سميلاك غين والامسااك الفزعه يابنات ولدي راح فيها

[مطرها يسبق رعدها]

السلام عليكم

بنات صارلي يومين مغيره حليب ولدي من سميلاك المرحله الاولى وكان ماشي معه ومناسبه حيييييييل
عطيته سميلاك غين للمرحله الثانيه وامس جاه امسااك شديد يبكي اذا بيسوي شي :eh_s(2):

مع ان اكثر من دكتور مدحولي حليب سميلاك وانه احسن حليب للرضع

ماقدر اتحمل شكله وهو يتعصر رحت الصيدليه قبل ساعتين << صبحتهم

وخذيت تحاميل جلسرين وحليب ابتاميل بعد الست شهور

زين اللي سويت ...؟؟ ولا المفروض ماخذه حليب للامساك

وهل تتوقعون انه من الاكل ...؟؟ لاني معطيته بطاطا حلوه ولا وش السالفه

ولاتقولون عطيه اعشاب ولدي عسسسسسر

من الاربعين اذا عطيته اعشاب رشها على وجهي

مهوب هين ذا النتفه

جعل من ردت علي ربي يوفقها ويسعدها ويعطيها الحض اللي يكسر الصخر << وش تبون بعد

اول مره احس اني ام ولدي رقد بس ماقدرت ارقد كبدي تقطعت :eh_s(2):

 

[ليالى الحنين]

عطيه اعشاب مثل يانسؤن لاتعتمدين على الحليب عطيه بسكؤت ؤعصيرر جذى راح يخف عنه الامساك

 

[& ام خالد &]

عطيه عصاير تلين البطن له ....حرام كلش ولا الامساك ...
الله يعينج ...​

 

[ام الحلوااات]

عــــطــيـــه عــــصـــيـــر بـــرتـــقــال وكـــثـــري لـــــه مــــاااي ويـــانــــســــون مــحــلــى بـــســـكـــر نــبـــات واذا تـــعـــســـر الامــــر حــطــي مــلــعــقـــه زيـــت زيـــتــــون بـــاالــحـــلـــيــب واللـــه يــشــفـــيــه

 

[TeKaNa_Girl]

غيري حليبه لسيميلاك ادفانس الخاص للامساك والغازات والترجيع
حده عجيب ونفع ولدي حييييل

 

[في غيبتك راحه]

بنات أنا في دكتور قالي انه اليانسون مو زين حق الصغار​

 

[مطرها يسبق رعدها]

مشكورين بنات عطيته ابتاميل ومشا الحال الحمدلله

 

[dantella]

السيميلاك بالذات على كثر ماتلقين دكاتره يمدحونه على كثر ما اهو حليب اجراااااام للرضع حرااااام هالدكاتره بس يسوون دعايه خصوصا دكاتره الخاص
انا هالحليب هلك ولدي في اول ايامه واغيرله الحليب يمكن ثلاث انواع لين طحت على البيبلاك الوحيد الي ارتاح له لي عمر السنه

 

[بيادر أمل]

.
.
حيااتي انا كنت اجربه لبنتي شوفي لانه جديد عليه فرااح يتعسر في هضمه لانه تركيبته تغيرت عن سيميلاك 1
جربي تعطينه عصااير الاطفاال وخصوصا البرتقاال وشااي مليوبيا وتلبينة تلقينها عند التمور
.
.

 

[أم حورية]

روحي مرة ثانية الصيدلية وقةليلهم عن الحليب او دقي ع اي صيدلية وشوفي شيقولولج

وتقدرين تعطينه ماي تمر او عصير برتقال واذا ولدج اكبر من 6 شهور عطيه مشمش او عنب >>> حييل ينفعون حق الامساك

ومرة وحدة هني يزاها الله خير قالت زيت الزيتون حييل ينفع حطيله قفشة صغيرة برضعته او عطيه اياه بروحه

وهم مرة وحدة قالت تاخذين نتفة من صاابون الغار وتكورينه وتحطينه في فتحة الخروج عزج الله

والله يشفيه ويحفظلج اياها يارب*

 

[Um Mariam 99]

انا بنتي عندها نفس المشكله بس اتوقع مو من الحليب بس لان ابتديت اعطيها اكل وهي مو متعوده

 

[مطرها يسبق رعدها]

مشكورييييييييييييين حبايبي

 

[ماسةالحلوة]

مساالخير
انااليوم قريت رسالتك
تكرم عينك بس روح عالبزورية بسألك العطاروبقلك لوموجود والسعر
وتكرم عينك
بس مابقدرراسلك عالخاص فرديت عليكي هون
تصبحي على خير

 

[مطرها يسبق رعدها]

اوكيه بطرش ايميلي ع الخاص وضيفيني عشان انتواصل ع الايميل

 

[Um Tuki]

ولدي كان يعاني من الأمساك بشششششششدة والله .. و غازات

احسن حليب فادة سيميلاك كومفورت ..

الماروني

و شي طبيعي يصيده امساك اذا كان توه بتدي ياكل

طبعا توني اقول الاكل بعد عمر الست شهور .. لأن المعده ما تتحمل

واذا كان قبل الست شهور يمكن يكون سبب للامساك


جربي الحليب الكومفورت ..

 

[مطرها يسبق رعدها]

انا غيرت حليبه ومشا الحال

شكله من الحليب ...

مشكوره اختي