سلطه سباجيه اصليه عجيبه

[سبائك]

السلام عليكم

بنات لا تطوفكم هالسلطه سويتها امس حق زوارتنا
كل من مدحها واستااااااااااااااااااااااااااااااااانس عليها:eh_s(15): :eh_s(15):

المقادير:

-علبتين شمندر العلالي(مقصص وخالص)......يفضل تغسلين الشمندر قبل لا تحطينه مع باقي المقادير
-باذنجان مقصص صغار ومقلي
-خس مقصص
-فلفل أخضر مقصص شرايح ضعيفه
-شدة بقدونس مفرومه
-خيار شرايح


الصلصه:

-علبتين روب
-قفشتين مايونيز
-عصير ليمونتين منقعه فيهم ثومه مدقوقه بعدين تشخلينه قبل لا تحطينه بالصلصه
-ملح وفلفل وشوية كمون
-شوية زيت زيتون


الطريقه:

-تخلطين المقادير مع بعض
-تخلطين الصلصه عدل بعدين تصبينها فوق المقادير وتخلطينهم عدل مدل
-تحطين السطله بالماعون وتزينينها بالتوست المقصص الجاهزمن امريكانا


اعذروني بنات نسيت لا اصور السلطه امس كنت مشتطه لاني تاخرت على الزواره:eh_s(22):


وعليكم بالعاااااااااااااااااااااافيه مقدما

جارونه هالله هالله بالتطبيق لا تطوفج ترى خوووووش سلطه:eh_s(6):

 

[* مـذهـلـه *]

تسلم ايدج حبيبتي ..

مبين انها لذيذه و خوش سلطه :eh_s(15):

بجربها ان شاء الله ..
​

 

[زلابيا]

تسلم ايدياتج سبكبك :eh_s(9):


شكلها لذييييذه دام ان فيها بيديان:eh_s(15): وسهله بعد

مشكوووره :eh_s(17):

 

[سبائك]

يا هلا ومرحبا بمذهله وزلابيا

اي والله سهله ولذيذه الصراحه سوت ضجه أعلاميه بالزواره امس

ما توقعت انا راح تعجبهم لهالدرجه ماشاءالله

 

[ياسميين]

أموت على السلطات
باينه حلوه
تسلم ايدك سباكه ​

 

[سبائك]

بالعافيه مقدما ياسمينا

 

[النور الهادي]

شلونج سبوجه شخبارج

والله ولهانه عليييييييييييج:eh_s(22): :eh_s(22): :eh_s(22):

بما أنه سباجية الصنع إذا لذيييييييييييييذه

وعلشانك ياقميل بجربها

 

[bnt q8 in usa]

يه يه يه سبوووووووووووووووووووووج يوم الزواره تطلع ابداعتنااا ها
افا عليج اليوم بسيوها علي الغدي بس للاسف ماعندي كاميره

 

[سبائك]

النــــــور الهــــــــــــــــادي توله عليج العافيه بعد قلبي

ويالله جربيها وقوليلي رايج عفيه

بنوته بامريكا عليكم بالعافيه حبيبتي يارب تعجبكم قوليلي شلون تطلع معاج

 

[جارة القمر]

سبائك


أشوف قسم المقبلات

منور اليوم


تسلم ايدج حبيبتي


وأن شاء الله اسويه حبيبتي

 

[سبائك]

يا بعد قلبي يا جارونه

والله منور بالغاليه الي فيه حبيبتنا جارونه

الله يعطيج العافيه يارب وان شاءالله تعجبج

 

[جارة القمر]

سبائك


باجر بإذن الله بسويه حق الغداء

 

[النبع الصافي]

تسلم ايدينج وان شاء الله نجربها

أكيد الي مسويتها سباجه مايحتاج حلوه:eh_s(9):

الله يعطيج العافيه:eh_s(17):

 

[bambena]

موقبوووووووووول
وين البكتشر !!


تسلم ايدج

 

[سبائك]

النبع الصافي اي والله لا تطوفج

وعليج بالعافيه ياااااااااارب

بمبون والله متحسففففففه اني ما صورتها

حياج الله

 

[غلا الدنيا]

تسلم ايدج سبائك شكلها عجيبه


بجربها وادعيلج

 

[سبائك]

لحظه بنات بناديلكم شاهدة عيان من قلب الحدث

تفوخ ذاقتها امس الحين تقول لكم رايها بدون ضغوط صدقوني

 

[سمسميه]

واو تسلم ايدج شكلها روووووووووووووووووعه

 

[تفاخيه مبطوطه]

كاني ييـــــــــــــت ركض

عاد والله كنت منسدحه بنام!! بس مادري وين طارت النومه قلت اجيك على المنتدى

ولا ذاك النداء العاجل ههههههه

تهبل يا بنات لا تطوفكم وفعلاً الكل عجبته على قولتج سباشه سوت ضجه اعلاميه خطييييييييره

سباشه لازم تدعمين موضوعج بالصور! يمديج ترى سويها و صوريها ورزي الصور ! وطرشيها بيتنا هههههههه

 

[سبائك]

غلا الدنيا عليكم بالعااااااااااافيه حبيبتي ومشكوره على الدعاء

سمسميه عيل اذا ذقتيها شبتقولين

تفوخ والله خوش فكره ما طرت علي.......أن شاءالله بسويها باقرب فرصه

يستاهلون البنات صوره حلوه