سمعوا شنو يقولون الكويتيين عن الزوجه الكويتية والله قهر......

[ياراا]

شدعوه كل هذا بالكويتيه مو ناقص الا يقولون الكويتيه كافر او مشركه استغفر الله واللي يقول مابيها موظفه اكيد مو كويتي الحين من شروط اختيار الزوجه الكويتيه انها تكون موظفه

وانا اتوقع انه اللي كاتبين هالكلام شباب يامراهقين او ما عدو ال24 سنه وكلامهم لج عليه ماجنه كلام كويتين

 

[bal8es]

مالت ع الباميه بس اهم يبون الي توفر وما تطلب وماتجدد وما تعرف الله وين قاطها المهم خليجي تكشخ فيه هذي تطلع شحلالاتها وذهبه بعيونهم لا واليهال الله عليهم بيكونون تحفه وصااخه وقلت ادب وماكو ذوق واشكال اللهم يكافي واحنا يا حسرة علينا كل وحده تقول الزود عندي وهم ما يعجبهم لو شنو نسوي والله ريايل وعيونهم زايغه
ذااك اليوم نبطت جبدي بالصالون وحده فلبينيه ماخذه كويتي تتشكى منه>>> طبعا الحجي كله مكسر سمعوو شتقول
هذا يبي اتبخله سبور وأنا ما أأرف شلون هذا يتبخونه .. ااااااااااااه يقلبي لو كويتي جاان حلتها ع طول على الاقل اخذت الصبور حق الخباااز يسويه خخخخخخخخخخ
لا والأدهى والأمر تكلم ولدها : أبدالله انا بروه مركذ الثلطان بس شوف مو تقول هق ابوك لا يقأد يبجي .. والله مت قهر قلت شوف شتقول عن الريال لا وأخر شي طلعت من جيبها فلوس وعطت كل وحده من الي يشتغلون دينار يعني بقشيش غير حسابها اصلا يعني انا,,, مالت ع الريال كاشخه ع افاه



سوري طولت عليكم بس انبطت جبدي وذكرت الموقف

 

[الرماسيه]

رد : سمعوا شنو يقولون الكويتيين عن الزوجه الكويتية والله قهر......

ماعليكم منهم خلوهم

مايدرررون الكويتيه بدعت بررمضاان

سوت القبوط والتشريبه والمرقوقه والمجابيس ووووه وووه

كل هذا حاكره روحها بالمطابخ وحتى ويها احترق من الدهن ويقولن عنا جذى صج هالشباب مو كفو نعمه والله
​

 

[روميا]

حبايبي انا نقلت الردود في المنتدى الثاني بس عشان احنا الكويتيات أذا فينا عيب أو نسينا
أولهينا مره نتذكر ونرجع احسن من أول أنا حطيت الردود للتذكير فقط
ومو حابه أن نجرح أحد لأن كل شي يكتب بصحيفتنا وانا أتبرى من أي سب أوتجريح

الله يوفقني ويوفقكم وخلي أزواجكم مايشوفون أحد غيركم آمين قولوا آمين
ولاتنسوني من دعائكم بالزوج الصالح آمين

 

[سيدة الذوق]

الله يكون بالعون بس

 

[عزتي مالها حد]

رد : سمعوا شنو يقولون الكويتيين عن الزوجه الكويتية والله قهر......

والله ياحلووووووو الكويتية
بنات خير وسنع ومنع

 

[لعيونك اصير مجنونك]

رد : سمعوا شنو يقولون الكويتيين عن الزوجه الكويتية والله قهر......

بااكـ

اغلب كلامهم هيااااط × هياااط

خل ينفعوونهم العربياات والله انهم ما غيييييير ينهبونهم ويصرفن على اهل من ظهر هالكويتي ويا ما سمعنا عن سوالفهم

في وحده تزوجت كويتي وتحملت سنيييييين ونطرت لين اخذت الجنسيه واستقوت عليه ارفعت عليه قضيه وتطلق بسبت الضرر لانها شنو كانت تسووي
كان الاخو مستقوي عليها يطقها لييين تقول بس ولطقها راحت الطبيب وكل مره تاخذ تقرير طبي ولرجعت البيت طااحت على رااسه وتسامحت منه والاخ مستانس انها تراضيه


واخر شيء اقسموا البيت بينه وبينها على اساس انها مصريه واخذت حقوقهامن نني عينووه من قووه << قلب



وه يالبى الكويتيااات سنعاات مسنعاات
واكثر وحده تصبر على الرجال عشان عيلهاا

 

[لعيونك اصير مجنونك]

رد : سمعوا شنو يقولون الكويتيين عن الزوجه الكويتية والله قهر......

ردى داخل قلبى ما ابلى احد يسمعه

هههههههههههههههههههههههههههه

يا ملغك يعني مصدقين انك مرا

 

[سارووونه22]

انا ابي اعرف ليش يجمعون الكل يعني في من البنات الشينات وفي الزينات مقيوله الخير يخص والشر يعم

 

[أبله كويتيه]

رد : سمعوا شنو يقولون الكويتيين عن الزوجه الكويتية والله قهر......

وعووو

كفوووهم

كفوووهم هالجناسي

المشكله مايشوفون روحهم قبل لا يقارنون

 

[Galaxyaah]

رد : سمعوا شنو يقولون الكويتيين عن الزوجه الكويتية والله قهر......

اي و حبيت اضيف شغله
دام الكويتي مستذبح ع الاهتمام بالبيت و التفرغ الكامل
ليش لما يتزوج كويتيه يشرط انها تشتغل لانه حضرته موكفو يصرف على بيت
و لما ياخذ عربية يقدر يصرف على بيته و بيت اهله و بيت سابع جار لهم بعد
بس الصراحة :
الكويتيه لازم تصير عياره نفس غيرها
يعني تاخذ كل شي من الريل بدلع و من غير ما يحس
بس احنا مساكين نبي نساعده كاسر خاطرنا

معاها

 

[هنـــــد]

رد : سمعوا شنو يقولون الكويتيين عن الزوجه الكويتية والله قهر......




والله يا بنات ما ينلامون أبد !
اكو نماذج في مجتمعنا الكويتي وربي تسوود الوجه للمرأة !!
ماتدري عن عيالها ولا زوجها وكله هياته من مكان لمكان .. ولسانها طويل ،
وربي ضيــــــــــــــم عسى الله يعين بعض الرجاجيل

طبعاً الأصابع مو سوى لكن الشر يعم ( قطييييعه )

 

[بيتي بوب بس كويتيه]

حبيبتي هذا رأي كل الكويتيين
حتى زوجي مره يالي ويقول الكويتيه والكويته
قلت له أنا شنو مثلا كويتيه
ولا يقول لا انتي ماكو مثلج
قلت له مثل ما أنا موجوده في مليون كويتيه نفسي
بس دايم الشين الي يعم

مثل اللبس نسمع شصاير كويتيات كله مفاصيخ(طبعا هذا كلام الشباب )
بس ما ينتبهون للي مستره تتمشى باحترام
لانه المفاصيخ أهما الي يلفتون المحترمه ما تلفت الانتباه فالشر يعم

مره طلعت مع اخوي الي يقول بنات الكويت مفاصيخ
وريته وين المفاصيخ ترا عدد صغير قلت شوف البنات المتسترات عددهم اكبر بس أنت
ما راح تشوف الا المفاصيخ

وطبعا المفاصيخ الي أتكلم عنهم متحجبات وغير متحجبات ومنقبات

في غير متحجبه لبسها أحسن من الف متحجبه وفي العكس
عرفتو ادري دخلت عرض بس حبيت أوضح وجهت نظري

 

[انتظر حبه]

رد : سمعوا شنو يقولون الكويتيين عن الزوجه الكويتية والله قهر......

اي و حبيت اضيف شغله
دام الكويتي مستذبح ع الاهتمام بالبيت و التفرغ الكامل
ليش لما يتزوج كويتيه يشرط انها تشتغل لانه حضرته موكفو يصرف على بيت
و لما ياخذ عربية يقدر يصرف على بيته و بيت اهله و بيت سابع جار لهم بعد
بس الصراحة :
الكويتيه لازم تصير عياره نفس غيرها
يعني تاخذ كل شي من الريل بدلع و من غير ما يحس
بس احنا مساكين نبي نساعده كاسر خاطرنا

صااجه والله

 

[ألمسك]

الحقيقة المسألة مو مسألة كويتية او غير كويتية كل مجتمع فيه الصالح والطالح الغلط من الرجل نفسه لم يختار الصالحة الناصحة التى تحبه في الله وتبغضه في الله وتتقي الله فيه اذ انه لم يطبق حديث النبي صلى الله عليه وسلم ((( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) المقصود في الحديث قوله: "تربت يداك" أي التصقت بالتراب من الفقر وهذه الكلمة خارجة مخرج ما يعتاده الناس في المخاطبات لا أنه صَلّى الله عَلَيْهِ وَسَلّم قصد بها الدعاء.
ومن مزايا الصالحه قولة صلى الله عليه وسلم ( ألا أخبركم بنسائكم من أهل الجنة : الودود ، الولود ، الغيور على زوجها ، التي إذا آذت أو أوذيت جاءت حتى تأخذ بيد زوجها ثم تقول : والله لا أذوق غمضا حتى ترضى عني ، هي في الجنة ، هي في الجنة ، هي في الجنة )ومعنى الجملة الأخيرة غمضاً : أي لا أنام ولا يستريح لي بال


طبعا لو اهو الرجال صالح راح يختار صالحة الي راح يعينون بعض على ذكر الله واهني راح يعشون حياة السعاده الحقيقة اسال ان يالف بين قلوب المسلمين والمسلما ت و يجمع بينهم بخير وان يرد المسلمين اليه ردا جميلا

 

[طنيخه]

يعني انتوا اللي مقصرين فيهم

لو يدشون اهني بس قسم الزوجيه جان باجر نص حريم الكويت مطلقات

قلتوا فيهم النون ومايعلمون حرام شويه ضغاط فيكم هههههههههههههههههه

بس بالنهاية دهنا بمكبتنا وحلات الثوب رقعته منه وفيه

ولاااااااااااا يشوفك

 

[H.A.K.W]

والله محد عازهم ورازهم ومسنعهم ومدلعهم غير الكويتيه والكل الحجي المكتوب بعيييد عن الواقع ولا يقبله عقل
الحين الكويتيه اهي اللي تصرف عالبيت والزوج والعيال واهي اللي ادرس واتربي والخدم بس لشغل البيت وين اتلحق على هذا
واهم معاشتهم كلها بجيوبهم ومايصرفون الا بالعزره >>> طبعا مو الكل عشان مانظلم احد
وبالنسبه للكشخه معروووفه المراه الكويتيه بكشختها !!!!

بس على قولتهم الذبانه ماتحوم الا عالزباله عمرها ماطير فوق ورده
والجنسيات الثانيه معروف عنهم انهم يبون عيالنا طمع واخلاق الله بالخير اكبر دليلب "المرينا" جوفوهم شلون يتحاذفون على الشباب جنهم مو جايفين خير تبي سياره و"مصاري" و"جنسيه" ولي خذت هذا كله احذفته حذفت جلب !!

**لي عوده احترق قلبي
وشكل الحجي المكتوب مو كله من كويتين شوفوا طريقة الكلام بس

 

[C'est La Vie]

اختي صاحبة الموضوع
اسمحيلي انقد اختيارج للردود اللي اخترتيها
لاحظت انج بس حطيتي الآراء اللي تذم
ليش ما حطيت الآراء الثانية اللي تمدح؟
مو كل الرياييل جذي
للأسف موضوعج متحيز وخالي من الحيادية

 

[طنيخه]

وترادد لين يقوم الزوج ويطبق كل اللي عرفه بالكاراتيه بحياته ويقعد يتحسف لان فعله خاطئ

هذا كسر خاطري

حسيت صج عايش بضيم

بنات حسيتهم يتكلمون من قلب

بس مثل ماتكلموا من قلبهم ومتحملين الحريم حتى الحريم متحملينهم

وللامانه انا مابي ادش المطبخ ولابنظف ليش وشحقه ؟

اذا اهو مقتدر ماليا انا ماني ملزومه بالغسال والطباخ

يبيني بس يوصل عمري 40 تسكربت ؟

بحافظ على جمالي وسنعي عشان خلقتك عشان منو يعني؟؟..عشان ماتشوفني شينة وتطس لغيري وتخون

وبالدين ماني مجبورة انظف انا فبيت اهلي مدلله .. ليش يعللني يعني؟

والله عاجبهم عاجبهم مو عاجبهم يطقون راسهم بالف حيطه

والبنت مسكينة شنو يعني اصير تحتك طول عمري مااعيش حياتي شنو ؟

استعبدتني وانا مادري.اوكي زوجي على عيني وراسي اشوف راحته

اجابله ..اسويله مساج..اسبحه ااذا يبي امشط شعره ..اداريه ..اداويه ..احمل بعياله واتحمل غثاهم

واربيهم احسن تربيه على عاداتك يالخبل وتقاليدك ودينك وسنع اهلك واجدادك واجابلهم وادرسهم واكبرهم وشغل العيال علي انا ماتجيسهم الخدامه والا شخانتي ام

ولي قام يتشرط ويقول هاتي الماي واهو يمه..والا هاتي الريموت من حقه ..اقوم اييبله هذا زوجي مو اخوي عشان اداحره واناجره ان قوم انت ييبلك
لي قال لي كلمة بقول حاضر

اقعده من النوم اهتم فيه اتكشخله

كل هذا شويه ؟؟

مسكيينة سوووبر وومن الصراحة

عشان ماغسلت مواعين ولاكويت هدوم بطلع مافيني خير واستاهل الزوجه على راسي وماني كفو زواج ؟

ياخي اذا ترضاها لاختك .. ارضاها علي

انت تبي اختك معززه مكرمه مدلله مرتاحه...ليش تغث بنات خلق الله

وااللي يشتكي مرته طلعات وروحات

ليش منت رجال توقفها عند حدها وتسنعها

او تمنعها من الروحه ..محد طاقك على ايدك تخليها تروح

واذا راحت توجب مافي مانع يعني هالشي من وجهك انت وواجهه لك ولاهلك جدام الناس

مو تاخذ وحده تتفشل تقدمها للناس ماتعرف تلبس ولاتعرف السنع والا تتشخلع وتتفصخ (مايندرا عنك شناوي تاخذ)

وبعدين هالغريبه لما بتجيبها كلها سنتين 3 تعيش ملك وتتمسكن لييييييما تتمكن منك عقبها تاطا على علباك

وتحط راسها براس الكويتيه ..تعااااااااااال رقعها ياحبيييييييييييييبييييييي

 

[( مي )]

لا لا لا
بعد اقروا زيادة
http://www.alqabas.com.kw/Article.aspx?id=483271&date=22032009

يا حسرتنا


انا اخوي بيتخرج من الجامعة كان يحنن عالزواج
الحيييييين وبعد ما كل ربعه تزوجوا
يقول انا مينون اتزوج ؟؟ يقول اتزوج بحالة امي داعية علي @@
وكل ربعه اللي تزوجوا حاسدينه انه ماراح يتزوج
!!


خل اقولكم هالموقف
من يومين زوجي ياي من الدوام راحت بنتي امسكت له البجاما عند باب الشقة لووول
قالها لحظة بابا خل أدخل وأبدل
الحقته لي الغرفة بتفصخ تكرمون دلاقاته ههههههه
واهو متشقق بس يقولها حبيبتي وخري مشكورة
جان اقوله على ضحك

يحليلها بنتي فيها عرج سوري
جان يشوفني ويقولي بضحكة على طنازة
زين ماشالله عارفة السوريات شيسوون لرياييلهم @@

مرت لحظة صمت
قلت له شالمطلوب يعني ؟؟

قالي لا سلامتج
قلت له انا حدي اذا تبي اقولك اهلا ابن عمي غير جذي لويتهم وايد لووول

ياربي هالرياييل قبل لا يشوفون عيوبنا ونواقصنا خل يشوفون عيوبهم لا منهم ولا من أهلهم
راح يكتشفون انا احنا متحملينهم اهم والحمولة والعايلة بكبرها ومتحملين ملاقة ربعهم وسفراتهم وطلعاتهم ومزاجهم المتقلب وروحتهم للدوانية والقهوة والمباريات ولويتهم كلها اكثر مما اهم متحملينا