سمعوا شنو يقولون الكويتيين عن الزوجه الكويتية والله قهر......

[نـــــــــــونه]

رد : سمعوا شنو يقولون الكويتيين عن الزوجه الكويتية والله قهر......

واللي بيبونهم من بره ميتين على سواد عيون رياييلنا
خل يتحمدون ربهم على العافيه

 

[اعدلوا]

رد : سمعوا شنو يقولون الكويتيين عن الزوجه الكويتية والله قهر......

بسم الله الرحمن الرحيم
والحمد لله رب العالمين والصلاة والسلام على افضل المرسلين سيدنا محمد وعلى اله وصحبة اجمعين
اما بعد

بدايتا اكتب كلامي وفي صدري غصة وتناقض بالذات او كما يقال (بين نارين) وهو دخولي لمنتدى
نساء فقط ..
ولكن دائما في النظر للامور المحيرة ياخذ الامر بين امرين احلاهما مر
وهذا هو المر اللي قاعد اتجرعة حاليا لحضة كتابتي لهذه السطور وهو مر التطفل ونكر الذات

اولا لا تخافون ماني من متابعين هذا المنتدى ولا من روادة الوهميين ولكن سمعت بالمنتدى مرات قليلة
من العنصر النسائي في بيتنا
وبتقولون شمدخلك على الموضوع هذا وشلون طحت عليه بقولكم كتبت بقوقل كلمة كويتيين وكنت بشوف
المواضيع اللي تخصنا واذا بي اجد هذا الموضوع والذي ما ان قرأتة حتى راودتني افكاري
اللي كنت دايم اقولها لربعي او اي احد في جزئية وضوح وبروز الشر واختفاء وكتمان الخير

هذه المقدمة ليست موضوعي الذي اتيت من اجلة وانا اتعمد اكتب تارة بالفصحى وتارة بالعامية
عشان ما تزهقون وتنجذبون لاطراف الحديث
ومالكم بالطويلة ......

خلال قرائتي للردود لموضوع الاخت المحترمة حبيت اتاكد من وجهة نظري فا طقيت فرة على مواضيع القسم
واذا بي القاها كلها او ان صح التعبير اغلبها تشكي او مواساة او افلام هندية او سوالف تحر
على نمط مسلسل رفعة الضفط زوارة خميس

عشان ما تشتتون ....
الموضوع اللي ابي ادخل فيه هو هل الكويتي والكويتية مو كفو زواج او ما يصلحون للزواج ؟
هل كيف...! عفوا
ليش تاخذون انطباع سيئ عن الكويتية وعن الكويتي؟ (السؤال موجه للكويتي وللكويتية)

انا بقولكم اللي استنتجة ..
لو نشوف المواضيع بالقسم هذا والمشاكل والردود ونحكم بمناسبة هذه المواضيع ابصم لكم بالعشرة
ان الكويتي مو كفو زواج وان طايح حضة وان فيه ما فيه ......الخ
ولكن هل هذه المشاكل تعكس الواقع ؟ هل في احصائية معينة؟
بتقولون لو مافي مشاكل جان محد تكلم
بقولكم هل الكويتيين خمسة عشان احكم عليهم بعدد المشاكل القليل


الفطرة السليمة والحياة الطبيعية تكون بدون مشاكل او بمشاكل طفيفة ومو معقولة انا اذا حياتي طبيعية
بروح اشتكي واقول ليش حياتي طبيعية ساعدوني
يعني عمركم شفتو وحدة كاتبة موضوع (انا وزوجي كل يوم نلعب مع بعض ومستانسين بليز ابي نصيحتكم شسوي)
شي مستحيل لانة هذا الوضع الطبيعي وهذي الغالبية العظمى من الازواج حياتهم طبيعية وهم كثر
ولا تغركم كثرة المشاكل اللي تسمعونها لانة كثرتها مو معناتها انها اكثر من الانسجام والتفاهم
لا كثرتها لانة المشاكل هي اللي تطلع وتطفح على السطح ويتم تداولها

ولا لو الموضوع عكس يعني لو الحياة الطبيعية والانسجام والراحة هي اللي تطفح وتنتشر جان والله توصل المواضيع لي اخر
صفحة وما خلصت بعد

ادري طولت لكن اللي ابي اوصلة لا تغركم ردود (بعض) الناس في منتدى ما يدشة الا قلة قليلة
يعني ما يمثل اقل من عشر بالمية من المجتمع
يعني تسمعون وحدة تقول اخوها يقول العربية احسن من الكويتية
والثانية تقول خالها يقول العربية وتجي هني تقولكم شقال خالها
واربعة او خمسة يردون بمنتدى يقولون العربية احسن

لكن هذا كلة مو معناتة العربية فعلا احسن من الكويتية
انا لو بسوي لقاء مع كل اللي اعرفهم واسالهم بتاخذ عربية ولا كويتية مع افتراض وجيكو على
افتراض انة الكويتية ماراح تقوم بشغلها كلة وانة العربية راح تقوم بشغلها كلة
انا اقسم لكم لو مسوي لقاء مع 100 واحد
92 واحد راح يقول الكويتية
و8 راح يقول عربية
لانة بالعقل لو العربية احسن م الكويتية جان الكويتيين كلهم اخذو عربيات ولا شنو اللي يردهم
راح تقولون العادات والتقاليد والعيال وما شابة بقولكم هذا بروحة سبب كافي لتفضيل الكويتية
على ميتين عربية

ولا تفكرون ولو للحضة انة الكويتيين كلهم او اغلبهم ما يحبون الكويتيات لانه اعتقاد خاطئ
مبني على تصورات خاطئة
والحق احق ان يتبع وما ابيكم تعودون على اسلوب تصديق الشر والشك بالخير

انا ادري راح يجيني كلام واقولكم من الحين محللين لكن حبيت اعطيكم جرعة اطمئنان وراحة
واذا على دخلتي وتسجيلي في هذا المنتدى والله الغصة في صدري لكن ما اتطلع له يمكن يفيد
احد فيكم .....

وفي الختام اتمنى لكم التوفيق والسداد وان يرزقكم الله بالازواج الصالحين البارين العابدين القائمين
وان يجعل ازواجكم ازواجا لكم في جنان النعيم ..والسلام عليكم ورحمة الله وبركاتة

نقطة انتها.

 

[3sho0o8a]

رد : سمعوا شنو يقولون الكويتيين عن الزوجه الكويتية والله قهر......

بلعنتهم حاصلهم كويتيه يحسسوني انهم توم كروز بوسامته والوليد بن طلال بكرمه ونمر بن عدوان بشهامته

 

[هلا20]

رد : سمعوا شنو يقولون الكويتيين عن الزوجه الكويتية والله قهر......


والله خل يشوفون اللي ماخذله كويتيه واللي ماخذله من دوله عربيه شلون حياتهم اللي ماخذله كويتيه عازته ورازته بين ناسه وربعه ومشرفته

ومتحملته فوق كل شي والثاني ماني قايله بس له الله

والزبده والله يتعبون على بنات الكويت مايحصولن مثلهم في الزين والادب يكفي انها بنت اصل وفصل

 

[هلا20]

رد : سمعوا شنو يقولون الكويتيين عن الزوجه الكويتية والله قهر......

لانة بالعقل لو العربية احسن م الكويتية جان الكويتيين كلهم اخذو عربيات ولا شنو اللي يردهم
راح تقولون العادات والتقاليد والعيال وما شابة بقولكم هذا بروحة سبب كافي لتفضيل الكويتية
على ميتين عربية

________________________

جزئيه عجبتني في وجهة نظر الاخ اللي طارحها

 

[bnfsjiya]

والله كلامهم سسليم .,~

يعني انا اشوف حريم صح نفسس وصف الريااييل بالضبط .,~

بسس الاغلبيه العظمى < ترى تعبت على الكلمه

الغالبيه انه الزوجه اهيا اللي تكون مظلومه وتسسكت وتتحمل عذاريب الريال .,~

يعني الرياييل فيهم الزين وفيهم الشين .,~

وهم الحريم نفسس الشي .,~

بسس اكيييد البنت بفطرتها تتحمل وتصبر على الضيم والظلايم وتشوووف وتسسكت عشان تحافظ على بيتها وعيالها .,~

تكفون جم وحده حملت بأول زواجها وتالي اكتشفت انه الريال ردي وتحملت عشان البيبي .,~

وكرسست حياتها كلها عشان تربيه .,~

الله يعينهم البنات وربي لهم اجر على صبرهم .,~

 

[كلهآ ملح ..}]

رد : سمعوا شنو يقولون الكويتيين عن الزوجه الكويتية والله قهر......

خخخخخخ عندكم هالحاله بعد نفس ماعندنا

بس مو كل رجاجيلنا الحمدلله
اللي يتكلون اعمارهم لاتتجاوز عن 20 سنه

ولو تكلمو وقعدو مصيرهم بيرجعون لبنت بلادهم

بس بنات صراحه انا مدري احنا نعرف عن الكويتيات اغلبهم كلش شغاله
ع كل شي
حتى لاجو شغالات يشتغلون عند احدى قرايبي تقول انا كنت في الكويت بس كلش شغل شغل شغل مافي راحه

يعني الي نعرفه قليل احد ببيتوت الكويت ماعنده شغاله


والحمدلله ماعندنا ببيت ابوي شغاله هههههه
وربي يعين ~

 

[m'3rOoOra]

((اعدلوا ))

كلامه صح اول مره ريال يتحجي من ناحيه المنطق

 

[صفاء القلوب]

رد : رد: سمعوا شنو يقولون الكويتيين عن الزوجه الكويتية والله قهر......

والله محد رازهم وعازهم وصابره عليهم الا الكويتيه

الظاهر مايشوفون عيوبهم ويكفي متحملينهم

اي والله مافي نفس الكويتييه بكل شي واقفين مع الرجال بغض النظر عن اشياء وايده بس مانقول الا الله يهديهم

وثانكس ع الموضوع اللي يحرق القلب :eh_s(2):

 

[●° يآإ حِ‘ـبنيً ليَ . . ! «]

هههههههههههههه

آووله كل هذآ فينـأآ =$

يَ لبى الكويتيآأت بسسَ

خل بآلآول يشوفون عيووبهمَ ، وبعدينَ يحكموون =)

 

[جوك احلى جو]

خل يبلعون العافيه من زينهم عاد

 

[توتو ستايل]

حبايبي الكويتي ياخذ الكويتيه عشان ال 4 الاف وبس
هذا الحاصل واللي نسمعه

 

[حلا قطر]

اصابع الايدين مو سوا سواء الرجاجيل ولا الحريم كلن فيه الزين والشين وعسى ربي يرزق كل البنات بالازواج الصالحين

 

[دنيا رديه]

لاتعليق

 

[أموت برزة عقاله]

رد : سمعوا شنو يقولون الكويتيين عن الزوجه الكويتية والله قهر......

امبيه بنات ليش جذي وايد وايد الشباب شايلين بقلبهم

بس صراحه اتوقع العيب فيهم والريال غصب اهو يصرف يحليلهم

 

[روحي تحبه غصب]

ماعندهم ماعند جدي

هذوله رياييل العازه يعني مافيهم خير ومسوين نفسهم كلش الحين وتلاقين حريمهم شايلين البيت والصرف على راسهم

بس ماينلامون هذا من النقص اللي فيهم

 

[..’’ياقلبـك الخوّاف’’..]

رد: رد : سمعوا شنو يقولون الكويتيين عن الزوجه الكويتية والله قهر......

اي و حبيت اضيف شغله
دام الكويتي مستذبح ع الاهتمام بالبيت و التفرغ الكامل
ليش لما يتزوج كويتيه يشرط انها تشتغل لانه حضرته موكفو يصرف على بيت
و لما ياخذ عربية يقدر يصرف على بيته و بيت اهله و بيت سابع جار لهم بعد
بس الصراحة :
الكويتيه لازم تصير عياره نفس غيرها
يعني تاخذ كل شي من الريل بدلع و من غير ما يحس
بس احنا مساكين نبي نساعده كاسر خاطرنا

والله محد رازهم وعازهم وصابره عليهم الا الكويتيه

الظاهر مايشوفون عيوبهم ويكفي متحملينهم

انتــــــــــــــــــــــــــو كــــــــــــــــــــــذا.. أنا ائيد رايكم ..والله ماحد يصرف عليهم وعلى عيالهم الا احنا .. واخر السنه ابي فلوس عشان نسافر والمسكينه تدح له قرض عشان بس محسوب عليها محرم .. والسياره هي اللي دافعتها ورازته بين ربعه وشاريتله وفوق هذا باسمه وهي المسكينه اللي تدفع ..وفوق هذا ملاعين الخيّر تلقين بتلفونه بنات ويخربط ويسربت ومع منو مع حثاله كفوك الحثاله .. صدق ان اكرمت الكريم ملكته وان اكرمت اللئيم تمرّد ​

 

[اشتياق]

أول شي انفعلت وصرت ضد الريـال
كملت قريت جان أصير ضد المره

الزبدة الموضوع مايعني الكويتيه كجنسيه كثر مايعني الاخلاق والتربية والسنع ..

يعني اصابع الايد مو سوا

وأثر فيني وايد كلام الرياييل اللي يقولون على اي اساس احنا نشتغل واهي تاخذ معاشنا للعروس<<<حسيت ان ظالمينهم لوووووول

 

[طنيخه]

اعدلوا

كلام سليم .. ومحترم ومنطقي

ارفع له عقالي

 

[نعومه حدي]

لا تعليييييييييق

يعني عنسنا عيييييييييييل لايلومونه اذا اخذنا من غير ديرتنا <<<<<<<<<<<<<هذي اللي ماتبي تعلق يعني
اوووووووووووف شباب الكويت موصج