سمعتوا عن موظفات للي في الجمعيات ادخلوا

[النوالنو]

مرحباااااااااااااااااااا
بنات سمعت بنات اشكثر موظفات في الجمعيات بس مايدموان اي احد يوقع عنهم يستلمون معاشات وهم مايدموان والله زين اشرايكم بنات من سمع عنة

 

[غيوووض*]

سمعت عنهم بس معاشاتهم حرام

 

[أم منصـ 85 ـور]

يعني نكج فاعلة خير .. ترضين معاشج يكون سحت .. مال حرام

 

[أحلام خانها التعبير]

اي والله حرام بحرام

 

[^^دموع الكويت^^]

طبعاً اختي ما يجوز تاخذين معاش على الجاهز بدون اي تعب !!!!!!!

 

[supermarket]

الله يبعدنا عن المال الحرام

 

[النوالنو]

والله حرام زين للي عندة ظروف ماتقدر دوام محتاجة الوظيفة شلون

 

[الفرحه السجينه]

والله حرام زين للي عندة ظروف ماتقدر دوام محتاجة الوظيفة شلون

ظروف ما تدوام وتاخذ معاش ؟؟؟؟ يبا كلنا عندنا ظروف ونداوم غصب من صجج .. اللي عنده ظروف ينسدح بالبيت ولا يتوظف

بس انا اعرف ان في سكرتيرات بالجمعيات بس عمري ما سمعت انهم ما يداومون

 

[بنت الكويت العسل]

والله حرام زين للي عندة ظروف ماتقدر دوام محتاجة الوظيفة شلون

اختي مافي شي عند الله اسمه عنده ظروف ومايقدر يداوم وياخذ فلوس حرام اقل شي يبيع اي شي ويطلع فلوس بدل لا يمد ايده على الحرام بعد البوقه شتفرق عن هالحركات
هذي مثل وحده معانا بالدوام 6 شهور تاكل سحت وتقول عيالي فيهم مرض وانا ادرس بالجامعه المفتوحه تاكلين عيالج من مال حرام وتدرسين من فلوس حرام وين الله يوفقج وشوفي شلون طاحت وصادوها والحين تالينها تحقيق لا وتحلل اللي مسويته تقول عادي ماسويت شي بس اهي تدري من ناحية الحرام انها حرام بس عادي رابيه على الحرام اهي دامها راضيه بهالشي يالله لا تبلينا
وتقول عن اللي يشتغلون بالجمعيات وتقول انا مثلهم حالي من حالهم والله هالاشكال ماادري شلون تحلل الحرام استغفر الله الحين خل ينفعها لمن تتبهدل بالقانونيه وتطلع معاشات 6 شهور ماداومت فيها لا والعياره الزايده اللي فيها تبي تسوي الحركه مره ثانيه بعياره انه فيها ديسك وتبي اعفاء بس شوفي ربج طلع لها اللي يوقفها عند حدها مااستحت من الله عشان تستحي من خلقه

ديري بالج اختي ترا وراها حساب وفوقها مسئوليه وتبهدل بالقانونيه

 

[سبحان الله^الحمدلله]

صاجين البنات

 

[حبنا الله عليه]

ما أدري عن الجمعيات

بس اللي اعرفه ومنتشر ان الكثير من الناس موظفين وموظفات مضبطين امورهم ومايداومووون وسنة عن سنة تزيد النسبة يعني في من معارفنا جذي ومن معارف رفيجاتي كلهم وبأماكن ثانية أسمع ...... الخ حتى الحين الناس تدور واسطات تقعد بالبيوت وياخذون معاشات .

واقترحوا علي لو ابي بس من غير تفكير الموضوع بكبره

حراااااااااااااااااااام

 

[dan]

اشدعوه حتى دوام الجمعيه مالكم خلقه الدنيا مو معاش واكل و نوم حرام على الاقل شرحي ظروفج حق مجلس الاداراه مثلا اداومين ساعات معينه باليوم
و كلها جمعيه و بنات اشيبون منكم شغل بيعطون اكيد شغلات بسيطه بس
التوفيف للجميع

 

[supermarket]

صدقوني معاشكم مو حلال

انا ماني ملزومة اداوم لاكرت ولا بطيخ ... بس المراقبة الذاتية ( داخلي ) تحتم علي اداوم

 

[بنت الكويت العسل]

اصلا في شي اسمه اعفاء وقانونيه ومجلس طبي تعطيج حق بتقليل ساعات العمل لمن يدرسون حالتج بس كلش ماتداومين وتاخذين فلوس ماصارت ولا استوت وحتى لو يات بواسطه الفلوس حرام ومافيها بركه ومن غشنا فليس منا هذا كلام الرسول عليه الصلاة والسلام ناس عندها امراض خطيره ومقللين لها بس ساعات العمل لكن ماتداوم بالمره ماصارت يعني الصاحي يصير احسن من المريض الله لايبلينا

 

[Raveena]

حرام


مايجوز تاخذين معاش بدون ما تشتغلين

 

[قمر ضاوي33]

اعوذ بالله


الله يبعد عنا الحرام

 

[girl_in_abottle]

اشفيج فاعلة خير الله يهاج
اشلون تقوليلن "والله زين" مايداومون و ياخذون معاشات
الله وينة؟؟
و كل العالم عندهم ظروف
هل شي ما يحلل الحرام

 

[النوالنو]

للهم اكفني بحلاللك عن حرامك

 

[أمانيQ8]

رفيجتي متوظفه بجمعية من جمعيات العاصمه واداوم كل يوم ماتفوت ولا يوم اتهقون جم معاشها!!
195دينار فقط لا غير اقولها مايسوى الدرب اللي اطقينه من منطقتكم لي اهني