%%%%%سلمى و الخمس رياييل %%%%%

[% مرت زوجها %]

يعطيج العافيه ام يويو ناطرينج

 

[انجاد الكويت]

ام يويو الله يعطيج الف الف عافيه قريت القصه كله بساعتين تقريبا وانطر البارت الجاي وتوقعاتي ان سلمى ماراح تكمل مع عبدالله لان القصه اسمها سلمى والخمس رياييل اهي اول واحد بحياتها كان بوسالم الله لايرده والثاني خالد الله ياخذه والثالث عبدالله ماني داعيه عليه :eh_s(6): باقي الرابع والخامس عاد ما ادري توقعاتي صح او غلط بنطر واشوف النهايه

 

[Maryomah_q8]

مشكــــــــورة أم يويو

 

[marshmelo0o]

تسلمييييييييييييييين ام يويو
احنا بنتظارج
بس ماودي سلمى تعذب بعد مع غير عبدالله

 

[أم@الحلوين]

ناطريييييين

 

[Riooma]

yala om yoyo na6retech 7bebti

 

[سنيكرز]

شوقتينا حييييييييييل ام يويو عفية كملي القصة حدهاا عجيبة وتونس...

 

[um_yoyo]

مر اسبوع المعرض و كانت اخر يوم في عشى كبير للشركات المشاركه

سلمى واقفه تكلم وحده من المشاركات
حمدان : سلمى ممكن ثواني
سلمى : اي اكيد تفضل
حمدان : انا بزور لبنان بعد شهر عندي كم شغله
سلمى : ياليت اذا وصلت تكلمني علشان اضيفك
حمدان ابتسم : اكيد

عبدالله : سلمى !
سلمى و اهيه مصدومه : عبدالله ؟ ! اهلا

عبدالله يطالع حمدان : والاخ ؟

سلمى ساكته
حمدان : انا حمدان ال.. مدي تنفيذي لمجوهرات بيرز
عبدالله : انا زوج سلمى
سلمى مصدومه

حمدان بضيقه : تشرفت عن اذنكم

عبدالله : شنو مستحيه تقوليله هذا ريلي
سلمى تبتسم باستهزاء : ماهقيتك بتقدم نفسك على انك زوجي غريبه
عبدالله : ليش مو هذا شرطج علشان نرجع
سلمى : امــــــــم
عبدالله : امشي نطلع الجو مو عاجبني اهني
و مسك ايدها و طلع و ركبو الاسانسير
سلمى تطالعه مستغربه : وين بنروح
عبدالله : اي دور غرفتج ؟
سلمى : 7

ادخلو الغرفه عبدالله قعد على الكرسي و سلمى واقفه ماتدري شتسوي
عبدالله : اشفيج مرتبكه ؟
سلمى : مافيني شي
عبدالله راح عند المنظره مسك صورته كانت حاطتها على المنظره
سلمى لمت عبدالله من وره وخلت راسها على ظهره : انا قاعده اموت ارحمني

عبدالله لف عليها حاط ايده على وييها : انا ادري ان كبريائي و غبائي اهوه السبب الي خلانى نبتعد فيها عن بعض بس لاتلوميني
سلمى : ماراح الومك انا راضيه بكل الي تسويه فيني لو تقطعني بايدك
عبدالله : لماالحين تحبيني
سلمى : اكثر من اول
عبدالله قام يبوسها و اهيه استسلمت بين ايده غصبن عليها

بالفراش سلمى نايمه على صدره و اهوه يلعب بشعرها

عبدالله : انا كلمت امي
سلمى ارفعت راسها تطالعه نزل راسها بايده
عبدالله : ماراح اقولج انها قامت اتيبب بس المهم انها رضت بالنهايه
سلمى و خرت عنه : صج !
عبدالله و اهوه يبتسم : و غلاتج و باجر امسوين عزيمه على العشى علشان تعرفين على العايله و يتعرفون عليج

سلمى : اقرصني
عبدالله : هاهاهاها ( قرصها حيل )
سلمى : اي مو جذي عاد عورتني

عبدالله : سلمى انا ماقلت لهم انج على ذمتي بس ان صارت بينى علاقه من بعد اخر سفره لي بلبنان لما شفناج بالبوتيك
سلمى : اهم يدرون ان مطلقه صح !
عبدالله : و هذا الشي الي امخلي امي (سكت )
سلمى : موراضيه
عبدالله : لما تعرفج راح تحبج صدقيني
سلمى : المهم ولدها يحبني
عبدالله : ويموت فيج بعد
سلمى : انا اتمنى ان امك تفتح قلبها لي و تعوضني عن امي الله يسامحها
ثاني يوم بالليل
سلمى بالحمام

عبدلله : يــــــــــــــــلا ترى تاخرنى ماصار

سلمى واهيه تطلع من الحمام و تلبس جوتيها : خلصت خلصت

عبدالله : هم جيكره يعني شنو سويتي

سلمى : يابايخ ادري ان اهبل و صايره زووغه


سلمى انزلت مع عبدالله عند باب بيتهم

سلمى : اف انطر شويه باخذ نفس
عبدالله : شنو تبين تغوصين يلا امشي

و مر العشى بشكل عادي ماعدا ام عبدالله كانت وايد امشينه نفسها على سلمى و ما تكلمها الا من طرف خشمها مو عاجبها الوضع ان وحيدها ياخذ مطلقه و فوق كل هذا وايد منفتحه بنظرها لانها عايشه بروحها بلبنان

طيبه : اخيرا بعد كل هالسنين
سلمى تبتسم : انطر طول عمري بس المهم بالنهايه اكون معاه

طيبه : لاتزعلين من امي بس عبدالله وحيدها و موقادره تقبل فكره ان بيكون لوحده ثانيه

سلمى : الا وين بوعبدالله ؟
طيبه : الله يرحمه ماتدرين ان توفى من سنه تقريبا
سلمى مستغربه : لا
طيبه : تعب علينا و سافر علاج بالخارج الله يحفظه عبدالله اهوه الي قام فيه سنتين تقريبا ماخلاه ولا دقيقه بس حكمت ربج

سلمى و عبدالله بالسياره

عبدالله : اشفيج ؟
سلمى : انت ليش خشيت علي
عبدالله : بخصوص شنو ؟
سلمى ( ودموعها تنزل ) : مرض ابوك
عبدالله ساكت
سلمى : ليش تخليني اظلمك و افكر انك جبان و ماقمت تحبني وتخليت عني
عبدالله : لما سافرتي بعد اسبوع ابوي يتله جلطه قويه و سافرنا على طول فرنسا و ظلينا هناك حول السنتين كنت اشوف ابوي القوي الي يهز اي مكان يدخله قاعد يذوي بين ايدي .. كنت اموت من داخلي و احساس العجز حطمني اكثر ... ماقدرت افكر بشي بلحظتها الا فيه و بعد ما توفى حاولت ادورج علشان ارتاح بين ايدج بس امي و اختي صار مسؤوليتي و ماشفت ان الوقت مناسب ارجعج الكويت و انا ماراح اقدر اسويلج الي تبينه الي صبرني على بعادج ان ماطلبتي الطلاق و كان هالشي يؤكدلي انج ناطرتني .. لما تزوجت لولو اختي حسيت ان هذا الوقت المناسب علشان اعيش حياتي معاج بس امي لما قلت لها رفضت و زعلت و صار فيلم ..

سلمى : وشلون رضت الحين ؟
عبدالله يبتسم: كثر الدق يفج اللحام بس ترى امي كان عندها شرط
سلمى : شرط شنو شرطها ؟
عبدالله : نسكن عندها و انت تدرين امي بروحها و انا وحيدها لازم اشيلها بكبرها
سلمى : حبيبي انت الي مافيه خير بامه مافيه خير بمرته
عبدالله : يعني موافقه .. مافي لبنان
سلمى : انا مابي ولاشي بالدنيا غير حبك

 

[Riooma]

sheno khale9at alqesa? sij

 

[fe7awya]

هييييييييييييييييييييييييييا
ردينا خلاص ردينا انا ويا حبيبي ردينا :***
تسلمين على هالبارت ام يويو
و الله يستر من الياي

 

[um_yoyo]

لا ريومه ما خلصت و اذا خلصت بكتب تحت النهايه نفس الافلام القديمه لوووول

فيحاويه تفائلي هاهاهاهاا


المتابعات بصمت مشكورين على المتابعه بس رايكم يهمني

 

[امواج الكويت]

واي ام يويو عجيب البارت يعطيج العافية

 

[قلب وردي]

يعطييييج العافيه خوووووش قصه .....

 

[miss disaster]

يسلمو وناطريين البارت الياي

 

[شانييل]

أنا والله عمري ما تابعت مسلسلات ماعدا مسلسل تري واحد وعلى طول دموعي على خدي
بس هالقصة صارت الثانية
شلي بوقف المتابعة وأرد بعد ما تخلص القصة لها!!!!!!!!!!!!!!!!!!!!!!!
ولا الافضل تحطينهم بسرعة النطرة مللتنا

 

[أروسا]

ويييييي طلعنا ظالمين عبدالله

كسر خاطري بس اخيرا ردوا حق بعض ان شاءالله نهاية القصد سعيده مانبي مآسي

بليز ام يويو طلبتج نبي هابي اندنغ

 

[pearlq8]

يعطيج العافيه

الروايه روعه من كثر ما حبيتها مابيها تخلص لووول

يسلموووو ام يويو

متابعه بصمت

 

[zooz92]

يعطييج العااافية على البااارت ام يويو

ناااطرينج ..~

 

[أم@الحلوين]

البارت رووووووووووووووعه
هياااا واخيرا راح تفرح سلمى الله يتمم عليهم ياااااااااارب
مشكوره ام يويو ماشاءالله دايمه متألقه

 

[ورده الجهراء]

يسلموو حبيبتي البارت روووعه
ننتظرج مع بارت احلى
يعطيج العافيه