سنة كاملة وانا اتعالج عند الشيوخ والاطباء والسبب وحدة بالدوام

[بنت.المطيري]

دار سلوى حياتي نصيحة سويلج موضوع يديد لمناقشة القصة
لان اذكر ابداية الموضوع قلتي بتردين على بنت بنت لووووووووووووول
جد جد الله يعينج ماشالله وايد احنا
حطي موضوع يديد للاستفسارات فقط
الله يكون بعونج
بنات خلاص بسكم حننه الغايب حجته معاه

 

[فلونة احلى وردة]

أمبييييييييييييييييييييييييييه
صج مصختها دار سلوى
الحلا كله وملاك الكويت وبنت المطيري
نايمين ولا جان الصفحات وصلت اميه من السوالف
خنسولف بنات وبقولكم على معلومات على ما تشرف الاميرة دار سلوى
المهم المسك وايد وايد وايد زين للي يحلمون بالجواثيم
حطوه على جسمكم ومخدتكم او خلطوه بالدهن المقري قبل النوم
وطبعا اذكار قبل النوم اية الكرسي وامن الرسول والمعوذات 3 مرات
ووحدة كاتبة هني الفاتحة 11 مرة
وقولوا سبحان الله 33 والحمد الله 33 و الله اكبر 34
راح تحسون بنشاط وقوة
واهم شئ
اهم شئ
من تقعدون بنص النومة لالالالالالالالالالالالالالالالازم ترجعون تقرون على الاقل اية الكرسي عشان تحفظكم
لان لما نقعد لازم نرجع نحصن نفسنا لو بالتفاتة

 

[بنت.المطيري]

الصايبة لوووووووووووووووووول
الصراحه انا مواصلة ليلحين وقاعده اجاهد نفسي عشان اضبط نومي وما افز الفير جني ينية
لوووووووول انزين الواحد الحين بينام
يروح يقول سبحان الله 33 والحمدلله 33 والله اكبر 34 عشان يتنشط ليش؟؟
داش معركة ؟؟
فيدينا الله يسلمج

 

[فلونة احلى وردة]

بقولكم قصتي مع العين على ما تشرف الاخت دار سلوى( زعلانه عليها شغلتنا بموضوعها)
أنا وحدة ولله الحمد بنالنسبة لبيئتي كل شئ عندي وافضل من غيري
ولله الحمد
ومن عمري وانا احلم بجواثيم واني اتصارع بالحلم مع الجن ( هذا قبل زواجي) وعلبالي الموضوع كوابيس
وطبعا الكل يحلم بكوابيس
بس للاسف ما كنت اعرف الفرق بين الكوابيس وعلامات العين او المس والسحر
المهم وكنت لما اقعد الاحظ طقوق زرق بجسمي( لما الحين مو مصدقة)
ومثل ما قلتلكم العيون دايما علي
حتى من اقرب الناس لي من خواتي وحريم اخواني
وصديقاتي بالدوام
لاني متفوقة بالدراسة واجتماعية وجسمي زين لا متينة ولا ضعيفة
وكل اللي حوالي يا متان يا ضعاف
المهم ملجت وبعدين تزوجت والكل لما اليوم يقولون احلى لبس عروس فلانة.. اللي اهي انا
لان لبسي اخذته من عرض ازياء لابسته وحدة لبنانية وكان غريب و فخم وناعم والكل تهبل منه
المهم بسبة العين بالعرس ( نصيحة للعرايس كشخوا بالمعقول) قمت احلم بقطط وما افهم شنو فيني
وتاخر حملي وراجعت قالولي ممتازة ومافي شئ يمنع حملج
فلما نصحوني اروح للمطوع رحت له وبديت مشوار القراية وحدث لي شئ غريب
احلامي تغيرت بديت الحق القطوة واطقها وبعضهم ادوسهم ووووو
المهم تبططت ايدي من القراية والحمد لله حملت
ولكن هديت القراية وسورة البقرة
فتعورت
وبعدين رجعت للقراية ومراجعة المطوع كل اسبوع ورجعت حملت بس هالمرة قالي لا تعلمين
العين اللي جتج من ناس قراب منج
وفعلا خبيت الا عن امي وام زوجي
ولله الحمد استمر حملي بس حصلت عداوة وزعل مو طبيعي من اهل زوجي وخربوا فرحتي بالحمالة وتنرفزت وتحسفت لني طعت المطوع
مع ان الغريب اهلي وخواتي مازعلوا
بس اللي زعلوا اللي ما يحبوني
ما ادري اهم حلال ما يعلمون واحنا حرام علينا نغبي
المهم
حملت بعدها بفترة وزادت الاحلام واهملت القراية واللي حر الناس اني جبت صبيان
فزادت الجواثيم وقامت تشلني بالنوم
واحس اني ما اقدر حتى اذكر الله
يما منهم ما يحبون ذكر الله وخصوصا الاذان وامن الرسول
المهم كنت وقتها لاهية وايماني وديني قل فتقوو علي
وبعد ما قريت البقرة من بعد انقطاع طويل
تدرووووووووووووووووون شنو صارلي
بديت اعيش فلم رعب ليلي كل يوم
تبون تعرفون شلون تغلبت على هالفلم الرعب وشنو صارلي فيه وشلون قويت ايماني وتغلبت على اللي يشلني بالليل
انتظروني اريح اصابعي تعبت من الكتاب
وبعدين اقولكم طريقتي بالعلاج
مع ان حالتي خفت عن قبل بس ما تشافيت تماما

 

[نور-الدنيا]

هاااااااااااابنات بشروا دشت دار سلوى هههههههههه وين التحريات شكلنا بنيب الحقق كونان يدورلنا عن دار سلوى

 

[((daanoon))]

وااااااااااااااااااااااي دار سلوى حدج تأخرتي عليناااااااااااا:lkmnkl:
صاارلي اياام اتابعج بصمت بس طولتيهااااااا
واشتركت عشان اهن مع البنات :lkmnkl:
نااااااااااااطرينج ياحلوة:dddds:

 

[بنت.المطيري]

لوووووووووووووووووووووووووووووووول دانون حياج ابشري بسعدج شكلها وصلت

 

[نور-الدنيا]

الصبيانيه كملي صرتي مثل دار سلوى بالتجزئه هههههههههههه

 

[فلونة احلى وردة]

المهم بعد ما طلعت من الاربعين وكنت شارية سيارة غالية وماثثة شقتي وسافرت وللاسف كله بوقت واحد
رحت لعرس وحدة فضولية يمي قامت تسالني جم عمرج وعدد عيالي وين اشتغل و
للاسف قلتلها كل شي
والله انبهرت قالتلي شكلج واااااااااااااااااااايد صغيرة وما اصدق انج متزوجة ومو مبين وجسمج يهبل جنج بنت ووووووو
وشلوووووووووووووون تدرسين وووووووووو
حساااااااااااااااااااااااااااافة
يا ليتني جذبت وما قلت الصج لحرات الشهوة اشكالها
المهم ( العبرة: لا تكلمون الغرب ولا تجاوبون بصراحة وخبوا)
بعدها قام ينشل ويهي بالليل وكان فيني صج بو ويه
وجسمي بعدها قام ينشل كله
وصراحة قمت ما اقدر انطق والحلم جنة صج يعني بمكاني اللي اكون نايمة فيه وترى مو حلم بين الحلم والحقيقة
ترى العين تتقوى من عيون جديدة
فامي نبهتني وقالتلي لازم تقرين
وللاسف علاقتي بزوجي وايد تاثرت من العين او السحر والله اعلم شنو فيني
صرت اكره مع اني قبل ما كنت احبه بس ما كنت اكره
بعدج العين صرت اكره شقتي والطلعة واتنرفز على اقل شئ وعصبية وايد وايد مع عيالي وزوجي بس
وخصوصا اخر الليل
وكله اعصب على المسكين وادور السبة بس عشان نتعاوش
وتخيلوا اطلب الطلاق بدون سبب
وكله ابجي لما الفجر وبعدها اتغير وانام
وكله كوابيس
مع القراية زادوا بالاول قاموا يخنقوني بالليل ما يبوني اقرى
والله انام ومصحفي بحضني
واقرى سورة البقرة مرتين من الخوف
ورحت للشيخ الحداد جزاه الله خير
وعطاني المحو واوراق مكتوبة بالقران تسبحت فيها
وسدر وملح واعشاب مهدئة عشان انام وعسل للضيقة اللي مو طبيعية
والحمد لله خفت الضيقة
وقلت عصبيتي
بس صارتلي اشياء غريبة
والله لو بقولها ماراح صدقةن وماني عارفة شلون اوصفها
سافرت بعد علاجي بشهر
وتعرفون حرة الحريم وحسدهم على السفر
تخيلوا والله بجيت بجي بالسفر
قمت احلم ولما اقعد اقرى البقرة على طول
تخيلوا ايدي كانها ارتفعت
يما خفت ولما الحين ماني عارفة شنو فيني
وبديت اقرى البقرة بالسفر يوميا واتسبح
وحالتي حالة
وخوف مو طبيعي
ما اعرف اقعد بروحي
بس ولله الحمد بعد ما قالي الشيخ منير عرب
تخافين والله معاج
حسيت ان ايماني بالله زاد وتحسنت علاقتي بربي
وبديت افهم مغزى العلاج اللي اهو انج تقوين علاقتج بربج وتزيدين ايمانج بربج
وراح تتحسن حالتج وراح انطق بالحلم واتعوذ بالله منهم
راح اكمل بعدين لتني صج تعبت نفسيتي من اتذكر موضوع العلاج

 

[حامله القنديل]

الص2اااااااااااااايبه


كملي متاابعتج حبيبتي

 

[Pwincess]

@@
لا مو صج !! للحيييييييييييييييييييييييييييييييييييييين ؟!؟!؟؟!!؟؟!؟!؟!؟
والله ترا نسيت سالفتها كلها ...:\

 

[فلونة احلى وردة]

طبعا كرهت شقتي وزوجي وانقطعت عن الناس وشعري الكثيف الطويل حت حت
بس الحمدلله من فضل الله خفت حالتي وللاسف قطعت روحتي للشيخ الحداد وبو انس العثمان ومنير عرب
جزاهم عني كل الخير
وترى كنت اخلط مايهم ودهنهم مع بعض لزيادة الفايدة
وكرهت الدراسة وتاخرت بس الحين قاعدة اغصب نفسي غصب عساني بس اعدي ما ابي التفوق
وللاسف علاقتي مع زوجي وعيالي صارت طبع فيني العصبية وعيالي تغيروا شوي على
بس الحمد لله افضل من قبل بكثير
قبل يوميا ابجي الحين يوم وترك
هههههههههههههههههه
صج نسيت اذكر فضل موقع منتدى الخير للرقية الشرعية
على منهج اهل السنة والجماعة
خلاني اخذ اثر من اللي اشك فيهم واتسبح واكت على ظهري وبعدين كل جسمي
وزوجي بهالوقت ساعدني بجمع الاثر ومسكين قام ينام يمي بالصالة
وتحمل تدهني لكل جسمي لمدة21 يوم مثل ما قال الحداد
وما راح مني الجاثوووووووووم الا لما رشيت شقتي كلها بماي مقريى ومنقوع فيه ايات قرانية بالزعفران لسورة البقرة
وقارية فيها انا بنفسي سورة البقر
وكنت يوميا اقرى البقرة
واذا هديتها رجعوا اذوني بالاحلام
ورجعت نفسيتي زفت

وطبعا نفس حالة دار سلوى غيرت غرفتي وقطيت قنفاتي الجديدة وووووووو
تفاصيل مو مهمة
انا وياكم بنتظر بارت العلاج
لدار سلوى عل وعسى نستفيد منها

 

[Miss-Madry]

دااااااااااااااااااااااااااااااااااااااااااااااااااااااااااااااااااااااااااااااااار سلوى من صجججججججججججججججججججججججججججججججججج





يلالالالالالالالالالالالالالالالالالالالالالالالالالالالالالالالالالالالالالالالالالالالالالالالا

 

[نورالدنيا***]

الصايبة كملي صرتي خبرة وعلية من كثر مانضريتي الله يكون بالعون

لازم نتعلم اشلون نحصن نفسنا وعيالنا عدل علمينا الله يعافيج

ان شالله ترد دار سلوي بالسلامة وتكمل موضوعها

 

[فلونة احلى وردة]

ترى وايد مهم تاخذون اثر من اللي شاكيييييييييييييييييييين فيهم
يعني اخذي فوطة فيها ماي ومسحي المكان او الشئ اللي ماسكينه
وبعدين حطي الفوطة في تب ولا ابريق وتسبحي فيه
ويقولون الافضل احد يكته على ظهرج فجاة وانتي ما تدرين
وفي وحدة زوجها سوا طريقة لعلاج مرته اللي جاها فشل كلوي قوي فجاة وطاحت بالمستشفى
قالتله امه( خووووووووووش خالة لو خالتي جان قالت مو صاحية مرتك)
روح اعزم كل اهلنا واخذ ماي الغسول وغسل مرتك
والله سواها وعزمهم وقالهم الحنفية خربانة وحط تب تحت الحنفية وغسلوا وراح يركض لمرته وسبحها وهي بالمستشفى
وفجاة صحصحت
وما فيها الا العافية

 

[ابرار]

الله يشافيكم ...ويجعل لكل مسلم مضطر اجرا على ما اصابه انه هو السميع العليم ......قوي ارتباطج مع ربج بالصلاة فهي اعظم رابط..........​

 

[فلونة احلى وردة]

اي والله يا وخيتي نور الدنيا صرت خبيرة بهالمعلومات
من باب اعرف عدوك
المهم ولله الحمد على كثر خبرتي الحين ما اطبق ترى وانسى اتعوذ واذكر اذكار المساء والصباح
بس المهم تعوذين عيالج قبل لا تروحين لاي مكان
وفتحطين ايدج على راسه وتقولين :
اللهم اني اعوذ ..... بكلماتك التامات من كل شيطان ومن كل هامة ومن كل عين لامة
وطبعا لاتروحون العروس والمناسبات الا متحصنين بسورة البقرة والمعوذات
انا اذا نسيت يمة ذيج الليلة ما انام من الاحلام
المهم ربطوا بين القصص واستفيدوا والحكيم اللي يستفيد من تجارب الاخرين مو ينطر تصير فيه
وانا اللي قوا العين علي اني باستقبال المستشفى سويت الهوايل
صج الكل سال عن شغلي وووو لكن شنو استفدت
بغيت اصير مطلقة( مع اني مازلت بداخلي ارغب بالطلاق)
الحمد لله على كل حال

 

[فلونة احلى وردة]

الصايبة لوووووووووووووووووول
الصراحه انا مواصلة ليلحين وقاعده اجاهد نفسي عشان اضبط نومي وما افز الفير جني ينية
لوووووووول انزين الواحد الحين بينام
يروح يقول سبحان الله 33 والحمدلله 33 والله اكبر 34 عشان يتنشط ليش؟؟
داش معركة ؟؟
فيدينا الله يسلمج

لا يا قلبي فهمتي غلط
التنشط يبين مفعوله باجر الصبح تصيرين نشطة وفيج قوة ونشاط
هذي نصيحة الرسول صلى الله عليه وسلم لبنته فاطمة لما بغت خادمة تخدمها وتساعدها قال سبحي بالطريقة هذي وماراح تحتاجين احد يساعدج
لان من باجرية بتشوفين نشاطج وقوتج حلوة وتقدرين تسوين مهامج كلها( مجربة)
جربوها اليوم بنفس العدد مو تزيدون
وقولولي النتيجة

 

[فلونة احلى وردة]

الصبيانيه كملي صرتي مثل دار سلوى بالتجزئه هههههههههههه

شفيج الصايبة مو الصبيانية
اسم الله علي سويتيني صبيك
لا يا عمري قلت كل الاجزاء وسطرتها مرة وحدة من غير تفاصيل وايد
مع اني تركت اشياء كثيرة لو بقولها بصير اخس من دار سلوى راح اصير مسلسل مكسيكي مو تركي

 

[بنت.المطيري]

الصايبة فديتج ربي يكون بعونج
اهاااااااااااااااا يعني مو حزتها
ممممممم
===
اي صج بنات على طاري التحصين وهالسوالف
نبيل العوضي يقول ترقبوني باذن الله يوم السبت القادم عالوطن حلقة كاملة عن هالموضوع