سفرتي إلى دبي ... بين النحس و البكاء و الضحك

[cheese cake 84]

ويييييييييييييييييييييييييييييييه كل هذا صار فيييج بالسفره هذاااا اشكررره احد حاط عينه على سفرتج من طبيتوا المطار وانتوا مو مترقعين يامعوده اخذيها نصيحه من اخت سفره ثانيه لاتحجيييكن الا قبل سفرتج بيوم والله الناس عيونها ماترحم قاعدين بالحر والغبار ومتشفقين عالسفر وعيونهم بتطلع على فلان وعلان هذا رايح فرنسا هذا رايح لندن هذا رايح سويسرا ناس ماترحم

 

[الـحـ الاول ـب]

ماتشووفوووووووون شر حبيبتي

الاهم سلامتكم وسلامة عيالج

الله يستر انا باجر بمشي بيروت
ومن يوم الخميس كنت ناويه امشي ومن درو خلق الله
الله لايراويج ماشفته كل مانقرر يوم ياجلها زوجي
والا يطلع له شغل عاد انا لي اسبوع جناطنا مصكرتها
الله يعدي باجر على خييرر

تكفوووووووووون ادعو لي

 

[قلب وردي]

الله يعوضكم بسفره احلى واحلى ياااااااااااااارب

 

[hazel eyes]

شدعووووه عليهم يصكون عين على دبي عيل لو اورباا شيصير فيكم الله يعين

 

[الجــادل]

رد : سفرتي إلى دبي ... بين النحس و البكاء و الضحك

اقضو حوائجكم بالكتمان

ومعوضه خيير

 

[كارلوفي فاري]

يبا هذا كله قسمة ونصيب احنا بعد قبل مانسافر ب3ايام سحب زوجي خمسمية دينار وابلعتهم المكينه وماارجعوا الا عقب ماردينا يعني ثلاث اسابيع ولما رديت ضاعت جنطتي الخاصه كلها عطور ماركه وكريمات ومكياج والبي اس بي مالت ولدي وللحين ماردولي خبر المطار -شنسوي هذي ضريبة السفر يلا حبيبتي معوضه خير وخيرها بغيرها بسلامتج وسلامة زوجج وعيالج -وعلى فكره انا اول مره رحت لدبي هم ضرسي اشتب علي ليما رجعنا معناته دبي فيها انه ههههههههههه

 

[miss_solitaire]

شكرااا خواتي على الردود

بس شفيكم كلكم طبيتوا باهل رياييلكم

المهم انا جذي حماتي

لما بتسافر ما اتقوللاحد و فجأة نسمع انها سافرت

و اصلا اهيه دايا تنصحني بهذا الشي

لا اتقولين لاح سافري و ردي بالساكت

بس على نياتي

اتكلم و اقول

و الحين ريلي معصب يقول مرة ثانية بنسافر ماحد يدري

انروح و انرد و ماحد يدري

و بعد تدرون انا ويني

انا بيت ابوي نايمة

الوحدات كلها في شقتي خربانة

مع انا كنا طافيينها

و البيت على الارض

النمل بشكل مو طبيعي

اصب ماي اذبحهم

و يرجعووون يطلعون مرة ثانية

فهجيت من الشقة

و ييت اهني انام

 

[داريني]

وي عين ما صلت على النبي
والله هالسوالف زايده
انا رحت دبي اخر شهر 5 ومعاي عيالي
تخيلو بطاقه ماستر مالت ريلي على بونه انا حريصه وخاشه عندي
وتخيلي بالمطار دبي اكتشف اني ناسيته بالبوك ثاني بالكويت
والله ريلي زين ما كفخني ههههه
وكنا حاجزين سياره من نت ونستلمها من المطار بس ما رضو يعطونه ياها لازم بطاقه الماستر او اي بطاقه ائتمان بس لازم ارقامها بارزه
وانا عندي فيزا مالت النت وفيها فلوس بالغصب حسنا مكتب مكتب كلهم يبون بطاقة الارقام البارزه
يالله مكتب واحد الموظفه اماريتيه الله يعيطها العافيه تعاطفت معانا لانه قمت ابجي وريلي محمض النفس علي وعيالي ملو قامو يبجون

قالت عطوني تامين كاش واعطيكم سيارة وعلشانكم ما نبي ماستر
واااي والله فرحت بغيت اطب ابوسها
وسبحان الله طلعت خيره اخذنا سياره اكبر وارخص من الي حاجزينها ونظيفه وخدمتهم روعه من عند الباب مطار شالو جناطنا وعطونا سياره بسرعة

وبقى فنادق مو حجوزات كله بالماستر اشووه رضو ياخذون الفيزا والله كنت ناويه قبل لا اسافر اخش الفيزا بالبيت واخذ ماستر وانا عكست خشيت الماستر وطلعت الفيزا

 

[داريني]

عيل انا اخوي مسكين توه ياي من اروبا صارو له مواقف مسكين لا يحسد عليه
بالنمسا وقفهم شرطي وخالفهم ليش مو حاط بناته بالكرسي مخصص حق الاطفال
معنى وحده عمرها 7 و ثانيه 4 سنين وخذو بناته وقالوله ما نعطيك ياهم الا لما تشتري كراسي لهم ونشوف بعينه تركب بسياره
ومسكين راح ومرته وخواته تمو مع شرطي الي ماسك بناته رهينه

وموقف الثاني واهم بشارع رايحين ديزني ولا بالسيكل واحد يكسر الجام وبالسجين يقطع جنطه كروس مرت اخوي وينحاش
واخوي هستر لانه مرت اخوي من خرعه اغمى عليها واهوه عباله انه نحروها وطبعا بناته و خواته قاعدين ورا بس يلطمون

وموقف الثالث بالمطار واهم راجعين الديره مرت اخوي قاعده تاخذ التاكس الفري و قومي دخلي الجنطه بالسير بدون ما يحطون عليها ستيكرز انه وين رايحه هالجنطه
والجنطه مجيله فيها حقها وحق بنتها بحدود الف ونص وكلها ماركات جناط وملابس وحتى صوايغ كلها بالجنطه هذي
وطبعا ما عرفو وين راحت ولليوم يسالون عنها وماكو خبر عنها

بنات احسن شي لازم اطلعون صدقه قبل لا تسافرون وتقرون ادعيه السفر

 

[^حيزبونه^]

ما تسوى عليكم هالسفره


الله يعوضج بسفره احلى

 

[noorq8]

عيل انا اخوي مسكين توه ياي من اروبا صارو له مواقف مسكين لا يحسد عليه
بالنمسا وقفهم شرطي وخالفهم ليش مو حاط بناته بالكرسي مخصص حق الاطفال
معنى وحده عمرها 7 و ثانيه 4 سنين وخذو بناته وقالوله ما نعطيك ياهم الا لما تشتري كراسي لهم ونشوف بعينه تركب بسياره
ومسكين راح ومرته وخواته تمو مع شرطي الي ماسك بناته رهينه

وموقف الثاني واهم بشارع رايحين ديزني ولا بالسيكل واحد يكسر الجام وبالسجين يقطع جنطه كروس مرت اخوي وينحاش
واخوي هستر لانه مرت اخوي من خرعه اغمى عليها واهوه عباله انه نحروها وطبعا بناته و خواته قاعدين ورا بس يلطمون

وموقف الثالث بالمطار واهم راجعين الديره مرت اخوي قاعده تاخذ التاكس الفري و قومي دخلي الجنطه بالسير بدون ما يحطون عليها ستيكرز انه وين رايحه هالجنطه
والجنطه مجيله فيها حقها وحق بنتها بحدود الف ونص وكلها ماركات جناط وملابس وحتى صوايغ كلها بالجنطه هذي
وطبعا ما عرفو وين راحت ولليوم يسالون عنها وماكو خبر عنها

بنات احسن شي لازم اطلعون صدقه قبل لا تسافرون وتقرون ادعيه السفر

الله يعوض عليكم وان شاء الله يلقون الجنطه .
داريني حبيبتي عن نفسي ماأسافر قبل لاأستخير ولكن في أوادم أعوذ بالله لو يستخبرون بتروحين فيلجا تنعفس أمورج والمصيبه ماخلوا قض بالكره الأرضيه ماراحوه وتكون قاعده معاج وتعدد لج كل الناس اللي بتسافر والله العظيم وهي رحلتها باجر وماتتكلم وبعدين تقول لج فجاأأأأأه يعني المجنون يتكلم العاقل يسمع تحصلين فجأأأأه تذاكر حق لندن وعايله كامله !!! طيب والفيزا هم فجاأأأه !!! والسكن هم فجأأأأه !!!

 

[مس يونيك]

رد: رد : سفرتي إلى دبي ... بين النحس و البكاء و الضحك

يوم قريت موضوعج مت من الضحك ذكرتيني بحالتي من العين والحسد قطيعة آآآآه يا القهر المفروض الحين انا بالندن:eh_s(11):

زوجي من علم امة انه بنسافر لندن ثاني يوم دعم السايق بسيارة زوجي وصلحها ب150 دينار واليوم الي وراه خربت

بطارية سيارتي وبدلتها ب50 دينار(مع العلم سيارتي جديدة صارلها شهرين) واليوم الي وراة خربت سيارة زوجي مرة

ثانية وطلعت مكينتها خربانة وبدلها المسكين ب500دينار, اليوم الي بعدة كنت طالعة مع السايق رايحة السوق وبغي يدعم

فيني السايق ولله ولله انة كان بيني وبين الموت شعرة وحدة بس الله ستر وانكتبلي عمر جديد الحمدلله ,,وعقبها بيومين مرضو

عيالي الاربع كلهم حرارة وافلونزا وقطينا بمستشفي الهادي مو اقل من70 دينار علي الكشف والادوية , والمصيبة الحين انة انا

الي مرضت وقلت حق رجلي قول لامك خلاص هونا محنا مسافرين خلااااااااااااص خلااااااااااااااااااااااص

مع العلم انة بنتها (حماتي ) مسافرة اوربا بس الغيرة والحسد لانها تكرهني ماتبيني اسافر نفس الديرة الي رايحتلها بنتها

اعوذ بالله ولا بعد القهر انة خالتي تقول لريلي لا توديها لندن ودها دبي ولا مصر :s141:!!!!!!!

لاحول ولا قوة الا بالله

لا اله الا الله


الله يفرج هممج
ويصبرج عليهممم

 

[زلابيا]

سوالفكم ما تترقع

الله يكافينا واياكم شر العين والحسد

الناس صايرين بس يشوفون اللي عند غيرهم ولا حمدا ولاشكورا.. على قولتهم يحسدون الفقير على موتة اليمعه

 

[buffy]

لا لا لا لا لا لا لا لا شي مو طبيعي اللي قاعد يصيرلكم الله يكافينا شر العين حتن انا العام كنا قايلين للناس اني بسافر بروح امريكا وطبعا السفره كلها علي والناس ماتعطي خير يحسبون ان ريلي هو اللي بسفرني والله ماقط ولا فلس اللهم معاشه اللي نزل هناك تخيلو قبل سفرتنا بشهر وانا حاجزه كل شي وحالتي حاله فجاه يل ريلي من الدوام وقالي ترا ماكو سفر كنسلي كلشي لاني بروح دوره مع الدوام طبعا انا ضاق خاقي قلته اوكي بروح معاك الدوره اللي هيا بلندن انت تدرس الصبح والعصر نطلع ولا اقعد بالصيف بر وحي قالي لا مايصير وفجاه اكتشفت ان متفق مع امه وخواته ان بيسافرون معاه بس ان مرتك ما تدري فكانو بيسون مثل مامره علي بس سبحان الله ربكم فضحهم وسوتلهم سالفه واخر شي من حوبتي تكنسلت الدوره واخر شي انا سافرت امريكا وخليتهم يموتون من القهر وليومكم هذا اقوله ليش سويت جذي يقولي والله ما ادري ليش انا سويت جذيه عين قويه حاشتها الله يكافينا ويكافيكم شر الحسد اي بعد بيوم السفر وحنا قاعدين نصكر الجناط تهاوشنا انا وريلي هوشه الله لايواريكم بغينا انتكافخ على شي تافه ما ادري شنو بغينا انكنسل السفره كلها وركبنا الطياره واحنا زعلانين ما نكلم احد فالحين خذيت درس اني اسافر اروح وارد ومحد يدري عني يعني مثل اخر سفره لي بدبي رحت سافرت محد دره عن سفرتي اللهم اهلي وخالتي ام ريلي بس رحت ورديت ولا قلت حق الناس اني سافرت بعد انا كنت حامل خفت الناس تطقني عين ولي يومكم هذا محد يدري عنها ماله داعي ان نعلم الناس وين رايحين ويايين والله كانت من احلى السفرات اللي سافرتها الحمدلله

 

[الإسراء]

خيرها بغيرها ان شاء الله

 

[Killer^Girl]

واي الله يعينج صج شي يحر

 

[عيش و مرق]

لوما الحسد مامات احد

 

[دمثة]

حياتي انا لو منج ما اتحجى ما اقول ... انا صرت اسافر نص الاسبوع الي مافيه زوارة ولا شي اف مادري ياربي احنا نستانس لحريم اخوانه والا امي الي ماترضى ابد على احد من جناينهااا لو ربع كلمة واحنا ليش تحط ليش تلبس ليش تسافر ليش ليش ليش
بش شنقول الله يعطي كل واحد ضعف ما يتمنى لي ويعطيهم ياربي على قد نياتهم

 

[نور كوليكشن]

قل لن يصيبنا الا ما كتب الله لنا

العين حق حصنوا رحكم بالأدعيه وقراءة القآن
واقضوا حوائجكم بالكتمان

ومعوضه ان شاء الله

 

[om yousefany]

وي وي وي لاتسافرون مادام جدي يصير فيكم اهم شي سلامتكم دكرتوني بوحدة مسجينة انطرت لها البيت ولمن هداها ريلها مسجينة سوت استقبال وثاني يوم توفى ريلها لا يمعود روحو وردوا بسكات