سلطة معكرونة + سلطة حارة انصحكم لا اتجربونهم

[خبيرة اعشاب]

مرحبا

للامانة بنات ..انا احترت في سلطات رمضان ..لاني احب التنويع اول شي ..و احب اسوي شغلات جديدة و مبتكرة ..و بحكم اني مليت من السلطات التقليدية ..قررت اغامر و اجرب سلطات من ابتكاري


و في يوم من الايام كنت سلقت معكرونة على اساس كنت بجرب اسوي سلطة المعكرونة الي بالكشمش مالت بيتزا هت ( بقول لكم قصة حياتي ) ..و بعدين غيرت راي و قلت خلني ابسوي عليها تجربة جديدة ....و حتى اخواني ماتوا عليها و الحين مزعجيني كل شوي يبون السلطة هاذي ..

ما اطول عليكم

مقاديرها كالتالي

الخضر هاذي اتقصينها مكعبات و اتحمسينها

( 2 جزر / بطاطة وحدة حجم متوسط / باذنجانة صغيرة )

المعكرونة تاخذين الحجم الصغير و تسلقينه بماي و ملح وشوي زيت عشان ما تلتصق

بعد ما تخلص المعكرونة اتصفينها من الماي و اتضيفين عليها الخضار المحموسة + ذرة ( علبة صغيرة تقريبا ) + نص علبة فاصوليا حمرا + نص كوب خيار مخلل مقطع الى شرائح

التتبيلة ( صلصلة ثاوزند + مايونيز ) اتحيطن طبعا كمية حسب الذوق

بس اهم شي خليها بالثلاجة مدة لا تقل عن 3 ساعات يطلع طعمها احلى
بعدما اتطلعينها ممكن اتزودين عليها خس او ملفوف احمر ..الخ حسب الذوق



السلطة الحارة هاذي غريبة شوي

مكوناتها خس امريكي مقطع
ملفوف احمر
خيار
جزر ...او اي شي اتحبين اتحطينه بالسلطة


اتحطينها بصحن التقديم و وزعي عليها علبة متاي

التتبيلة ( زيت زيتون + ملعقة خردل + خل + ملح )

و بس ..بس لا بغيتي تاكلينها خلي بجنبج كلاص ماي :eh_s(14):



و بالعافية

 

[Q8_ButterFly]

شكلهم لذيييييييييييييييييييييييييذ يعطيج العافيه بجرب اول وحده :eh_s(6):

 

[جارة القمر]

تسلم ايدج


ومشكوووووووووووووووووووره حبيبتي

وعليكم بالعافييييييييييييييية

 

[& شهد &]

تسلم الاختراعات والايادي

 

[خبيرة اعشاب]

حياكم ... و اكيد السلطات الحارة ما تصلح حق رمضان ..

امس سويت سلطة المكسرات الي فيها كازو و لوز و حطيت وياها متاي ..احس الحين ان بس ودي اشرب ماي ...

جربوا مالت المعكرونة احلى ..و يا ليت كل وحدة تكتب رايها طبعا

 

[كاكاوة سايحة]

يعطيج العافية ...خوش عنوان ... لووووووووووووووووووووول بس بسإلج الخضار إلي بسلطة المكرونة تحمسينهم جذي بروحهم بدون بصل و لا ثوم؟

سلطة المتاي شكلها سهلة و لذيذة بس إلي عندنا بالبيت مو ذاك الزود مع المتاي معناته راح أحتاج بطلين ماي لأني آنا إلي باكلها بروحي

 

[جورية كويتية]

تسلـــم ايـــدج حبيبتـــي

:eh_s(18): :eh_s(7): :eh_s(18):
​

 

[irresistible]

نجربها ليش لا انا ما اكل الا سلطات وشكلهم الصراحة روعة و حناكل صوابعنا من وراهم

 

[خبيرة اعشاب]

هلا و غلا

بالنسبة للخضار ينحمسون بدون بصل و ثوم و في زيت غزير يعني كانج تبين اتحمسين بطاط شبس ..

و سلطة المعكرونة لذيذة و الاحلى انها كل ما خليتها بالثلاجة كل ما صار طعمها الذ ...

 

[noora_333]

صلصلة ثاوزند ??? شلون شكلها

 

[* عباية راس *]

تسلم ايدج خوش سلطات

بس أختي شنو صلصلة ثاوزند ما اعرفها

 

[rzaan77]

مشكووووووووووووره

 

[خبيرة اعشاب]

صلصلة ثاوزند تلقونها يا حلوات في ركن الصلصات و هي لونها برتقالي

و هم بعد تتبيلة السلطة مالت كنور حاطين منها بعد باكياس صغيرة و طبعا مجففة على شكل بودرة يعني بس اتخلطينها ويا مايونيز


و اكيد ما وقفت على ها الصلصة ممكن اتجربون السلطة بدون ثاوزند صوص

 

[متأملة]

الله يعطيك العافية

 

[ضحكة الدنيا]

تسلم الايادى

 

[ضحـاوي]

تسلم ايدج ومشكوره

صج شكلها لذيذه

 

[Miss-ToNi]

ya36ech el3afya

 

[خبيرة اعشاب]

حياكم الله يا الغاليات

و انشاء الله بس اتفرغ رح اسوي لكم كذا سلطة جديدة