سمعتك تناديني

[خوخه تحب الدوخه]

هااااااي بنات شلونكم :eh_s(8):
اسفه على التأخير وااااايد:eh_s(7):
و انشالله الحين انزل البارت و انشالله يعجبكم:eh_s(8):​

 

[خوخه تحب الدوخه]

البارت الرابع عشر​

جمانه: نعم .........لوسمحت انا مو فاضيه حق هلسوالف و اذا انت ما عندك خوات تخاف عليهم انا عندي اخوانيخافون علي​

​

.........:: جمانه انا موقصدي بس بغيت اسلم عليج​

جمانه: و منو انت الي تبيتسلم علي انا لا اعرفك و لا انت​

.............:: شلون مااعرفج وانا اتنفس هواج​

جمانه عصبت حيييل و كانتتبي تسبه بس تعوذت من الشيطان:اخوي لو سمحت لا تدق مره ثانيه لا توصل للمخافر​

.......: ما تبين تعرفينمنو انا​

جمانه: تره عطيتكويه...............يلا فارج ومابي اشوف رقمك بعد​

و سكرت التلفون بويها قبللا تسمع منو اهوه​

​

​

في بيت ابو حسن​

ابو حسن ناطر البنت الييحبها خليل و اهوه متشوق حيييل لانه يدري انها وحده من بنات اخوانه و كان مقرر انهاول ما يشوفها راح يخطبها من اخوه​

انطق الباب ​

ونزل خليل بسرعه يبي يبطلالباب حق حبيبته​

شافه ابوه و ظحك​

ابو حسن: شوي شوي ماراحيطيرون​

خليل ظحك مع ابوه و راحبطل الباب​

دخلت مريم و خديجه​

ابو خليل محتار اي وحدهفيهم يحب معقوله خديجه​

بس حسن كان يحب خديجه مومعقوله خليل ما يفكر بأخوه و يحب حبيبته بعدين طالع خليل الي ما شال عينه عن مريمو فهم انه يحب مريم​

ابو حسن: هلا والله ببناتاخوي حياكم يبه دخلو ليش واقفين عند الباب​

راحو البنات سلمو علىعمهم​

قعد خليل يم ابوه و ظليخز مريم و مريم مستحيه من نظراته الي ماكلتها​

مسكت مريم تلفونها و طرشتحق خليل(بسك خز لحد يلاحظ)​

ابتسم خليل و طرش: (ليشعادي مو بنت عمي و حبيبتي و ام عيالي انشالله)​

اهني مريم بغت تموت وطرشت: (خليييل بسك تره والله اروح بيتنا)​

و مريم قلب ويهها اللوان​

خليل ظحك بصوت واطي(واللهفديت الي يستحون و الله مريم عمري ما راح اخليج و تأكدي بعد سنتين انا طاق باببيتكم و خاطبج)​

مريم ابتسمت و دمعت عينهالانها من كانت صغيره كانت تتمنى تتزوج عن حب مثل القصص الي تقراهم و نفس سندريلا وسنوايت و غيرهم و كانت دايما تدعي ربها انها صج تلقه الي يستحق انها تحبه​

ابو حسن انتبه لمريم وعيونها الي تلمع: مريومتي شفيج يبه ليش تبجين فيج شي ​

مريم: لا عمي ما ابجي بس علشان نعسانه و سهرانه طول الليل​

ابو حسن و كان قاصديحرجها: الله يهداكم شعندكم تسهرون لاعندكم عيال و لا تحبون و تسهرون مع حبايب القلب​

مريم و خليل انقلبتاللوانه و كل واحد ييخبي ظحكته​

نزلت انوار و سلمت علىالبنات و صعدو فوق ​

و اهمه صاعدين خليل نادهانوار​

خليل: انوار​

انوار: هلا​

خليل: ليش تصعدون خليكمتحت انا قاعد بروحي​

انوار: لاوالله...........حلوة منك روح نام احسن​

خليل:يلا عاد لا تصيرينجذي قعدو معاي​

مريم: حراام انوار خلينانقعد معاه​

انوار و خديجه يخزون مريمو اهمه ماسكين ظحكتهم: مريوووم شسالفه ​

مريم توهقت: هااا......لا ماكو سالفه بس حرام اخوج يقعد بروحه ​

انوار تدري انه مريم تحبخليل بس ما حبت تحرجها اكثر: لا مريمو امشي فوق​

خليل كان متشقق منالوناسه حبيبته تدافع عنه و مسك تلفونه و طرش لمريم: فديتج والله و يلوموني فيجيوم حبيتج​

مريم استانست و ردت عليه:هههههههههه و انا اموت فيك​

و صعدت تركض و وراهاخديجه اختها و جدامها انوار الي فاهمه السالفه من اول لانه خليل قايلها بس بغتتحرجها ​

خديجه كانت تدري بحب مريمو خليل بس ما بغت تخرب عليهم علشان جذي سكتت و ما تكلمت​

​

في بيت ابو بدر​

قعد ابوبدر على طاولهالطعام و كان الكل متيمع وكان ابو بدر تعبان و مبين على ويها​

بدر: يبه عسا ماشر تعبان​

ابو بدر و قصب يقولالكلمه: لا .يبه...... ماشر مافيني شي​

ام بدر: لا يا ابو بدرمبين عليك تعبان فيك شي تبي نوديك المستشفى​

ابو بدر: لا ام بدرمافيني شي انتو اكلو و وره الغدى اقولكم​

خلصو غدى و شربو الجاي وقعد بدر يم ابوه و امه يمه و صعدو الباجي فوق​

بدر: يبه قول شفيك​

ام بدر: ابو بدر شفيكخبصت قلبي قول تحجه​

ابو بدر و الدمعهبعينه:بدر و ام بدر بقولكم شي و هاذه الشي مابيه يطلع سامعين​

ام بدر و بدر: انشاللهانت بس قول​

ابو بدر: انتو تعرفونقظاء الله و قدره و اي شي يصير هاذه الله كاتبه لنا​

ام بدر: ونعم بالله قول​

ابو بدرو اهوه منزل راسه:انا.................فيني سرطان بلكلى​

ام بدر و بدر حاشتهم صدمهو محد قدر يسولف و فزو من صدمتهم من سمعو صوت زينب الي قامت تبجي و تصرخ​

ام بدر شبكت على بنتها وقامو يبجون و ابو بدر حضنهم و قام يبجي معاهم اما بدر دمعت عيونه و حاول يهديهمقبل لا تيي جمانه​

ابو بدر: زنوبه حبيبتي لاتقولين حق منصور و جمانه مابيهم يحاتون و اهمه عندهم امتحانات و انتي بعد يبه لاتفكرين لاني انشالله راح اتعالج و ماكو الا العافيه​

زينب و اهيه تشاهق :ان...........ِ.....شا.....لله​

ابو بدر باس بنت و باسمرته على راسها و قالهم بصوت مبحوح: انا راح اسوي تحاليل ثانيه على شان اتأكد وانتو ادعولي انه ما فيني شي​

ام بدر و زينب و بدر: انشاللهيا رب​

بد: يبه مته راح تسويالتحاليل ​

ابو بدر: انا سويتهم بسناطر النتيجه​

بدر: يبه اذا بغيت تروحتشوف النتيجه قولي ابي روح معاك​

ابو بدر: انشالله​

​

عند منصور بلمستشفى​

انطق الباب و دخلت بنت ​

البنت: صلووح قوم يبتلكالي تبيه​

منصور كان لاف ويها بسسمع صوت البنت لف ويها و شاف ملاك جدامه كانت بيضه و شعرها اسود و شفايفها ورديه ورموشها طوال و كثيفين و لونهم اسود غامج و كان جسمها اينن و كانت لابسه جنز سكنيابيض مع تي شيرت اخضر عليه اشكال بلأبيض كانت تهبل بمعنى الكلمه و تقريبا عمرها 17​

انصدمت البنت انه اليبلسرير مو اخوها​

البنت: اسفه اخوي عباليغرفت اخوي ​

منصور: لا عادي ما صار شي​

سمع صوت من وره البنت​

صوت بنت صغيره تنادي:ملاك ملاك تعالي هني غرفت صلوح​

منصور بباله: صج ملاك اسمعلى مسمى​

ملاك: انزين الحينايي........................ اخوي اسفه مره ثانيه ​

منصور: اسمي منصور ​

ملاك: تشرفتبمعرفتك.............مع السلامه​

منصور: الله يسلمج​

طلعت ملاك و ظل منصوريفكر فيها​

اما بندر الي انكسرتاريوله كان على الول جير​

يزور منصور كل يوم​

دخل بندر: منصووووور شفتالبنت الي توه اشحلاتها​

منصور: اي والله شفتهااتينن​

بندر: عاد اخوها نفسيهمالت عليه​

منصور: انت شكو بأخوها​

بندر: المهم شلونك الحين​

منصور : الحمدالله انتشلونك عاد لازم انا الي اييلك بس شسوي مالي خلق​

بندر: عادي بلعكس انا ابياطلع و اتمشى ما احب انحبس بمكان واحد​

منصور: الله يعطيكالعافيه........عيل شرايك تروح تيب لنا من الكفتيريا شي ينوكل​

 

[خوخه تحب الدوخه]

بندر:اوله تبين انزل تحت مره وحده​

منصور: عادي تغيير​

بندر: يالله امري لله​

منصور: لا تتأخر​

طلع بندر من غرفة منصور وقعد منصور بروحه​

بعد ربع ساعه دخلت ملاك​

ملاك: السلام عليكم​

منصور منصدم : هلا والله و عليكم السلام​

استحت ملاك بس كملت:شلونك منصور​

منصور بقلبه: شحلات اسميى من حلجها​

منصور: تمام انتي شلونج​

ملاك : بخير​

منصور: دوم​

ملاك: منصور بغيت اقولك شي​

منصور: قولي​

ملاك: انا اخت الي كان جدامكم و دعم الهندي و انحاش​

منصور@: انزين​

ملاك: صالح يقولك انه اسف و ما كان قاصد انه يصير كل هاذه​

منصور: لا عادي اصلا القلط من الهندي الله يرحمه اهوه الي عبر الشارع من دون لا يطل و يشوف في سيارات ولا لأ​

ملاك: مشكور ........تبي شي قبل لا اروح​

منصور بقلبه: ليش تبين تروحين الحين اففففففففف لازم اسوي شي يخليها تطول اككثر​

منصور: ما قلتيلي اسمج​

ملاك: اسمي ملاك​

منصور: و النعم صج اسم على مسمى​

صار ويه ملاك طماطه :هههههه مشكور .........يلا مع السلامه​

منصور بقلبه: فديت الظحكه بس ماني مخليج تروحين بهلسرعه​

منصور : ملاك​

وقام شوي و قام يصرخ​

منصور:اااااااااااااااااي ريلي ريلي (رجلي)​

ملاك خافت و قربت منه​

ملاك: منصور فيك شي ​

منصور: اي اي ريلي تعورني​

قربت ملاك و مسكت ريله(رجله)​

ملاك: اهني​

منصور طاير من الفرحه: اي اي هني اااااااااااااااااااي يعور​

ملاك: ما تشوف شر الحين انادي الدكتور​

منصور: لا لا خلاص الحين تصير زينه​

ملاك: اكيد​

منصور: اي اكيد​

قعدت ملاك على الكرسي الي جبال منصور​

ملاك: انت شلون سويت الحادث​

طبعا منصور استانس ما صدق على الله تقعد و قعد يقصلها القصه و اهيه تسمع و تظحك على خباله​

اما الحين خلونه مع جمانه الي قاعده بدارها و تفكر منو الي دق عليه ​

مسكت تلفونها و متردده تدق ولا تطرش مسج​

استقرت على المسج​

جمانه: ( ممكن تقولي منوانت)​

......:انا شخص اتمنالج كل خير​

جمانه: (خلصني منو انت)​

..........: انا الي عشقت المينونه من اول الووو​

جمانه انصدمت و قطت تلفونها على الفراش و ظلت تفكر​

عند مريم بغرفة انوار​

مريم: خدوج انا بمشي البيت اوكي​

خديجه: ليش خلينا ننام هني اليوم​

مريم: اوكي بس اروح البيت شوي اييب اغراضنا و ايي​

خديجه: اوكي لا تتأخرين​

مريم: اوكي​

طلعت مريم الي كانت متواعده مع خليل انه يوصلها البيت ​

خليل: ما بغيتي تطلعين ​

مريم: شسوي بعد​

خليل: انزين لا تمشين بسرعه شوي شوي​

مريم: ههههههههه اوكي​

خليل: فديييييييت الضحكه والله​

مريم و اهيه مستحيه: بسسس​

خليل: فديييييييييييت الي يستحون​

مريم: خليل اذا ما وقفت هلكلام بروح البيت ركض​

خليل: هههههههههههه تسوينها خبله​

مريم بدلع تسوي نفسها زعلانه: انا خبله.............الله يسامحك​

خليل: كلش ولا مريومتي انشالله اموت اذا زعلتج مره ثانيه​

مريم وقفت و قالت بعصبيه: لا تفاول على نفسك انشالله عدوينك​

خليل: مريوم تخافين علي​

مريم: اكيد اخاف عليك اذاما اخاف عليك عيل على منو اخاف​

خليل: تسلميلي​

وصلو البيت و دخلت مريم بعد ساعه و نص طلعت​

خليل: انشالله ما تزرعيني هني​

مريم: شسوي على ما تسبحتو عدلت اغراضي و اغراض خدوج و زهبت الحلاو​

خليل: وليش كل هاذه​

مريم : لاني ابي انام عندكم اليوم​

خليل بفرح:والله...........ونستيني يعني اليوم راح اقعد معاج و نسهر مع بعض​

مريم: ههههههههههههه اي​

خليل: يلا عيل خليني اوصلج و اروح اييب حلاو و ككاو و بطاط و عصير و كل الي تبون علشان تصير سهره جهنميه​

مريم: اوكي بس لا تتأخر​

خليل: انشالله ​

وصل مريم البيت و راح الجمعيه​

في الجمعيه​

كان خليل يمشي بين رفوف الككاوات و يحط من كل نوع ككاو يشوفه​

سمع صوت صارله مده موسامعه​

..................:جسوم تعال ابي ككاو​

جاسم: اخذي حبيبتي الحين ايي​

...........: انزين انت شنو تبي اي نوع​

جاسم: كل شي يطلع منج حلو​

..........: هههههههههه اوكي​

التفت خليل و تلاقت عيونهم​

خليل بصدمه: سمر​

سمر كانت حامل و مبين بطنها كبير شوي​

سمر :خليل​

و ظلو يطالعون بعض لين ماسمعو صوت جاسم​

جاسم: سمر خذيتي الي تبين​

سمر يتوتر:هاااا...........لا للحين تعال شوف شنو تبي​

جاسم: يلا مشينا​

خليل لف ويها قبل لايشوفه جاسم و تصير مصيبه​

خليل بقلبه: الله يوفقج يا سمر مع جاسم شكلكم مع بعض وايد حلو​

سمر كان قلبها يتقطع لماشافت خليل بس حبها لجاسم كان يهون عليها​

سمر كانت حامل بلرابع وكانت متنانه شوي فكان مبين بطنها ​

راح خليل البيت و معاه كل انواع الاكل و كان مستانس و نسه سمر من اول ما راحت لانه فكر لو ظل يفكر فيها هاذي خيانه حق مريم الي حبها من قلب​

اما عند بدر الي كانت همومه كبر الدنيا من وين يلقاها من ابوه المريض ولا من حبيبته الي تحب غيره ولا من شنو ولا شنو​

قعد بغرفته و سمح حق دموعه انها تنزل و بصوت واطي محد يقدر يسمعه غيره​

بدر:اااااااااااااااااااااااااااااااااااااااااااااااه ياربي ليش ليش ​

يارب خليلي ابوي ما اقدرعلى فرقاه و لا اقدر على المسؤوليه الي راح تصير علي و شلون راح اعيش وره ابوي يارب تكون التحاليل قلط و ابوي ما فيه شي يااااااااااااااااااااااااااااااااارب​

و ظل بدر يدعي لين ما نعسو حط راسه على المخده و نام​

يلا بنات الردوووووود ​

و مشكوريييين كل اليتابعوني ​

مس مزاجيه:ggdw:​

بي هابي بيبي:ggdw:​

وفوشيه الي اسعدني تواجدها و تشجيعها:ggdw:


لكم مني اجمل تحيه:ggdw::ggdw::ggdw:​

 

[حبيت بسكات]

واااااو الباااارت عجيييييب

منصور انشاءالله يتزوج ملاك خخخ
و ابو بدر انشاءالله ما يصيرله شيء
خليل الله يوفقة مع مريوم
سمر و جاسم الله يوفقهم كسرت خاطري سمر ما ادري ليش خخخ

و نااااااااطرررريييييننننج

 

[Miss MzajeYa]

واااااو الباااارت عجيييييب

منصور انشاءالله يتزوج ملاك خخخ
و ابو بدر انشاءالله ما يصيرله شيء
خليل الله يوفقة مع مريوم
سمر و جاسم الله يوفقهم كسرت خاطري سمر ما ادري ليش خخخ

و نااااااااطرررريييييننننج

اي والله انشاءالله كل شي صصصصح الا سممممممر خل تولي تغغغغغغغث


مشكووووووووورة ع الباااارت حببببببي

ناااااااااطريييييينج قللللللللب بباااارت يديييييييدة

 

[Miss MzajeYa]

اب اب اب اب اب اب

 

[حبيت بسكات]

لااا حرام Miss MzajeYa سمر تكسر خاطري خخخ
اب
اب اب
اب اب اب
اب اب اب اب
اب اب اب اب اب
اب اب اب اب اب اب

 

[^^ a7la w7dh]

قوووه حيااتي
صرااحه انا توني طايحه ع الروااية
وكلمة رووعه شويه عليها
ابداااع × ابداااع ..~ << ماشالله ..
وتسلم ايدينج على هيك روااية <3
ووو
ناطرتج بالبارت الياااي

 

[Miss MzajeYa]

لااا حرام Miss MzajeYa سمر تكسر خاطري خخخ
اب
اب اب
اب اب اب
اب اب اب اب
اب اب اب اب اب
اب اب اب اب اب اب

لااا ويييييع تغغغغغغغغغغغغغث ودي اذبحهاااا


اب اب اب اب اب اب اب اب اب اب اب اب اب اب اب :eh_s(9)::eh_s(9):

ويييتنق يوووو حيااااتي لاتتاخريين بلييييييز ناااطرييينج خخخ

 

[خوخه تحب الدوخه]

مشكووووورين بنات ونستوني و ااااااااااايد اليوم بنزلكم البارت
مس مزاجيه حبيبتي مشكوره على المتابعه من اول ما نزلتها و انت متابعتني:eh_s(22)::eh_s(22):

بي هابي بيبي مشكوره على المتابعه يا اوخيتي:eh_s(8):

فوشيه حياتي يسعدني تواجدت بروايتي و انشالله اتمنى اني اشوف ردودج مره ثانيه:eh_s(22)::eh_s(22):

احلا وحده مشكوووووره وااااااايد وااااااايد على التشجيع و انا سعيده بتواجدت بروايتي:eh_s(22)::eh_s(22):

حبايبي اسعدني تواجدكم و انشالله لعيونكم اليوم البارت نازل

بااااي:eh_s(8)::eh_s(8)::eh_s(8):
​

 

[خوخه تحب الدوخه]

البارت الخامس عشر ​

عند زينب الي الصدمهللحين عليها و مو متخيله عيشتها بدون ابوها ​

زينب تبجي بصوت كله ألم وحسره​

اااااااااااااااااااااااااااااااهاهئ اهئ اهئ اهئ ياااااااااااااااااااااااااااارب عطي ابوي من روحي و لا تخلي يروح عنه ويخلينه بروحنا بهلدنيا اهئ اهئ اهئ اهئاهئ اهئ اهئ اهئ ​

رن تلفونها و كان نادرسوته سايلنت و نامت​

​

بعد شهر و الكل عرف بمرضابو بدر و تم تأجيل ملجة انوار و سعد و عرسهم و زينب ما قامت تكلم نادر نفس قبل وجمانه صارت علاقتها اقوى بلي اتصل عليها عرفتوه و لا لأ و اذا ما عرفتو تره اهوهمحمد رفيج بدر و صارو يكلمون بعض بلساعات و لما درت جمانه بمرض ابوها صارت علاقتهااقوى مع محمد من اول لانها حست انها محتاجه انها تفضفض حق احد و مالقت احد غيرمحمد الي صار كل حياتها​

اما انوار و سعد اليتأجلت ملجتهم و عرسهم و الي ما كان لهم ذنب كانت حياتهم كلها بلتلفون طبعا اهمهملجو بس ما سيوو حفله​

اما خديجه فكانت تنطر حسنيطلب ايدها مره ثانيه بس للأسف شكله مو ناوي يرجع و يذل نفسه علشانها​

اما بدر فنسه خديجه و ظليفكر بأبوه و مرضه و إلي اليوم راح تكون سفرته علشان يعالج بره​

اما ام بدر الي ضعفت و ماقامت تاكل و صار جسمها ضعيييف و بينت عليها التجاعيد بشكل ملحوظ و اصفرار بشرتها وكل همها ريلها و شلون راح يكون بعد العلاج هل راح يرد لها ولا يخليها بهلدنيابروحها تعتني بعيالها و مشاكلهم و كانت جامده مكانها ولا قالت كلمه و كان الكلخايف عليها و يحاول يهديها بس مافي اي استجابه​

اما ابو نادر الي ردبسرعه علشان يودع اخوه قبل لا يسافر و كانت الدمعه بعينه و قعد يبوس اخوه على راسهو يدعيله انه يردله بلسلامه ​

و ابو حسن الي كان يروحالحمام و انتو بكرامه علشان يخلي ادموعه تنزل بحرقه و ألم على شكل اخوه و ضعفه وويهه الي صار ابيض بياض الثلج مع اصفرارخفيف و اعياله الي ما يقدرون يتمالكون نفسهم و يقعدون يبجون و خاصتا البنات اليصارو يبجون و محد يقدر يسكتهم​

اما الباجي كان شكل عايلهابو بدر يخلي الصخر يبجي فكانو البنات يواسون زينب و جمانه ​

و الامهات يواسون ام بدر​

اما الشباب كانو يواسونبدر و منصور الي طلع قبل اسبوعين بس الشباب ما كان تأثيرهم نفس البنات و ام بدرفكانو يروحون عند امهم يهدونها بعدين يروحون عند خواتهم يحاولون فيهم انهم يهدونبس ما كوو فايده​

فقرر نادر انه يروح حقزينب و يهديها​

نادر: زنوب.....................زينب حياتي​

زينب بين شهقاتها تطالعنادر و ادموعها مو مخليتها تعرف منو الي جدامها بس عرفت انه نادرمن صوته​

زينب: نادر......اهئ اهئاهئ اهئ ابوي بيخليني و يروح انا من يظل حقي اهئ اهئ اهئ اهئ​

نادر: زنوب لا تبجين بسخلاص قطعتي قلبي انا حقج و راح اظل حقج بس الله يخليج لا تبجين و انتي ادعي حق عميانه يرد لنا بلسلامه انتو سويتو عزا قبل لا يصير شي بس خلاص سكتي انتي و جمانهانتو قاعدين تزيدون عليه جذي​

زينب سمعت كلام نادر وسكتت​

نادر: فديت الي يسمعونالكلام​

زينب ظحكت من بين شهقاتها​

راحت زينب حق جمانه وهدتها و سكتو​

طبعا ما قلت لكم ابو بدرشلون كانت حالته النفسيه و الصحيه​

ابو بدر كان على الويلجير و كان ضعيف لدرجه انه صار هيكل عظمي كان كله ساكت و ما يتكلم و كان ويهاضعييييف و شعره قام يتساقط و صار كله ابيض و عيونها كلها دموع​

ابو بدر و لاول مره يتكلمبعد ما طلعت تحاليله :بدر​

بدر انصدم و علطول قامعند ابو: عيون بدر شبغيت يبه​

ابو بدر:ابي اوصيك بخواتكو امك​

بدر ماقدر يستحمل و نزلتدمعه حاره على خده: افاااا يبه ليش تقول جذي انت انشالله ترد لنا بلسلامه​

ابو بدر: لا يا بدر اذاعشت فهاذي معجزه من الله ​

بدر: لا يبه لا تقول جذي​

سكته ابو بدر:بدر انا ابياقولك شي و ابيك تنفذه فاهمني​

بدر و الدموع قامت تنزلاول مره بحياته يشوف ابوه ضعيف و مو قادر يسوي شي:انت تامر​

ابو بدر: ابيك تقول حقامك لا تبجي علي و ابيها ترد نفس قبل اول ما تزوجتها كانت احلا وحده شفتها بحياتيو تظل احلا نساء العالم بعيني و ترد تدخلالنادي و ترد صحتها لانها ضعفت حيييل و تاكل و لما تتذكرني تدعيلي ​

و اختكزينب..................................................................​

وجمانه......................................................................​

سمع بدر ابوه و جنه قاعديودعهم​

راحو المطار و كل واحديودع ابو بدر و راح مع ابو بدر ابو حسن​

و رجع الكل البيت و كل واحدهمه بقلبه​

​

ادري اني ضيقت خلوقكم وانه البارت قصير بس تره هاذه تمهيدي بسانشالله راح تستانسون بلبارت الياي:eh_s(7):​

باي:eh_s(8)::eh_s(8):​

 

[حبيت بسكات]

حراااااااام بدر اكثثر واااحد كسسر خاااطري اهيء اهيء اهيء
اممممممبببي ما كنت حاطة ببالي ان جمانة تكلم محمد 
و زييينب الحمدالله ردت نفس اول و ناادر حدده طييب 
ام بدر كااااسرة خاااطري 
ابو بدر اممممم أنا اقول راح يموت 
انوار و سعد كسرووووا خااااااطري 

يالله كملللللي

Up
Up up
Up up up
Up up up up
Up up up up up
Up up up up up up
Up up up up up up up
Up up
Up up
Up up
Up up
Up up
Up up
Up up

لعنووووووووونج 

 

[Miss MzajeYa]

حراااااااام بدر اكثثر واااحد كسسر خاااطري اهيء اهيء اهيء
اممممممبببي ما كنت حاطة ببالي ان جمانة تكلم محمد 
و زييينب الحمدالله ردت نفس اول و ناادر حدده طييب 
ام بدر كااااسرة خاااطري 
ابو بدر اممممم أنا اقول راح يموت 
انوار و سعد كسرووووا خااااااطري 

يالله كملللللي

up
up up
up up up
up up up up
up up up up up
up up up up up up
up up up up up up up
up up
up up
up up
up up
up up
up up
up up

لعنووووووووونج 

اي وانتي الصاااجة حياااتي بدييير كاااسر خاااطري من قلللب

امم لا انا عكسج كنت حاااسة ان جمااانة تكلم محححمد

الله يوفق زينب وناادر انشاءالله

اي والله يااحيااتي يا ام بدر

اما ابو بدر ما راااح يموووت لان خووخة قالت راح تستاانسون بالباارت الياااي خخخخخ

انوووا وسععد مي تو كسروا خاااطري



اب اب اب اب اب اب اب
ناااطرييينج بسررررعة لاتتاخرررررررين

 

[Miss MzajeYa]

اب اب اب اب اب اب

 

[حبيت بسكات]

هههههه انشاءالله Miss MzajeYa

Up
Up up
Up up up
Up up up up
Up up up up up

 

[Miss MzajeYa]

اب اب اب اب اب

 

[Ms.MrMr]

وااااي عورتي قلبي جد الرواية عجيبة

الله يشفي بو بدر .. وكاسر خاطري بدر والله

حسن بعد مايستاهل ..

مادري شقول

المهم اب اب اب نااطرينج لا تتأخرين بليز

 

[خوخه تحب الدوخه]

تابع البارت الخامس عشر​

بعد مرور سنه كامله صعب على كل العوايل ​

كان ابو بدر بلندن يعالج و كان في تطور بحالته​

عند ام بدر الي ردت حق طبيعتها من قالها بدر وصيه ابوه​

اما زينب و جمانه كانو يحاولون يتقبلون الموضوع و كانبدر يساعدهم انهم يردون نفس قبل يطلعهم و يونسهم و اهمه كانو وااايد مستانسين بس ماكانو ينسون ابوهم ​

و عند منصور تقبل الوضع و صار ما يقطع صلاته و دعائه حق ابوه ​

اما الباجي كانو عايشين حياتهم عادي و صارت وااايد احداث مع ​

1- منصور و ملاك​

2- جمانه و محمد​

3- زينب و نادر​

4- حسن وخديجه​

5- خليل و مريم​

6- انوار و سعد​

7- اما بدر فكان مايفكر بلحب بس في وحده تحاول انها تقرب منه و تحببه فيها​

نبدي بمنصور و ملاك​

عند منصور​

بعد ما طلع منصور من المستشفى بسبوع راح منصور مع ابوه المطار علشان يودعه وبعد ما سافر ابوه قال انه بيقعد بلمطار لين ما تطير الطياره​

قعد منصور بستاربوكس يشرب لاتيه مع زقاره​

سمع صوت تمنى يسمعه من زمان ​

ملاك : منصوووور@@​

منصور التفت و شاف ملاك و استانس حيييل​

منصور : هلا ملاك شلونج شخبارج ​

ملاك : تمام انت شلونك شخبارك​

منصور: دوم انشالله انا بخير بعد شوفتج ​

ملاك: تسلم​

ملاك: منصور انت اتدخن​

منصور شاف الزقاره بيده و قال :اي والله عاد توني بديت بلتدخين ماصارلي يوم​

سحبت ملاك الزقاره من ايد منصور و قطتها و داست عليها: لا تدخن مره ثانيه مافي بلدنيا شي يسوى انك اتدمر صحتك علشانه​

استانس منصور من حركتها : انشالله تامرين على شي ثاني​

ملاك ابتسمت : لا سلامتك بس اناما كنت ادري انك طلعت من المستشفى الا امس ليش ما قلتلي​

منصور و الفرحه مو سايعته : و الله طلعت على مسؤليتي ​

ملاك بصدمه : ليش؟​

منصور: الوالد تعبان و سافر بره الكويت علشان يعالج​

ملاك : ويييييييي الله يرده لكم بلسلامه و ما يشوف شر​

منصور بحزن واضح : الله يسلمج و انشالله يردلنا و ما يخلينه​

ملاك قعدت يمه : لا تزعل كل شي يهون​

منصور يطالع ملاك : ملاك............... ودي اقولج شي بس اخاف تزعلين​

ملاك: قول​

منصور: بس ما تزعلين​

ملاك: ما ازعل​

منصور: ممكن تعطيني رقمج​

ملاك :بس....................​

منصور: لا خلاص مو لازم ​

ملاك: لا خلاص اخذه بس بليز اذا بغيت اتدق دزلي مسج​

منصور استانس : اوكي​

خذه منصور الرقم و رد البيت و اهوه طاير من الفرحه​

الحين عند جمانه و محمد​

محمد : الووو​

جمانه و صوتها كله بجي : الووو​

محمد: جمانه​

جمانه: هلا​

محمد : ابي اطلبج طلب​

جمانه : تفضل​

محمد بحنان : لا تبجين​

جمانه: محمد مو قادره مو قادره اتخيل انه ما عندي ابو​

محمد : لا جمانه لا تقولين جذي ادعيله و انشالله ماكو الا العافيه​

جمانه: لا محمد الدكاتره قايلين انه امل علاجه 5% يعني حيل ضعيفه النسبه​

محمد : انشالله اتكون نسبتهم قلط وانشالله يرجع تره الحياة و الموت بيد الله مو بيد الدكاتره​

جمانه: ونعم بالله​

محمد: يلا عاد لا تبجين و تظيقين خلقي​

جمانه: انشالله خلاص ماراح ابجي​

محمد: وعد​

جمانه و اهيه تظحك : وعد​

و الحين عند نادر و زينب​

نادر خله زينب تنسه اشويه موضوع ابوها و كان يطلع معاهم اذا طلعهم بدر وكانت مستانسه حيل​

 

[خوخه تحب الدوخه]

نادر: زنوب ابي اقولج شي و ما ابيج تتسرعين و تجاوبيني الحين انا ادري انه مو وقته بس ابي اقول اني ابي اخطبج ​

زينب انصدمت و على طول سكرت التلفون بويه نادر اما نادر مات ضحك عليها و اهيه كانت مستانسه و مستحيه و ودها ترد عليه الحين بس قالت فشله ادق عليه و اقوله الحين​

نادر:هههههههههههههههههههههههههههه خبله​

ههههههههههه بس واللهاحبها​

​

اما الحين عند حسن و خديجه​

خديجه قاعده بدارها و متردده تسوي الي ببالها ولا لأ​

قررت خديجه انها تسوي الي ابالها​

دقت خديجه وناطره احد يرد عليها​

..........: الوو​

خديجه بتوتر : الوووو منو معاي حسن ولا خليل​

حسن: لا انا حسن منو معاي​

خديجه: انا خديجه​

حسن انصدم : خديجه........................... الحين اناديلج انوار​

خديجه بسرعه : لا حسن ابي ابي اكلمك انت مابي انوار​

حسن و الصدمه اكبر : انا شنو الي بيني و بينج علشان تكلميني​

خديجه: حسن انا .........................................​

حسن : انتي شنو تبين تجرحين بعد​

خديجه : لا حسن انا احبك​

حسن انصدم و ماحب انه يكبر السالفه​

: اقول خدوج انتي بنت عمي على راسي و عيني بس ما اقدر احبج لاني خلاص مابي احب و انجرح مره ثالثه ​

و سكر التلفون اما خديجه انصدمت حييييييييييييييل و شنو يقصد بمره ثالثه معقوله كان يحب غيري ​

قعدت خديجه تبجي على غبائها و تهورها و تحسفت انها دقت عليه​

خليل و مريم​

خليل : احبج​

مريم : بس خليل​

خليل: ليش ؟؟​

مريم : تعرفني استحي​

خليل : انتي تبين تذبحيني​

مريم:هههههههههههههه اي​

خليل : خلاص ذبحتيني و خلصتي ​

مريم: خليل​

خليل: عيونه قلبه روحه​

مريم : تسلملي .........خليل ودي اكلمك بموضوع بس اخاف تزعل مني​

خليل : ازعل من روحي ولا ازعل منج​

مريم : تسلملي روحك ........................ خليل انت صج كنت تحب سمر​

خليل انصدم بس عادي ما تأثر وايد من الموضوع و كمل معاها الموضوع : اي كنت احبها بس الحين مالها مكان بقلبي غير الذكريات و انها عزيزه نفس اختي​

مريم : لا تقول جذي تره اغار​

خليل : هههههههههههههههه فديت الي يغارون بس انتي سألتيني وانا رديت عليج و ما بغيت علاقتنا تكبر و احنا نجذب على بعض​

مريم : اي صح وحته انا كنت احب و للحين احبه​

خليل انصدم و عصب و شوي ويطلع من سماعه التلفون من الاصراخ : شنوووووووووووووووو شقاعده تقولين مريمو و الله لو انتي يمي جان ذبحتج انا الي معطيج ويه ازياده عن اللزوم اقول قلبي ويهج ولا تكلميني بعد ​

مريم ماتت من الضحك : ههههههههههههههههههههههههههههههههههههههههههههههههههههههه خليل انطر اشوي كليتني بقشوري ههههههههههههههههههههههههههههههههههههههههههههههههههه انت ما عرفت منو احب انطر خلني اقولك​

خليل بعصبيه : وبعد تضحكين و ماخذه الامور ببساطه و تبين تقوليلي مننو تحبين اقول روحي عنده و الله يوفقج معاه ​

مريم : خليل شفيك انت اول حب و اخر حب و و انت الي الله يوفقني معاك و لا تظن اني راح احب غيرك​

خليل استانس حيل و كملو سوالف للفير و كل واحد يهدي الثاني اغنيه و ظلت سهرتهم رومانسيه ​

​

عند انوار وسعد​

انوار : سعد​

سعد زعلان و متظايق : هلا​

انوار: شفيك احسك زعلان​

سعد : والله يا انوار مادري شقولج​

انوار : سعد شفيك خالتي فيها شي عمي فيه شي قول تحجه​

سعد : انتي سكتي علشان اتحجه ​

انوار : يلا كا سكت​

سعد : لا مافيهم شي بس احس انه تهاني فيها شي مو نفس قبل تضحك و تستانس و الحين لا كله حابسه عمرها بدارها و ما تطلع منها الا حق الغدا و الله كاسره خاطري ودي اعرف شفيها بس ما تبي تقولي ​

​

انوار : سعد لا تضغط عليها اذا تبي تقولك راح تيي بنفسها و تقولك ​

سعد : الله يسمع منج و تيي و تقولي لانه امي خايفه عليها و تحاتيها وااايد​

انوار: انشالله ..................... يلا عاد بسك نكد وين سعد الي اذا دقيت عليه يونسني​

سعد : موجود بس دقيقه و يرجع​

انوار : ههههههههههههههههههههههه انشالله يرجع​

و ظلو 3 ساعات على التلفون يعني لي 5 الفير و بس طايحيله مغازل و حب و غرام هههههههههه​

الحين خلص البارت و انشالله اليمعه اليايه انزل بارت ثاني و انطر ردودكم و توقعاتكم ​

 

[خوخه تحب الدوخه]

بنات مشكوووورين كلكم على الردود و التوقعات و التشجيع الي خلاني صج اتشجع اني اكتب و اتعب علشان احصل تعليق حلو وايد وايد مشكورين كلكم الي كانو يتابعوني من اول ما بديتها الى الحين و الي توهم طايحين على الروايه و بدو يشجوعوني مشكورين كلكم وايد وايد

اجمل تحيه لاجمل متابعين
:ggdw::ggdw::ggdw::ggdw::ggdw:
مس مزاجيه :eh_s(22):
بي هابي بيبي:eh_s(22):
فوشه:eh_s(22):
احلا وحده:eh_s(22):
مس مرمر الي اسعدني تواجدج معاي :eh_s(17): و مشكوره على التعليق:eh_s(22):
و مسس دودي كانت من متابعيني بس ما قمت اشوفها و كانت اول وحده تابعتني و اهيه الي خلتني اكمل روايتي و تمنيتك لي اهيه الي شجعتني اني اكتبها و احلا تحيه حقهم و اتمنى اني اشوفهم مره ثانيه بروايتي:eh_s(22)::eh_s(22)::eh_s(17)::eh_s(17):​