سلسلة معاناتي لازالت مستمره وشوفو المفاجأه اليديده ..!

[اميره كويتيه]

هذا يبي يسوي روحه ريال جدام ارفيجه انا قلت حق ريلي عن الموقف قتله تتوقع شنو اسويلك ولا يقول لو شنو ما اسويها قتله شنو تتوقع اسوي قالي اكييييييييييد بتفلين جدامه قتله واشرشحك بعد والله لو شنو ما اسكت اذا كان على حب اشرشحه بس اذا ماعرفه وتوه متزوجين اشرشحه صح وعلى طول اطلق هذا بو جم شهر وسوا جذي عيل اسنين شيسوي انا لمن ريلي يتغشمر غشمره بايخه جدام اهله شسوي بعد يتفل علي هذا واحد متربي ابحظيره مايستحي

 

[Anwaar]

الله يعينج

 

[ايمانو حلوة]

هذي اولها


ينعااااااف تاليها

 

[Q8NanY]

الى اوله جذيه شلون تاليه
اختى اذا ماعندك عيال منه خليك قويه ومايهمك صراخع واجهيه وحذريه

 

[ليالي العاشقين]

الحمد لله والشكر .. من صجه ريلج .. مدام اهوو مو قد هالحركه لييييييش سواها اصلا.. واااااااااااااااي الله يعينج..

 

[noorq8]

تذكرت سالفتج مو انتي اللي أهلج رافضين الطلاق لأن هذا ثاني زواج لج ؟؟ عشان جذيه يتمادى يدري مردج تحته وسالفة رفيجته اللي يابها يوم يروح المخفر وتطاوله على ابوج وسبّه جدامه ومن وراه ؟؟ هذا لسانه بذي والله يعينج .

 

[نورهـ]

تستاهلين انتي االي خليتيه يتمادى حبيبتي انتي وراج ظهر وانتي بنت ناس مو بنت شوارع هذا يبيله قرصه هدديه انه يحترمج ويحترم نفسه والاا يطلقج وشوفي شلون بياكل شحم مالت عليه عزي عزي نفسج

 

[بتبوتااا]

هالتصرف كلش مو حلو ولا تصرف واحد محترم ..


يمكن اهوه جذي كلامه وتصرفه مع ربعه بس انتي فهميه انه مع ربعه شي ومعاج شي ثاني انتي لج كرامتج واحترامج والمفروض ما يسوي جذي لا معاج ولا جدام احد زعلي عليه شووي خل يحس بأنه غلطان حاولي انج تفهمينه وتوعينه :\

 

[قطوه ورديه]

تذكرت سالفتج مو انتي اللي أهلج رافضين الطلاق لأن هذا ثاني زواج لج ؟؟ عشان جذيه يتمادى يدري مردج تحته وسالفة رفيجته اللي يابها يوم يروح المخفر وتطاوله على ابوج وسبّه جدامه ومن وراه ؟؟ هذا لسانه بذي والله يعينج .

اشلون اهلها ساكتين :eh_s(14):

 

[" دهن العود "]

اللي سواه غلط

 

[د-سوسه]

ما انصحج اتسوين فيه نفس الموقف مع اختج اومع احد ثاني علشان ماتعالجين الغلط ابغلط ..انا ترا مافهمت ايهدد بشنو ولا شفت مشاركاتج القبليه بس من هالموقف اقولج زعلي منه ولاتكلمينه وقوليله انا حشيمتي من حشيمتك انت شلون ترضا تتصرف معاي بهالطريقه جدام انت عبالك كبرت بعين رفيجك ترا الريال نفسه حتي لو يضحك ينقد عليك ..قوليله انت ترضا انا اسوي هالشي معاك جدام اهلك ولا اهلي ..واذا قالج روحي بيت اهلج لا تحسسينه انج موخايفه او بايعتها بس قوليله يعني انت تبي تعدلها يعني اكو ريال يدز مرته بيت اهلها عشان قالتله لا تغلط علي انا عادي عندي اروح عند اهلي بس انا مابي واحد من اخواني يعرف السالفه وينقد عليك وتطيح من عينه ..ونصيحه اذا قام ايسب لاتردين عليه حتي لو يحاول يستفزج لا تردين عليه علشان مايغلطج لا بالعكس يتعلم ان يتكلم عدل او مايتكلم نهائيا ..ولا تضايقين نفسج حبيبتي صج ان مصخها وسالفتها موعدله كلش بس ترا عندنا وعندج خير كل الكويتيين يبيلهم تهذيب واصلاح مايعرفون يسولفون)

 

[Miss_Moon]

وااااااي الله يعينج هذا انسان بيتشيحط جدام ربعه يعني شخصيته قوية .. حبيبتي نصييييحة لا تسكتين ردي عليه وحسسيه انج قووية لان حركته عيييييييييييييييييييييييييييييييب

 

[SaD FaCe]

لازم تحطين حد للموضوع عشان لا يتمادى ..

والله يكون بعونج

 

[^noonaa^]

الله يعينج عليه ولا تسكتيييين عن حقج

 

[عهود الحب]

امنيتي بالدنيا

امسكج واطقج طق


عشان تصحين على روحج



لي متى ترضين بالاهانة ؟؟؟ بنت الحمولة ماترضى الغبينة

والعن ابوه ستر الي وراه مهونة

كل شي الا الكراااااااااااااااااامة



عقب كل شي سواه لج هم للحين صابرة


الله يعينج صراحة بس لازم تقيمين وضعج وتشوفين هل هو يستحق التضيحة بكرامتج عشانه !!!!



اصحي يابنت اصحي

 

[××بنت شيوخ××]

لا حول ولا قوة الا بالله

 

[فديـت عيـونك]

قلبي عورني عليج

 

[om-HaSsoOon]

حررررررررررررررررني ماقوول الا مالت عليه وعلى تربيته الخايسه وعلى ربعه بعد فوقه


يتفل جدام رفيجه !!!!!!!! وتوج عروس مالت عليه من ريال هذا مو ريال اصلا لان رجولته بس على مرته زعلي من حقج تزعلين صراحه

وادعي ربي يهديه

 

[مغيب الشمس]

هوووووووووووووووب
الموضوع لازمله نقاط تتوضح لا زم له قعده صريحة ورمانسيه مع زوجج تعرفين ليش سوا جذي تعرفين شنوا اللي موعاجبه فيج واللي عاجبة
قعدة مصااااااااااااااااااااارحة تعرفين من خلالها ليش هالتصرفات معاج وتحاولون تتفادونها والموضوع ناقصة احترام متبادل والرجل اللي ما يحترم زوجته سورررررررررري على هالكلمه ما يحبها ولا هو خايف على زعلها لازم تعرفين العيوب وتصلحون اخطائكم والطريج توه باوله
ترااااا تقدرين تغييرينه وتغيرين من عمرج
الله يهديه ويوفقكم

 

[رؤى الايام]

انا مع العضوةDancing^Queen ود.سوسه
والله يصلح مابينكم