksa rose

والله لو مشكلة تعدت على عشرة اشخاص او ضعف العشرة راح ادعي لهم بالهداية في قلبي وماكان شفتيني نزلت هالموضوع

لكن المشكلة اكبر بكثير وربي يهدي الجميع

مشكورة اختي

 

[كاميليا1]

هلا وغلا حبوبه صدقيني ماراح تحصلين مثل منتدى كويتيات


واللي يتراددون بكلام بذيء الله يهديهن جميعا

 

[حروف الأمل]

رد : سنــة و شيعـــة (( للعضوآت عآمة ولإدارة المنتدى خـاصة ))

قلبي كاميليا

كوني على ثقة اني ماسجلت بالمنتدى الا بعد تصفح طويل وراحة

لكن اللي شفته بهاليومين تعبني ..! كثير زادوا من الألفاظ ........... الله يهداهم ياربي

فـ من الضرورة الإدارة تكون متابعتها قووية وتتأخذ الإجراء اللازم مع العلم إني أعذر الإدارة فهم ناس مثلنا عندهم أشغالهم وامورهم الحياتيه

لكن لو ينزل قرار اداري بموضوع واحد بعدم تطاول العضوات على بعضهن بالردود بخصوص هالموضوع , من الممكن جدا انه يخف او ينتهي هاللي صاير

وكلي ثقة بالادارة الفاضلة

مع جزيل الشكر لكِ وللجميع

 

[ترانيم القصيم]

لا أختي الإدارة ما تفرق بين سنة و شيعة

شوفي توقيع صاحبة الموقع ^^بنت الكويت^^ ,, فيه صورة بتوقيعها مكتوب عليها :

سنة , شيعة بدو و حضر ,, كويتيات يجمعنا

و القوانين واضحة و تمنع الطائفية لكن مشكلة البعض خرق البنود بالعمد

توجه المنتدى سنّي و يمنع أي أفكار و معتقدات تخالف هذا المنهج و هذا نص البند نقلته من خانة القوانين التابعة للمنتدى :


* منتديات كويتيات على منهج أهل السنة و الجماعة فلا يُسمح بالتضليل أو الاساءه لهذا المنهج بأي شكل من الاشكال *

http://www.q8yat.com/showthread.php?t=150116

مع ذلك ما تلاقين ناس تتقيد فيه ,

و إنما خرق واضح للبنود و بصورة متعمدة أو [ مقززة ] إن جاز التعبير من قبل زيجات ديدنها التعصب المذهبي البهيمي

الناتج عن تأجيج عاطفي و تغليب كل ذلك على العقل

و للأمانة : ترى الغلط من كلا المذهبين , ناس تتحرش و ناس تسكت ثم تسكت و ناس تتحرش مرتن ثانية و هكذا

و بعدين يا الغالية ما فيه منتدى كامل مستحيل ,, و أساليبنا كلنا في الردود تفصح عن الخلفية التربوية لكل وحدة فينا

الله يهدينا يا رب و يبعد عننا الحساد

إحترامي و تقديري

ترانيم القصيم

 

[قلبي محمد]

المفروض نكون كلنا جروب واحد نحب بعض
ومافي بينا اي تفرقه ..كلنا مسلمين مالنا شغل بالشخص اذا كان سني او شيعي
كلنا مسلمين الحمدلله
ياربي ان شاءالله يبعد عنا كل الناس اللي يحاولون يسوون فتنه بينا

 

[معزوفة عشق&]

رد : سنــة و شيعـــة (( للعضوآت عآمة ولإدارة المنتدى خـاصة ))

up


استغفر الله العظيم