سنة كاملة وانا اتعالج عند الشيوخ والاطباء والسبب وحدة بالدوام

[بنت حلال]

:jumpon: ابي بارت :jumpon:
:flower:

 

[rainbow_brite]

متابعه




والله يعينج ليش ما تغيرين دوامج




ليش مصره عالدوام نفسه




روحي دوااااام بعييييييييييييييييييييييييييييييييييد






نقل مو انتداب عشان ما تشوفج وتنساج




شا الله حادج تردين نفس الدوام انتقلي وابدي صفحه يديده بحياتج ما تخافين





واي اتخرع






حسبي الله ونعم الوكيل عليها

 

[нάγoηά cнεмίsтяγ]

حسبي الله عليهـا و على عذرهـا الأقبـح من ذنـب
لا حول ولا قوة الا بالله
بالعافيه حبيبتي ناطريـنج

 

[BlueGirl]

بالعاااافيه - waiting !

 

[إنسانه بكل حالاتي]

الظاهر دار سلوى نامت

 

[إنسانه بكل حالاتي]

بنات لاتنطرون مبققين عيونكم قومو صلو وعقب ردو نطرو دار سلوى لووووول برب

 

[فلونة احلى وردة]

تكفين دار سلوى
فهمينا اللي كان فيج سحر
ولا عين قوية؟؟؟؟؟؟؟؟؟؟؟؟؟؟؟ظ
ما فهمت مرة تقولين عين ومرة سحر
وشلووووووووووون تاكدتي أنه سحر مو عين ونفس وحسد بنات الدوام
ونصيحة لخواتي لا تتعمدون تحرون أحد بشئ ما عندهم مثل بياض وشعر وجسم وجمال ورموش وذوق باللبس وبشرة
لان لو بيدهم جان حطوا كل الزين فيهم وخلوكم
ولكنها أرزاق يوزعها الله سبحانه وتعالى
فاستروا الشئ الحلو عشان يدوم عندكم ولا تتضايقون منه مثل اختنا دار سلوى
اللي بينت ان اظافرها مووووووووووووووو تركيب وسمعتوا شصار فيها عسى الله يشفيها
ولو قايلة على سبيل المثال انه تركيب وطفت العين شوي عنها جان ابركلها
واعتقد ان كثير خوات متخصصات بتطفية العين فتلقينها تسب عيالها وزوجها والدوام وكل شئ
وما ادري يجوز ولا لأ؟؟؟؟
لكن اللي صارلي بعد ما جاوبت على أسألة وحدة ملقوفة وفضولية وحرة شهوة
وجاوبت صح وقلت عمري وعدد أبنائي وووووووووو كل حياتي وبعدها جتني الخوفة وعشت بفلم رعب وجواثيم عسى الله يفكني من مسلسل الرعب الليلي اللي قاعدة أعيشة
وكل هذا بسبة
الصراحة وإظهار النعمة للغير اللي قد يكون محروم منها وخاطرة فيها

 

[دار سلوى]

باك


الا على طاري اني اظهر لها نعمه هي محرومه منها
لا حشا عمري ما جاكرت احد ولا عمري تشمتت باحد
اجاكرها بشنو؟
اصلا انا مو مطوله اظافري
يومها كنت باردتهم ومرتبتهم بس على طولهم
مع خواتمي الكبار

فليش اقول مركبه اظافر شكلهم واضح طبيعي وقصار عاديين
اقول مركبه عشان يقولون لي حرام وحلال
اقول الصج
ووقتها كان عادي يعني مره بس تناقشنا وانفتحت السيره قدامها لما قالت وحده من البنات لو تبون النظافه والذرابه والستايل عند هذي
واشرت علي
قالت ما عمرها البست شي الا لفت نظرنا
لبسها مرتب وراقي عليه القيمه
وتحسونه مطلع انوثتها ومناسب جسمها
لا يطلع زوايد ولا مقصمل ولا مطلعها اكبر من حجمها
وطبعا كانت البومه من ضمن الحضور
وحست ان هذيج البنت تقصدها لما امدحتني فردت عليها شقصدج يطلع زوايد وتلبس لبس مستور يناسب جسمها قصدج ان انا لبسي ضيج واتعمد البس شي اصغر عشان تبين تقاسيم جسمي
فدت عليها البنت
امبيه انتي شكو شنو من بين الحضور انتي البنت الوحيده ليش الباجي ما قالو ان الموضوع عنهم؟
والا تحبين تطلعين نفسج مظلومه ومسكينه وبس
والا لاني مدحتها احتريتي
وانتي اذا احتريتي تاكلين باظافرج من النقص واهي اظافرها تدل على انها انثى

يومها تمسخرت تستاهل لانها حاشره نفسها لا الموضوع يعنيها ولا عنها الكلام ولا عن اي وحده
الكلام مدح حقي اهي حبت تخرب فرحتي دشت عرض وسوت مشكله

واذا على تطفيه العين فهي اكثر وحده تبعد العين وتحاتي هالامور وايد من زود السعاده اللي هي فيها
كل اللي تبيه حصلت عليه وبسرررررررعه
ودايما هي قبل الكل تحصل

ومع هذا بس تشوفنا راسي يعورني امس مو نايمه عيالي مرضا هالشهر فلست

عيل اكو وحده تسافر امريكا تقعد تشهر تاخذ ياهل عمره شهرين معاها وبنت عمرها سنه وترجع وتقولج ما اذوني ولا لهم حس بامريكا واطلع وارجع واهما على نومتهم
واذا حطت موعد حق نومة عيالها والا زوجها والا وقت للغدا كل شي لازم يتم حسب ما اهي مخططه لا يمكن تسمح لشي يعكنن على نظام حياتها
اذكر انها مره سولفت جدامنا قالت انا بنتي لازم عقب ما ارجع الدوام وابي انام لازم انومها معاي وان قعدت اقعدها عودتها على جذي ومره ولد حماتي رفست الكره مالته باب غرفه اللي بنتي فيها وفزت ورحت الدار لقيتها قاعده مو نايمه يعني راح تنام المغرب تنعس وتقعد بالليل تسهرني طول الصبح وانا وراي دوام
قلت الا اادبه جان اقرصه من اذونه واقول حق الخدامه روحي ييبي سجينه وشقيت كرته جدام عيونه وقلت له شفت هالسجينه راح اشقج نفس الكره ان مره ثانيه قعدت بنتي فاهم !!!!!!!!!!!!!!!!!!!!!!!!!!!!!!!!!!!!!!!!

 

[Bamya]

واااااااي قصتج صج صج مسلسل أو فلم .. صج كل هذا مرّيتي فيه؟


الله يعيييييييييييييينج

كملي كملي

انا خلصت كوب القهوة وبييب الثاني


لا تطولين اخاف يبرد

 

[нάγoηά cнεмίsтяγ]

حشى ابليسـه مو آدميـه الله يشفيهـا ويهديهـا بس والله خوفـج تقرى قصـتج هذي وتسوي فيـج شي يمـااااا تخـرع اللهم يـا كاااافي

 

[يابختي]

يالله..تغديتي؟؟؟..بالعافية..

حليتي؟؟؟..بالعافية...

شربتي جايج الاخضر؟؟؟ صحة...

اليوم ما تقومين الا مخلصة السالفة

 

[دار سلوى]

يعني هذي وين تعرف الامومه والا الحساس والمشاعر اذا ما رحمت طفل عمره سنه ونص وسوت فيه جذي عشان والله بنتها قعدت
وبعد مو قعدت تبجي والا رفسها بالكره
لا طلت بالسرير لقتها قاعده
سيده رسمت سيناريو انها راح تسهر لي بالليل وانتقمت من الولد بسرعه
احنا نتمنى نقعد اليهال
تعالو شوفو ولد اخوي شسوي فيه
امي تقولي حرام عليج تووووووه غفا خل ينام هالياهل المسكين كل ما نام ياله احد باسه وقعده
وهذي ام قلييييييييييييييييييييييييب وان شافتني والا وحده من البنات تعالو شوفو الفقر اللي تفقركم اياه من كثر ما تتشكى وتندب حضها
كوشت على بيت كامل وسحبت وراها ريل مسويته خروف ومسويهاا يا دهينه لا تنكتين قاط امه وخواته بغرفه وحاط هذي يطير فيها من ديره لديره
حسرة على وحده من خواته تشتري سياره
الا راحت له وقالت تشتريلي نفس سيارتها بس الموديل الايدد
وشرالها وهو زي الكلب
واخنه الثانيه قررت تكل دراستها بمصر
قامت وقالت له اشمعنى اختك انا ابي
وعلى حظها صكو القبول تدرون شسوت
قالت عااااااادي وقدمت بالبحرين وكاهي كل ويك اند تذلف المهم خواته لو شيسون تسوي
هذي غيوره من الكل
والله مو صاحيه
تدرون انا ليش ما غيرت الدوام؟
وتدرون غيرتها العميا لي وين وصلت
ان مره الشيخ قالي حاولي تشربين من ورا كل بنات الدوام ماي ( ويع عاد هذا اكثر شي اكره ) واخذي من مايهم وتوضي
طبعا جم بنت وبنت اشلون اجمع
يبيلي جم يوم
ومو كلهم بهالحزه يكونون يشربون ومو كلهم امون عليهم او اقدر اقنعهم
جان اقول حق الاخت اللي معاي بالدوام اللي ملتزمه قلت لها انا محرجه ما اقدر اقولهم اللي بتفهم غلط واللي بتزعل
قالت لا تقولين اذا شفتي وحده تشرب قوليلها عطشانه ابي ماي وشربي
قلت لها انزين ليش اخذ من الكل اذا هي وحده المهمه
قالت ميخالف عشان البلا وشرج كله يروح ويتركج بلا رجعه
قلت لها والله مادري شسوي
قالت خلي هالمهمه علي وانا اول وحده بتشرب
يالله اشربي عقببي
طبعا انا بقلبي انتي وين والحسد وين انتي اخر من افكر فيه يحسد
قلت لها لا يبا من صجج
قالت ميخالف ساعات افز فيج مو شرط بالشكل وايد مرات اعجب بعقلج وتفكيرج واتمنى لو ولدي كبرج وازوجج اياه
( طبعا انا يا بختي احم احم ) قلت لها ماني شاربه قالت تشربين مو سامعه اللي يقول ما يحسد المال الا صاحبه
طبعا انا مو رافضه بس لانها ما تحسد
رافضه لان ويع ما احب ههههههههههههههه والله
الله يكون بعوني اشلون بشرب عقب الباجي ويع ويع ويع تخيل اشياء واشياء لازقه بالبطل

 

[إنسانه بكل حالاتي]

وينج يالله بروح أطلع أبي أقرى النهايه لووووووول

 

[нάγoηά cнεмίsтяγ]

اي والله صاجـه صعبه صراحـة تشربين وتتوضيـن من مايهم
بس شتسوين إذا كان هذا جزء من الحل مجبورة شتسوين
والله معاناه صراااحه أحس اني عشت القصـه كلها
قلبي قام يعورني لوول
كملي كملي ويااااااج .. واذا بتوقفيـن قوليلنـا
ناطرينـج ..

 

[دار سلوى]

طبعا لاعت جبودكم وانتو توكم متغدين
ميخالف عادي رجعو عشاااان تهضمون الاكل


امبيه تدرون هم انا افكر مثلكم
اقول يعني منتدى معروف لازم فيه وحده من بنات الدوام لو تقرا القصه بتعرف على طول انا منو
يماااااااااااااا تخيلو اهي من ضمن ال 13 الف مشاهده؟؟؟

رحتو فيها معاي

يالله عيال خل نطرد الشياطين
اعوذ بوجه الله العظيم الذي لا شيء اعظم منه وبكلماته التامات لا يجاوزهن بر ولا فاجر ،وأسماء الله الحسنى ما علمت منها وما لا اعلم ومن شر ما خلق وذرأ وبرأ ومن شر كل ذي شر لا اطيق شره ومن شر كل ذي شر انت آخذ بناصيته وإن ربي على صراط مستقيم.

اللهم انت ربي لا إله إلا انت عليك توكلت وانت رب العرش العظيم ماشاء الله كان ومالم يشأ لم يكن ولا حول ولا قوة إلا بالله أعلم أن الله على كل شيء قدير وأن الله قد احاط بكل شيء علما وأحصى كل شيء عددا، اللهم إنى اعوذ من شر نفسي وشر الشيطان وشركه ومن شر كل دابة انت أخذ بناصيتها إن ربي على صراط مستقيم.

تحصنت بالله الذي لا إله هو إلهى وإله كل شيء واعتصمت بربي ورب كل شيء وتوكلت على الحى الذي لا يموت ، واستدفعت الشر بلا حول ولا قوة إلا بالله ، حسبي الله ونعم الوكيل ، حسبي الرب من العباد ، حسبي الخالق من المخلوق ، حسبي الرازق من المرزوق، حسبي اللذي هو حسبي ، حسبي الذي بيده ملكوت كل شيء وهو يجير ولا يجار عليه، حسبي الله وكفي ، سمع الله لمن دعا ليس وراء الله منتهى، حسبي الله لا إله إلا هو عليه توكلت وهو رب العرش العظيم.



من جرب هذه الدعوات والتعوذ عرف مقدار منفعتها وشدة الحاجو إليها وهي تمنع وصول أثر العائن وتدفعه بعد وصوله بحسب قوة إيمان قائلها وقوة نفسه واستعداده وقوة توكله وثبات قلبه فإنها سلاح والسلاح بضاربه.

كلكم دشو وقولو هالدعاء
انا الحين ارقي نفسي على طول فيه
واللي تعرفون ان هو اللي حاسدكم قولوها بوجهه

 

[нάγoηά cнεмίsтяγ]

ان شاء الله ما تكون من بينهم
وإذا كانت من بينهم عسى اعرفت بس شلون شخصيتهـا منبوذه بين البنات كلهم
ابليس بصورة انسان يارب لا تبلينـا
مشـكورة على الدعاء والله يحفظج من كل مكرووه

 

[Bamya]

لوووووووووووووووووووووووووووول أهم شي انج تحاتين الاشياء اللي لازقه بالبطل خخخخ

كملي كملي ياحلوج

 

[يابختي]

الشي الوحيد الزين اللي من هالتجارب... انه يقربج من رب العالمين...وتحسين نفسج نظيفة من الداخل....فعلا..اذا الله احب المؤمن يبتليه

 

[دار سلوى]

والحمدلله على نعمة وهدايته لنا وان جعلنا مسلمين وجعل التواصل بينا وبينه بالدعاء
الحمدلله الذي ثبتني وهداني لزيارة بيته
الحمدلله الذي عافاني وشافاني بعد ان ابتليت بعين الانس

قلت لكم
قمت اداوم كل يوم
امي توديني وامي تييبني
بس طول الوقت بجي ودموع
واقعد مع الاخت اللي مهما اشكرها وادعيلها ما انسى وقفاتها
وكل يوم اتدهن بالزيت
والقران يشتغل بالدوام والبيت والسياره
عشان اطرد صوت الجلب اللي يرن باذوني وين ما اروح

اتذكر مره انها كانت تتحلطم مع بنات ان انا قاعده اتسبب في انهم ياخذون ذنوب
اشلون؟؟
مو القران يقول واذا قرا القران فاستمعوا له وانصتوا
انا مشغله قران
واهما ما يبون يسمعون يبون يسولفون فسببي قاعدين يتحاسبون
نجحت في اقناع البنات بهالموضوع قلت لهم انا ابي اسمع مابي اسولف قالو اي بس انتي مشغلته واحنا نسولف عندنا سوالف مو مجبورين نسمع وهذا مو مجلس علاج تبين تتعالجين روحي بيتكم ولا نداومين وراحو علمو مسؤلهم اللي منع المسجله بالقسم من كل الغرف .....!!!!!


تدرون يومها انجرحت جرررررح وبجيت بجي قمت اناشق من العبره اللي خنقتني بالذات الكلمه لما قالو المريض يروح بيتهم يتعالج مو يشغل قران بينا احنا باجر اللي فيج يطلع ويدش فينا !!!

حسيت العلاج اللي تعالجته كله انقلب علي وماله فايده وياست من الشفاء وعصصصصصصصصصصصصصصبت على امي لانها غصبتني اداوم كل هالمده واثاريهم منغثين مني وخايفين ان يصير فيهم شي بسببي وشقيت هدومي وكسرت تلفوني وصرخت صرخت صرخت لين طحت من التعب

 

[нάγoηά cнεмίsтяγ]

لا حول ولا قوة الا بالله
شهالبنات ؟؟؟؟؟؟
والله ما يستحـون شنو المريض يروح يتعالج فبيتهم
واااااااي انقهرت حدي
حبيبتي جـان حطيتي قـرآن بتلفونج وحطيتي السمـاعات
وقعدتي تسمعيـن لا لهم شغل فيـج ولا لج شغـل بحد
الأفضل انج تحطين سماعات بروحج بس اللي صار صار

متابعيـن