سنة كاملة وانا اتعالج عند الشيوخ والاطباء والسبب وحدة بالدوام

[عمة فاتو]

لا حول ولا قوة الا بالله

 

[دار سلوى]

خلاص
قررت اهجر الدوام
وماااااااااااااا راح اداوم لو شفت موتي قبالي
مسكت القران وحطيت ايدي وقلت لامي ان ورب هالكتاب ان داومت ادعي عسى الله يحرقني حررررررررق
ويومها كان عندنا البيت شاب ضو اتحلف اصارخ اطق عمري شقيت ملابسي حاولو اخواني وابوي انهم يسكتوني قمت اصرخ اصرخ اصرخ على امي ليش خليتيني اداوم عشان اسمع هالكلام
كنت يمكن يمكن يمكن اذا ما فقدت عقلي باقي فيه ربع
اخوي كتم نفسي خنقني عشان اسكت وما ارفع صوتي على امي وامي تبجي وتكب ماي مقري علي تبي تهديني وابوي حاط ايده على راسي ويقرا قران وانا اطق خدودي واجر بشعري واشق هدومي واصرخ لين حسيت دمعه نزلت من عين ابوي طاحت على راسي وانا قاعده على ركبي وامي يمي تبوس ايدي واخوي وراي حاط ايده على حلجي وابوي ايده على راسي
وعقبها ما بطلت عيني الا بالطبيب حاطلي درب وشخص حالتي على انها انهيار عصبي
وعطاني حبوب منوم تساعدني عالنوم وان صحيت الصبح ماكو شي
كانت العايله اتفقت امي وابوي واخواني ان محد يجيب طاري الدوام قدامي هاالاسبوع وقال ابوي ناخذ لها طبيه وان شاءالله بتهدا وماكو شي
قمت الفجر على صوت الجلب اللي ينبح كالعاده جان افتح بطولة الماي المقري كلللللللللللللها واكبها بالغرفه كاني قاعده اغسل حوش مو غرفة نوم
وافتح الكبت والادراج وارش من هالماي عالهدوم لا تشوفون مو عقب يومين الكبت مرطب وانا صاكته افففففففف يا الريحه تخيلو شي ناقع تحطونه بالكبت
ويييييييييييييييييييييييييييييييييييييع

شصار فيني؟
كرهت الغرفه الثانيه

اشتري ديتول وبخور وفحم بهالبل

صرت طول ما انا قاعده بالغرفه الارضيه ناقعه والغرفه دخنه تخيلو احط ايدي جبال ويهي ما اشوفها من الدخان
ومع هذا قاعده بالغرفه
ادوس عالارض ناقعه الماي راكد لان هذي غرفه نوم مو حمام في بالوعه عشان يسحب الماي
بتقولون ليش تسووين جذي
اقولكم بنظف الغرفه
صار هذا ردي لكل من يقولي شفيج ذبحتينا بالديتول والبخور
انظف ارتب
ريحه بول عزكم الله
احس بنجاسه
احس المكان مو نظيف
ويع الفرشه مالت اسناني احسها مؤرفه
اقطها وايب غيرها واقطها ثاني يوم
ويع الحمام احسه نجس
يا ميري حطيلي فحم وجيبيه فوق
وعلى هالحال كل يوم
ماي راكد وبخور حزة مغرب فجر ظهر عصر
شنو معناه؟.

كأني اهيء لاهل الارض انهم يجون للمكان اللي انا فيه

وهذا اللي صار
وهذا اللي حذرني الشيخ منه
الا على طاري الشيخ
امي تقول يالله خنروح
يما لا اليوم علي الدوره
من باجر يالله
يما ليلحين ما اغتسلت خليها بكره
ومن بكره يما نعسانه بنام
امي تقول هذا وجهي ان نمتي وين تنامين انتي
الا تعذرين عشان ما تروحين
لا يما باجر
ومن باجر
يما علي الدوره
جم مره تجيج الدوره بالشهر
اي يما هالشهر متخربطه

طيب دوامج شخباره

مادري عنه من يومها طبيااااااات

طيب والماي ما جمعته لج رفيجتج
رفيجتي جمعت البنات وقالت لهم رفيجتنا تعبانه وتعالج عند شيخ دين وواجبنا نجمع لها كلنا من ماينا ما ندري منهي فينا بالضبط اللي اكيد اكيد بدون قصد صابتها
ومو شرط حنا يمكن وحده من اهلها او بنات عمها بس اكيد العين صابتها من حد قريب
فسواء حنا او اهلها نساهم بهالشي وما حنا خسرانين
طبعا في بنات رحبوا ويامنون بهالشي وقالو كلنا معرضين لهالشي بيوم من الايام ومو شرط العين من قصد يمكن هي رقيتها ضعيفه بسرعه انصابت لانها مو متحصنه يعني البنات كانو يهونون الموضوع عشان يقدرون يجمعون الماي من كل البنات
اللي قالت شهالخرافات منو قالكم هالكلام

طبعا البومه قالت كتوووو الماي هذا كله اللي جمعتوه واخذو ماي من عندي
انا ادري انها ما تبي ماي البنات تبي مايي انا وبس على بالكم انا مادري شتبي هي بالضبط حتى واهي مو مداومه وحتى لو انكم سويتو كل هالفلم وتعبتو من غرفة لي غرفه تجمعون بالماي عشان يصير ان المقصوده مو انا بس افا عليكم هاكم الماي

وجابولي المي وشربت ومايها معاهم

بس شنو فيه مايها.؟ الله العالم

صرت اسمع صوتها بالحمام

كرهت الحمام وقمت اخاف منه

او اخلي الباب مبطل ...
تدرون اني قمت ما اتسبح بالثلاث ايام واربع ايام

انا ويع مو؟

اي والله صرت وصخه
ما اتسبح
اخاف ادش الحمام
اسمع صوتها والله والله والله اسمع صوتها

شتقول
مادري شتقول
بس صوتها تسولف بسرعه طريقتها المعتاده بالكلام سريعه بالحجي تقول مليون كلمه بجمله كانها تقول تعويذه خفروش طنقوش بنقوشس مادري
شوي شوي صرت ما اطلع من الغرفه ساكنتها
البخور فيها
وانا قاعده عالارض والقاع مبلله وناقعه بالديتول وانا ناقعه بعد

 

[إنسانه بكل حالاتي]

تدرين والله نزلت دموعي من قصتج والله اني متابعتج من اول ماكتبتي موضوعج حسبنا الله ونعم الوكيل والله يهديها ويشفيج

 

[нάγoηά cнεмίsтяγ]

أعوذ بالله
والله بجيتينـااا ..
ليـكون حاطـه فالمـاي شي
بعـد هاذي ما ينوثـق فيهـا بعد كل اللي صـار من تحت راسهـا
والله ماشالله عليـج شلون تحملتي تشربيـن من مايها
استغفرالله .. الله يعينج ويشفيـج
ويبعد عنـج هالبنت اللي مادري شلون متحملـه نفسهـا وعايشه للحين
هاذي أكيد ساحره ريلهـا والا شلون أكو ريال يتحمل مره جذيه
لا حول ولا قوة الا بالله .. !!!

 

[دار سلوى]

ما اتكلم

ما اكل

ما انام

ما اطلع

ما اتسبح



ما ادش الحمام


ما اصلي

اشب بخور

واكت ديتول
وما افتح الباب لاحد

اخاف ان فتحته اسوي شي لهم من اعصابي

ما اتعالج
مابي اروح لاي شيخ
ولا لطبيب

احس بنجاسه ومع هذا ما انظف المكان ولا الغرفه ولا انفض نفسي واتعوذ من الشيطان واتسبح واتوضا واصلي
الحماااام
اخ يا صوتها بكل حمام

ما اخاف منها بس صوتها مززززعج

احس اني مابي اسمعه


تضايقت من نفسي
وغصبت نفسي اتغير
لما شفت الموضوع وصل للصلاة
جتني الدوره وخلصت وانا ما اغتسلت اشلون بصلي؟
ما صليت اول يوم
ثاني يوم قلت لا مستحيل عمري ما سويتها

وبعد عمري ما سويتها اني اتكشف لامي او اختي او صالونه او اي مره

ما احب بصراحه
استحي وما احب ناديت الخدامه وتسبحت ووقفتها عند باب الحمام قلت لها عطيني ظهرج وامنعي اي احد يدخل ويا ويلج ان لفيتي وشفتيني
امي قالت يبا لا تنحشين الخدامه من ينونج خلاص انا بوصي الكل محد يصعد فوق طالما قاعده تسبحين بس يما اخاف بروحي بدور كامل

لا خل توقف الخدامه عند الباب والباب مبطل


وتوضيت الحمدلله واغتسلت وصليت وطولت بالدعاء والبكاء والسجود
قلت يا ربي ساعدني وطلعني من اللي انا فيه

وحده من صديقات امي تعرف مره شاطره تجي للبيت تقرا وتسبح

جابتها

قامت تقررا علي وتسبحني

ثاني يوم جسمي كله دوائر حمر بحجم الميت فلس

شنو هذا ؟ شالسالفه
قلت لامي ان جت اليوم راح افشلج وما راح افتح فاحسن لا تجي

وما جت
صرت مابي اتعالج
اللي فيني كانه يمنع اي مؤمن يتقرب مني
لازم ابقى بالبخور والماي الراكد والدخان
وابعد عن القران والصلاه

كنت بعقلي افكر فيها اقول هذا اللي هي تبيه انها تدمرني لكن ما راح اعطيها فرصه
وبقلبي ووضعي اقول مابي اشوف احد ولا احتك باحد الكل ما يبيني انا مصدر ازعاج للناس وفيني بلا يخوفهم ويبعدهم عني

عشان انام لازم اخذ منوم والا ما انام
عشان اصحصح لازم اخذ منبهات والا ما اقدر اوقف على حيلي

احس بنمل يمشي على جسمي وين ما اروح

احس انها مسبهه ما افهم ما اعرف اتكلم ولا اقابل الناس ولا اسولف جاهله افشل لا شكل لا اسلوب لا نظافه لا منطق ولا شي
صرت ما اثق بنفسي
امي تقول خالج تحت هو وزجته فشله انزلي سلمي
وما افتح الباب كلللللش
استحي من نفسي ووجهي البشع الاصفر اللي بس عظمتين على جنب وجبهه عريضه من شعري اللي حت وجسمي الناشف اللي مافيه نعومة الحريم اللي كانت فيني قبل من كثر جفاف جسمي صرت كاني تمساح

ماب ياحد يشوفني ويقول حرام شفيها شكلها مو طبيعي
ولا ابي احد يشوفني ويقولي ضعفج يلوع الجبد وشكلج مريضه
خلاص تعبت من هالكلام

دقو علي الدوام قالو ان محوليني لجنه للوزاره بسبب الانقطاع عن العمل والغياب
قلت لابوي شوف الموضوع وقولهم ابي اتفنش لاني ابي اتفنش واقعد بالبيت مابي اطلع منه للقبر
قال ابوي مو بكيفج
خلاص عادي فزي قومي معاي بس عاد سكتنا وايد وخليناج بجنونج قومي اللجنه يبون يدرسون وضعج ولازم يسالونج باسباب غيابج طلعي طبياتج بسرعه وملفج

طبعا مال اصابعي والعلاجات النفسيه اللي اخذها الفير عشان انام وما اقدر اقعد الصبح
طبعا ما عندي رصيد اجازات لان اخذت اجازاتي كلها
املي الوحيد الطبيات
وما كان ينزلي الا ربع راتب
ويسحبه القرض
اللي اخذته عشان اشتريلي حاضر بعد ما طمست الماضي كله
رحت دوامي مع ابوي عشان نكلم المدير اللي هو مسؤلي ان يعطيني اسبوعين من عنده تنضاف لاجازة الحج الشهر لاني قررت اروح الحج وما اقدر اصلا ادام خلال هالفتره اللي تسبق الاجازة

انصدم لما شافني حسبني موظفه جديده جايه مع ابوها تسوي مقابله
قال عسى ماشر؟
اشفيها بنتك
قلت لكم صرت شينه بعين الكل حتى نفسي
نزلت راسي من الحيا وغورقت عيوني
قال ابوي تعبانه شوي وان شاءالله بيت الله بيشفيها

طبعا المدير جزء من الدوام
والدوام فيه البنات
والبنات يدرون
واهو من واحد الى واحد وصله الكلام بس يمكن كان مو مصدق متوقعها اشاعه من البنات بس لما شافني
قال لابوي انا اعطيها السنين كلها اللي ببقى فيها مدير تقعد بالبيت وترتاح كثر ما تبي
لاتحاتي
بنتك قويه لي عليها طلب اتمنى ما تردني
قاله ابوي انت ما رديتنا واحنا ما نردك
قال ابيها ان تشافت وطابت ما تترك مكانها ولا تطلع من دوامها وتبقى فيه وجودها عبره للكل عشان ما يتعرضون للاشخاص المشبوهين ويعرفون ان هالناس ما تترك الطيب بحاله
قاله ابوي بنتك هذي ولك عليها شور بالدوام ان شاءالله لا تشافت بتعوض الغياب هذا كله وبتكون مسؤليتها اكبر وحذرها اكثر


واحنا طالعين تحاشيت اني التفت اتجاه القسم المسكون خفت يحوشني طشار عن بعد

وطلعنا وبداخلي متاكده الحين مافي قوة بالعالم تقدر ترجعني الا الوعد اللي عطاه ابي للمدير ان تشافيت وما راح يصير لاني ادري اني ما راح اتشافى كلللللللش
واللي حطته حيزبونه ما راح يروح

 

[دار سلوى]

رجعت البيت والا غرفتي ما هي غرفتي امي مغيرتها ونقلتني للغرفه الي مقابلتها

ليش يما
قالت بس

بس بس
طبعا هي سوت جذي لان الغرفه اللي انقلتني لها ارضيتها زوليه راح تضمن اني ما راح اكت ماي وديتول واجهز مكان للجنانوه يجون

والا اذا بكت ماي عالزوليه بعد هذا خبال ينقاله

 

[دار سلوى]

ما اهتميت وايد لموضوع الغرفه
بس امي اقطعت الفحم من البيت
وما قامت تجيب فحم كلش

وصارت اذا تبيني اشرب ماي مقري او اتسبح تقص علي نفس ما تسوي واحنا صغار تقول ذوقي هالماي جنه مالح اقولها شربيه بعد يما بيبين اذا مالح او لا
تقول لا اخاف ضغطي مرتفع وتيهيالي ان الماي مالح
كل شي احطه بحلجي مالح حتى الماي
فاشرب اقولها مافيه شي
تقول عيل ضغطي مرتفع

واكتشف انها مسويه هالحركه عشان تبيني اشرب من الماي المقري


تدرون اشلون اكتشفت

صرت اسمع الحوار اللي يصير على صوت هوا او صوت مغموت
صوت طالع من قلبي

كاني بالعه احد صغيييييييييييييييير يحبني حيل ويبي يقولي عن سر خطير فيطلع صوته من داخلي بس بعيييييييييييييييييييييييد

مادري شي يحير

مادري اشلون اوصفه لكم
بس هالصوت ما اسمعه الا اذا جيت بتعالج
ينطق
كانه يبي يمنعني من العلاج

 

[رشيقه هانم]

لا حول الله ولا قوه الا بالله العلي العظيم

ينيه هذيج ابليسه حسبي الله ونعم الوكيل


كملي والله حرتني

 

[нάγoηά cнεмίsтяγ]

والله بعد ما قريت قصتج ما اتمنى الا انج تطلعين من هالدوام بكبره
لا وعد ابوووج ولا غيييييره
الدوام هذا فتح لج باب المشاكل قلب عليج الدنيا فوق راسج وهم تردين له !!
لالالالالالالالالالا مستحيل مايصير جذي
:|

 

[нάγoηά cнεмίsтяγ]

شنو هالصوت شنو يقول شنو الكلام اللي تسمعينه ؟؟
يما والله فلم رععععب

 

[فلونة احلى وردة]

قصتج بجتني
وعسى الله يخليلج امج وابوج واخوانج
وعسى الله يساعد اللي مثلج
ومو لاقي لحد الحين أحد يصدقه ويوقف معاه
عسى الله يسخرلج الطيبين
ويفكج من كل عين
كملي بروح وبرجع والقاج مكمله بارت العلاج
ضروووووووووووووووووووري
أوامر عليا
قبل لا تدخل علينا الحيزبونة وتسحر المشرفات ويوقفون الموضوع
الله يكفينا شرها

 

[فلونة احلى وردة]

ترى محد راح يصدق كل أجزاء قصتج إلا الللي مجرب العين القوية
أو السحر او المس
انا مصدقتج بكل جزئية قلتيها

 

[Bamya]

قميظة عليج ما تستاهلين والله لو كنتي ترقين نفسج من الأول جان ما حاشج اللي حااشج

بس شفايدة الكلام الحين

 

[Bamya]

انا عندي بس سؤال بسيييييييط يقرقع بقلبي من اول ما قريت القصة

وين صديقاتج عنج؟؟ اكيد كان لج صداقات غير زميلات الدوام

وينهم ؟؟؟

هالسؤال ما قرقع بقلبي الا لأني عارفة دور الصديقة المهم بحياة كل بنت

 

[::blackrose::]

كل هذا ابتلاااء

والحمدالله انج تشافيتي الحين

 

[يابختي]

وبعدين؟؟؟

 

[FiOnKa]

حسبي الله على كل ظالم ,, ناطرة التكملة

 

[MAC ADDICT]

حسبي الله ونعم الوكيل

متابعينج حبوبه

 

[glow 'n' show]

كملي حبيبتي ناطرينج

 

[.]

الله يعينج يارب..

والله يهديها يارب..

متابعتج@@