سمعتوا بشفط دهون الانف ؟؟؟؟؟؟؟؟؟؟؟؟؟؟؟

[ام الحلويين]

السلام عليكم

قريت بمنتدى ان في بديل لتجميل الانف يعني مو نفس النتيجه بس شي مافيه شك وحرمه ان شاء الله يعني في دكاتره يسحبون الدهون اللي تصير بالخشم وتخليه اكبررررررر من حجمه الطبيعي !!

صج هالكلام ؟ ومنو سامع فيه ؟ واحد جربه ؟؟

صراحه انا مستحرمه سالفة التجميل هذي
وبشوف سالفة شفط دهون الانف :eh_s(6):

ها احد عنده فكره ؟ :eh_s(8):

 

[ii DareeN ii]

مامر علي بصراحه بس اتوقع يضل تغير في خلقه الخالق

 

[Brounzi_girlly]

أول مرة صراحة أسمع
مع التحية...........

 

[coffee]

اهلين ام الحلوين

اللي اعرفه اللزقات تشيل الدهن والدهن بدوره يكبر الخشم

 

[ام الحلويين]

مامر علي بصراحه بس اتوقع يضل تغير في خلقه الخالق

شلون تغيير ياقلبي ؟ لانها دهون متكوده بهالمكان وتعطي الانف اكبر من حجمه ؟

بسأل واشوف ... مشكوره حبوبه :eh_s(17):

 

[ام الحلويين]

أول مرة صراحة أسمع
مع التحية...........

:eh_s(8): :eh_s(17):

 

[ام الحلويين]

اهلين ام الحلوين

اللي اعرفه اللزقات تشيل الدهن والدهن بدوره يكبر الخشم

هلا ياقلبي :eh_s(8):

اعرف اللزقات بس اللي قريته ان في دكاتره يزيلون الدهون المتراكمه اللي ماتقدر اللزقات تشيلهم

ننطر احدا سامع او عنده فكره :eh_s(1):

حياج حبوبه :eh_s(17):

 

[أسيرة قلبه]

وناااااااااااااااااسه

وايد اسهل من العمليه

 

[Cup-Cake]

شي حلو والله

مافي حد مستعد للبنج والجراحه

ازالت الدهون ارحم

 

[ام الحلويين]

ادري وناااسه وحلوو ويهبل بس محد سمع عنه منو نسال عشان نعرف

بحووس بالنت ادور شي يفيدنا بهالتطور الفتاااك

 

[حبيبته آنا]

اول مره اسمع بهالسالفه!!!!!!!!!!!!!!!!!!!
عموما ماراح ادور واتعب قلبي لاني سويت خشمي وافتكيت وصار اشحلاته ويهبل وبدون دهون خخخخخخخخخ

 

[ANGELICA]

شدعووووووووه شهالعبوووووو::eh_s(4):

شوية دهون تكبر الحجم الى الحد اللي يستدعي شفط :eh_s(10): خو الكرشش وقلنا

بس احس حتى بعض دكاتره كصاروا يتفنتقون من اجل الماده

بيور تكفي

 

[lady_flana]

انا مسويه
اللي اعرفه ان شفط الدهون اللي بالانف لازم جراحة.... لان الدكتور اللي سوالي سواه ضمن التجميل وكيفكم.... ولا تقولون التجميل حرام لان في حالات تشويه يجوز معاها التجميل...وكل حاله لازم ينسال عنها بروحها...يعني لا تعممون بليز..
ترى مو قصدي شي. بس كل ما نتكلم عن التجميل قالوا حرام ومايجوز..مو الكل يبي يصير مملثين ومطربين..ولما نسال عن كل حاله نلقى الدين مسهل وميسر...
حبيبتي صاحبة الموضوع.. روحي الدكتور وساليه وراح يقولج عن شفط الدهون...يمكن انتي حاله خاصة ويسوي لج شفط من غير تجميل..مع اني احسها صعبة..اذا انت مستحرمة التجميل..وسالي عن حالتج عند المشايخ..يمكن يجوز

 

[noty]

دير ماكو شي جذي .. يمكن انتي فاهمة غلط .. ماكو دهون و من هالكلام

لما الواحد بغير شكل الخشم مو بدهن او يلد .. الشغل كله بالغضروف دير ..

و شوفي اي و احد خشمه عريض يتم عريض بس يغيرون الغضروف اللي جدام..

مثال ديانا حداد ,, مايكل جاكسون ,, نوال الزغبي ...

بس انه دهون ,, هذي الدهون تتيمع عاليلد و مالها اي تاثير بكبر او صغر الخشم

وايد ناس حسبلها يسحبون من صوب الخد او شي جذي

الشغل كله من النص و يشتغل بالنص بس ,, اما الاطراف اتم مثل ما اهي

 

[ام الحلويين]

اول مره اسمع بهالسالفه!!!!!!!!!!!!!!!!!!!
عموما ماراح ادور واتعب قلبي لاني سويت خشمي وافتكيت وصار اشحلاته ويهبل وبدون دهون خخخخخخخخخ

الله يهنيج ياقلبي .. بس انا خايفه من سالفة تغيير في خلق الله والحمد لله على نعمة العافيه :eh_s(17):

 

[ام الحلويين]

شدعووووووووه شهالعبوووووو::eh_s(4):

شوية دهون تكبر الحجم الى الحد اللي يستدعي شفط :eh_s(10): خو الكرشش وقلنا

بس احس حتى بعض دكاتره كصاروا يتفنتقون من اجل الماده

بيور تكفي

والله مادري عن هالدكاتره كل طالعين لنا سالفه عاد انا استانست شي احسن من لاشي وبيوور ماتسوي شي :eh_s(4):

 

[ام الحلويين]

انا مسويه
اللي اعرفه ان شفط الدهون اللي بالانف لازم جراحة.... لان الدكتور اللي سوالي سواه ضمن التجميل وكيفكم.... ولا تقولون التجميل حرام لان في حالات تشويه يجوز معاها التجميل...وكل حاله لازم ينسال عنها بروحها...يعني لا تعممون بليز..
ترى مو قصدي شي. بس كل ما نتكلم عن التجميل قالوا حرام ومايجوز..مو الكل يبي يصير مملثين ومطربين..ولما نسال عن كل حاله نلقى الدين مسهل وميسر...
حبيبتي صاحبة الموضوع.. روحي الدكتور وساليه وراح يقولج عن شفط الدهون...يمكن انتي حاله خاصة ويسوي لج شفط من غير تجميل..مع اني احسها صعبة..اذا انت مستحرمة التجميل..وسالي عن حالتج عند المشايخ..يمكن يجوز

يمااااااااااااااااااااااا جراحه لابطلت :eh_s(4):

وبعدين ياقلبي مو احنا نقول حرام هذا كلام ديننا وشرع الله ومايجوز تغيير في

خلقته سبحانه الا في حالات معينه حددها الشرع ولله اعلم :eh_s(7):

وبشوف دكتور واسال الف شكر ياقمر

 

[ام الحلويين]

دير ماكو شي جذي .. يمكن انتي فاهمة غلط .. ماكو دهون و من هالكلام

لما الواحد بغير شكل الخشم مو بدهن او يلد .. الشغل كله بالغضروف دير ..

و شوفي اي و احد خشمه عريض يتم عريض بس يغيرون الغضروف اللي جدام..

مثال ديانا حداد ,, مايكل جاكسون ,, نوال الزغبي ...

بس انه دهون ,, هذي الدهون تتيمع عاليلد و مالها اي تاثير بكبر او صغر الخشم

وايد ناس حسبلها يسحبون من صوب الخد او شي جذي

الشغل كله من النص و يشتغل بالنص بس ,, اما الاطراف اتم مثل ما اهي

انا اقصد يسحبون دهون من الخشم نفسه مو من الخد وجذي يعني تخف الكعبوره شوي :eh_s(6):
وااااي قطعتي الامل اللي كان عندي :eh_s(16):

عموما بسال واشوف < كل يوم بتسال مادري متى ؟! :eh_s(13):

حياج خيتو :eh_s(17):

 

[lady_flana]

ام الحلوين... الظاهر انتي فيج من مشكلتي..ترى حسب اللي قرايته وفهمته..اكو انواع من البشرات تجمع دهون وتكبر حجم الخشم..ويمكن انتي تلاحظين هالشي على خشمج كان اصغر من حجمه الحين؟؟؟؟؟ يعني نفس الشحوم والدهون التي تتجمع بالجسم لما نكبر..مو هذا اللي يصير..
ويمكن بالكبر..لما نكبر اكثر "مع اني ما احب سالفة الكبر والعمر"
راخ يكبر اكثر ترى..شوفي سالي بالتفاصيل اكثر عند الاطباء بعدين دوري بالدين عن حالتج...والله معاج

 

[ام الحلويين]

ايييييييييييي انا هذا قصدي ياقلبي يعني احس خشمي كبر بفعل التغيرات الجويه واحس كل مساوء فصول السنه مرت عليه وصارت حالته يرثى لها < < الاحوال الجويه خخخخخخخخخخخخخخخخخ
وانا مثلج مااحب سالفة الكبر نبي نظل صغار داااايم خخخخخخخخ وصح انا قريت كل مايكبر الانسان يكبر خشمه معاااااه شي يضيق الخلق
وبشوف لي دكتور زين وابلغكم شصار معاي ....... ومشكوره ياقمر