%%%%%سلمى و الخمس رياييل %%%%%

[G!RLooNa]

ويه انا شكلي قبست من ييت اهيا راحت خخخخخ

 

[um_yoyo]

أنا اسفه بنات بس سافرت توني راده

 

[المـاسة]

أنا اسفه بنات بس سافرت توني راده

الحمدلله على سلااامتج


بس تكفين ام يويو كملي وربي تعبت وانا افكر بالقصه حتى اليوم عند اهلي وانا افكر بقصتج عفيه نبيج تكملينهااا الحين بليزززززز

 

[Zozαĺiиaђ]

el 7mdelaha 3ala el salaamaa ;*

na6reen el paart ...

 

[ملاك ^ الحب]

اول شي الحمد لله على سلامتج وثاني شي تكفيييين لا تنسين نبي بارت شوي طويل عشان تعويض خخخخخخ

 

[حنطاويه عسل]

نبي بارت

 

[um_yoyo]

بعد اسبوع ...فتحت سلمى عيونها و اهيه بالمستشفى : وين عبدالله

الدكتور: الحمد لله على سلامتج و سلامة البيبي هذي كانت معجزه

سلمى: عبدالله وينه

دكتور: منو عبدالله ؟ ارتاحي انت و انا اتصل عليه

اليوم الثاني سلمى تحاول تمسك تلفون و تتصل على عبدالله جهازه مغلق اتصلت على طيبه

سلمى: طيبه انا سلمى
طيبه : حسبي الله عليج شتبين
سلمى: طيبه شفيج وين عبدالله انا بالمستشفى ببشره ان حامل

طيبه : بشريه اهوه بصليبخات
سلمى: شنو !! مات ؟؟؟؟
و اغمى عليها
فتحت عينها لقت ام عبدالله على راسها على ويل شير ما تقدر تمشي
ام عبدالله : حمد لله على سلامتج لازم ترجعين معاي البيت انت مرت الغالي و حامل بولده
سلمى قامت تبجي

و ظلت سلمى طول اشهر حمالها في بيت ام عبدالله حست ان حياتها انتهت بس ولدها كان سبب يخليها تتمسك بالحياة و حست انها السبب بموت عبدالله و ما تقدر تتخلى عن امه و تحرمها من حفيدها مثل ما حرمتها من ولدها

ولدت سلمى و يابت عبدالله بعد 20 يوم من ولادتها صار معاها التهاب قوي بجرح العمليه القيصريه و دخلت المستشفى طول ال 5 ايام محد سال عنها و تحاول تتصل عليهم محد يرد قلبها ذاب على ولدها لما يه اليوم الي ترخصت فيه و رجعت البيت ادخلت البيت لقت ام عبدالله بويهها: نعم ؟
سلمى : خالتي شدعوه محد يرد و وين ولدي
ام عبدالله: انت مو فكو اتصيرين ام
سلمى : شنو !؟وين ولدي
امه: طلعي بره الله لا يوفقج ذبحتي ولدي و الحين بتاخذين ولده
سلمى: مو من حقج هذا ولدي عطيني ياه و محد ذبح عبدالله الا تسلطج
امه دزتها عند الباب : تعرفين المخفر روحي اشتكي
سلمى: حسبي الله عليج لا تحطين في بالج بخلي ولدي

سكرت الباب عليها و سلمى تطق الباب حيييل و تصارخ : عطيني ولدي حرام عليج و ظلت تبجي

طيبه : انت ليش اهني ؟
سلمى و اهيه منهاره: طيبه الله يخليج ابي ولدي حرام عليكم انا ماسويت شي


طيبه : و انت كفو تربين ولد المرحوم ترى اخياسج كله انعرف و درينا انج منحله و كنت رفيجت خالد و مطلقه و قصيتي على اخوي و الله يعلم جم واحد كنت تعرفين بس بعد شنو عرفنا اخ ....و ولد عبدالله يتربى عند اهله و بالقانون

سلمى: أي قانون يحرم ام من ولدها

طيبه: جربي و انت الي راح تخسرين يلا امشي من اهني يلا

سلمى راحت بوتيك و اهيه منهاره من البجي ماتدري شتسوي

مر 3 شهور و سلمى ماشافت ولدها و طلع قرار الحضانه للجده لان الام اثبت عليها انها غير مؤهله لسيرتها السيئه سلمى من بعد هالحكم دخلت المستشفى معاها انهيار عصبي و بعد شهر رجعت لبنان و لكن شي كبير منكسر فيها و كبرت بالهموم 20 سنه على عمرها و اهملت شغلها صارت حياتها نوم بالنهار و سهر بالليل

 

[% مرت زوجها %]

كملي ام يويو ويعطيج العافيه

 

[meera15]

حمدلله على سلامتك
اليوم سماح ونرضى بالبارت القصير عشان ظروف سفرك
بس باكر نبي تعويض

 

[meera15]

حمدلله على سلامتك
اليوم سماح ونرضى بالبارت القصير عشان ظروف سفرك
بس باكر نبي تعويض

 

[so_what]

مسكينه سلمى ناطرينج

 

[عثمان حبي]

الحمدلله على سلامتج .... نبي تعويض ببارتين

 

[G!RLooNa]

واااي حرام

 

[MaFaZ]

حسبي الله عليهم ... يا ويلهم من الله ليش يسوون جذي بالبنية

وعبدالله الله يرحمه .. واي شكثر عورني قلبي عليه

 

[إيمي1987]

كملي ناطرينج

يعطيج العافية

 

[ورده الجهراء]

الحمدالله على سلامتج
يسلمو على البارت يا قلبي
نبي تعويض ببارت طويل باجر

 

[Danya =)]

حرام يحرمونها من ضناها
مسكيينه سلمى
تسلميين حبيبتي عالبارت
ناطريين

 

[كويتية و النعم]

حسبي الله علييهم
مسكيينة سلمى تعوور القلـــــب =(
مشكوورة ام يويو و الحمدلله على السلااامة
نااطريينج حبي

 

[توتا كويتيه]

يا حرام
بليز كملي

 

[ملاك ^ الحب]

ناطرينج لا تتاخرين علينا