%%%%%سلمى و الخمس رياييل %%%%%

[ملاك ^ الحب]

ام يويو حرام عليج علقيني

والله سهرانه ومونايمه عشان اقرا قصتج

تكفين اليوم ابيها كامله تكفيييييييييييييين

 

[% مرت زوجها %]

ام يويو حياتي ناطرينج

 

[احب الصالحين]

قصة رائعة وجذابة
بارك الله فيك اختي
ومتابعين معاكي

 

[Riooma]

waiting waiting

 

[marshmelo0o]

waiting waiting


waiting waiting waiting


waiting waiting

 

[أم@الحلوين]

وينج ام يويو؟؟؟؟؟؟؟؟؟

 

[شانييل]

أنا عندي إقتراح تبيها وسيفيها على الوورد بعدين وبي بايست على المنتدى
وايد أحسن

 

[um_yoyo]

بعد 3 شهور ارجعت سلمى الكويت و استقرت في بيت عبدالله و طبعا ما سوت عرس او استقبال لان ام عبدالله شافت ان ماله داعي و سلمى ما ناقشتها لانها مو هامها الا انها تكون مع عبدالله و تستقر حياتها معاه اخيرا . مرت اول 6 شهور بهدوء بين سلمى و ام عبدالله بغض النظر من نظرات و نقزات ام عبدالله عليها اما بالنسبه للمعاريس فكانت 6اشهر عسل حاولو يعوضون فيها سنين الحرمان و الفراق

يوم الجمعه يمعتهم بالصاله

طيبه : يمه مادريتي احمد طلعت له بعثه بامريكا
ام عبدالله : الف مبروك يستاهل وليدي الله يوفقه
سلمى : مبروك ام احمد و عقبال ما نبارك لج بزواجه

طيبه : امين رب العالمين
ام عبدالله : اي انشالله يطلع حظه احسن من حظ خاله

سلمى تطالع طيبه باستغراب و طيبه توهقت مو عارفه ترد !!

لولوه : ويه اشفيه حظ خاله مرته قمر
ام عبدالله تقاطعها و بنبره معصبه : اقول لولو قومي نادي احمد ابارج له ولا اقولج قعدي انت حامل اسم الله عليج

لفت ويهها على سلمى : قومي انتي اخف

سلمى قامت و راحت الدوانيه و اهيه مصدومه و منحرجه من الموقف

سلمى : احمد يدتك تبيك
احمد قام و لحقه عبدالله
بالصاله

عبدالله يكلم سلمى بصوت واطي : شفيج ويهج اصفر ؟
سلمى : ها لا مافي شي

ام عبدالله : يمكن حامل ؟

عبدالله : لا تو الناس
ام عبدالله : ليش تو الناس صارلكم 6 اشهر متزوجين كاهي اختك من اول شهر حملت الله يتمم عليها هذي المره الطبيعيه

عبدالله : الي الله كاتبه بيصير

بالليل سلمى قاعده تعدل ملابسها بغرفتها

عبدالله : سلمى انت قاعده تاخذين حبوب منع الحمل

سلمى لفت عليه باستغراب : لا حبيبي ليش اخذهم ! و اذا باخذهم اكيد راح اقولك

عبدالله : عيل تهقين ليش ماصار شي

سلمى : عادي الله مو كاتبه الحين..

سلمى بالفراش تكلم نفسها : اكيد الي صار اليوم بالصاله و كلام امه خلاه يفكر بالموضوع .. هذا واهوه 6 شهور بس لو تمر 6 سنين شيصير الله يستر من الياي


بعد اسبوع سلمى داشه البيت لقت البيت فاضي صعدت شقتها لقت ام عبدالله قاعده اتنبش بالشقه

سلمى و اهيه مصدومه : خالتي في شي ؟
ام عبدالله : لا ليش تسألين ؟
سلمى باستغراب : لانج قاعده تدورين شي بشقتي اذا تبين شي قوللي
ام عبدالله : بقولج شي انا مو مرتاحه منج
سلمى : ليش خالتي انا شسويت ؟
ام عبدالله : احس وراج بلاوي الله يستر على وليدي
و طلعت من الشقه و رقعت الباب

سلمى قعدت ما تدري شلون تصرف

بيوم

عبدالله دخل الشقه : سلمى ما تبي تروحين العرس ؟
سلمى : اي عرس ؟
عبدالله : عرس بنت خالي اليوم امي ماقالت لج
سلمى : لا يمكن نست

عبدالله : اتصل عليها علشان اتصعد لج البطاقه
سلمى و اهيه واثقه ان ام ريلها ماتبيها تروح معاهم : لا حبيبي انا مالي خلق لويه و عروس اليوم صج دايخه من مكان لثاني علشان اخلص البوتيك ولا نسيت الافتتاح بعد اسبوع

عبدالله : على راحتج و احسن علشان تقعدين معاي ولهان عليج

 

[um_yoyo]

ادري البارت قصير بس صعبه قاعده اكتب القصه مره ثانيه و غصب قاعده اتذكر شنو كتبت باول مره لووول

 

[Zozαĺiиaђ]

thaaaanks waaaaayed !

Ye36eeeech alf 3afyaa

waiting

 

[توتا كويتيه]

شنو واااااااااااااايد قصير

 

[zooz92]

يعطييج العااافية على البااارت

ناااطرينج ..~

 

[فيلجـ كول ـاويه]

البارت قصير بس وايد حلو
واتوقع سلمى بتطلق كله من ام عبود المليييقه
ناطرييييييييينج حياتي

 

[so_what]

يعطيج العافيه

 

[marshmelo0o]

تسلمين ام يويو

كملي شوقتيني

 

[إيمي1987]

حلووووووو روووعة


مشكورة ع البارت

 

[ملاك ^ الحب]

اكيد خالد سوالها شي برحمها او شال رحمها لمن سوالها تنظيفات

 

[% مرت زوجها %]

بلييييز ام يويو ناطرين القصه

 

[احب الصالحين]

كملي قصة رائعة متابعينك

سلمت يداك

 

[نواري قطر]

متابعينج ام يويو لاتتأخرين علينا