سنة كاملة وانا اتعالج عند الشيوخ والاطباء والسبب وحدة بالدوام

[دخــــــــــــــــون]

حسبي الله ونعم الوكيل

 

[!! الواصليّـــــة !!]

يكفينا شر الغيره !
والله تسوي اكثر من جذي !!!!!

 

[Stay alive]

كملي كملي ناطرين الباقي

 

[شوقي وغلاي]

لا حول ولا قوة الا بالله العلي العظيم استدفع بها ظلم من اراد ظلمني من جميع خلق الله ....
لا حول ولا قوة الا بالله العلي العظيم ابطل بها سعي من سعى علي من جميع خلق الله .....
الله يكون بعونج ..

 

['Basma']

اعوذ بالله من هالناس

 

[تفاخيه مبطوطه]

لاحول ولاقوة الا بالله


مشكوره وايد انج كاتبه لنا سالفتج .. انا موظفه يديده وحيل فادني كلامج .. وهالزفته السخيفه عسى الله يفكج من شرها اعوذ بالله هذي شلون ريلها مايدري عن سوالفها ؟؟؟؟؟؟؟؟؟؟؟؟؟؟؟؟؟ اكيد واصله حجي

 

[دار سلوى]

رجعت

ادري طولت عليـــــــكم سوري

الله يعيني باجر مبـــــــاشرة عمل وبروح متأخرة بصراحه بروح نهاية الدوام بسوي مباشره وبطلع


الحين بكمل لكم

عقب ما قعدت معاهم بقسمهم لكن مسؤلي منفصل ووقت الطلعه او الاجازة او اي شي عندي مسؤل استأذن منه
بس الحقيـــر اللي كان مسؤلي ما بيني وبينه حتى سلام اذا صادفته
هذا اللي عطى اذنه حق الحريم ويسمع لهم
وزارع بينا جواسيس ما ينعرف منو اهما
وصرنا نشك فبعضنا كلنا

طبعا
صرات العين علي
وصار الكل يدري اني قاعده ما اشتغل
طبعا هذا بامر من مسؤلي لان مسؤلي ما عنده شغل حقي
اساسا انا تخصصي ما ينفع حق قسمه
اتصالات واسلاك والكترونات
وانا تخصصي مغااااااير تماما تخصصي مناسب حق القسم اللي كنت فيه اللي من ورا هالبسوس طعلت
فصرت كل يوم اسمع انتي ما يصير تاخذين نفس بدلاتنا
مايصير مسؤلج صار ما يدري اذا انتي مداومه والا لا
قلت هذا مو شغلكم
اكو كرت يثبت مداومه وليش انتو مو قاعدين تشوفوني كل يوم معاكم
يقولون اي بس مسؤلج دام ما يعطيج شغل شدراه
قلت والله مسؤلي يعتمد عالثقه
مو مثل اللي عندكم عالجواسيس

طبعا هالكلمة سيده وصلت حق مسؤلهم
يا ساااتر

تاموووهيم يوم شد ويوم مد

صار رمضان
طبعا انا برمضان فرصتي بالدوام اني اختم قران
لان تقريبا 8 ساعات قاعده الصبح فاضيه والويوم ما فيها ميك اب ولا شي
وانا فيني شغله مميزة
عيوني ناعسه ورموشي جنها رموش جمل
يعني اخر رمش طويل اطول من الباجي
ونازل
هذا قبل مع الماسكارا ما كان يبين

قامت تزعجني برمضان وتقعد يمي وانا اقرا قران وتمسك رموشي تقول انتي مركبه
اقولها مو مركبه وخري حدج فاضيه
وقراءة القران ما تبي ازعاج وما تبيج تجادلين وتهاوشين وتتنرزفين
واهي جنها متضايقة اني اخذ اجر
اوووووه صكي اقري بالبيت
اقولها انتي اشحارج
تقول يعني خلاص بتدشين الجنه؟

تخيلوا ؟.؟
مثل هالغبيه شتدرون عليها؟
اقولها كلام الله ما يدخل الجنه
كل سورة فيها اعجاز وفيها سر تشفع لج وتعادل دهر كامل
تهد كل البنات وتدق وتد يمي
وكنا مسوينا تقريبا مسابقة منو اكثر وحده فينا تختم قران
وانا كنت اختم عني وعن امي بصراحه
لان امي مسويه عملية ليزك حق عيونها اول يوم رمضان
فكنت اختم وادعي ان يارب ثواب الختمه حق امي
وتدرون الوالده غاليه عسى الله يحفظ امهاتكم كلكم يا رب
كنت كثر مابي حريصه على اني اختم اكثر عدد اقدر عليه لاني بالبيت ما اقدر خلاص انا اللي اطبخ لاني اكبر خواتي
والوالده مثل ما قلت لكم مسويه عمليه
واخواني شباب والشباب تعرفون يبون فناتك عالفطور يطنقرون ان شافو الاصناف مو متنوعه وهم صيام
وهذي لذة الصيام اليمعه عالفطور والحلو والشوربه
وبالليل القيام واعمال ثانيه
فقلت لها رجاااءا مابي اجرح صيامي انتي حتى قران ما تبين تمسكين حالج من حالنا وتقرين؟
تخيلو احنا فوق ال 25 بنت كلنا مصاحفنا بيدنا واهيا ترش بهالعطور وتتطنز وتعلق
طيب كلنا تلفوناتنا ويفات واغاني
بس بصراحه حاطينها سايلنت او غيرنا ميخالف بالتدريج
اهي لا مو محترمه احد
وسمعتو هالاغنية وسمعتو وشفتو المسلسل الفلاني
قلت لها انا ما عندي وقت اشوف مسلسلات اروح اطبخ وعقب الفطور يا دوب ادرس اخوي والا اوجب اهلي وابارك لهم بالشهر والا نجهز حق العيد والقرقيعان والا اأدي واجبي تجاه ربي وهذا اهم شي عندي لان رمضان فرصه كبيره ما تتطوف واللي يطوفها اسمحيلي هذا شنو من بشر اللي حتى رمضان ما استغله ولا نال رضا الله
تتوقعون شتقول؟
شقصدج ؟ انتي تدخلين الناس الجنه او النار ؟ انتي على كيفج تحددين اذا الله بيغفراي والا لا
قلت لها انا ما قلت انتي
قاعده تضايقيني وقاعده اقولج اني ابي اختم حق امي حرام يروح عليها الشهر بدون ولا ختمه
وبخلص ختمه حق امي عشان اختم حق نفسي
وانتي تقولين ختمي بالبيت قاعده اقولج ليش ما اقدر بالبيت
تقول حق البنات شاهدين اهي تعرف الغيب تعرف اذا الله غاضب والا راضي علي تقول اللي يطوف رمضان هذا الله غاضب عليه انتي اشدراج بعلاقتي بالله؟
تقلب الحجي مع اني ما قلت جذي
جان اقولها تدرين تذكريني بمنو؟
تذكريني بفيفي عبده
لما قالها طوني بيقولوا انك برمضان بتمدي موائد رمضانيه للفقرا قالت له بس بس ما تكملش دي حاجه بيني وبين ربنا
قالها نطري خل اقولج
قالت له لأ ارجوك انا ما احبش اتكلم بأعمال الخير اللي بأعملها لاني بعمل كده لربنا مش لحد
جان يقولها اي بس سمعي خل اكمل
انتي برمضان طول الشهر تمدين موائد رمضانيه للفقرا والمساكين والايتام من كل ما لذ وطاب في كل مساجد مصر
بس الفقرا يستنكفون ياكلون بيقولوا ان فلوسك حرام
قالت عنهم ما كلوا !!!
انتي بالضبط نفس فيفي عبده بترقصي رقص شريف وتطلعين فلوسج من عرق جبينك وهز وسطك

 

[مطـــيــريهـ فـــوشيـــآ]

امبييه بهدلتيهاا زين سويتي والله؟؟
بس حبيبتي لوو انج امبعده عنهاا من الاول موو احسن جاان مصاارلج كل هذا ,,ومنتقله من الوزااره بكبرها ,, هالاشكال ينخاف منهم
متابعه @@

 

[لماار]

زيييييييييييييييين سويتي فيها
كملي حبوبه متابعتج

 

[ليـــــدي]

زين تسوين فيها ،، ناطرين البقيه :gr4uu:​

 

[لماار]

في تكملة اليوم و لا بس هالجزء

 

[دار سلوى]

لا
في تكمله ان شاءالله

المهم طبعا الموقف اللي صار كان غيض من فيض
ونقطه فبحر
اهيا انسانه مزعجه
وانا اكثر وحده اتصادمت معاها لاني الوحيده اللي انتقلت عند المسؤل اللي اهيا منيشنا عليه
وطبيعي بما انه مسؤلي اكيد بيتعامل معاي واشوفه وادخل مكتبه
يعني اهو ريال عود مو عزوبي او من عمرها
بعدين اهيا وحده متزوجه
بس شنسوي بالاخلاق الفاسده
وخيال مأته اللي اسمه زوجها وماله اي حكم عليها

اصلا طلعت عليها اشاعه قويه بالدوام
كان الكل يسالني هذي مطلقه؟
كنت اقولهم لا
يقولون مستحيل وراها زوج

الموووهيم مو هذا موضوعنا
انا ما كنت ابي منها شي الا انها تخليني بحالي
رضيت اكلمها عشان البنات اللي بقسمها اللي انا قاعده فيه

الموووووهيم

صارت تحسب دخلتي وطلعتي وعدد اذوناتي
ولاني تابعه لقسم المدير تحسب انه رافع عني القلم
يعني اي تأخير كنت اتأخره كنت اتحاسب عليه
وكل غياب كنت اغيبه كنت اييب طبيه
بس اهيا تنشر بالدوام شفتوها غايبه
طبعا انا احس ان امس كانو متكلمين ومتناقشين بموضوعي من طريقة سؤال البنات عسى ماشر امس
تعالي انتي جم اذن تاخذين
تكون طبيتي بالجنطه
اقولهم شوفو كا هذي الطبيه الحين بروح اسلمها
ينجعمون
وانا ابلع الغصه واحبس دموعي عشان اظل محتفظه بمظهر القويه الصابره واتحسب بقلبي واتوسل لربي
ياربي شيبون ؟؟
كيفي انا اللي اغيب وانا اللي ينخصم راتبي اهما شلهم عندي؟
استمر الوضع على هالحال
وكل مره اتذكر اني كنت حالي حالهم قاعده بمكاني واشتغل الشغل اللي يناسب تخصصي وشهادتي حسبي الله عليها اللي خلتني منبوذه من البنات ويحسوني غير ومسؤلي اهو المدير اللي مميزني
بالعكس المدير يكون متشدد مع موظفينه لان اول من راح يفقد راح يفقدهم
بس اهو ريال ملتزم وعينه ما تطيح بعين البنت
عشان جذي كان عازلني عندهم
بس هذا مو معناه هدد وماكو دوام
كنت اداوم قبلهم اصلا
لاني ما احب ادش والقى الكل موجود وتصير عيونهم علي

 

[Judy abbott]

وااااااااااااااااي قصتــج جنها مسلسل ولا فلــم

صج صج الله يكون بعوونج

انا مرات تصير موآقف من ارفيجتي تغثني وتتعمد فاتضاايق اشلون انتي كل يوم

الله يكون بعونج بس لاازم لاااظم كنتي اجعمينها بالوي وتتحجين مثلها على طريقه مصخره

وتسوين مثل حركاتها


وااااي اندمجت بقصتج عورتي قلبي

قولي تكملتهااا احس صار فيني فضووول

وحسبي الله على كــــــــــــــل ظآلــم

 

[لحظة شوق]

الله يعينج صج

<< متااااااااااابعه

 

[مطـــيــريهـ فـــوشيـــآ]

كملي
<<< متاابعه

 

[prettysoul]

أختي بصراحة عطيتي الموضوع أكبر منه وماتزعلي مني.
الباب اللي تيجي منه الريح سدّه واستريح.
عليكي بالدعاء عليها إن الله ينجيكي من شرها ويسلط غضبه عليها وغيري دوامك روحي لأي وزارة وكذا ارتحتي من شرها .
ياختي انا عشت وشفتت مصايب وموقادرة أروح عند شيخ أو طبيب نفسي والسبب ممنوع أطلع بروحي لازم أخوي وطبعا هو موفاضي.
أختي إنتي على الأقل تشتغلين وتقدرين تغيرين دوامك.

 

[غيدآء]

يماااااااي معقوله في ناس جذي؟؟

بصراحه الله يعينج ويرد كيدكل ظالم بنحره...

 

[glow 'n' show]

كملييييييييييييييييي

 

[WarDa_7aMra]

وااااااي تعور القلب قصتج

في جذي بشررر استغفر الله


كملي حبيبتي

 

[حمام شاقني فنه]

ابليس مو مرا


بعدين.. ناطرين خوفتوني من الدوام