سمعتوا عن هالسالفة ولا لأ .. ؟

[6moo7]

السلام عليكم ورحمة الله وبركاته






بنات ..







آنا خريجة كلية الدراسات التجارية تخصص (قانون) من سنتين ونص
وميتة على ما أكمل بكالوريوس :eh_s(2):
تدرون الدبلوم الحين جنه متوسطة
وسنيــــــــــن واحنا نسمع بيطبقون الكالوريوس بكليات الهيئـــــــــة
وماكو شي ..
أدري ربعنا يومهم عن سنــــــة
بس لي متى ننطر ؟؟ :lkmnkl:
وتخصصنا ماتقبله جامعة الكويت ولا هو موجود في الجامعات الخاصة اللي هني
وبرا مانقدر نطلع .. تدرون بـــنــــات وما ينفع
وذلك اليوم رحت مع أختي اللقاء التنويري حق المستجدين
وسولفنا شوي مع وحدة من بنات الاتحاد فسألتها عن هالسالفة
فقالت السنة الجاية بيطبقونه .. قلت لها : اي هين
قالت لااااااااا احنا قالوا لنا خلاص السنة الجاية ومن هالحجي
وآنا في قرارة نفسي مو مصدقة بس أتمنى أصدق
قلت لها حق أي التخصصات .. قالت كل التخصصات كل الكلية يعني
قلت لها انزين احنا متخرجين من كذا سنة ، عادي نرد ونكمل
قالت اي بس شرط يكون معدلج 3 نقاط

اللي بعرفه الحين صج هالسالفة ولا حجي كالعادة
تكفوووووون اللي عندها خبر موثوق .. ترّيحنا
الله يريحها دنيا وآخرة
وتحديداً عن تخصص القانون ..
لأن تخصصنا جديد وأخاف يتأخر عن باجي التخصصات​

 

[بنت غازي]

احم احم

up لعيونك العسليه

 

[B6O6A CUTE =)]

up

 

[pure.soul]

ما ادري ، صراحة ما عندي فكرة عن هالمضوع نهائياً ..

إن شا الله البنات يفيدونج

 

[كويتيه كيوت000]

حجي مو صج اخذيها مني
و الاتحاد مع احترامي لهم اخر ناس اتصدقينهم

 

[** شيخة **]

من صجج مصدقتهم ؟؟

انا بكلية الحقوق

وقبل فتره دكتور عندكم كلم دكتوره عندنا مو راضين اصلاا


وتبين الصراحه وبدون زعل من حقهم لاان فرق كبير حييل بالدراسه وماتوقع ينفع يعادلون

بس لهم وظاايف ترى عادي وجربي تكملين برى اتوقع يعادلون لج

بس بالكويت مااتوقع ولاا تصدقين كلام القوائم كله خراابيط رووحي انتي وسالي

وبالتوفيق حبووبه

 

[6moo7]

بنت غازي

احم احم
up لعيونك العسليه

يسلم عيونج الخضر :sfg:
مشكورة

B6O6A CUTE
الله يرفع قدرج .. مشكورة

pure.soul
مشكورة حبيبتي .. كافي نورتينا بطلتج

 

[6moo7]

حجي مو صج اخذيها مني
و الاتحاد مع احترامي لهم اخر ناس اتصدقينهم

أدري جماعة الاتحاد يبالغون أحياناً
بس معقولة البنت تتكلم من فراغ
أكيد سامعة شئ من هذا القبيل !!

من صجج مصدقتهم ؟؟

انا بكلية الحقوق

وقبل فتره دكتور عندكم كلم دكتوره عندنا مو راضين اصلاا


وتبين الصراحه وبدون زعل من حقهم لاان فرق كبير حييل بالدراسه وماتوقع ينفع يعادلون

بس لهم وظاايف ترى عادي وجربي تكملين برى اتوقع يعادلون لج

بس بالكويت مااتوقع ولاا تصدقين كلام القوائم كله خراابيط رووحي انتي وسالي

وبالتوفيق حبووبه

آنا مو مصدقة
ودي أصدق
عندي بصيص أمل متمسكة فيه وماكو شي بعيد عن الله
شيخه ماتعرفين اسم الدكتور اللي عندنا اللي ذكرتيه ؟
ومدام كلم (مره) أكيد بترفض
مو شي الحريم يمسكون مناصب

آنا معاج ان دراستنا تفرق عن دراستكم
طبيعي أنتوا أصعب
مو شرط يحطونا سنة ثالثة
ردونا سنة ثانية .. ميخالف راضيـــــــــن
بس ناخذ شهادة جامعية
بعدين اذا صار قبول لنا .. عندكم
راح يكون بس للمتفوقين
أقولج شغلة بعد ..
والله أساتذتنا كانوا يقولون لنا بعض الطلبة المفروض مايكونون هني (التجاري)
المفروض بالجامعة
لأن مستواهم عالي

وبرا ما أقدر أطلع
والقوائم الطلابية .. الله يسامحهم إذا كانوا يقصون علينا :eh_s(2):
آنا ودي أسأل بس مو عارفة أتوجه بالسؤال لمنو بالضبط ؟

ومشكورة (شيخه) وخشي لي كتبج يمكن ربج يسهل ونصير زملاءكم السنة الجاية
اللهم آميــــــــــــــــــــن​

 

[أإلع ـشق دلع ـهـأإ]

اي حبيبتي باذن الله راح يطبقون القرار ..

انا استاذي سلمان الخريبط تخيلي شهر ماداوم كله يغيب يوم جا قلناله متاخرين يااستاذ ومن هالحجي قاىل انا تاخرت لانه حطوني من اللي والله مادري شنو بس شغله بالكمبيوتر قال حق البكالريووس قال راح يطبقونه عليكم الامير الشخ صباح وافق عليها من زمان علشان عيالينا ماييدسوون بره .. قالنا يمكن يبيلها سنه وتكتمل .. قلنا احنا يطبق علينى قال أمممممم مااعتقد بس تقدرون تكملون ذا اخذتي فوق النقطتين ونص
وعلمنا كل شي شنو راح يصير ..

يعني ان شاء الله راح يطبق تبين تتاكدين روحي عند استاذ سلمان الخريبط بمكتبه قدام مكتب فايزه العبدالله بالضبط واساليه لانه من الاعضاء اللي يسوون ..

 

[قطيووه^_^]

اب اب اب اب

 

[بقايا العطر..}]

طمووح

والله صراحة نكج اسم ع مسمى انتي انساانة عندها طمووح ابررك من واايد نااس
عموما خلينا نقولج اللي نعررفه
انا بالحقووق وكل دكاترتنا معاارضيين هالشي ان خريجين دبلوم القانون يكملون بالحقوق
الشغلة الثانية حتى لو صار هالشي ما اتوقع يدخلونكم من سنه 2 يمكن تبدون من سنه 1
لان خريجين كلية الشرطة يدشون من سنه 2 او مرات يعادلون لهم ويدشون ب 3
ونصيييحة لا تصدقييين الاتحااد لان حجيييهم بييع برررد لا اكثر ولا اقل
بس خلي عندج طمووح

والاخت اللي قالت ياخذون نقطتين ونص << ما ادري ع اي اسااس لان التحويل عندنا بالحقوق
ما يقبل الا 3.66 :\

عمووما مووفقه خيتوووو

 

[нάγoηά cнεмίsтяγ]

والله هالموضوع محد يقدر يأكد عليـه .. انشالله يارب صج
ويطبقونه لكم و لنا بالتكنولوجيا والله يوفقنا اجمعيـــن

 

[6moo7]

اي حبيبتي باذن الله راح يطبقون القرار ..

انا استاذي سلمان الخريبط تخيلي شهر ماداوم كله يغيب يوم جا قلناله متاخرين يااستاذ ومن هالحجي قاىل انا تاخرت لانه حطوني من اللي والله مادري شنو بس شغله بالكمبيوتر قال حق البكالريووس قال راح يطبقونه عليكم الامير الشخ صباح وافق عليها من زمان علشان عيالينا ماييدسوون بره .. قالنا يمكن يبيلها سنه وتكتمل .. قلنا احنا يطبق علينى قال أمممممم مااعتقد بس تقدرون تكملون ذا اخذتي فوق النقطتين ونص
وعلمنا كل شي شنو راح يصير ..

يعني ان شاء الله راح يطبق تبين تتاكدين روحي عند استاذ سلمان الخريبط بمكتبه قدام مكتب فايزه العبدالله بالضبط واساليه لانه من الاعضاء اللي يسوون ..

ياريت (دلع) الله يسمع منج إن شاءالله
بس متى صار هالحجي بالضبط ؟
وأستاذ سلمان شنو يدرس وبأي كلية ؟
ونبي تفاصيل أكثر إذا أمكـن
يعني تهقين انبلش السنة الجاية ولا بتطول السالفة أكثر؟
مثلاً على مايخلصون المبنى الجديد بالعارضية ؟ أو ينطرون الأساتذة اللي
ابتعثوهم للدكتوراة .. لأن أغلب قسمنا (ماستر) شهايدهم !!
ما أدري آنا قاعدة أخمن لأن عارفة الوضع

ماتدرين هالموضوع شكثـر مهم بالنسبة لي
ومشكورة والله يعطيج العافية​

 

[{ PiNk }]

تصدقين صج الكورس الي طاف فقدنا الكثير من الاساتذه يقولون راحوا بعثات
صح ممكن يكون ابتعاثهم ضمن خطة البكالريوس !

والله حتى انا هالكورس بتخرج وان شاءالله بمعدل حلو وودي لو اكمل
بس الاساتذه كل يوم عندهم حجي غير !

اذكر قبل كورس كان فيه ندوة حق اسألة الطالبات لرؤساء اقسام كل التخصصات
وكانت اغلب الاسئلة عن موضوع البكالريوس
وماكان فيه اجابه واضحه منهم .. حتى العميد ما عنده فكره بس الشي الوحيد الي قاله
ان اذا تطبق نظام البكالريوس بيقبلون الكل مو على المعدل !!!
بس كان قسم المحاسبه اهو الوحيد الي متحمس ويقولون انهم حطوا خطت البكالريوس من زمان بس الوزير ماكان موافق عليها
يقول البنيه التحتيه لتطبيقي ما تتحمل ..
عاد على كلام الاستاد ان القاعات والمباني ما تتحمل نظام ودراسة البكالريوس من قاعات و مختبرات الخ
احتمال انهم ينطرون المبنى الجديد يخلص


وانا صراحه من دخلت التجاري والاساتذه دائما يقولون كان عندنا اجتماع عشان خطت البكالريوس وكل استاذ يقول لنا حجي غير !
لدرجة ان استادنا يقول تخصص الاداره بروحه راح ينقسم حق اربع اقسام !
بيكون تخصص ادراه بشريه و ادارة ماليه و نظم معلومات وما ادري شنو بعد !

ودائما الاساتذه يقولون التجاري بيصير بكالريوس دريتوا !!
اي متى ؟
جريب ان شاءالله !

ما ادري بس انا متفائله بالانتقال للمبنى الجديد

وان شاءالله خيـر






وسلمان خريبط يدرس اداره بالتجاري

 

[بنوتـــ عسل ـــة]

والله ما ادري


بس انتمى الصراحة ^_^

 

[مـــــــذهـلـة]

انشالله يارب يطبقون البكالوريوس لكم وللعلوم الصحيه

 

[6moo7]

قطيووه^_^
مشكـورة ع الرفـع

طمووح

والله صراحة نكج اسم ع مسمى انتي انساانة عندها طمووح ابررك من واايد نااس
عموما خلينا نقولج اللي نعررفه
انا بالحقووق وكل دكاترتنا معاارضيين هالشي ان خريجين دبلوم القانون يكملون بالحقوق
الشغلة الثانية حتى لو صار هالشي ما اتوقع يدخلونكم من سنه 2 يمكن تبدون من سنه 1
لان خريجين كلية الشرطة يدشون من سنه 2 او مرات يعادلون لهم ويدشون ب 3
ونصيييحة لا تصدقييين الاتحااد لان حجيييهم بييع برررد لا اكثر ولا اقل
بس خلي عندج طمووح

والاخت اللي قالت ياخذون نقطتين ونص << ما ادري ع اي اسااس لان التحويل عندنا بالحقوق
ما يقبل الا 3.66 :\

عمووما مووفقه خيتوووو

عطر .. صحيح آنا طموحة الحمدلله بس مو حاصل لي
آنا عن نفسي راضية يردوني سنة أولى بس المهم آخذ شهادة جامعية
والاتحاد (الله يسامحهم) بدال مايفتحون كافتيريا بالمعهد الفلاني
ويزيدون مواقف بالمعهد العلاني .. خل يراكضون على هالموضوع
جهودهم مشـكورة بس في أشياء مهمة وأشياء أهم ..
وبالنسبة للأخت (أإلع ـشق دلع ـهـأإ) قالت نقطتين ونص نقلاً عن كلام
أستاذ سلمان الخريبط لهم ..

مشكورة على مشاركتج (عطر) والله يوفقنا أجمعيـن​

 

[6moo7]

والله هالموضوع محد يقدر يأكد عليـه .. انشالله يارب صج
ويطبقونه لكم و لنا بالتكنولوجيا والله يوفقنا اجمعيـــن

آميــــن يارب العالميـن كل كليات الهيئـة

آنا ودي أسأل الأشخاص المعنييـن باتخاذ القرار
بس ما أدري منو
الهيئة ولا الجامعة ولا التعليم العالي ولا وزيرة التربية ولا منو
يقدر يفيدني بهالموضوع ؟..​

 

[NooN XD]

انا مكلمه سلمان الخريبط
وقالي انه راح يطبقون البكالريوس حق تخصص اداره حاليآ اما التخصصات الثانيه احتمال ماكو بكالريوس او انهم بعدين يخططون لها اللي اقروه تخصص اداره!
وصح قالنا نزل مرسوم اميري بالقرار انه يخلونه بكالريوس
واهما كانو ماخذينه مع لجنة اللي يحطون المناهج ويدرسون الخطه ..
قالنـا يبيلهم 6 شهور يدرسون السالفه والمناهج والكتب
و 6 شهور يطبقونها !
يعني ع الكورس الثاني 2010-2011 او الكورس الاول 2012
والتكميل راح يكون بس للي معدلهم فوق 2,7
واللي تخرجت بمعدل اقل من جذي تقدر تشتغل بالحكومه 5 سنين بعدين تكمل دراستها !
واذكر قالنا مجال الدراسه راح يكون تطبيقي اكثر مو نفس الجامعه مادري شنو قصده!
هاذا اللي اذكره

 

[design girl]

والله الحجي زاد بس اتمنى لكم كل التوفيق انا رفيجتي كنا نسولف بهالسالفه جان تقول رراح يصير باكلريوس بس مو لكل التخصصات للحاسب الالي بالتحديد لانهم بس طلبة علمي - عاد هالحجي صح غلط الله اعلم بس حبيت اشاركم الموضوع