سندويش الشاورما مع الخبز العربي صنع ايديه وحياتكمღஐღ متميز ღஐღ

[عيـuaeـون]

سندويش الشاورما مع الخبز العربي صنع ايديه وحياتكمღஐღ متميز ღஐღ

السلام عليكم

خواتي من شان عيونكم صورت لكم الشاورما اللي سويتها

وكانت لذيذه لدرجة انه عيالي اليوم الثاني طلبوا اسويهال لهم مره ثانيه ولاكني رفضت اسويها حتى مايكرهونها

بس طلعت رهييييبه بمعنا الكلمه واللي يحب الشاورما بيكره يشتريها من برع بيحب مال البيت وهذا اللي حصل عيالي وايد عجبتهم

ولاتستغربون ماقول ابو العيال ماعجبته اللي عندي ياكل ولايقول رايه بالمره ههههههههههههههه البركه في العيال دوم تعجبهم طبخاتي حتى جاراتي دوم يمدحون طبخاتي وهذا مش غرور والحمدلله

الواحد يوم يحصل الكل يعجبه الاكل يحاول يسوي الافضل دايما

المهم بخليكم مع الشاورما وجربوها وقولو رايكم فيها اذا ماطلعت فوق الخيال بس المهم تسوون نفس طريقتي

انا مابحط لكم مقادير معينه لانه بيكون حسب الكميه اللي انتي تستعملينها


اول شي ناخذ دجاج صدور ونغسلهم عدل ونقطعهم شرايح صغار

نحطهم في اناء ونحط عليها عصير ليمونتين 2 ولاترمين قشر الليمون قطعيه بعد عصره وحطيه على الدجاج وحطي فوقه


فلفل اسود

فلفل احمر

كمون

بهارات الدجاج

وكاري

وملح

بصل مقطع شرايح رفيعه

ثوم مدقوق

زنجبيل طازج مدقوق

وكزبره

وبقدونس

وزيت ذره

ولاتكثرين لبهارات خلي المقاسات بالملعقه الصغيره نرجع لطريقه

ونخلط كل المقادير مع الدجاج ونسكر عليها ونحطها بثلاجه لليوم الثاني

لاتسوينها نفس اليوم لانه مابتحصلين نتيجه حلوه لشاورما

وهذا اللي انا جربته لانه لو سويتيها نفس اليوم الدجاج مابياخذ طعم ونكهه من الخلطه اللي فيه

باليوم الثاني نرجع لخلطة الشاورما

ناخذ جدر ونحط فيه الخلطه ونحطها ع النار ولاتنسين اطلعين قشر الليمون اللي حطيتيه فيها
ونخلي النار متوسطه عليه مع التحريك المستمر مع اغلاق الغطاء

لين تشوفين الدجاج نشف الماي عنه نقطع كزبره مع بقدونس

ونحطه عليه ونطفي النار من تحته وخلصنا الشاورما

وهذي الشاورما يوم خلصت

نروح للعجينه وبتكون عاجنينها قبل مانشتغل عليها بساعه او ساعتين حتى ترتاح ونحصل عجينه ناجحه ولاتعبنا في الشغل


مقادير العجينه

طحين ابيض العادي ( رقم 1 )

ملح وزيت

العجينه لازم تكون بالمقادير حتى تنجح معاج

انا محطيه مقاس للطحين اللي هي علبة السميد

وكل علبة سميد نص ملعقة اكل ملح ونص استكانة شاي زيت ذره

لازم يكون الزيت اللي نستخدمه للعجينه مايكون يجمد واحسن نوعيه زيت الذره

نعجن العجينه ولاتكثرين الماي خليها نفس عجينه البيتزا بس اطرى شويه منها يعني لاتخلينها ناشفه احسن شي تحطين ماي عليها ويوم تعجنين تشوفينها تلتصق بأيدج وبعد ماتكملين العجينه تشوفينها تطلع من ايدج بروحها لانه تتماسك مع العجن بعد مانخلص العجينه نخليها ترتاح يقارب الساعه او اكثر

بعدها نرجع للعجينه واخلي بجنبي طحين ورد اعجنها مره ثانيه واخذ قطع صغيره منها يقارب حجم اليوسف افندي او قد فنجان القهوه واكور العجينه حتى اخلص الكميه اللي عندي

وهذي العجينه وانا مكورتنها

اسخن المخبز اللي بخبز عليه العجينه اللي هو الصاج

وامد العجينه ع الرخام مرشوش بالطحين حتى تصير خفيفه

وهذي صورة العجينه بعد مدها ع الرخام

و اخلص الكميه وانا امد العجينه واخبز في نفس الوقت يعني يبغي حركه ونشاط الخبر تمدين وتخبزين في نفس الوقت حتى ماتنشف العجينه عندج ولاتحصلين نتيجه حلوه

وعلى فكره خلي بجنبج صحن فيه زيت وكلينكس حتى تمسحين المخبز فيه

وحاولي تخلين الخبز مافيه طحين عند خبزه حتى مايحترق عليج الخبز وتطلع ريحة الخبز مش حلوه

لو شايفه الخباز كيف رضرب الخبزه قبل مايحطها في التنور سوي جذه نفسه ضربي العجينه حتى تتخلصين من الطحين الزايد اللي فيها

بعد مانخلص الخبز حطيه في طاسه تخليه محتفظ في حرارته

وهذا الخبر العربي يوم خلصته

وفي نفس الوقت نجهز بطاط مقطه مكعبات صغيره ومقلي بزيت

وهذا البطاط

الحين بنحظر خلطة الطحينيه لشاورما

اللي هي

طحينيه

مايونيز

روب

وعصير ليمون

نخلط كل المقادير مع بعض حتى نحصل ع الطحينه

ونحتاج لسلطه

خس مفروم

طماط

خيار مخلل

نقطع السلطه تقطيع ناعم حتى تسهل علينا لف السندويش

انجيب طاسه ونحط شويه من الشاورما ونحط عليها طحينيه اللي جهزناها سابقا

وهذي صورة السلطه مع الطحينه

ونحط كميه من السلطه ونخلطهم مع بعض ولاتنسين البطاط المقلي

نخليه بجنبنا تحط كميه من الخلطه ع الخبز ونحط بطاط ونلف السندويش



وهذي السندويشات الخبز العربي مع الشاورما


جهزت شوفي شكلها مش مشهي

وهذي صوره ثانيه لسندويشات

ونقدمه وبالعافيه عليكم

 

[حناينq8]

بالعافيه

الصراحه


تسلم ايدج :tek:


بذلتي فيها مجهود لي درجة ان حتى الخبز انتي مسويته مو جاهز ماشاء الله عليج



بالعافيه عليكم يارب


حناين​

 

[جارة القمر]

مشكووووووووووووووووووووووووووره


حبيبتي

 

[جورية كويتية]

بصراحه يعطيج الف عافيه
وتسلم ايدج على هالمجهود
عليكم بالعافيه حبيبتي

:eh_s(18): :eh_s(7): :eh_s(18):
​

 

[cute-q8cat]

تســــلم إيـــدج

 

[banota]

تسلم ايدج و يعطيج العافية

 

[ضحكة الدنيا]

شغل عدل ماشاء الله
تسلم ايدج وعليييكم بالعافيه

 

[عيـuaeـون]

يعافيكم ربي ويسلمكم من كل شر خواتي
واشكركم ع مروركم وردكم الحلو شراتكم

والله لايحرمني منكم يالغاااليات

واشكر الاداره ع ختم التميز وهذاا شرف لي اني اشارك معاكم

والله يوفقكم يااارب

 

[@Miss Dio@]

بصراحه مو طبيعي يسلمو

 

[bambena]

شي عجيب تسلم ايدج
بسويها بخبز جاهز

 

[هوى الدار]

وااااااااااااو تسلم ايدج

 

[عيـuaeـون]

الله يسلمكم خواتي واسعدني حظوركم المميز

واللي بتسويها بالخبز الجاهر احلى شي بالخبز الايراني لانه جربتها بالخبز الايراني طلعت حلوه السندويشات ولاتعب لانه خبز الصاج وايد متعب الشغل عليه

وعساه هني على قلوبكم جربوها مابتندمون صدقوووني ..

 

[atooma]

تسلم ايدج ياقلبي

 

[عيـuaeـون]

الله يسلمج يااالغلا تسلمين ع متاابعتج ولاخليت منكم يااارب

 

[ام مياز]

:
الف شكر

 

[نعوومي]

مشكووره الف مره على الطريقة

 

[بنت الخور]

تسلمين الغالية،،

ما شاء الله عليج روووووووووعة،،

وإن شاء الله اسوي السندويشات

لج أطيب التحايا،،

 

[rzaan77]

تسلم ايدج مشكوره

 

[الملقوفة]

مشكووووووووووووووووووووووووووره

 

[Hello_kitty]

واو ماشا الله شكلها روووووووووعة

اهي بالصور مبين تشهي

اشلوووون بالصج>>>يمي يمي


عليكم بالعاااااااااااافية


تسلم الايـــــــــــــادي