دار سلوى
New member
السلام عليكم
بنات حابة اقولكم قصتي بعد ان من الله العلي العزيز علي بالشفاء مابي اقول التام ولكن باذن واحد احد راح اتغلب على كل اللي صارلي وراح افتح صفحه جديده في حياتي وبعملي خاصة
حبيت اقولكم مشكلتي لعدة اسباب اول سبب ابيكم تاخذون العبره لان بصراحه فيها دروس وايد
والله يستر عليكم ويبعد عنكم عيال الحرام خصوصا بالدوام لان هالبشر اللي ما تخاف الله موجوده بكثرة وممكن نتعامل معاهم كل يوم
طبعا قصتي طويله عريضة
عشان جذي راح اقولها لكم على اجزاء وحلقات
ما ودي اختصرها لان اللي شفته مو شوي الله لا يعودها من ايام
كنت اعد ايامي بالدنيا وبسبب هالموضوع لاول مرة اشوف دموع ابوي الغالي
هي وحده بالدوام
والا اقولكم
هي شر وفتنه والعياذ بالله
تخصص تربط عصاعص ... نقل اخبار للمسؤل .. تشهير بالبنات ... استفزازيه درجه اولى همها الوحيد فرق تسد .. قصتها قصة بصراحه همها انها توصل للي تبيه ولكن بطرق غير مشروعه وتدوس على كل من في طريجها
واللي يساعدها بهالشي
جسمها ولبسها المحزز والمخصر والمكشوف وصوت ضحكاتها العالي اللي ما بقى شخص بالدوام ما تاذى منه
مابي ادخل بسلوكياتها .. الله يستر عليها
لكن الله العالم
هالبنت هذي
سببت لي مشاكل مالها اول من تالي
انتقلت من القسم اللي انا فيه ورحت قسم ثاني
وهم ما تركتني بحالي
طلعت من الوزارة وانتدبت في وزارة ثانية واهني اختفت وارتحت منها
وبعد ما خلص ندبي
عادت ريما لعادتها القديمه
ولما بلغت المسئول اني مابيها تتعرضلي وابدى المسؤل تعاون كبير خصوصا بعد الشكاوي الاخلاقية من المتزوجات والاخوان السلف اللي معانا بالدوام
انشرت اشاعة كبيره انتشرت على مستوى اني على علاقة بهالمسؤل لهذا وقف معاي
تخيلوا كنت اروح الدواك كل يوم وفجاة القى نفسي باخر الدنيا اطالع والا معدية الدوام وانا مو حاسة بنفسي
او اوصل للمواقف وفجاة اقرر ارجع البيت من غير ما ادخل
من الله علي بهالعام بحج بيته وكانت طول الوقت تعلق وتتطنز علي اني بهالعمر صغيرة وحجيت وتراهن على ان حجتي مو مقبوله لاني صغيره وما راح التزم
ولما كانو ينصحونها البنات بالحجاب تقول ليش اتحجب ترى مو كل وحده متحجبه زينه شوفوا فلانه وتقصدني طبعا رايحه الحج والمشكله تقولها جدامي اقولها ليش شفيني انا بنظرج تقول وي زعلتي اشفيج اتغشمر وتقوم تبوسني جدام البنات ولما اقولها مو بكيفج تستفزيني وتحرقين اعصابي وبعدين تقولين اتغشمر
وتطلع هي بالزينه جدام البنات وانا حقودة لاني رديت عليها
تكلم واحد بالدوام وصدفه دخلت انا والا تقوله ( بالتلفون طبعا ) حمود دشت فلانه ال ( كلمة وصخه حيل ) لما تصكه اقولها منو حمود هذا تقول واحد تعرفت عليه بالدوام انصدم واقولها معانا بالدوام وتقوليله جذي ؟ لو مو بالدوام وهم ما اسمح لج تتلفظين هاللفظ علي
تقولي ابي اثبت له انج رفيجتي لازم اقط هالكلمات اللي بينا ميانه لان هو مرة سالني عنج وقلت له هذي من اعز رفيجاتي قال ما اصدق انتي وين وهذي وين هذي ابتسامه ما تبتسم ولا تتلفت وانتي طول الوقت من مكتب لي مكتب قلت له راح اثبت لك انها رفيجتي بس اهيا تستشرف بالدوام بره غير
تصدقون تطقني البوهه اقولها ليش تقولين جذي انتي متزوجه وانا بنت اذا انتي ترضين على نفسج سيرتج على كل لسان انا وراي اهل تقول اوه اكره البنت اللي تستشرف !!!!!
بتقولون قطعي علاقتج فيها صح
تدرون شتسوي تروح حق بنت بنت تقولهم روحو شوفو فلانه اسلم عليها ما ترد وييون البنات عشان خاطرنا والله تحبج بس اهيا اسلوبها بايخ
تدق علي ما ارد عليها
تدق من تلفون بنت ثانيه ارد احسبها البنت ذيك تطلع اهي تقول ليش ما تردين
ومسكينه صاحبة التلفون تنحرج وتقول والله اهيا خذت التلفون غصب
مسؤلي القديم اللي انتقلت من قسمه بسبتها كانت توصل له البنات شيقولون عنه ولما زفيتها وقلت لها ان زلغتيلهم وايرات راح اقولهم حفرت بيني وبينه وخلتني ليومكم اكرهه كره العما
المسؤل الثاني اللي انتقلت عنده قامت تسال اللي تعرفهم عن حياته وعدد عياله وشوي شوي وصلت له وخذت رقمه وطرشت له مسجات وبالصدفه قاعد يسولف مع واحد بالدوام وقاله في رقم وايد يزعجني ويطرشلي مسجات ( الغترة هذي احلى من الشماغ ) ( اليوم وينك ليش مو مداوم ) ( ياليتك مسؤلي ) فقاله الموظف الثاني الظاهر احد بالدوام اللي يعرف انت شلابس والا مداوم عطني خلني اطلعه لك ولما عطاه الرقم عرفها لانها مرة طالبه منه يمشيلها طبيه وعلم المدير وطردها من مكتبه تتوقعون مسؤلي شقالها؟
قالها انتي ما تستحين مو عيب عليج حركات بنات شوارع انتي مرة متزوجه ام عيال
قالتله هذي مشاعري بكل وقاحه!!
طبعا السالفه هذي انا عرفتها منها لما سحبني مسؤلي وقالي لوسمحتي مابي اشوف رفيجتك بالقسم هني قلت له ليش؟ ستر عليها طبعا وقال لا بس هذا القسم اكثره شباب وهي صوتها عالي تبينها روحيلها قسمها
قلت له لا يسلم راسك انا بروحي منحاشه من هذاك القسم ومنتقله عندك
طبعا هو عقب ما زفها قامت تتردد علي بالقسم بقصد احراجي معاه والظاهر تبي تشوفه لانها ما راح تقدر تدش مكتبه
فطبعا وصلت لها الرساله وقلت لها لو سمحتي مسؤلي مو راضي اي بنيه تدش عندي من قسم ثاني وطبعا ما قلت ان المقصود اهيا جمعت كل البنات عشان ما احرجها
جان تقول عيااااااااااار تدرين انا شسويت فيه وقالت لي السالفه اهني تمنيت الارض تنشق وتبلعني قلت اكيد راح ياخذ عني فكره غلط لان يشوفها 24 ساعه قاعده عندي والمشكله ما تسولف معاي يا واقفه عند الباب تكلم صبي يا ماسكة التلفون
ثاني يوم قلت بروح له وبكلمه بس ماني يايبه سيرة الموقف السخيف اللي سوته فيه لان اهو بنفسه ستر عليها
قلت له بو فلان احب اوضح شي فلانه ترى زميله دوام حالها حال باجي البنات وصدقني انا ما ودي اخسرك كمسؤل عقب ما طلعت من قسمي الاساسي اللي تعينت فيه
وقالي قعدي استريحي
انتي بنت ناس وحمايل لا تسمحين لاحد يخرب على اسمج واخلاقج ولا تستقبلين اي شكل بمكتبج قلت له انا ما اقدر اطرد احد
قال لا تقدرين واللي مو عاجبه يراجعني انا رئيس القسم بصراحه ارتحت من كلامه مع ان ما لمح لا من بعيد ولا من قريب ان يقصدها بس طبعا انا لانها قالت السالفه فاهمه قصده
وطبعا كنت كل يوم ادش مكتبي واصك الباب وما افتحه الا نهاية الدوام وحطيت ورقة شكبرها ممنوع الدخول حتى مسؤلي لو يبي اوراق يطرشها مع الهندي اطبعا واوديها
قامت تقعد بقسم ثاني بس قريب على غرفة مسؤلي عشان تشوفه كل يوم وانا بصراحه وانا طالعه اوديله الاوراق ما اقدر ما اسلم عليها ان شفتها لان يكون معاها بنات اضطر اسلم عليهم وعليها لما تشوفني يايه تعلي صوتها وتتضحك حيل يقولي مسؤلي وانا طالعه من مكتبه ولا عليج امر سكري الباب وراج انبط راسي من هالمسخرة
اخر ايام قام يطلع من طورة ويقول شهالقلة الادب جدامي طبعا وانا ويهي يحمررررر ما ارد بولا كلمة
مرة كنت عنده اشتغل لان السيستم معلق بس بمكتبه شغال فقالي طبعي اهني واهو راح قعد عالقنفه فاللي يكون برة يشوفني انا قاعده عالمكتب واهو عالقنفه ينقلني الارقام
واهي طبعا بالقسم اللي برة قريب على مسؤلي ماتت من الحرة على بالها في بينا اعجاب
انا عمري نص عمرة تخيلوا بس كل يرى الناس بعين طبعه
وقفت عند الباب وبكل وقاحه قالت له ولا عليك امر ابي رفيجتي بكلمة راس ممكن
طالعني وقالي تفضلي قمت وقالي خلاص روحي مكتبج انا اطرش لج الاوراق طبعا الريال تضايق جنه ما يبيني ارجع له لما قلت لها شتبين قالت ولا شي بس ابيه يشوف بدلتي
تخيلوا؟؟؟
طالعتها بنظرة احتقار بس المشكله اني ما احب صوتي يعلى بالدوام والا جان علمتها الشغل
قلت لها صج انج ما تستحين قالت انا والا انتي
تسوين نفسج محترمة واهوا يطالعج وانتي تطبعين وده ياكلج
قلت لها شوفي يا بنت الناس انتي بسكة وانا بسكة رجاء انا مابي معرفتج انا اعرفج من الدوام بس مابينا لا طلعات ولا زيارات ولا اتصالات فعشان نمنع الفضول اذا كان معاج بنات وشفتج بسلم عليج
بس اذا كنتي بروحج لسانج ما يي على لساني حتى سلامج مابيه
قامت شتسوي تتوقعون؟
عشان ما احرق الموضوع وارك الاحداث
اكمل لكم باجر
وحسبي الله ونعم الوكيل
بنات حابة اقولكم قصتي بعد ان من الله العلي العزيز علي بالشفاء مابي اقول التام ولكن باذن واحد احد راح اتغلب على كل اللي صارلي وراح افتح صفحه جديده في حياتي وبعملي خاصة
حبيت اقولكم مشكلتي لعدة اسباب اول سبب ابيكم تاخذون العبره لان بصراحه فيها دروس وايد
والله يستر عليكم ويبعد عنكم عيال الحرام خصوصا بالدوام لان هالبشر اللي ما تخاف الله موجوده بكثرة وممكن نتعامل معاهم كل يوم
طبعا قصتي طويله عريضة
عشان جذي راح اقولها لكم على اجزاء وحلقات
ما ودي اختصرها لان اللي شفته مو شوي الله لا يعودها من ايام
كنت اعد ايامي بالدنيا وبسبب هالموضوع لاول مرة اشوف دموع ابوي الغالي
هي وحده بالدوام
والا اقولكم
هي شر وفتنه والعياذ بالله
تخصص تربط عصاعص ... نقل اخبار للمسؤل .. تشهير بالبنات ... استفزازيه درجه اولى همها الوحيد فرق تسد .. قصتها قصة بصراحه همها انها توصل للي تبيه ولكن بطرق غير مشروعه وتدوس على كل من في طريجها
واللي يساعدها بهالشي
جسمها ولبسها المحزز والمخصر والمكشوف وصوت ضحكاتها العالي اللي ما بقى شخص بالدوام ما تاذى منه
مابي ادخل بسلوكياتها .. الله يستر عليها
لكن الله العالم
هالبنت هذي
سببت لي مشاكل مالها اول من تالي
انتقلت من القسم اللي انا فيه ورحت قسم ثاني
وهم ما تركتني بحالي
طلعت من الوزارة وانتدبت في وزارة ثانية واهني اختفت وارتحت منها
وبعد ما خلص ندبي
عادت ريما لعادتها القديمه
ولما بلغت المسئول اني مابيها تتعرضلي وابدى المسؤل تعاون كبير خصوصا بعد الشكاوي الاخلاقية من المتزوجات والاخوان السلف اللي معانا بالدوام
انشرت اشاعة كبيره انتشرت على مستوى اني على علاقة بهالمسؤل لهذا وقف معاي
تخيلوا كنت اروح الدواك كل يوم وفجاة القى نفسي باخر الدنيا اطالع والا معدية الدوام وانا مو حاسة بنفسي
او اوصل للمواقف وفجاة اقرر ارجع البيت من غير ما ادخل
من الله علي بهالعام بحج بيته وكانت طول الوقت تعلق وتتطنز علي اني بهالعمر صغيرة وحجيت وتراهن على ان حجتي مو مقبوله لاني صغيره وما راح التزم
ولما كانو ينصحونها البنات بالحجاب تقول ليش اتحجب ترى مو كل وحده متحجبه زينه شوفوا فلانه وتقصدني طبعا رايحه الحج والمشكله تقولها جدامي اقولها ليش شفيني انا بنظرج تقول وي زعلتي اشفيج اتغشمر وتقوم تبوسني جدام البنات ولما اقولها مو بكيفج تستفزيني وتحرقين اعصابي وبعدين تقولين اتغشمر
وتطلع هي بالزينه جدام البنات وانا حقودة لاني رديت عليها
تكلم واحد بالدوام وصدفه دخلت انا والا تقوله ( بالتلفون طبعا ) حمود دشت فلانه ال ( كلمة وصخه حيل ) لما تصكه اقولها منو حمود هذا تقول واحد تعرفت عليه بالدوام انصدم واقولها معانا بالدوام وتقوليله جذي ؟ لو مو بالدوام وهم ما اسمح لج تتلفظين هاللفظ علي
تقولي ابي اثبت له انج رفيجتي لازم اقط هالكلمات اللي بينا ميانه لان هو مرة سالني عنج وقلت له هذي من اعز رفيجاتي قال ما اصدق انتي وين وهذي وين هذي ابتسامه ما تبتسم ولا تتلفت وانتي طول الوقت من مكتب لي مكتب قلت له راح اثبت لك انها رفيجتي بس اهيا تستشرف بالدوام بره غير
تصدقون تطقني البوهه اقولها ليش تقولين جذي انتي متزوجه وانا بنت اذا انتي ترضين على نفسج سيرتج على كل لسان انا وراي اهل تقول اوه اكره البنت اللي تستشرف !!!!!
بتقولون قطعي علاقتج فيها صح
تدرون شتسوي تروح حق بنت بنت تقولهم روحو شوفو فلانه اسلم عليها ما ترد وييون البنات عشان خاطرنا والله تحبج بس اهيا اسلوبها بايخ
تدق علي ما ارد عليها
تدق من تلفون بنت ثانيه ارد احسبها البنت ذيك تطلع اهي تقول ليش ما تردين
ومسكينه صاحبة التلفون تنحرج وتقول والله اهيا خذت التلفون غصب
مسؤلي القديم اللي انتقلت من قسمه بسبتها كانت توصل له البنات شيقولون عنه ولما زفيتها وقلت لها ان زلغتيلهم وايرات راح اقولهم حفرت بيني وبينه وخلتني ليومكم اكرهه كره العما
المسؤل الثاني اللي انتقلت عنده قامت تسال اللي تعرفهم عن حياته وعدد عياله وشوي شوي وصلت له وخذت رقمه وطرشت له مسجات وبالصدفه قاعد يسولف مع واحد بالدوام وقاله في رقم وايد يزعجني ويطرشلي مسجات ( الغترة هذي احلى من الشماغ ) ( اليوم وينك ليش مو مداوم ) ( ياليتك مسؤلي ) فقاله الموظف الثاني الظاهر احد بالدوام اللي يعرف انت شلابس والا مداوم عطني خلني اطلعه لك ولما عطاه الرقم عرفها لانها مرة طالبه منه يمشيلها طبيه وعلم المدير وطردها من مكتبه تتوقعون مسؤلي شقالها؟
قالها انتي ما تستحين مو عيب عليج حركات بنات شوارع انتي مرة متزوجه ام عيال
قالتله هذي مشاعري بكل وقاحه!!
طبعا السالفه هذي انا عرفتها منها لما سحبني مسؤلي وقالي لوسمحتي مابي اشوف رفيجتك بالقسم هني قلت له ليش؟ ستر عليها طبعا وقال لا بس هذا القسم اكثره شباب وهي صوتها عالي تبينها روحيلها قسمها
قلت له لا يسلم راسك انا بروحي منحاشه من هذاك القسم ومنتقله عندك
طبعا هو عقب ما زفها قامت تتردد علي بالقسم بقصد احراجي معاه والظاهر تبي تشوفه لانها ما راح تقدر تدش مكتبه
فطبعا وصلت لها الرساله وقلت لها لو سمحتي مسؤلي مو راضي اي بنيه تدش عندي من قسم ثاني وطبعا ما قلت ان المقصود اهيا جمعت كل البنات عشان ما احرجها
جان تقول عيااااااااااار تدرين انا شسويت فيه وقالت لي السالفه اهني تمنيت الارض تنشق وتبلعني قلت اكيد راح ياخذ عني فكره غلط لان يشوفها 24 ساعه قاعده عندي والمشكله ما تسولف معاي يا واقفه عند الباب تكلم صبي يا ماسكة التلفون
ثاني يوم قلت بروح له وبكلمه بس ماني يايبه سيرة الموقف السخيف اللي سوته فيه لان اهو بنفسه ستر عليها
قلت له بو فلان احب اوضح شي فلانه ترى زميله دوام حالها حال باجي البنات وصدقني انا ما ودي اخسرك كمسؤل عقب ما طلعت من قسمي الاساسي اللي تعينت فيه
وقالي قعدي استريحي
انتي بنت ناس وحمايل لا تسمحين لاحد يخرب على اسمج واخلاقج ولا تستقبلين اي شكل بمكتبج قلت له انا ما اقدر اطرد احد
قال لا تقدرين واللي مو عاجبه يراجعني انا رئيس القسم بصراحه ارتحت من كلامه مع ان ما لمح لا من بعيد ولا من قريب ان يقصدها بس طبعا انا لانها قالت السالفه فاهمه قصده
وطبعا كنت كل يوم ادش مكتبي واصك الباب وما افتحه الا نهاية الدوام وحطيت ورقة شكبرها ممنوع الدخول حتى مسؤلي لو يبي اوراق يطرشها مع الهندي اطبعا واوديها
قامت تقعد بقسم ثاني بس قريب على غرفة مسؤلي عشان تشوفه كل يوم وانا بصراحه وانا طالعه اوديله الاوراق ما اقدر ما اسلم عليها ان شفتها لان يكون معاها بنات اضطر اسلم عليهم وعليها لما تشوفني يايه تعلي صوتها وتتضحك حيل يقولي مسؤلي وانا طالعه من مكتبه ولا عليج امر سكري الباب وراج انبط راسي من هالمسخرة
اخر ايام قام يطلع من طورة ويقول شهالقلة الادب جدامي طبعا وانا ويهي يحمررررر ما ارد بولا كلمة
مرة كنت عنده اشتغل لان السيستم معلق بس بمكتبه شغال فقالي طبعي اهني واهو راح قعد عالقنفه فاللي يكون برة يشوفني انا قاعده عالمكتب واهو عالقنفه ينقلني الارقام
واهي طبعا بالقسم اللي برة قريب على مسؤلي ماتت من الحرة على بالها في بينا اعجاب
انا عمري نص عمرة تخيلوا بس كل يرى الناس بعين طبعه
وقفت عند الباب وبكل وقاحه قالت له ولا عليك امر ابي رفيجتي بكلمة راس ممكن
طالعني وقالي تفضلي قمت وقالي خلاص روحي مكتبج انا اطرش لج الاوراق طبعا الريال تضايق جنه ما يبيني ارجع له لما قلت لها شتبين قالت ولا شي بس ابيه يشوف بدلتي
تخيلوا؟؟؟
طالعتها بنظرة احتقار بس المشكله اني ما احب صوتي يعلى بالدوام والا جان علمتها الشغل
قلت لها صج انج ما تستحين قالت انا والا انتي
تسوين نفسج محترمة واهوا يطالعج وانتي تطبعين وده ياكلج
قلت لها شوفي يا بنت الناس انتي بسكة وانا بسكة رجاء انا مابي معرفتج انا اعرفج من الدوام بس مابينا لا طلعات ولا زيارات ولا اتصالات فعشان نمنع الفضول اذا كان معاج بنات وشفتج بسلم عليج
بس اذا كنتي بروحج لسانج ما يي على لساني حتى سلامج مابيه
قامت شتسوي تتوقعون؟
عشان ما احرق الموضوع وارك الاحداث
اكمل لكم باجر
وحسبي الله ونعم الوكيل
