سفره للبحرين

[ام الدلع]

بسم الله الرحمن الرحيم

السلام عليكم .شلونكم وشخباركم ياحلوات

ماودي اطول عليكم بالموضوع .

ان شاء الله بسافرالبحرين بعد كم يوم

وحبيت اعرف منكم اسماء المحلات

المتخصصه بالمنتجات والعصائر

الصحيه مثل عصير الصبار و

عصير النوني والشعير وغيرهم

وان حصلتوا ارقام والعناوين

وكافة المعلومات الخاصه بتلك

المحلات . وجزاكم الله خير الجزاء

والاسرع في احضار المعلومات

لها حلوى بحرينيه خخخخخخخخ

 

[OmRashed]

تروحين وتردين بالسلامه ان شالله
ياريت اقدر افيدج بس والله ماعندي اي معلومه
بخصوص البحرين

 

[fatmasm]

سووووووووووري والله ماأقدر افيدج وانشالله البنات مايقصرون

 

[Suwi]

tro7een o trden bel slmah .. wllah mdre bs shofyy 76y mwtho3ech bgsem el 6lbat inshalah el bnat yfedonch

 

[شندوخه]

تروحين وتردين بالسلامه
انا اعرف وحده بحرينيه معاي بالمسنجر بس ماشوفها تشبك هاليومين بحاول اسالها اذا شبكت وادزلج رساله خاصه

عاد هالله هالله بالحلوى الزينه وماي اللقاح

 

[$$مذهلة$$]

تروحين وتردين بالسلامه

بس للاسف ما اقدر افيدج

ماراح تعطيني حلوى ؟؟

 

[ك و ي ت ي ه]

تروحين وتردين لنا بالسلامه اسفه حبيبتي ماقدر اساعدج ان شالله البنات ماراح يقصرون

 

[الماسة السوداء]

>>وحده بحرينيه بالغلط داشه ثثث

قوه حبي جوفي اقولج بس على شرط انا باجر من فير عندكم وابيج تدليني محلات البيع بالجمله ابي ثياب واكسسوارات وشنط وكل شي


جوفي حبي بالنسبه حق الاشياء الي قلتيها ماعرفها بس وايد عندنا محلات فاتحه تبين هالاشياء الطبيعيه
وفي برادات الجزيره محل يبيع اشياء طبيعيه اتوقع تحصلين عنده
واهو صاير عند صيدليه ناصر الي بالمنامه في الزنج

وفي محلات وايد بس ماذكرهم جنه في محل اسمه كنز الطبيعه في الطويله بلازا في المنامه عند الجفير

وهذي الي اذكرهم

 

[روعة]

افاااااا عليج حبيبتي

انا موجودة اخدمج بعيوني

حتى اذا تبين اماكن سياحية واواق لايردج الا لسانج

المهم الاشياء اللي طلبتيها تحصليها في احدى هالمحلات

البصمة الذهبيه 17713759 هذا رقمهم وعندهم فري ديليفري وهذا رقم ثاني 17713749

او

مركز الزهراوي في مدينة حمد سوق واقف

وهذا رقمهم 39226119

وبعد في محل في جدعلي بس ناسيه اسمه باجربشوفه وبحط لج اياه

وحياج الله في بلدج الثاني

 

[امون حبيبة زوجها]

نزين بنات نبي اسواق ومجمعات حلوه غير السيف لاني اعرفه

 

[ام الدلع]

اشكر كل من قامت بالرد والمشاركه

حتى اللي ماتعرف طلبي يكفي انها

ردت علي وشكرا جدا للعضوه الماسه

السوداء وشكر كبييييييييييييييير للعضوه (( روعه ))

وماقصرتوا يالغلا وهذا العشم في بنات منتدانا

 

[hmama]

حياج الله

 

[اميرة الغيد]

المجمات اهم شي مجمع البحرين والعالي ، وعندج سوق المحرق ( اللي فيه الحلوى ) وفي مجمع اظن اسمه الدانه فيه سينمات ومحلات .
تروحون وتردون بالسلامه .