سنة كاملة وانا اتعالج عند الشيوخ والاطباء والسبب وحدة بالدوام

[مطـــيــريهـ فـــوشيـــآ]

تراا انا سهراااانه من امس

 

[أفوق الوصف]

هههههههههههههههههههههههههههههههههههههههه

من كثر مانحن نبي التكمله نامت وخلتنا خخخخ


بس ترا صج صج تعبنا واحنا ننطرج عاد كافئينا وحطي لنا بارت طويلللللل :$

.
.

 

[babya]

يالله بليز والله توقعت ادش القى بارتين وانصدمت:bbbiu:

 

[الحــــــلا كله]

مازلت ناطره

 

[porscha]

وين باجي السالفه يلااااااااااااااا تعبت نفسيا وانا انطرج عندي اساله وايد بس انطرج اتخلصين
والله علي هشعبيه و المتابعه انصحج تكملله القصه اتنزلينها بكتاب والله ان طق اعصي ما تبقى ولا نسخه بالسوق
بانتظارج

 

[JODA]

صباااااااااااح الخير ...


نمت وقعد وما كو باااااااااااااااارت !!!!!!!!!!!!!!

عيل خل انام يمكن تحط ههههههههههههههههههههههه

وينج دار سلوى عسى المانع خير !!!!

 

[lo2ad]

و الله انا من امس مانمت

هم معه الحلا كلا مازلت ناطره

انا شكلي بنام علي الاب لووووووووووووووووول

 

[الحــــــلا كله]

ولي الحين ناطره

 

[porscha]

يلااااااااااااااااااااااااااااااااااااااااا هئ هئ هئ هئ

 

[نور-الدنيا]

وينج ترا حدنا ناطرينج يلااااااااااااااااااا قوووووووووميي

 

[spanish-girl]

وينج دار سلوى حرام عليج عندج كل هذي الشعبيه طالبين بارت ثاني وما نزلتي

 

[babya]

:bbbiu::bbbiu::0bee2e8d89::eh_s(16)::eh_s(16):

يالله بلييييييييز

 

[مطـــيــريهـ فـــوشيـــآ]

ويتنق يوووووووووووووووووو

 

[دار سلوى]

اااااااااااااااااااااااااااااااي ااااااااااااااااااااااااااااااااام ويييييييييييييييييييييييييييييييييييك ابببببببببببببببببب

لا اله الا الله اصبحنا واصبح الملك لله

هلا هلا هلا واااااااااااااااااااااااااالله كلللللللللللللللللللللللللللللللكم فدييييييييييييييييييييييييييييتكووووووووم

الله يا منت كريم يا رب

انتو لو موجوين ايام تعبي جان والله ما شكيت ولا حسيت بتعب وانا عندي كل هالخوات فقدوني من ليله
وبنات الدوام كنت اغط اسابيع ما درو عني ونسوني

الحمددله يارب الله يا خذ ويعطي خذا بنات الدوام ورفقتهم الشينه وعطااااااااااااااااااني من خيره خوات ما اعرفهم ولا يعرفوني وكل اللي بينا كيبوووورد واسلوب من وا الشاشه يمكن يكون منمق يمكن يكون متالف بس مع كل هذا تحس انك مهم عندهم وان صج صج اكو ناس بعالم ثاني انظف واطهر واحن
انتو ما تعرفوني ولا شفتوني ولا عشتو معاي بهذيك الفتره ومع هذا فهمتوني بسرعه
ما اعتقد ذيك الايام ما كنت اقدر اوصل احساسي للي حواليني ابيهم يبعدونها يقولون اهي طيبه وتحبج بس تصرفاتها تصرفات طايشه
بعد شبقى اذا طايشه كل شي تسوي

ما راح اطول بالقرقه
كافي ضيعت اللي ضيعته من وقت وفعلا في ناس يا حلاتهم متابعين بصمت وبان نورهم بغيابي
فديت هالنور



كان عندي ثلاث مشاكل

الاولى اصابعي المتورمه والمحتقنه واللي احس فيها ماي نار يذوبها


والثانيه الغرفه اليديده اللي انتقلت لها واخذت قرض عشان احرص على ان كل شي يدخل لها يكون جديد في جديد

الثالثه وهي اني كل ما ابي اروح الدوام ما اروح
اشلون واهو الدوام شي يومي يعني مو شي اقدر ااجله واخليه باجر او عقبه


انا اقولكم اشلون

مره تلقوني قاعده من السته الصبح
وانا ما وراي لا ماكياج ولا لبس ولا طريج يعني شنو اللي يمنعني ما اطلع سبع ونص ساعه ونص ما تكفي سباحه وتبديل وطريج؟

تدرون متى اطلع؟

الساعه 12
اقعد بالسياره اشوف الساعه اقول من صجي داشه الدوام الحين؟ وارجع اطفي السياره وادش البيت

ليش شكنت قاعده اسوي؟

ولااااااااااااااااااااااااا شي حاطه كرسي جبال المنظره وماسكة ملقط وازلغ بويهي على بو هذي جنها شعره خل اشلعها وهذي جنها حبه خل ابطها وما احس الا عقب اربع ساعات الويه كله مزلغ ونقط حمر وملعووووووووووون خيره

اي ليش اسوي جذي

ورب الكعبه ورب الكعبه مو انا

ايدي فيها بلا ما اقدر ابعدها عن ويهي

لدرجه ان التلفون يرن والله اسمعه
ما اقدر كللللللللللللللش ماسكه الملقط وحيل هات بحفر بهالويه

جم مره ومره وانا طالعه اقط الملقط بزباله عشان ما اسوي جذي مره ثانيه

بس ما ينفع وانا راجعه اشتري بدال اللي قطيته 4


مرات لا اطلع بسرعه اقول خل اغصب نفسي واداوم ما يصير هذا رزقي

اركب السياره بروح الدوام ارررررررررررجف من الشارع اخاف ما اعرف اسوق

بالغصب اقدر اصفط عاليمين ادق على احد ييي ياخذني وطبعا ما اروح الدوام لا اقوله رجعني البيت لان خلاص الويه كله دموع والخشم مسنسن ههههههه


ليش اخاف من الشارع
مادري احس ايدي ما تعرف تسمسك السكان وكل الشارع يبون يدعموني جنهم طالعين من الصبح ومتنازلين عن الفراش بس عشان يطلعون ويدعموني تخيلو .....

 

[قيمر]

حبيتي نبي التكمله لانك ماشالله دقييقه بالوصف وحنا ملييييييييينا نبي النهايه ارتفع ضغطنا من هاالعوبااااااااااااااا

 

[دار سلوى]

طبعا امي قالت ان هذا هالوضع ما ينسكت عليه
وبدت تسال وتبحث وقررت انها توديني لشخص وشيخ دين طبعا ماني قايله اسمه لان مو ما يعرف او ما يفهم لا حشا بس انا ما صبرت معاه وعاندت ما قمت اروح وقت ما استعصت الحاله والا اهو كان كلامه مطابق للشيخ عبدالله الحداد وقالي لو ما تعالجتي راح يصيرلج كذا وكذا وكذا
وكل الكذوات صاااااااااااااااارتليى يا شيخنا الكريم

بديت اتعب

اشفيني ما اعرف اسوق انا اللي كنت قياده وانام عالعالم نوووم

اشفيني ما اقدر اروح الدوام يعني حتى اذا احد تبرع يوصلني اطللللللللللع مليون عذر عشان ما اروح

اشفيه هالجلب صوته باذني وين ما اروح ومخليني متمركزه بالغرفه 24 ساعه اتحمل ازعاجه

اشفيها اصابعي ما تحرني الا اذا غفيت شنو هالدكتور اللي شخص انها فيها عفن اكو عفن يقعد باللليل وينام بالنهار

ليش قطيت كل هدووووووووووووووووومي القديمه كلها كلها حتى اللي شريته قبل اقل من اسبوع من طلعتي من الغرفه ليش قطيتهم بزباله حتى ما رضيت اعطيهم حق خواتي او حق الفقرا اخذ اجر فيهم ليش خفت عالناس من هدووومي شنو فيها اغراضي اللي فضلت الزباله على كل العالم؟


هالاساله انقالت للشيخ وانا من دشيت بيته قلبي انقبض
قالي انتي منفوسه .. نفستك وحده خبيثه مو مؤمنه لو مؤمنه ما كان الجلب يتبعك
هذي نفس ما الجلب ينجس البيت اللي يحرسه
راح تسكنك بحجة الصداقه والحب وانها تخاف عليك وراح تغرس سمها فيج وتسممت هذي حيه انسانه متعامله بسوالف السحر والخرز والعمار والجان من قبل وفي من هالامور شايلتهم كحجاب معاها وين ما تروح وفي فبيتها عشان تقدر تنطلق ويبقى البيت باللي فيه مثل ما تبي

شافتج وقفتي بطريقها من بعد ما كنت قريبه منها دقرتيها وكل اللي عندك يشكل نقص كبير لها ما تقدر توصله لانها ما تبي تعقل ولا تتوب عشان كذا تمنته بحقد وقررت تدمرك عشان ما تشوف اللي عندك على طول وهي ما وصلت له

وصاني اسمع ايات السحر واتسبح بماي مقري واتصدق كل يوم وابتعد عن الاماكن اللي فيها زار وجن وشياطين ويكثر الدوس فيها والجدال والنقاش كالاعراس والاسواق

عطاني زيت مقري ووصاني ما اتركه ابد لان اصابعي سكنهم حقدها بصورة شيطان عشان يتحكم فيني ويمنعني اسوي اي شي جميل يقهرها

 

[دار سلوى]

كان صادق ويتكلم بصراحه وقالي لازم تلتزمين بالمرحله الاولى وهي طرد البلا اللي بيدك وبعد النفس والعين والسحر عنك ترى هالامور ان تركزت وتمكنت توصل للموت وياما بنات ذبحتهم العين بسبب جمالهم الذي فز فيه امثال البنت اللي معك بالدوام لما شافوهم بعرس وهو مكان فيه زار وطار وطرب وعري وجان فخروا ميتين بالحال وامام امهاتهم بكامل زينتهم

قلت له انا ما اتزين ولا اعرفها من عرس من دوام
قلت له بالعكس اللي متزين 24 ساعه هي
قال لكن سيماهم في وجوهم افعالها السيئه طفحت على وجهها وهالشي محد يشوفه الا انتي ولما شافت هالشي بعيونك حاربتك

التزمت بالعلاج
والرقيه
وحررررص علي اني ارقي نفسي كل يوم قبل لا اطلع من البيت
وما اطلع من البيت الا وانا متوضيه ومتسبحه بالماي المقري

لازم كل ما اطلع لو اركب السياره وارجع اتوضا واتسبح بالماي المقري وارقي نفسي
صرت ادوام بس وانا سايلنت واطلع سايلنت
اداوم كل يوم

بس ابجي بالدوام كل يوم

واختنق كل يوم

صرت كاني ياهل اول يوم يروح الروضه يبجي يمي امه وتدخله امه غصب وتتحجج انها بتروح الحمام وتنحاش عنه وسحس نفسه غريب بين اليهال واهما يلعبون ومستانسين مع بعض

انا جذي
اروح يوميا غصب للدوام لان امي بنفسها تقعدني وتوصلني تبي تتطمن علي تخاف لا اعم بالطريج او يصيرلي شي
وانزل الدوام اشبع بجي جدام الكل ابي ارجع البيت

كانت تقعد معاي بغرفه بروحنا وحده من الخوات اللي ذكرتهم وقلت ان حيزبونه مره تطنزت وقالت باجر نشوفج مطوله اللحيا
لان هالاخت تلبس بوشيه وملتزمه احنا البنات ما نسمع صوتها

وهي ذاتها اللي انا بجيبلها هديه مميزة بعيد الام لاني اعتبرتها ام لي بالدوام احتوتني بمعنى الكلمه وحرصت كثر ما تقدر وزياده ان صوتي ما يطلع وانا ابجي خافت على جرح عورتي وحتى يوميا وانا امشي بالدوام لازم تمشي يمي تخاف لا اطيح او يغمى علي تبي تسندني تقول احاتي لا تكشفين وما معاج بنت تسترج يضطرون الشباب يشيلونج
شوفو تفكيرها وايمانها
مع العلم انها اكبر مني ب 22 سنه شرايكم؟ وهالسنه تتقاعد الله يكون بعوني بدونها

الموووووووووووووووووووووووووووووووهيم
انا يوعانه بروح اتغدا سي يو بعد الغدا
لا تعصبون عندنا اليوم بطولو حناخذ اليوم كلو منتدى والا ايه
جاو جاو

 

[مطـــيــريهـ فـــوشيـــآ]

متاابعه ,,

 

[إنسانه بكل حالاتي]

حسبنا الله ونعم الوكيل يارب يبعدها عنج
كملي

 

[porscha]

بالعافيه
كملي لي النهايه ابي اعرف اشصار
ام احب انطر